lun2015's Profile

返工返到好攰...又到星期五!! 梗係約埋D朋友一齊去飲杯嘢,嚟個happy Friday night !! 之前朋友經過上環發現有間熱狗店新開，我哋就隨即去試一試！當然一坐低就叫返枝啤酒先啦！啤酒種類都算多，有平時叫開嘅1664, hoegaarden，不過我個人喜歡試新野！所以叫咗手工啤酒！哈哈哈 apple pie 味夠清甜！而Vanilla cream ale 就有一種兒時嘅味道。。。再黎叫個薯條先，肉醬熱溶芝士薯條，食住小食等齊人！呢個有d驚喜喎！薯條炸得剛好，脆度非常好，加上熱辣辣嘅芝士肉醬，真係食唔停！送酒真係一流！一路傾計飲酒差d忘記order 熱狗！ 叫左隻法國雙鵝肝狗！ 雖然價錢係有d貴，但真係值嘅！個熱狗拎過嚟時已經好香，睇落鵝肝一啲都唔hea, 夠厚身！一啖咬落去鵝肝熱狗度，鵝肝嘅油出哂嚟溶入哂喺個包度，有趣嘅係鵝肝下面係配上一片菠蘿，出奇地鵝肝+菠蘿+腸係咁夾！我都係第一次食到咁嘅配搭！最後都要再加個一口和牛粒，一邊吹水一邊食！和牛粒充滿肉汁，又唔會過份熟，咬落一d都唔韌，韌度剛好！整體而言，食物質素不錯，價錢合理！特別係酒！真心唔貴！得閒可以再去！…Read More

啱啱去完日本去到當地食啲拉麵真係好好食!!!令人念念不忘...返到香港都食返一碗相當有質素嘅拉麵先得喇，去止止引！之前食個拉麵天王都覺得幾好今次決定再翻兜！都唔知話好彩定唔好彩因為落雨天去到唔使排隊！Yeah~~有選擇困難症嘅我..揀黎揀去都唔知揀邊款好，最終決定食限定天王！不過肯定天王都有兩款，好彩同朋友一齊去，可以叫晒兩個來試吓！我係重口味自選揀咗生蒜天王！勁多蒜！正呀！麵底硬度都選左正常，味道揀左濃。其實呢個麵都幾fusion , 將海鮮加入拉麵，我都係第一次食！估唔到八爪魚片同蒜同埋個豬骨湯底幾襯喎！以為有八爪魚就冇叉燒...原來八爪魚係遮住叉燒姐！肉同脂肪比例剛剛好嘅叉燒食落好有層次，唔覺得肥！而朋友個胡椒天王也不錯。拉麵上面有一層mozzarella cheese！見到佢慢慢溶落個拉麵度，好治療！:)將叉燒連埋啲芝士一齊食，感覺好幸福啊！呢度有啲似日本拉麵店係可以隨着自己喜好而揀拉麵嘅軟硬度！好似fd子咁佢鐘意食軟身嘅麵又得！同場加映食咗一個小食，豚角煮！個豚肉燒得好惹味！食落一啖肉中帶點油，係好滿足的！整體而言，拉麵天王保持一貫嘅水準！食物質素不錯，價錢合理，one of my favourite!! …Read More

女人喜歡做的是...係行街同食飯~同3個fd係銅鑼灣行完街，梗係要醫肚~有人想食豬手，search openrice睇到呢間Schnee 好似幾好，試下好唔好味先！叫咗薯仔湯，牛唇溫泉蛋 salad，主菜有德國腸，一個pasta，一個knuckle 同埋甜品。薯仔湯好夠味，濃得黎唔會濟，會跟埋片包上。牛唇溫泉蛋salad - 啲friend嗌嘅，初初以為係parma ham, 食完佢地先話係牛唇，即刻O 咗咀......但又唔覺有咩奇怪味，味道同parma 差唔多, 牛唇仲滑啲添,有驚喜。撈埋我至愛溫泉蛋勁夾，可以encore! Knuckle - 德國餐廳食豬手是常識吧！不過唔係間間好味，有d餐廳會整到過咸，有d餐廳會整到個皮好勒，呢間就岩岩好，熱辣辣送上黎好香，皮夠脆，肉夠嫩亦無酥味。加埋側邊既醃菜送，一啲都唔滯！西班牙辣肉腸香蒜意粉有強烈既香蒜味，肉腸少少辣刺激味蕾，配以清新的蕃茄，味道更有層次。德國腸average啦，始終腸都係間間差唔多正常野又夠大碟。薯蓉好食好CREAMY不過可能knuckle太正，有對比~ 腸仔啱男仔食多d，奈何我地4個都係女仔，食得唔多。甜品都好正，係movenpick雪糕，冇得輸…Read More

