Choi Kee Noodle Shop

呢間麵檔真係歷史悠久，細細個已經跟屋企人去食。佢喺熟食中心入邊，唔係有人介紹，相信一般人唔會搵到佢。雖然地方平庸，其實佢哋嘅服務都好好，事頭婆仲認得大部份熟客，唔使講就已經知道你食乜。佢哋嘅餸包括豬紅、蘿蔔、大腸、魷魚、冬菇、豬皮、魚蛋、同埋菜。你可以揀粗麵、幼麵或者米粉。仲可以加辣汁，佢哋都幾辣㗎，其實一般小辣就已經好夠辣㗎啦。由於佢哋係撈麵，就唔會有湯，佢哋嘅豉油汁撈埋啲麵同埋啲餸好好味，最推介就係佢哋嘅蘿蔔，同埋大腸，煮得好入味好腍。如果你唔想諗嘅，就叫個雜麵，就乜都有得食！佢哋只提供紙包或者罐裝飲品，如果你想飲其他，例如凍檸茶、奶茶，隔離嘅茶檔可以叫過嚟飲，好方便。