爆LIKE王's Profile

兄弟話要同我食農耕記，仲話要親自車我過去添，我秃然菊花一緊，領悟到：”兄弟黎找對象，可惜我太善良”，就情不自禁應承左佢。自從事忙尿多後，我都不知幾耐無同兄弟聚舊，不過，就算幾耐無見都好，兄弟始終係兄弟，正如：就算日後從良，夜場既女始終都係夜場既女，點會仲有道德光環?1. 松茸土雞湯$48- 原個燉盅好夠熱，又多又足料- 鮮甜，不過燉雞會多油- 鮮雞/圓肉/杞子/紅棗/松茸2. 招牌湖蝶魚$128(走辣少油)- 我地叫健康版，少油仍感覺頗油，魚質煙韌無骨，細細啖容易食- 農家有種植感覺，紅蘿蔔/蔥蒜/青瓜，切片切粒爆香，下次再試少辣或更惹味3. 清炒毛白菜$58- 大大碟，家常菜感覺，但仍頗油，勁多蒜頭爆炒，又香又熱，蔬菜爽口夠新鮮，切得唔會太棵或太碎，剛好一啖放入口4. 鹹蛋黃燒麥$39- 北方燒賣?頂部包皮位厚粉，乾身漿口- 3粒好大嚿，內有半粒鹹蛋黃，蒸出黎無黃油唔算香，特別讚糯米飯涵，炒得夠香又飽肚5. 鮮燜腐皮$88- 又係家常菜大碗，鮮腐皮厚身燜得夠冧- 長蔥爽，加埋大份炒蛋打底，蛋味濃，唔會炒得太老，又一道好飽肚菜式6. 霸氣玉油柑$29- 1L超大杯，兩人share都夠，，加入2粒鮮青檸，微酸清甜解膩7. 泰國茉莉米飯$12- 粒粒分明，唔會太濕太冧太硬- 不過未算好有飯香，見隔離左右多檯都叫「高壓鍋紅薯粉$49」，原個飯煲上檯，大大煲真係好家庭feel，好吸引加埋蕃薯飯更健康8. 細節位：服務到位，主動加水，沖茶倒水執檯，紅棗茉莉菊花茶，淡淡茶香，清新又養身價錢唔太貴，份量夠，環境寬敞舒適，唔限時，唔太嘈，談心好地方農耕記進駐香港，越開越多，而家好似有6間。湖湘風味鄉下菜，想吃的就不過是一個"鮮"字。”明明兄弟黎找對象，可惜我太善良，我也想見佢，呢句才算真相”…Read More

正所謂：TVB搞左個處女黨，尖沙咀開左間匠心廚房，今晚想吃廣東菜，OPENRICE又推介，活動地點又近尖沙咀，又幾新淨，我又...都係唔寫咁多'又'，容乜易變左況天佑，一諗起況天佑，又諗起馬小玲，一諗起馬小玲，又諗起D人話打跛雙腳唔使憂，但如果馬小玲被人打跛雙腳就要憂，佢對腳咁靚...oh no...結果都係寫左好多'又'字...扯...遠了，好啦，既然新餐廳未有人寫食評，就等我又黎破處(應該手民之誤，處又豈能破兩次?唔通你今次結婚我黎唔到，你下次結婚我早D到?)空無一人，這間餐廳，(冷氣)風吹過來，冷冷枱面，我輕輕抖落鞋裡的沙，看著我的腳印，OH，一個人，一步步，好寂寞...岩岩唱完首歌，一轉角，就係廁所門口碰見了老闆，好采前後腳去者，差D同佢肉帛相見。滋補足料燉湯$38：一黎即有熱辣辣燉湯飲，杞子、粟米、豬骨，又真係滿滿一碗足料燉湯。麻辣牛孖寶$78：這對孖寶兄弟，係由牛腱、牛筋結合而成，牛腱肉即你大腿上的肌肉群，不帶肥脂，有多種食法，係中醫角度黎講，牛腱確能補腎益精，今次混合牛筋的勁，麻辣的辣，拌飯一流。七味黃金豆腐粒$48：粒粒金黃，外皮夠脆，內裡發熱，十足我的熱情，好像一把火，燃燒了整個沙漠，小食小嚼，七味上了舌尖。上湯菜膽雞$128：本來點菜的時候，我腦海的畫面是砂鍋雲吞雞，結果上了上湯菜膽雞，自此味覺與感覺活在兩條平行路，搭錯線添，嘟...打打下，就突然發現自己打到手軟了(我係話打字)，決定寫埋最後一個就封筆，費時遲D硬不起來(隻手)：金蒜銀絲蒸頭腩$158：金蒜銀絲百搭，蒸扇貝又得，蒸蟶子又得，蒸龍蝦又得，今次用黎蒸頭腩一樣夠入味，不過，始終唔夠譚伯粉絲蒸頭腩咁正，令我係度諗，林敏聰首愛在深秋，其實係咪寫漏個"做"字?…Read More

