Lunch set 選擇都有8款，本身同事係好想鋸扒，但價錢上$188對lunch嚟講有D奢侈，所以大家都放棄咗。
而我就揀咗紅菜頭帶子意大利飯，有D天然顔色襯吓，會令人胃口好D。樣有70分但味道就偏淡，都有粒粒帶子肉，但當然談不上係好鮮味，還可還可
但咖啡方面就苦澀咗D，唔太對我嘅胃口。
跟餐仲有甜品，而今日係芝士蛋糕，咁都唔係好多餐廳lunch set跟甜品，而且都唔算行貨，唔细件，味道都係中上ge！
不過我個人非常欣賞佢最初上果個餐湯嘅＂處理＂！餐廳固然食物質素好重要，但待客之道更吸引人心。
小插曲係一開始上主菜前佢哋上餐湯，但個湯鹹到我哋係飲唔落，侍應見我哋反應唔太妥就過嚟問，咁我哋老實反映返俾佢知，佢即刻致歉同收走D湯。
最有heart 嘅係過再一陣，佢哋再上一次調教咗味道的湯俾我哋，再問我哋意見，其實好似好小ge一件事，但感覺到餐廳真心聽取食客的意見仲即時行動改善，呢樣真係好難得👍🏻
