食盡銅鑼灣's Profile

餐廳正在試業中，好多人都抱住試新嘢嘅心態，黎試吓，搞到餐廳好似好多人喺門口排曬隊咁，其實餐廳內職員有空檯又唔放，做出人龍效果，純粹係心理戰。食物價錢都非常離地，咖哩蛋飯冇餸都要$128另加一服務費，共$141。我試吓咖哩汁蛋包飯，完全冇驚喜，蛋冇包飯，只係放隻蛋上飯面，飯就用炒飯底，偏乾同硬而且硬，似係用無限番熱嘅大鑊飯正咁。咖哩汁都係好普通，應該同喺日本超市即食嘅咖哩汁差唔多。我諗我自己煮都係最多$30😮‍💨裝修就好光鮮，好睇，不過啲櫈非常唔好坐，cushion靠背全部喺膊頭位，唔係喺腰位，擺明想你坐得唔舒服，快啲食完快啲走。以格局論，屬於海港城式嘅茶餐廳😭…Read More

和富中心、城市花園一帶，好耐都未出現過新嘅食點，前陣子逛街嘅時候，有新發現，有間新裝修嘅上海小館，同附近一帶嘅舊式食店好唔同，裝修雅致，食物以小碟形式上菜，啱晒二人世界撐枱腳。我就點咗幾個比較花工夫同時間嘅菜式，試下廚師嘅水準！小米軟糕、大蝦醬炒年糕、口水雞、炸乳鴿等。其中小米軟糕，呢款點心做得特別出色，軟糕鬆軟不甜不膩啊！👍🏻👍🏻口水雞香辣適中，加上雞肉嫰滑，令人回味啊！正啊！下次要再Encore 🤩大蝦炒年糕非常入味，年糕軟稔，大蝦都好有份量，食完感覺滿足！最後乳鴿，係即叫即炸，熱辣辣新鮮上枱已經值回票價。😋下次要再幫襯其他菜式。…Read More

今日又去登龍街食日本野做lunch，其實登龍街這餐廳我已經食到差不多，每間都幫襯過一次啦！今日去一間新開嘅未試過，門面裝修企理，因為新店嘅緣故，店內特別乾淨整齊，印象分已經加咗好多分。😊👍🏻我今日選擇了一份炸大蝦天婦羅定食，定食包括沙律錢財、日式蒸蛋、面試湯、雪糕或咖啡奶茶。全部味道都係average 以上的質素。炸大蝦天婦羅，隻蝦非常新鮮，仲係好彈牙，仲有蝦味，唔錯！可惜炸粉厚左少少，唔夠脆口。不過用餐期間，比我睇到有一個10件壽司嘅午餐定食，大概$240左右，魚生質素非常新鮮，望上去與則仍然反光，所以下次一定要試吓。呢間餐廳值得推介👍🏻…Read More

靚鋪、高檔車仔麵！永年士多一直喺元朗做車仔麵文明，一直都冇機會去試，源於一個字懶得搭車就入去元朗。今次係永年士多開到去尖沙咀、銅鑼灣區，我今日一於去試吓啦！通常車仔麵都係，鋪頭細細，座位狹窄，衛生麻麻，今次永年士多擺脫左舊有嘅格局。一入到鋪頭，見到光線充足，明亮，以白色為主色，感覺舒服！衛生程度相當高，值得一讚，感覺全間車仔麵店行高檔路線，今次真係可以發揚光大香港車仔麵喇！講返食物質素，我試咗個豬紅、蘿蔔、牛肚加上溫泉蛋都相當入味。特別要讚嘅係牛肚，爽口又彈牙、味道濃郁，沒有蘇味之餘，雖然係內臟但係又感覺洗得非常乾淨。比起街邊檔，食牛雜安全既衛生囉！如果要返去再幫襯，我會再encore 食佢嘅溫泉蛋、牛肚! …Read More

