MSAY's Profile

疫情關係少咗出街食飯，趁呢排情況穩定少少就同媽咪一齊出去透透氣。行到邊食到邊,我哋黃昏就去咗太子附近食越南野。 雖然未食過，但一入嚟呢間餐廳，對佢就已經有啲信心，因為餐廳正中間張枱就已經有好多foodpanda嘅外賣order喺度等緊。睇到餐牌真係完全O嘴，估唔到響太子算旺區嘅地方居然咁抵食咁我哋當然會點返越南最出名嘅火車頭牛肉可啦，加上我哋三個人就再嗌多一份法式咖喱牛肋油香飯。嗰個牛河係非常大份，有生熟牛肉丶牛丸同埋扎肉，而且仲有一啲芽菜、青檸仔同九層塔香葉另上，餐廳小小但一啲都唔馬虎。而呢個特色咖喱牛肋油飯個味道非常特別，同平時一般食嘅咖喱味道好唔同，但又有一種似曾相識嘅感覺。我哋仲另外嗌咗越南春卷，油菜同埋意大利黑醋蒜香牛油雞翼。飲品方面我哋叫咗鹹檸七，可能因為疫情關係，佢哋好似珍珠奶茶咁係以密封式去上，感覺係衛生同埋令人放心好多👍🏻由於實在太抵食啦，所以我哋最後都再嗌多一個軟殼蟹青木瓜沙律，咁樣就算我哋食多咗油炸嘢，感覺上多番少少蔬菜都好似健康啲😈🐽三個人嗌咁多嘢食都係$300有找，相信我會返轉頭嘅機會應該好大！😋…Read More

打邊爐最緊要係個爐😂但對於阿佬來説，有無限啤酒同＂脆肉鯇魚腩＂先係最緊要！今晚兩個人，佢就帶咗我嚟這間佐敦的海鮮火鍋店。放工過嚟七點多，到火鍋店後，人流未至爆棚，但真的是男士們一大枱一大枱的較多，老豆心得，多數係唔花巧，抵食之選。百零蚊任飲任食的火鍋不代表無選擇。呢度ge湯底已經有10款，啤酒鴨、椰子鷄丶酸菜魚，但辣妹辣哥的我倆，梗係揀四川麻辣鍋！開始之先，已點了任食的牛肉二款，安格斯牛同手切肥牛，脆肉脆魚腩當同帆立貝。我哋無點丸同蔬菜，係因為除左可以係剔剔紙度揀，佢哋佢有自助火鍋生料雪櫃，丸呀菜呀麵呀都整整齊齊排好，有得自己走去睇邊樣樣靚新鮮就攞邊樣，而且呢度仲有4有排飲品櫃，我飲完兩罐啤酒再飲冬瓜茶(罐裝），真係唔會熱氣。之後再encore 幾輪肉，點埋水餃、水魷，再去埋雪糕櫃攞雪糕，捧住個肚腩走。總結：有時俾D佬帶吓路都有意外收獲…Read More

九龍城係香港ge小泰國，以前阿爸成日帶我哋一家四口去食，近年去泰式超市買料返去煮多D。今晚戚起條筋，search 咗search,就衝咗去擦咗餐泰dinner～鐵板豬頸肉啫椰菜苗馬拉盞上枱時咋咋聲，碟菜面頭全部都係好新鮮好嫩嘅椰菜苗，豬頸肉呢就係墊底嘅，因為咁樣鐵板先至可以煎香D豬頸肉，當我地炒一炒，翻一翻個菜之後豬頸肉嘅數量都幾多，而且因為比鐵板煎過所以仲好香添！香燒原隻扇貝隻扇貝有¾隻碟咁大粒肉仲好口添，有啲銀魚仔喺面度炸得脆卜卜，加上D香蒜，無諗過係泰國菜餐廳食到咁滿意ge鮮，真心好食抵食過西貢海鮮檔。青檸菠蘿沙冰沙冰面有啲菠蘿喺度，飲落唔係太甜，應該冇特別再加糖水，飲完係開胃嘅，今晚食ge唔係熱辣辣鐵板，就係辣同濃味，呢杯沙冰可以清清Balance返件事同refresh吓味蕾泰式青檸梳打泰式青檸梳打都幾新鮮，個酸味都幾出，我諗佢應該響個梳打入面有先落到青檸汁，所以唔係淨係擺咗塊青檸咁簡單泰式燒盲鰽呢間泰菜ge海鮮真係有返咁上下，條盲鰽外面燒得好乾身，但切開入面都仲係好多汁，平時常食泰式鱸魚，酸酸辣辣，但今晚燒盲鰽，唔蘸泰式汁齋食個魚味仲開心！泰皇咖喱法包軟殼蟹呢個咖喱法包軟殻蟹係呢度其中一樣推介菜式，軟殻蟹on side,所以可先試同脆身的口感，咁當然會蘸個汁食，而個汁不過不失，我本身唔係太鐘意椰汁，但呢度＂還可以＂，味道足以令2個人食咗咁多野之後都將成個法包清哂，一D都無嘥野！榴槤冰條雖然食到抱住個肚，但又見有人介紹榴槤冰條，話係必食，所以都’辛苦’自己，嗌咗條2個人share,支冰條係真係有一絲絲榴槤肉ge（但D絲太細影唔到），明白佢真材實料的賣點，所以應該係榴槤迷的選擇！Btw,食食吓仲有live music，聽住即席彈唱，呢個service 同feel都是bonus!…Read More