正所謂："計劃勝於治療，廁所用黎痾尿"。我們午餐時段，已經計劃晚餐。兄弟一黎Whatsapp ：大丈夫？我即用一口流利過"想節能，能能能"的日文回覆：大丈夫!點知中左伏，原來發現要排隊，凡是要排隊既餐廳，我係絶対絶対絶対唔會食，因為我不嬲覺得男人的時間係用黎搵大錢的!!!我突然心生一計：我就搵兄弟黎排左先，我見客會遲D到呀。咁我就既唔使排，又有得食啦。(在此拜謝兄弟偉大的壯烈犠牺)。油甘魚刺身 $55：張開嘴，啊，才吃上第一口，我有種頓悟的感覺：師傅，明白了："人的快樂在乎學曉等候"。入口即溶，加上厚切的口感，一級棒desi呢。鰻魚丼 $98：這是兄弟的選擇，他不斷重覆著好吃，又後悔著沒有選擇$158更厚身的鰻魚，滿足更飽滿的口感。看著他食得如痴如醉的樣子，我似乎又明白了。香港人即使排隊也要吃，是因為香港人的快樂，不過只是為了嚐上美味的這一口，吃上美味，未必的是全部的快樂來源，但絶対是其中一個主要的快樂來源。燒鯖魚定食 $88：定食，伴隨著蛋、飯(轉烏冬加$15)、沙律(唔夠仲可以免費添)、鯖魚一向是我的選擇，貪其干香的肉質，不算多骨的燒肉身，點上幾滴檸檬，錦上添花的程堪比搽上印度神油，直不甩，不過由於劈腥的關係，鯖魚鹽分含量會較重手，注重健康人士須注意。還點了一些小食，增添美味：北海卷 $30、火炙玉子 $14、天婦羅南瓜 $28。八點半入座，九點半食完，人潮剛好散去，咁係...走先啦係咁先啦下次再玩啦!這一餐沒有特別邊吃邊寫食評筆記，因為好吃的東西，不用刻意記下，你的味覺自然而然地，為你的人生，留下深刻的印象及味覺回憶。…Read More

八月二十一日，太陽伯伯熱力在四射…射到我一面都係…汗水，向來害羞的我即刻 “你追我躲，晒得我就赤裸，你清我楚，晒熟左我個波，晒蘿，晒蘿，現在只好晒蘿“ 。身處上環的我，走著走著就累了，累著累著就笑了，笑著笑著就瘋了…好采我仲未瘋得晒，拿拿聲大大步趕上正好在身邊經過的叮叮，坐上上層位置，任由叮叮時快時慢的速度，拂吹我臉，終於能享受一絲絲不羈的風，“停住這風Oh Baby 長夜抱擁 Oh Darling “叮叮沿路的風景，上環一間間號稱幾十年的老字號映入眼簾，越走越讓我沉浸在舊日的時光，一直‘’祈待著和你　經歷最好時光　可以嗎‘’突然眼前一間貎似老字號門面甜品店，令我瞬間蘇醒，即時決定下站落車，就算要走一段回頭路，都阻不到我此刻要冰涼口感的決心，正所謂：好馬不吃回頭草，天熱就搵甜品舖。簡單的白枱櫈，看著就很乾淨舒服，再加上下午三點的甜品下午茶，只得兩枱客，最能享受少人的清淨。即點幾個凍甜品，冰涼一夏：木瓜燉雪耳$38: 只要能解凍的，來吧，我甚麼都應承，尤其木瓜雪耳這類的冰涼甜品，是甜味與滋潤的結合物，是冬天與夏天的混合體，熱的秋冬潤肺，凍的又能消暑解渴。木瓜含有豐富的胡蘿蔔素，雪耳含膠原蛋白，我同時含著木瓜同雪耳，呢d係咪就係所謂的一含兩味。甘露小丸子蛋糕$46:淡香甘甜的甘露，碰上軟糯香甜的小丸子，獨有的內涵，讓我久旱遇甘露。珍珠奶凍蛋糕$52:用船形的杯承載著雪糕、珍珠、蜜瓜、西瓜，似是店主期許著我們都像躺在一艘船上，享用這一甜點，奶凍像sir滑梯一樣sir落我喉嚨木瓜奶$28: 明明是我點的，但女人話：‘’我又要飲。‘’我又習慣性咁一野得埋去：‘’幫補到咩？？？‘’，即時見到女人一拉黑面，我似乎又奶野，即時補穫：‘’得既得既，只要有恆心，奶奶變黃金，嫲嫲有錢分，啜到牙都崩‘’經常9唔搭8的口部運動，又令佢笑返，得左。這區多是殘留著歲月痕跡的老字號，我懷念，懷念往年……Read More

