Tai Yuen Lou

和富中心、城市花園一帶，好耐都未出現過新嘅食點，前陣子逛街嘅時候，有新發現，有間新裝修嘅上海小館，同附近一帶嘅舊式食店好唔同，裝修雅致，食物以小碟形式上菜，啱晒二人世界撐枱腳。
我就點咗幾個比較花工夫同時間嘅菜式，試下廚師嘅水準！小米軟糕、大蝦醬炒年糕、口水雞、炸乳鴿等。
其中小米軟糕，呢款點心做得特別出色，軟糕鬆軟不甜不膩啊！👍🏻👍🏻
口水雞香辣適中，加上雞肉嫰滑，令人回味啊！正啊！下次要再Encore 🤩
大蝦炒年糕非常入味，年糕軟稔，大蝦都好有份量，食完感覺滿足！最後乳鴿，係即叫即炸，熱辣辣新鮮上枱已經值回票價。😋
下次要再幫襯其他菜式。