大除夕晚，一行三人，去圓方食飯，等睇煙花，倒數迎接新年。圓方內，非常多人，好多國內同胞，對比起人流來說餐廳唔算多，六點半過後每間餐廳外都出現人龍，大部份餐廳，價錢都只可以叫貴set dinner. 有驚喜嘅係呢間餐廳，沒有坐地起價，只係平常餐牌，限時1.5鐘用餐，做法相對友善。環境車水馬龍，屬於一般，pizza 就新鮮烤製，有M4和牛做pizza涵料，整個Pizza吃起來份外juicy!! 抵讚！另外cheese plater 加cold cuts 亦都材料十足，百零蚊有齊三款cheese: blue, chedder 同mozzerella cheeses. 大大份，另加三款hams，果jam, 杏脯肉、果乾，配搭相當好👍🏻👍🏻又要讚！…Read More

一直都好想試呢一間店的set lunch, 餐牌上有好多刺身set,價錢都唔平，而今次我就試佢嘅串燒set, 串燒份量相當多有5串，價值係$151計埋加一服務費。為到每串$30左右，你話抵食就一般啦！價錢偏貴，不過佢勝在地點算方便，約朋友食飯就ok. 串燒有豬肉、青椒、牛舌、雞肉咁，連串燒中最受歡迎的雞翼都冇包括在內，有d覺得個餐幾冇誠意。:(味道就above average, 係指定穏陣的好味道，招乎就一般，如果收呢個價錢，我覺得整體水凖只屬於麻麻地，我諗我多數唔會再幫襯。…Read More

前兩日，去咗銅鑼灣登龍街搵食，下午茶時間，行吓行吓，去咗一間星加坡嘅餐廳叫宮保。忽然間喺度諗，香港好少有新加坡菜，一心諗住試吓新口味，其實價錢唔算貴，份量都算合理，我點咗個宮保雞丁撈米線，不過成碗撈米線嘅味道就徧鹹和味濃，醬汁主要係用豉油和蠔油味埋個㳄汁為主，煮法其實好簡單，唔知係咪星加坡徧熱，廚師會特別鍾意煮重口味呢！我就覺得食物質素麻麻，不過環境就舒適，所以即使再幫襯，都唔係因為佢嘅食物吸引，而係想搵一個清靜嘅地方慢慢坐。…Read More

前幾日下午3:00，去呢間小店幫襯，在耀華街小巷裏，店舖不甚起眼，但係三點時間仍然有五六位客人，我心想應該食得個喎。於是，坐咗入店，先知道原來冇下午茶餐，咁唯有叫返正價粉麵啦！一心諗住正價粉麵嘅份量應該唔會太少，點知真叫我失望。我點了一碗雞絲湯麵，雞絲分量唔算多，麵量亦都偏少，收費為$60左右，加想味道屬於中規中矩。所以我不會推介此店，如果收$60以上的價錢，食下午茶餐，比此店優質的，在銅鑼灣選擇還有好多。…Read More

之前幫襯過幾次呢間新派點心酒樓，覺得點心外形可愛，總之能夠逗下小朋友開心，貴啲都唔緊要啦！其實佢嘅點心質素，一直以來都唔算寶石，但之前一直都係好新鮮上枱。還可以覺得不過不失，可惜近呢個月幫襯左一次，發覺水準非常差，餸菜上啲枱是已經唔熱。招牌嘅點心，味道都係平平無奇，侍應雖然係後生，但係做嘢態度散漫，連一碗白飯送上張枱面都係凍。菠蘿咕嚕肉，全部都係炸粉肉嘅比例極少會，炸粉又厚又硬，今次幫襯完，多數都唔會再有下次了！ …Read More

天氣急降，中午吃飯時間手腳已經有啲冰凍，最好就係對住個火爐嚟食飯，行過登龍街地舖，見到呢一間食牛肉嘅小店，由於套餐價錢不菲，大約$150至$300左右，即使係中午最旺嘅食飯時間，都唔係好多人幫襯。我點了一個最平嘅薄切牛肉午餐，套餐包括一個冷豆腐、一個日式沙律、一碗飯、7件薄切牛肉左右，一個小火爐。另加$25 ，就配飲品及炸薯條，整個套餐大約$170左右。食物嘅質素其實相當高，牛肉有牛油香、又有鬆軟嘅囗感，純粹係牛肉件數略嫌小了些。價錢略嫌有少少貴，其他冇嘢好睇！下次我會再去幫襯！呢間店都值得推介！…Read More