兄弟拍拖了，再要約兄弟就要等，我等到林志玲都嫁出去了，還未等到兄弟來赴這一年之約。拍拖這事一旦開了頭，就等於跳下了懸崖，向下大嗌一聲都不見任何回音。兄弟於米走雞Live重逢，話別當年，分享殘酷的感情世界，女人，有又煩，無又煩，尤其兄弟極重感情，像我這樣跳出三界外，不在五行中的，基本上可作超渡，因為我極忽略愛情，有如沙漠之乾涸，六年不見雨水來，正如兄弟Whatsapp我："中學果時，我都成日上樓上女同學屋企" 屋企兩個字唔知點解，就會自動在我腦海裡忽略左一樣，誤會左佢添。上到The Wave 3樓，原來一地兩舖，經理問我們排哪一間隊，聽其語氣，兩間當屬同一集團，一間做西餐，另一間做雞煲，來之前，心中一早所屬風情萬種的雞煲，可以這樣說：如果雞是地心吸力，我絕不抗拒。不同款醬料率先放在面前，讓你先選擇醬料後，上一個重醬炮製的火焰麻辣雞煲，經過一番點火表演，小雞雞翻滾吧，再"經過一些秋與冬"，小雞雞發出咕嚕咕嚕的聲音，那種聲音，"橫街內讓我面紅"，然後被我狠狠一口咬下去的小雞雞，雞味相當濃郁惹味，軟滑略帶咬勁。雞煲過後，配上高湯，混搭新鮮食材，一份接一份，精彩紛呈，都說不是我戒不了雞，而是戒不了雞雞的那種肉質感，正如：也不是我戒不了色，而是我戒不了與你的那種親密感。豆卜(半份) $48 /  翡翠苗(全份) $34 / 紅薯粉 $16 / 出前一丁 $16鮮製韭菜餃(半份) $32：晶瑩剔透，絕不讓其熟爛，即送入口中。Wasabi鮮墨丸(半份) $43：鮮脆爽口。蜂巢冰豆腐(半份) $24：蜂巢狀的豆腐外形，冰著入雞煲，像海棉吸收著雞煲的濃郁湯汁，咬下去層次分明。在辣辣雞煲面前，平時溫文爾雅的我們不禁被這種風味厚度"無端為你動容"。…Read More

自從兄弟愛上了第二個女人，沉左船之後，我們兄弟的關係，就像風吹過黃葉落一樣，鳥過後無痕跡。話晒都曾經一起打過飛機呀，係咪先?未一起打過飛機，點算走進兄弟的內心呀?我地激烈地爭鬥邊個打得勁多，飛得勁遠，那一款PS4飛機遊戲，仍深深烙印在我腦海裡，如今這算甚麼，我是否這麼討厭，只知道付出，以後都不知怎算，還不知道吃哪一間店?咁無辦法啦，唯有奉行月經原則：每月經過甚麼便吃甚麼。饞•台式幸福食堂，恰好符合成為我的月經原則的首選。藥膳排骨 $99(台灣蓬菜米+新竹貢丸豆腐湯+藥膳排骨)：越奉行月經原則得多，越覺得自己會容易失血過多，所以點選藥膳排骨進補下，以御春去濕毒。湯味帶甘，排骨夠淋，以為自己終於練成了棉花口，使出我棉花口，又吃掉兩件。鹽酥雞 $80(滷肉飯 燒仙草)：吃一口饞食堂珍珠奶茶(+$20)+嘗一啖鹽香脆的鹽酥雞，仲唔係台灣夜市的標準配搭?我懷念當年去台灣旅行，單純而美好的小幸福，不過隻雞的樣子就...嗯...熄左燈都是一樣的。滷味拼盤 $68：滷牛筋+滷水雞翼+滷水蛋+滷水豆腐+成為這碟滷味拼盤，看到就恨不得即刻吃上一啖，感受你們滷味的、實實在在的存在感。炸梅粉地瓜條 $26：地瓜咪即係蕃薯，呃唔到我既。台灣的美味秘密就是總能夠夠將食材適當份量，然後作巧妙地配搭，地瓜的香甜味，薯條的形狀，再由梅粉帶出的甜酸味，吃到滿嘴都是橙色。兄弟，隨便你今天拼命愛上誰，我都會坦然面對。究竟要唱上幾多首歌，吃飽幾多頓，才能夠填滿走失兄弟的空虛。話說一段關係，前面笑得有多開心，後面就會哭得有多沮喪，真的嗎?…Read More