最近做訓練員做到好忙…周圍行行到太子！咁啱見到有間k square , 之前試過旺角嗰間都覺得OK！咁我哋就決定試一試都行到攰啦！入到餐廳見到佢嘅裝修都係酒吧格局，好適合happy hour 飲杯野！行到餓都要食下野醫下肚才是重點！睇睇menu , 有二人晚餐！哈哈 揀幾樣野就OK, 唔洗諗咁多！頭盤有沙律同鵝肝揀，最後揀左香煎鵝肝多士！鵝肝係厚切嘅，拎出黎嘅時候都幾香！切落去嘅時候必唒油出黎，好香，d油滲入多士，好夾，唔會覺得好油膩，剛好！主菜揀兩樣，咁我地揀左千層麵同烤雞！首先講吓個焗芝士肉醬千層麵，焗肉醬果然係有保証，芝士份量夠，肉醬佈滿每一層麵嘅中間，足料！蕃茄味夠，鹹味適中，OK 之選！然後再講下個烤美國香草雞，香草味勁香！烤得唔錯，皮脆肉嫩，切開仲有汁漏出黎，一d都唔乾！都要講下d配菜，薯蓉牛油濃，真係唔錯！燒茄子同翠肉瓜都燒得好香！咁岩嗰日有live music, 有位女孩子喺度唱歌，仲可以點下歌!一路聽歌一路蘋果汽酒！杯酒有少少whiskey + apple cider ! 蘋果味比平時嘅Apple cider 濃！最後，食埋甜品，芝麻雪糕，正呀！圓滿！…Read More

是日收工到旺角尋找美食，行咗陣朋友就話去食飯，喺朗豪坊附近就隨便search 下有咩食啦！最緊要唔洗行太遠！:)於是搵咗呢間酒吧餐廳！呢間餐廳情調不錯，冇一般酒吧嘅煙酒味，反而乾淨企理，座得舒服！睇睇menu ... 有二人晚餐，選擇都有幾多，就唔好煩啦叫個二人晚餐，同朋友一人揀一個主菜就搞掂，哈哈 唔洗諗咁多！頭盤有幾款，想食d特別d嘅，所以揀左三文魚他他千層！賣相不錯，煙三文魚混合洋蔥加上他他醬，好fresh , 底層配上多士，口感十足令人開胃！主菜揀左火焰鐵板烤雞同墨魚汁海鮮意大利飯！先講下火焰鐵板烤雞，嘩。。。真係好有睇頭，堅有火焰！燒到有一陣陣香味！ 正當研究點切時，店員主動問需唔需要幫手切，哈哈 咁我地當然求之不得！隻雞燒到好有肉汁唔會好乾身，皮脆肉嫩，不錯！而墨魚汁海鮮飯份量大，差點食唔唒，本人好怕青口腥，但呢個海鮮飯嘅海鮮煮得唔錯，一啲都唔腥，應該係海鮮頗為新鮮！最後，要食埋甜品先夠圓滿，所以加多$38 食鐵板冰火朱古力軟餅！其實真係幾有趣，鐵板好熱而且佈滿朱古力醬，朱古力蛋糕上有雪糕，食落去先冰後火，有啲似食緊心太軟，女人真係離不開甜品！好滿足！…Read More

踏入夏天...天氣非常熱!!行左一陣已經開始出汗…想即刻搵間鋪頭hea下！所以行到攰攰地就去咗搵一間甜品舖休息下！食下冰降下溫先！最近都比較流行食韓冰，所以我哋都去咗呢間Nun試下！同大部份韓國餐廳一樣，佢哋都係播緊韓國嘅Pop Music…好韓系！餐廳裝修風格簡約，都舒服嘅！Menu 以甜品為主，亦有少量小食！一場嚟到梗係試下個韓冰！韓冰嘅選擇都多，作為綠茶控，梗係叫左個宇治金時紅豆雪奶冰$68! 實物黎到啦！果然與圖片相符！要試下個味道先！綠茶味夠，唔會話好淡，剛好啦！綠茶配紅豆真係冇得輸！整個冰有淋上牛奶，所以食到中間都會有味道，有淡淡嘅牛奶味，唔會中間得冰而無味！份量係足料嘅，整體OK! 女士們係唔會食一個甜品就足夠！所以我地叫左個雪糕！哈哈 因為我喜歡色彩繽紛，所以叫左個 幻彩macaron 牛奶雪糕$52！賣相真係不錯，好鍾意好colorful好夏日嘅感覺！雪糕牛奶味夠濃，食一啖已經有降溫效果！而macaron 夠迷你，唔同顏色味道都唔一樣，食左個橙色，當然係橙味，係好似食緊個濃郁橙！而且唔算超甜，配合牛奶雪榚食就正！最後因為有d肚餓，叫左個奶油乳酪草莓卷$42！呢個卷嘅外皮有d似西多士，內面包住士多啤梨！感覺幾得意，鹹、甜得黎有帶點酸，對味覺好有沖擊！喜歡試新產品的人不防一試！有驚喜！…Read More