諾士佛台呢座building我成日嚟食晚，因為有唔少正餐廳！除咗平時食開果然幾間，今晚決定帶my 辣阿媽試間未食過ge--辣吧！一上到嚟，同樓上某D層差不多，一開𨋢門已經有餐廳風格ge佈置，紅加黑為主，配D古代風屏風牌匾洒埕，唔錯！食辣野咁梗係叫定2杯啤酒！呢個燈影牛肉絲好似零食咁，餸啤酒一流，佐酒必點！我平時都屬於無辣不歡，呢碟肥腸辣味唔惹小，係成晚辣野入面最勁的一款(我見餐牌有一系列辣到爆菊花應該堅係地獄級😈)，肥腸口感軟糯扎實，唔係得肥膏，portion都好大份吓而重頭戲當然係有八款海鮮ge麻辣海鮮大咖，餐牌上標明每日都由師傅揀最當季新鮮ge海產，我今晚食ge就有鮑魚，膏蟹，大扇貝，蟶子，花甲，蝦，蜆，魷魚，仲要本身已經拆咗殻，一夾已經食得，好細心。我哋雖然係點咗麻辣，但海鮮ge鮮味仍然好出，所以俾呢個價錢絕對係抵！…Read More

放工出到旺角，週圍都好多人，好彩今日有朋友介紹新餐廳仲book 咗枱，所以目標清晰又唔駛等。一上到嚟，都幾有酒吧睇波feel今晚我哋點咗個晚餐加散叫咗幾樣野食試吓，個餐湯同多士賣相吸引，但佢d plating 相對lady d,係咪要balance 返男女喜好？之後有沙律，真心讚ge佢係有用心機，除咗話用瓶上，入面有唔同顔色食材，如車喱咖，豆角沙律菜，仲有D果味爆醬珠珠，麻醬另上自己調校口味！之後係ala Carte 點ge小食，鹹蛋黃薯角，鹹蛋黃得阿San呢個食均＂黃金＂系列ge專家認證，係有👍🏻，而且佢D蛋黃同脆漿成一體，濃郁香脆。呢個白松露忌廉野菌同carbonara 配温泉蛋就so far so good 咁啦，拮穿溫泉蛋撈意粉，果水潤度ok，唔錯而晚餐主菜有肉眼配法國鵝肝估唔到有驚喜亮點，1/件扒中間仲係粉嫩，絕對唔係港式西餐煎法！2/我真心欣賞賞細節位，佢ge伴菜係有紫蕃薯蓉，配煎蕃茄同搭冰菜，顏色靚，唔係一般餐廳三色菜粒，呢D就係我成日好buy 嘅細心同專業！咁鵝肝係過得去，咁百幾蚊的dry,都唔會要求太多…Read More