自從發現我塊面既皮膚比起白滑KOL阿B更加白滑後，一直未有勇氣浮上水面，呢期咁紅，個個走黎摸仲得了既，不過順住面摸落去，就摸到我唔細既鬚根，其實仲有D粗曠而唏噓添，心諗夠膽摸我咪吉佢羅，再唔係學柳生咁，係餐廳反佢枱羅，唔係咩啊，帽事既。諗到呢度，我終於可以憑我徹底的鬚根，"吉"是最大權利，去睇一套係具有娛樂性的物理學電影，連電影戲名都具有對稱性的TENET(天能)。人類對於對稱的東西有著不可理喻的沉迷，連食香腸，我都覺得食2條香腸會比食3條香腸更加好食，唔對稱我唔食架，這或許解釋到為何兩個女人總比一個女人吸引。講起食，就有D肚餓添，女人頻頻說睇唔明天能，話"為何沒一個快樂地方，可虛渡剩餘時光 "，於是求其找間食點心既仝堂茶聚，坐低聽我慢慢解釋。其實，天能係基於悖論而編寫既電影題材，所有野都係矛盾的，沒有前因後果，因為既是前因，也是後果，會發生的，始終都會發生，就如星際啟示錄所說的墨菲定律："不代表壞事一定發生，而是說該發生的就會發生。"劇情的高潮位是站在過去與未來的交接點，互換當中的概念，以一個大Boss之死拯救整個世界，因為女主角早已看穿了"男人那本性是這麼醜陋"。酸辣無骨鳳爪(1-2人)$59：飯前叫一個"能被雞腳啃啃啃啃骨頭師無限憐愛，即使不見光"啃出黎的無骨鳳爪，醬料入味，Q 彈軟糯，酸酸辣辣，幫助開胃。蝦醬生菜煲$79：加兩勺蝦醬燜煮出來的蝦醬生菜煲，清甜爽脆。魚鬆魚湯米線$89：女人吃兩啖下去，嗯，驚呼真係有魚湯鮮味的米線，這一種湯與米線糾纏在一起，"其實要抹殺情感，離開才更罪過"。麻辣汁蟶子(1-2人)$79：蟶子早已沽清，嗜海鮮的女人，就算蜆照殺，唯味不是很辣妹子。桃膠杏肺湯$59：女人話此湯補肺、養陰、潤燥，湯香味濃，不過便秘，痔瘡者實在不宜多食，佢問我有無，於是我認真在想，想著想著就想歪了，啊唔係，是想偏了。金雞獨立$299：雞，一向是男人既最愛，我以為燒住上枱面，原來係插住上枱，貫通雞頭雞patpat，而雞頭部分，猶如琵琶半遮面，雞身則皮光肉滑，好似識發光咁，它那光脫脫的肉身誘惑著我，我終於忍唔住啦，戴套手撕一隻雞脾咬下去，跟住我終於明白點解咁皮光肉滑，原來未熟透，原本以為牛扒先可以7成熟，不過可能時代發展得太快，現在連雞雞都可以咁樣，皮脆不一定熟透，表面也不等於內裡，皮還皮，肉還肉，男人在這方面還是分得很清楚。"誰在情路裡，別無二心"，就像身體健康一樣，我們都知道它重要，然而，我們偏偏不這麼做。…Read More

那一天等了又等，陽光穿透她尾端的秀髮，射進了我的眼晴，剛巧遇上了那一陣清風，鼻子因而聞到一陣洗髮水的清香，她終於出現了。我知道她想吃廣東菜，特意帶她來吃鳳城1954，天性多疑的女人帶著懷疑的目光："你咁熟既，係咪帶其它女仔黎過?"我唯有急急如律令解釋："我自問了解我為人，雖然我做到善解人意的地步，但是未至於達到善解人衣的程度。" 蟲草花燉豬展湯$58：紫砂壸，的骰杯，如飲茶般飲湯。雖說蟲草花，蟲草花卻不是花，正如熱狗也不是狗，而是一種真菌類，功效近乎冬蟲草，清甜、滋潤、養顏。金皮炸子雞(半隻)$168：炸子雞是鳳城招牌菜式，經由塗抹醬料猛火油炸的白切雞，而雞皮的飽和脂肪在高溫之下不斷被燒而不焦，呈現出金皮，皮光肉滑，猶如見到一個個戴口罩的女人，見到都流口水。脆皮BB鴿$58：本來已夠飽肚，但一想起BB鴿的花容月貌，再想起可以沾上少許五香粉與花椒粉混合的華鹽，對它的思考就有如水庫泄洪，洪流滾滾，好似男朋友對女朋友講想食左佢落肚一樣的感覺，不過，上枱後，雖然BB鴿尚算脆皮滋味，但是他們竟然說BB鴿夠味，不須華鹽，我的感覺就有如見到一個除低了口罩的女人一般失落，而家咁多病菌，做咩要除口罩啫? .蒽花陳皮蒸頭腩$128：頭腩即是魚的頭肚，切成一舊舊，魚肉爽滑，口感頗佳。蝦多士$40：多士的穌脆，蝦的鮮甜，毋怪乎能成為另一道招牌菜。每個女人都是男人的太陽，隔著一定距離，感覺是溫暖的，但過於貼身的話，感覺熱力四射，令人慾火焚身，好想除衫，尤其是：戴著口罩的時候。…Read More