萬豪酒店終於喺海洋公園執開幕啦！香港海洋公園其實一早就應該要有一個四正高質嘅酒店去招呼外國遊客啦！酒店開幕一個月，入到去眼見客人唔多，職員都忙於做酒店的執修等工作。今日去完海洋公園後，入酒店lounge抖一抖兼希望避開人群，lounge提供下午茶食物款式嘅選擇並唔多，而且價錢都係屬五星級嘅酒店價錢大概都要二百元左右，不過收得五星級嘅價錢，亦會提供返五星級嘅食物水準同埋酒店嘅質素，招呼係一流，酒店嘅食物亦都係非常衛生，睇起上嚟好靚好新鮮。最值回票價嘅就係個環境，如果想休息下，呢度一定係一個好好非常好嘅選擇。…Read More

已經好耐冇幫襯過呢一間餐廳，今次再幫襯，好多嘢都有好大嘅改善，打俾我嘅新驚喜係，用客人的電話Scan QR code方法落單,減省左大量嘅Order紙、又慳咗人手、有減少出錯。呢個簡直係一個大進步，相信第日香港大部份餐廳都會用一種方法，可能喺內地都已經廣泛使用了！講返食物質素，各款刺身、壽司、炸物、天婦羅都係仍然保持中上嘅質素，屬於上等優質，非常抵食！特別深刻印象嘅係燒羊鞍，調味入味，燒得外脆內軟，令人回味。另外仲有炸榴槤波，非常好味，少甜，榴槤味香，每次去都一定要點。刺身方面，相當新鮮甜蝦、大蝦、帶子、鮑魚、象拔蚌都實在係必點的佳品。中午幫襯就最抵，都係每位$200左右，食物款式多，甜品款式亦都非常多有雪糕、奶凍、tiramisu, 應有盡有，飲品方面亦有勁多選擇，好多都係我市面上未見過嘅韓式飲品。呢一個午餐影真豐富！…Read More

今日係我一個人的午餐，又去到永光中心層層食，我點了一個停烏冬小牛排餐,送兩隻麻胡雞翼，套餐配有麵豉湯，餐前漬物，日式沙律，開頭滿心驚喜，套餐$108，我以為有小牛排就即係有牛扒食，點知餐送到上嚟之後發現小牛排只係d類似肥牛之類的肉，加上湯底偏鹹，整碗烏冬麵都有一啲失色。😥另外，胡麻雞翼，原來只係炸雞翼，雞翼相當油膩，兩個主食都都好一般貨色，令我有啲失望！面試湯、日式沙律嘅味道，就中規中矩。成餐飯，中規中矩普普通通，或者下次再幫襯佢食其他嘢囉。…Read More

星期日晚行過筲箕灣，見到有人龍排隊於是走去睇下，見到一間門面光鮮，又新簇的燒味店，經過店門口，傳來陣陣燒鵝香味。於是為食的我，又停落嚟停落嚟，排隊買返兩份啖啖肉嘅上庒，返屋企加餸啦！😋食燒鵝最重要係皮薄香脆，肉多汁又嫩滑，有d燒味店特別揀一啲好高脂肪量嘅鵝去燒，咁樣就比較容易保存肉質鮮嫩，不過厚脂肪層就會令到食落好油膩。呢間燒味餐廳,燒鵝皮薄又脆,冇乜脂肪,正因爲燒得夠時間lol! 燒鵝仲被木薰過嘅香味，加上個價錢只係$110 ,我覺得好抵食！ 因為比較其他新派燒味店,上庒價錢為到150以上。…Read More

今日跟素食同事，一齊食晏，我一向好少幫襯素菜餐廳。今日一試，令我有新體驗，原來素菜口感唔會好㝰。我點咗個午餐$120有找，貪佢乜都有少少，試多幾個款。全個餐，好全面，有冇味精羅漢果湯，沙律做開始。我選了個點心拼盤：燒賣、菜餃、春卷、叉燒包。食落去有7分似肉做嘅點心，我最欣賞係點心即叫即蒸，春卷即叫即炸，新鮮熱辣，即使係午市時段，客人好多，廚房仍然可以做到新鮮熱辣地起菜，真係要讚！榨菜集菌米粉，味道一般，不過點心拼盤就做得非常出色，甜品係即磨腰果露，係秋天乾燥嘅日子裏面，特別覺得好味滋潤。…Read More