正所謂心情好食甜品，心情唔好更加要食甜品！雖知道甜品永遠對女士們有一種吸引力！所以食甜品都不能hea! 行到旺角識去一定去黑布街食甜品！其實黑布街有幾間甜品店都試過，今次要試新野！呢一間正正係本人未食過的，門口已經貼滿甜品嘅相，望落都幾吸引，抱著不防一試心態去試！睇睇menu 有d甜品寫住係米之蓮推介， 咁梗係要試一試，所以揀左個綠茶心太軟配雪糕！哈哈 作為紫薯粉絲當然叫左個紫薯窩夫！ 由於朋友太肚餓，所以食多個朱古力香蕉窩夫！先講講綠茶心太軟配雪糕！由於係即叫即整關係，係要等十五分鐘左右！終於等到甜品上枱，嗅到都好香！賣相亦唔錯，放得好精緻！預備刀义下手！一切果然流心綠茶流哂出黎，正呀！食落好熱，綠茶味好濃，但唔會話去到苦，配合雪糕食有一種冰火相融嘅效果！可能係綠茶嘅關係，食落唔太heavy ! 再黎係紫薯窩夫！賣相亦不錯，紫薯香味係有嘅！窩夫嘅紫薯味係淡淡咁出黎，加上旁邊有個紫薯蓉，加埋一齊食，紫薯味就好濃！配上vanilla ice cream 尚算清新，唔會好滯！最後，又係窩夫...哈哈，朱古力香蕉窩夫！朱古力窩夫味道好濃，好似啖啖都食緊朱古力咁！加上蜜糖真係好sweet!! 香蕉加窩夫好飽肚！對於好餓嘅朋友，呢個係唔錯選擇！最後真係k.o哂所有野，抱住個肚走，大滿足！價錢合理，甜品精緻，得閒再黎！…Read More

今日係Blue Monday，真係好想繼續放假呀！雖然工作過後好累，但約左一班好姊妹出黎聚舊，心情特別興奮呀！我就搵左一個中間點，聽講係旺角黑布街附近有好多款唔同類型既中西日美食，咁我就決定揀間日本餐廳試下，黎到呢間月禾居手打烏冬，雖然舖仔細細，但係一行入去已經有一種小日本既感覺。坐低之後望下個餐牌，價錢一啲都唔貴，實在係一大驚喜！急不及待要打開個餐牌欣賞下入面嘅美食，嘩睇見到都流哂口水呀，我地最尾決定一人叫一個烏冬再加適量嘅小食，實行要填滿我地空虛嘅心靈，好快第一碗蕃茄湯底嘅什錦鍋仔烏冬已經出爐喇，真係同餐牌入面嘅圖片係一模一樣架！急不及待要起筷喇！蕃茄湯底嘅味道非常濃郁，簡直可以刺激到我嘅味蕾呀！而且配料又豐富；朋友叫左一碗豬骨湯海鮮烏冬， 足料，豬骨湯味道夠濃！絕對得上係人間極品，令我彷如置身係日本一樣。再來一客三交魚刺身，厚切既三文魚咬落去既時候實在係太有口感喇，而且肉質結實又有彈性，口感極好而且有好香嘅魚鮮味！當然唔少得嘅係胡麻豆腐沙律，清新滋味！享用完呢間小日本餐廳之後，我覺得我已經唔駛去日本搵食喇！我相信好多人都知道日本人對食好有要求，正如呢間餐廳一樣，只係會提供高質素既食物俾顧客，所以我下次一定會再黎，仲要介紹朋友一齊黎食添！同好姊妹哄笑一番過後，我地嘅胃已經被填得滿滿喇！…Read More