特別日子特別慶祝，正如"特別的愛給特別的你，你的口味逃不過我的眼晴"。辣味的刺激一向是女人無法拒絕的誘惑，號稱選用最辣的重慶朝天紅花椒的渝味曉宇重慶老火鍋，自然而然成為當下身處荃灣如心廣場的最佳選擇。麻辣鍋湯底($38/位)：由於我每次碰到一點兒辣，patpat都會開出一朵朵燦爛的菊花，更何況用花椒配合幾十種香味炒製而成的湯底呢，結果都會是一樣，正如朋友每次追女仔的方法可能有所不同，但她們的下場都是一樣(冤枉呀大人，我講緊我朋友呀，唔係講緊我自己呀)，所以最好大路朝天，各走一邊，女人很顯然會挑選辣得過癮兼紅湯透亮的麻辣鍋湯底，而我就挑選了番茄配大骨滋補鍋湯底(內含少量金菇菜)，畢竟弱質纖纖的我還是承受不起菊花那麼的燦爛奔放。美國安格斯優質肥牛(半份)$119：安格斯牛是英國古老的品質肉，油花分佈均勻兼細膩，即油脂和瘦肉之間相互交織，使得肉鮮嫩多汁，並非市面上的薄肥牛可比。曉宇手打三寶丸(半份)$49：自家出品的手打三寶丸，即牛丸、墨魚丸、蝦丸，色相渾圓，口感緊實、爽滑彈牙。海帶(份)$38/窩筍條(半份)$17/鮮竹笙(半份)$32/凍豆腐(半份)$17：都是新鮮的食材。鮮活海蟶(半份)$39：又一道女人心愛的海鮮菜式，海蟶吃下去肥美無沙，表面光亮、顏色淺淡及花紋清晰者的海蟶為之最靚，但是對我而言，炒海蟶比起邊爐海蟶更能帶出肥美的肉感。田園菜籃(半份)$42：菜籃上有油麥菜、娃娃菜、皇帝菜及唐生菜，都非常新鮮脆嫩。鮮蝦雲吞(半份)$32：皮薄饀靚，不宜浸大久。炸豆皮(半份)：挑選秋季大豆作為原材料，聽聞是由經由200度的大豆油炸至金黃，呈現薄如紙的質感，如響鈴那般，浸十秒已可起錨，脆卜卜的豆味。自製洛神花茶(杯)$18：用以解辣，因其能起到祛火清熱、止渴生津的功用。紅棗銀耳羹：理應一開始送上，但侍應好像沉迷，要一追再追，才能夠品嚐暖胃養生、清潤甜味的紅棗銀耳羹現在人人都帶口罩，(看似是)美女也真的多了，看到我眼花繚亂，但是出親街望靚女，女人的眼光總是快過我，因為每次有靚女時，她總是先啤住我，其一，啤我係咪睇靚女，其二，係想兇我：夠膽你就望!!!但我想講，傻豬黎既，其一，本來我眼中只有你，但你這樣反而提醒了我有靚女望，其二，我望住你時，我的眼角餘光仍能將那女人抄牌，呢招叫望東看 西，偏偏在這一方面，我早已修練成精，阿彌陀佛，罪過罪過。…Read More

最近兄弟家中請了工人姐姐，聽聞好多菲律賓男人都住大屋養番狗，日日泳池開P，我因而冒死進諫兄弟，強烈要求佢比我做佢工人老公，其激動程度，簡直堪比唐朝魏徵冒死進諫唐太宗，要求生產活絡油一樣（仲有唐太宗膏一樣咁有效 ）。自古以黎，香港男人最想做兩種人，一係就係做皇帝，後宮佳麗三千；一係就係做菲律賓工人老公，留低老婆係香港工作，自己返菲律賓。前者係發夢，後者只是一件希望在明天的事，雖然外表......但是，正如麥玲師傅咁，佢係Sell樣，唔係Sell身材架嘛，淨係睇身材唔睇樣咪蝕晒大本羅。兄弟仲考慮緊，所以，都係搞掂今晚餐飯先：1. 龍川小籠包(4隻)-$33：即叫即蒸，熱辣辣夠濕潤，外形頗大隻，但包皮厚薄不一，口感比一般Q彈，頂部摺位過厚略嫌煙韌。好處更鎖住肉汁不易漏走，肉質尚算香濃嫩滑。2. 上湯津白菜-$24：份量算多，津白菜煮得剛好，清淡爽口，配熱燙上湯更顯鮮甜。3. 花雕酒醉雞菜飯-$60：雞件斬得頗碎，皮與肉飛散，還好皮薄嫩滑，不太肥膩，酒味香濃，醇和帶甜，增加胃口。4. 蒜泥白肉菜飯-$52：肉質偏瘦，皮厚肉韌，雖然蒜香撲鼻，但蒜粒太生入口很辣，夾雜脆口青瓜絲，算可中和一下辛口感覺，亦勝在墊底鹵水汁，為又瘦又韌的肉片，增加香甜味道。而跟餐兩碗菜飯，碎菜粒不太多，弄得比較乾身，不夠香軟且有少許飯焦。5. 黑豆漿(凍)-加配$7：正遠荳品這個香港製造牌子，間中在街市見過，豆味濃滑，鮮甜不漿口。走的時候，我“祈求兄弟放過一雙戀人，要發生的就讓佢發生"。 畢竟，我服侍好他的工人姐姐，工人姐姐才會服侍好他們家裡。…Read More