星期日7點幾做完ad hoc 工作，兩個人體力透支咁喺尖沙咀搵嘢食，行吓行吓去到K11 附近，就入咗間燈光火著的中餐廳。平時食lunch 呢頭排哂隊，可能星期日無乜office 人，所以唔駛點等位。由於啱啱勞動完，所以二個人都叫咗四個餸慰勞自己！首先有我晚飯必點的黃金系列—黃金蝦。蝦肉實浄，個蛋黃醬起沙起得好靚，啱啱包住成隻蝦，鹹甜味道都好啱。黑椒牛仔骨分每一舊都有半隻手掌咁大，而且仲有六大舊，最啱一大班朋友嚟食，啖啖肉，我哋每人三件係好抵食，但食完好有罪惡感。叫返個啫啫芥蘭煲平衡吓，特別ge佢係用芥蘭苗，所以D菜好嫩，而呢個菜其實都係惹味之選，相對上係鹹身重味！無辣不歡，所以見到佢推介餐牌有川辣水煮肥牛又點可以唔叫！有川菜水煮果種麻香，但辣度始終未及傳統的勁，所以我哋就覺得唔太夠辣，但入門者應該可以試吓最後二個人都可以清哂成枱野（再加二個白飯🐽），除咗肚餓，都代表嘢食味道唔錯，同埋我哋唔係大嘥鬼✌🏻…Read More

今日過咗嚟上環開會，放工約阿San順手食埋飯先返屋企，其實中上環小區都有唔小臥虎藏龍的小餐廳，所以得閒過嚟捐窿捐罅搵吓食都唔錯。而今晚就俾呢個門口吸引住，左青龍右白虎的壁畫，配個金底但英文名字的招牌，幾特別！入到去仲有signage 同牌匾寫住＂我愛慢煮，睇嚟呢度應該主打Sous Vide菜色紅磚牆、木枱配金屬椅子，加上有升半層嘅間隔，空間唔錯，今晚人少少，文青工業風裝潢令人好relax 入到去，staff介紹呢度係半自助式，姐係自己去counter order之後staff 會送飲品野食埋嚟。我同阿San 各點咗杯椰子水薄荷特飲同西柚薑啤特飲，兩杯野都幾精緻，飲落亦都好清爽。小食方面，今晚我哋點咗咸蛋黃醬天婦羅蝦，佢當然無出面咁有個蛋黃醬＂濕＂包住D蝦，但個咸蛋味都好出，而且成隻蝦炸得好乾身好脆，我哋連蝦尾都食埋之後就到左今日嘅重點！呢度出名食慢煮，所以我哋就叫咗個慢煮36小時嘅牛肋骨。佢初頭上枱時候我哋都睇唔出佢係牛肋骨，因為平時食開嘅都係肉連住一舊骨，但佢呢度可能已經將牛肋骨煮得好琳，所以D肉已經軟到同骨分開，可以一件件上(有骨伴返係旁邊）。而且佢個gravy 都好好味，蘸埋肉食，成碟清得好乾淨！最後我哋再叫咗個carbonara, 佢醬汁收得幾乾，啱啱好包住D意粉，而且焗完即上，熱辣辣，D 邊邊的芝士仲微微哋焦，我就最鐘意，全部俾我”liu”哂嚟食！…Read More

近期有好多朋友都推介呢間新開ge餐廳，佢話一去到就會有似曾相識嘅感覺，係我地兒時回憶果種。咁啱有ABC朋友係香港，所以決定今晚去試一試！𨋢門一開，即刻好似返咗細個大時大節一家廿口係酒樓開兩圍坐主家席的記憶，呢對龍鳳不得了！而入面ge感覺有舊式街市老街feel,我可能認得少少，因為我果陣仲細🤫但D舊家用街窗花同D＂伙計＂ge制服，就exactly 係以前婆婆屋企同樓下大排擋咁款！食物方面我哋叫咗個風沙九肚魚，襯返呢度懷舊大排擋。呢個九肚魚真係水平之上，炸得好乾身，但入面又好夠嫩，只要大家有心理準備，食完可能會熱氣因為一食多三碟都唔夠喉。而咕嚕肉唔駛講邊個老外同＂細路＂會唔啱食，所以呢個係今日必點菜色，酸甜又適中，所以上枱九秒九清哂跟住嚟ge係魚湯菜苗，食D菜均衡營腸，保持𣈱通吖嘛，但呢個魚湯真係要讚，因為飲落清甜，相信係無味精，所以唔止菜，連一滴湯都無剩。最後上枱ge大叔焗魚腸，落單前伙計大哥已經提醒呢味菜即叫即整，要等半個鐘，估唔到⋯⋯真係要咁耐，所以想食要付出少少時間同耐性。剛焗完原砵上的魚腸，口感厚實但唔老，味道好特別，唔腥，有D食膶ge味道，講真我就一般，但估唔到ABC朋友叫飯佐住食，我相信佢好OK呢個阿媽年代，宜家比較難食到ge特別菜式！今餐真係充滿兒時回憶，食物又唔錯，相信我一定會再book 位食飯！…Read More