自我隔離14日後，感覺過了14年，發現鼻窿大左，鬚根硬左，連腳毛都長埋，好采見到細佬仲係度，嚇得我呀，咁多日無見，仲以為唔見左...終於可以出山闖蕩江湖。以前陪女人已吃過一次梅花邨小館，所以，"LADY LADY ONE MORE TRY， 再試著了解我的愛"，看著這間餐館屹立不倒，襯托著我的屹立不起，真係相映成趣。女人在吃飯前遞給我一枝酒精搓手液，我心想："太久沒外出吃飯，我不想要酒精搓手液，我這一刻想要酒精更多一些"。1. 茶芥&前菜(咸酸菜)-$20：水滾茶靚，再奉上潮式小食，送上檯前遠遠已聞到咸香酸菜，切成大大粒，十分爽口，做法雖簡單，但同時夾雜咸酸甜味帶入口裡，頓時提升胃口，增加食慾。2. 碧綠川椒雞球-$80：小時侯吃過多次，擺盤賣相吸睛，每家煮法大同小異，主要伴碟多是炸脆珍珠葉，也見過以紫蘇葉/菠菜葉/九層塔代替，各有不同香草菜葉輕重味，來到正宗潮洲菜館，見餐牌有此菜式，即成為心水一號，急不及待叫職員先落單回味一番。珍珠葉炸得翠綠香口，重現小時吃過的回憶，味道淡淡，卜卜脆脆。突然問題發生啦!~夾起的竟是大大串連葉連莖來炸，一般細緻是要將葉摘下來，分開細細片才做到"少少咸，多多脆"的口感，所以這道菜要即時扣佢50分先。而川椒兩字令人聯想很辣，食落其實並沒帶辣味，據知是加入川椒粉調味，將配料混炒成醬，加入大大片雞肉，非常嫩滑惹味，食到舐舐脷。  3. 梅菜扣肉-$90：同樣是潮州菜常見之一，這道菜式選料重要，五花肉要肥瘦適中，配合正宗靚梅菜，烹煮數小時，吸收並散發油香才算成功，上碟送來看就知水準十足。先看賣相醬紅油亮，五花腩分層相間，一層肉一層膏，墊底的梅菜也帶陣陣鮮香。扣肉食落滑溜醇香，肥而不膩，肉質鬆軟，梅菜多汁又夠淋，吸收肉汁精華，兩者配搭恰到好處，送飯一流，即時想爆出一句："小二，我要打十個，比十碗靚仔來"。 4. 白果芋泥-$28/位：潮州馳名甜品，聽就聽得多，食就未食過，今次野生捕獲，據聞做法複雜，白果以糖水浸過夜，而芋泥蒸溶後搓爛，再炒乾身才成芋泥，弄不好就容易炒焦。整碗芋泥佔很多，稠糊結實，有點倒汗水，而白果粒粒軟糯，兩者微微輕甜。如果改良一下，弄得更綿滑流心，加多一點甜，賣相花點心思，定會更吸引。5. 福果綠豆爽-$20/位：又一款潮汕甜點小吃，賣相通透稠身，以冰糖水及馬蹄粉勾芡，簡單以開邊綠豆拌煮，適合夏日驅暑利水，潮人至愛，而這個味道淡身，微甜且較黏口稠身，充滿粒粒綠豆，名符其實食完梗爽呢！這店環境光猛，裝修簡約，整潔舒適，木牆木柱掛著山水字畫，一邊欣賞一邊慢嘆，是個聚腳聊天，閒來飯局好地方。眼見左右隔離食客，都比平常更多說話，更大聲講大聲笑，忽然覺悟幸福健康，難得平淡已感恩萬分。細細聲話你知，我小時候的志向是做醫生，因為很希望可以救人，但是後來才發現我不做醫生，救既人會仲多，所以，辛苦今日的醫護們繼續替我承載這一份使命感。…Read More

夜黑風高殺人夜的一個晚上，我對著電話Whatsapp錄音，深情地唱著"別問我是誰，請與我相見，我的真心沒人能夠體會"可惜她還是一口拒絕了我一片真誠與真心，為此，我沉思了很久，還是不明白"像我這樣本質靈魂的男人不多，為何還要讓我難過"。翌日見完客後，咁唯有自己一個去環境簡約，骨緻的圍威喂啦。1. 炒鹹牛肉厚蛋吐司：厚蛋的嫰滑，但吐司仍然感受到脆口，吐司包皮金黃，啊，唔係，係表皮金黃，蛋和牛肉煎得夠結實，成個大隻佬咁，再幫大隻佬搽上薄薄的牛油，保證係女人都流口水。2. 巴打凍檸茶-+$3：正所謂：如果生活給我一個檸檬，我就嗌杯檸檬茶先。茶味淡身，香而不澀，特別心思在外間少見，加片青檸拼出西柚果香，味道微微酸微微澀，飲到我一路對住yanny微微笑，一路問佢今日係咪19號，因為我開始有點兒懷念當年的19號。被女人拒絕真係好Hurt的，男人同女人之間的關係就好像鼻哥窿和手指公，鼻哥窿痕癢在哪裡，手指公就出現在哪裡，鼻哥窿可以拒絕手指公的撫癢，手指公卻無法拒絕鼻哥窿的誘惑，再這樣下去，舒服既係鼻哥窿，辛苦既就係手指公。…Read More

為了找一個地方，能與女人"靜默時簡單的對望，然後發展，逐漸的交往"......來到了前身是瑞士咖啡廳的叉燒丼家，新裝修十分亮眼整齊，市面上繼以麵包、湯水、餃子名義開立餐廳後，想不到連叉燒也成為獨當一面的大將，怪得知阿媽成日都話生舊叉燒好過生我啦。芝士焗龍蝦鐵板餐配厚豬扒及薯條(黑淑汁)$118：所謂的"色香味"，這三個字嚴格按次序排列的，並不是隨便說說而已，首先讓眼晴吃一下Icy cream，就能夠快速啟動感官世界，就像你身邊的衰佬總愛看愛情動作片一樣，皆因衰佬們都是視覺性動物(女人們卻是聽覺型動物，所以喜歡聽甜言蜜語)，明刀明槍又致命誘惑的色相對比關上了燈又閉上眼晴的色相，對於撻著感官愛火花的程度絕對不一樣。鏡頭一轉，半隻光滑靚龍蝦、厚豬扒、炸薯條與其配菜色相的確俱佳，令我有點兒魂牽夢縈，想入非非，不自覺吞了幾下口水，姐姐，姐姐，快些幫我淋上黑淑汁吧，我預期著熱力四射的煙霧會迅速攻鼻，就像用鼻子深吸一口紅酒一樣，讓其香氣直入嗅覺腦(olfactory brain)，充分喚醒禁不住的食慾，但是"炸炸聲，太好聽，連隔離房都聽到"的畫面沒有再次發生在我身上，即是說鐵板不夠熱啦，雖說龍蝦肉啖啖肉，鮮甜夠味，炸薯條脆卜卜，但是感覺就像是在看片，卻聽不見呼天搶地的呼叫一樣的失落，真係吔媽爹呀。蒽油煎雞扒丼飯$52：我很少吃的蒽油煎雞扒丼飯閃亮登場，丼飯堆到就像阿媽怕我不夠飽的程度，皮質脆厚，淋上蒽油，使整個飯鹹香回甘，一啖雞扒一啖飯，是我堅持的吃法，正如一啖砂糖一啖X，也是我堅持與女人的相處方式。蔥花炒蛋脆多士$24：十字切的多士，焦脆的多士和嫩滑的炒蛋一放入口，配上蔥花固有的清香，吔媽爹的感覺又返黎啦。吃完飯，肺炎肆虐，即時帶返個罩先，戴口罩不僅是為了自己，而是為了身邊最愛的人，為了最愛的人，必須要有一罩! 因為我怕"不可以扭轉宿命，重遇你一次，難道故事終結早已注定，沒法制止"。…Read More