飛甩阿爸，同媽媽咪阿妹一行四人出街街！旺角太子不嬲都多嘢食，但今晚阿妹帶隊嚟ge呢間慢煮cafe 個樣又真係幾醒目，係黃昏日落咗之後，隔住條馬路都見到佢霓虹燈招牌。入到去都有幾多幾有feel 既setting我哋啱啱好四個人，所以一於點Menu上面ge四人慢煮星級盛宴。而第一道係美式搖搖海鮮盤，有青口，蝦，帶子同粟米之後到ge仲有sangria red，由於有揸車，所以再叫咗杯百香果mocktail。之後成個拼盤上，有慢煮肉眼牛扒，入面D肉都仲係粉紅色，我自己最鐘意係烤豬仔脾，個sauce好惹味。仲打埋現家最火紅ge咸蛋黃炸大雞脾兩大隻！蛋黃加炸脾，邪惡感爆燈！差D唔記得，仲有芝士肉醬義大利麵，充滿咸香，都係唔錯的選擇！…Read More

天氣凍凍地，放工係尖沙咀覓食！朋友之前問我有無食過冒菜，我真係孤陋寡聞，無試過。天氣凍凍地，放工係尖沙咀覓食，知道有間冒菜烤魚係附近，所以唔駛多諗，決定去試一試！星期三七點鬆D已經坐滿一半，我見到有人食大碗麵，有人打邊爐，我仍然想試試個烤魚！不過食野之前，我先點咗杯茉莉蜂蜜打打底。原本諗住＂自我安慰＂對餐廳蜜糖期望唔大，不過估唔到杯蜜蜂都有茉莉淡香，見個樣都知＂有料到，唔係味精糖漿，而且甜度也適中。大堆頭大堆頭！我點咗個三峽香辣烤魚，一整條多寶魚加6樣配菜（萵筍，玉子豆腐，雞脾茹，土豆片，娃娃菜，豆卜），超豐富！原本諗住除左魚，無肉，唔知夠唔夠飽，但其實份量都好大盤，所以如果2個女仔絕對夠食！咁我今晚同 my san嚟，我哋都係好辣ge人（特別四川），原本有定心理準備＂香辣＂同我哋最愛＂麻辣＂實有距離，但驚喜ge係呢到冒式香辣都好濃郁惹味，當然一D都唔＂麻＂，但D香口越食越上癮，好彩阿san醒，一早加埋寬粉係底吸汁，真係用到清哂盤，攬住個肚腩走。另外不得不提，職員介紹我哋另加黃喉（係心臟血管部分），口感非常爽口，滾埋落個香辣汁，無得彈，我諗我之後都會加黃喉做打邊邊的必食配料！…Read More

今日lunch group 一行6人，難得有同事出主意話要食西餐。大家梗係一呼百應(因為唔駛再諗食乜)，咁就嚟咗呢間餐廳。Lunch set 選擇都有8款，本身同事係好想鋸扒，但價錢上$188對lunch嚟講有D奢侈，所以大家都放棄咗。而我就揀咗紅菜頭帶子意大利飯，有D天然顔色襯吓，會令人胃口好D。樣有70分但味道就偏淡，都有粒粒帶子肉，但當然談不上係好鮮味，還可還可但咖啡方面就苦澀咗D，唔太對我嘅胃口。跟餐仲有甜品，而今日係芝士蛋糕，咁都唔係好多餐廳lunch set跟甜品，而且都唔算行貨，唔细件，味道都係中上ge！不過我個人非常欣賞佢最初上果個餐湯嘅＂處理＂！餐廳固然食物質素好重要，但待客之道更吸引人心。小插曲係一開始上主菜前佢哋上餐湯，但個湯鹹到我哋係飲唔落，侍應見我哋反應唔太妥就過嚟問，咁我哋老實反映返俾佢知，佢即刻致歉同收走D湯。最有heart 嘅係過再一陣，佢哋再上一次調教咗味道的湯俾我哋，再問我哋意見，其實好似好小ge一件事，但感覺到餐廳真心聽取食客的意見仲即時行動改善，呢樣真係好難得👍🏻…Read More

今個星期同外地返嚟ge朋友過PMQ同d gallery 閒逛吓，所以順道同佢地過中環食個lunch。朋友話返咗嚟差唔多餐餐中菜，所以想食其他菜種，而且佢係食肉獸，咁韓式烤雞價位適中又啱哂佢ge要求。我印象中之前有食過呢間烤雞ge尖沙咀店，中環就第一嚟！可能係星期六下午，餐廳唔算太多人，真係好perfect,因為朋友媽咪住慣外地，成日覺得香港餐廳又細又嘈我哋得三丁人，所以叫咗了3樣野食首先嚟個凱薩沙沙律打打底。個沙律一上枱個陣芝士味已經飄入鼻，啱哂我呢個芝士怪，而且份量都幾大吓，每人夾2輪都仲有剩而呢個牛肉雜菜粉絲都唔錯，佢好ge地方係對比我成日係韓國街頭食ge拌粉絲淡味少少，但絕對係夠味，而且最難得ge係一D都唔油！而最後當然要食烤雞！其實我平時係會點有骨同辣ge烤雞，但朋友見到menu 有鐵板軟芝士底，雙眼即刻發光。不過呢個黑胡椒烤雞都幾濃味吓，佢蘸滿醬汁仲keep 到脆身，menu 上佢係中度辣，不過可能唔係辣椒果種辣，所以只我feel 到微微哋ge㷫。但朋友就滿意到好想encore,只係食唔落😏…Read More

今日諗住shopping 吓，所以單拖食lunch,可能食完幾濃味ge日式咖喱飯，心血來潮想飲杯野清清陣咖哩味。呢間飲品店好熟口面，除咗尖沙嘴應該係其他地方見過，我一入門口就見到promo緊桂花珍珠ge飲品！貴為＂奶精＂ge我想飮吓茶（畢竟係想refresh吓去咗咖哩味)，所以點咗杯鐵觀音拿鐵配珍花珍珠。桂花珠珍好彈牙QQ，而且桂花味好清香。咬開粒珍珠係真係有桂花碎，所以「感覺」上無咁假。佢ge茶其實都可以，算幾香，但奈何太甜了，咁當然我本身係無特別order少甜，因為咁先可以試到間店Set ge標準，所以經此一試，下次應該會要求半糖。佢仲有幾款唔同ge珍珠，有機會都可以再試吓！…Read More

天氣凍凍地，最啱打邊爐！但係又唔想打中式邊爐，朋友介紹話依間泰式邊爐最近轉左Menu，所以就同阿Mei 去試吓。依到可以揀先食雞煲後打邊爐，不過為咗我哋終身減肥事業，我哋就唔食太多肉，就咁揀咗椰子雞湯同冬陰公湯底直接打邊爐。雖然依度係任食，不過落完個套餐會上兩款前菜（泰式豬肉碎生菜包同泰式鳳爪)，之後會上一份火鍋料，如果唔夠飽可以再追加。個套餐啲配料都幾多款，有肥牛，黑豚肉，排骨，豬頸肉，泰式丸同手打丸，當中最特別嘅係泰國直送嘅舔肉丸，酸酸地好有泰國風味。除咗肉我地仲追加咗海鮮盤，有蝦，鮑魚，扇貝，蜆，青口，蠔，七十蚊黎講係非常抵食！基本上食完個套餐加海鮮盤都唔係好洗再追加配料，但基於甜品係另一個胃，所以都有岀去岀面個甜點bar到拎甜品！係非常滿足嘅一餐！…Read More

呢排少咗同阿媽出去覓食，有朋友知我係大圍友就介紹咗呢間新餐廳，咁我就近近哋同阿媽去食，紓緩一下佢ge投訴加自己的罪疚感。間餐廳係工廈入面，雖然話隔咗條＂河/渠＂，但火車站行過去唔駛10分鐘。叫得做＂豬手工房”,咁一定要叫佢ge招牌菜-脆爆鹹豬手。上枱賣相唔錯，仲係原隻上，有酸菜同芥末伴碟。味道唔太鹹，豬手皮香脆得嚟仲有D𡁻口，所以呢個招牌菜只要你願意花少少時間等，係絕對值得。炸魷魚圈配沙律醬不過不失，顔色上炸得唔錯，如果可以再鬆脆D就更perfect!由於佢地未有酒牌（ 德國豬手expect 配啤酒），所以點住芒果蘋果0%啤酒同熱情果菠蘿0%啤酒飲住先，即場調製，果味ok,係浄咗’酒‘味（呢個monent我認我係酒鬼😜）佢哋其實仲有戶外坐位，環境都唔錯，見到已經有一大group人係度好似party 中。所以我選擇坐室內。…Read More