兄弟約去尖咀吃頑固壽司，赴湯蹈火都要去，不過都要帶返個罩先，因為口罩"恐怕未放下，明日更不堪設想"。今時今日唔帶口罩出街，就好似唔著衫一樣咁唔自然。沿路上，突然也多了很多靚女，令我目不瑕給，同一時間，我也發現街上的女人望我的入境人次也多了，我心生一計，若趁這個時候去相睇，成功率一定比之前多出好幾倍。日式風情畫的頑固壽司，簡約裝修，和風音樂，令食客置身其中，享受懷石料理式的用餐體驗，無論在視覺，聽覺，味覺上，都也增添細緻的藝術感！等餐期間，行近壽司師傅前觀摩一番，所有刺身放在首飾櫃似的盒裡，透明地將新鮮食材展示，以示真材實料的一面，甚至在擺盤器皿也別具心思，各式各樣陶瓷，款款不同。1. 鰺魚一夜干燒魚定食-$108 :鰺魚即池魚，一夜干方式製成使魚身水份減少，燒烤後將肉汁更濃縮，逼出油份使整條魚咸香甘美。 食落沒太多細骨，皮脆且肉質乾身結實，伴上清香珍珠米飯，更能顯現魚的本身味道。~ Ref: [一夜干是日本人保存漁獲、增添美味的做法，顧名思義就是只有「一夜的乾燥」，所以不是做成鹹魚，也不是以重鹽、日曬、風乾做成魚乾，而是要讓魚因減少了水分而濃縮了肉汁，吃起來特別美味。] ~2. 壽司拼盤定食(12貫)-$288 : 。大拖羅-粉紅嫩白，脂味濃郁，口感滑溜，入口即溶，但切得略嫌碎散。。中拖羅-紅裡透白，脂量少一點，魚肉味更濃，結實得來很滑溜。。鰤魚-紅白相間，輕淡油香，肉質黏口煙韌。。鯛魚-銀白魚肉，光影半透，味道清甜，肉質煙韌細緻。。鰻魚-刀功特別，切成大片，以紫菜與飯團裹纏，鰻魚醬汁咸甜適中，吃時沒有細骨。。池魚-火炙形式將魚油逼出來，表皮焦香，皮香肉嫩。。帆立貝-雪白鮮甜，軟滑又有彈性。。松葉蟹-三條長長蟹腳鋪面，肉質絲絲纖細，每絲帶著淡淡甜味。。細卷-包著紫蘇葉及白身魚肉，在中段時刻，有清清味蕾之效。。甜蝦海膽(軍艦式)-蝦很滑，味輕甜; 海膽側綿滑，咸中帶甜，捲著的紫菜也微鹹帶香。。三文魚子(軍艦式)-粒粒晶瑩飽滿，咸香鮮溢，仍記得咬下去那澎湃感，為整盤壽司錦上添花。。玉子燒-外型極像切片蛋糕，蛋香淡中帶甜，質地比坊間結實。 ~ 特註: [經理見我倆好奇樣子，特意講解看似簡單的，原來製作需時1.5小時，蛋黃與蛋白分開處理，於蛋黃中加入魚肉，每日由師傅精心製成。] ~3. 配菜及湯(跟餐) :。茶碗煮-常見外間用料甚廣，五花八門，此處的蒸蛋製法簡單，只加入銀杏及雞肉，不需花巧便將肉香與蛋香混合，滑溜且細膩地呈現。。味噌湯-高湯做基底，簡單加入蔥段，專心品嚐在湯中醇和化開的味噌。。小鉢與漬物-前菜新鮮爽脆，菇類及蔬菜漬物不酸不濃，以清淡方式製餐前小食，澄淨身心為享用懷石料理式前作準備。只有少許美中不足的是......飯糰大小不一，沒帶醋味，刺身切片不太整齊，下次再來想見見日藉師傅，感受他更上一層的功力。在戰亂的世界，搶城搶糧搶女人；在荒謬的世界，搶麵搶dom搶紙巾，看著搶口罩，我十分理解，但是看著搶紙巾，我無言了，我只有一句感想：千祈唔好講笑，抆屎最緊要。帳單 :午市定食 :環境 :…Read More

一朝早，兄弟就打來嘈醒我，問我是否去北角工作，我即時爆佢："你知唔知得兩種情況可以嘈醒我架咋，一係有錢到，一係有女到，請問你係邊樣?"，"兩兄弟唔講呢d既"，"唉，見係你，不過食飯你請"，點都屈佢請吃飯，報我一覺之仇，岩唔岩先?"工作完成再去吃喝玩樂，甚至想 天光之際看星光"。曼谷泰菜，我是在葵芳享用過一次，想不到北角也有分店。醃酸辣去骨鳳爪 $68：冰鎮過的雞爪加入洋蔥絲、泰式辣椒醬、糖和檸檬汁一起攪拌均勻，吃上口，酸酸辣辣，十分開胃，但我還是最貪圖那種無骨的咬口，足夠日夜纏綿不休。泰式明爐魚 $208：一頓飯總要點一款鎮得住場面的菜式，泰式明爐魚一放上枱面，已放滿了一張枱，先運用內功，開著個火爐，用火焗其鮮味出來，果然酸辣，都算得上肉質鮮美。泰式炒通菜 $68：用上了像來自海產的蝦醬/魚露這一類配料。這些配料的提鮮功能非常顯著帶上了東南亞特色的鹹鮮味道，只是份量像是少了些許，意猶未盡。椰汁西米糕 $38：吃得出混合了椰香和草香味，Q彈的西米，香甜卻不膩口。剛離開時，兄弟偷偷對我說留意到對面枱有個女仔"眼仔碌碌，韻味十足"，我沉默不語，剩下一下冷笑，因為我知他一定不會去馬，兄弟和她，表面是隔了一張枱，實際是隔了一輩子，因為當刻沒有去認識她，這輩子就再也不會見到她了，於是我在想：究竟要有多喜歡一個人，才有足夠勇氣主動去留住一段緣份? 對於兄弟來說，這一餐的"味道似是甚麼都不緊要...味和道，隨着懷緬變得蕭條"...…Read More