近來都好耐冇去元朗食飯，咁岩今日去開探朋友，發現原來開左好多新野！有新商場同好多新餐廳！今次作勇敢的嘗試試下新餐廳！經過一間西班牙餐廳睇睇個menu , 店員又講解下，決定一試！舖頭唔算好大，但都算係cosy !! 晚餐有set dinner 可以揀，我同朋友兩人決定叫散叫！叫左三樣野！頭盤叫左煙三文魚紅菜頭忌廉芝士沙律、葡萄葉包黑毛豬火腿西班牙有機雞仔丶燉牛面脥粒配青豆！仲可以升級至餐！首先講下先，紅菜頭沙律係比較特別香港比較少有！本身紅菜頭都係有少少酸嘅配合忌廉芝士又可以中和返個酸味，食落都幾夾，呢個煙三文魚比平時食嘅較咸，但加上沙律菜、紅菜頭又幾fresh !! 令人好開胃！餐湯係忌廉蘑菇湯，足料！有蘑菇蓉，而奶油味又唔會過重，食落都唔會令人好飽！要講下主菜-葡萄葉包黑毛豬火腿西班牙有機雞仔，真心推介！雖然製作過程係比較耐大概要等45分鐘，但係都係值得等嘅！建議一黎到就先點呢個菜！拎出黎嘅時候已經勁香，嗅到已經流口水！葡萄葉蓋住黑毛豬火腿，然後黑毛豬就蓋上雞表面，黑毛豬火腿嘅油滿佈整隻雞，令整隻雞好juicy ！切開隻雞係出哂煙，d肉汁漏哂出黎，好新鮮！葡萄葉經過烤乾，所以好脆，要即刻食，配合黑毛豬，又脆又有肉！而雞嘅肉質好嫩，一邊食一邊流汁，好誇張！再黎燉牛面脥粒配青豆！牛面脥都好少食到！估唔到係好嫩，好軟，一啲都唔韌！仲有帶少少酒味，問咗店員，佢話有用sherry wine 煮過！味道好香！我本人本身對青豆冇乜特別大嘅興趣，點知呢間餐廳煮嘅青豆蓉又好似薯蓉用咁好味！:)總括嚟講，呢間餐廳都幾特別，食嘅嘢係有比較新潮，出面餐廳好少見！價錢ok 啦！食品睇得出有用心製作！…Read More

近日工作好壓抑。。。男友知道後食完飯，即刻帶我去食甜品！未食甜品之前，個人都sweet咗！哈哈 由於佢知道我壓抑，所以特登揀左一間好靚嘅甜品鋪，一啲都唔hea!! 估唔到佢識揀next station !! Next station 環境唔錯，唔會好迫！裝修又靚，可以令我放鬆一下！ 睇過menu ，款款甜品都好靚！即刻心心眼，好多種都想試！無奈我得一個胃，哈哈！今次我揀左栗香紫薯山！最近愛上食紫薯，見到呢個甜品真係好吸引！ 栗子蓉好濃，甜品適中，食完冇話好漏！原來都唔知個雪糕係咩味！睇到塊板就知原來係vanilla , 一層栗子蓉、加一球villa ice cream , 最底係紫薯加上一片片糖片，整個甜品賣相精美！紫薯配合vanilla ice cream 真係好夾！啖啖嘅紫薯味口感十足，食完整個都唔會覺得飽！ 男人再叫一個焙茶鬆餅配金沙朱古力脆脆雪糕！貪心嘅我當然咩都想下！鬆餅份量好十足，焙茶嘅味道會打有一小甘苦，加上蜜糖有中和左焙茶嘅咁苦味！食落苦中帶甜！ 配上金莎雪糕係會更甜！金莎雪糕名副其實每一啖都有金莎榛子味！感覺好幸福！食完呢個甜品後，真係好減壓！整個人都鬆晒！…Read More

今日收工出旺角，下晝嘅時候已經好肚。。。所以真係要放縱自己一下，同三五知己一於去食個於題韓燒放鬆一下！原來以為韓燒就以燒肉為主，但原來韓舍係有好多唔同種類嘅食物可以任君選擇，唔係食肉獸都唔怕呀！見到有魚生，即刻心心眼左！我當然要拎最愛嘅三文魚啦！原本以為係任食就會切得薄啲，但原來都認真切！係正常厚底，冇話hea 我地！刺身種類正常啦，有蟹棒、希靈魚、八爪魚等等 都算過關啦！ 我覺得冷盤方面有驚喜！有比較常見嘅日式冷盤食品，例如，凍豆腐、冷面、竟然有枝豆！好少燒肉放題嘅地方有枝豆！ 肉類種類都算多，重點係有泡菜同生菜可以拎，將燒肉放落生菜夾住泡菜食簡直一流呀！又唔怕好油膩！推介係辣味雞肉同五花楠片！夾生菜食超正，油份由生菜吸收，清爽得黎又juicy !! 食完正餐咁就當然要食個甜品先夠圓滿！甜品都有好夠款揀！木糠布甸真係唔錯！奶油味剛好！食兩個都唔覺得漏呀！ 總括黎講都唔錯，可以滿足所有人！價錢合理，可以再嚟！…Read More

是日心情好，近近地去咗元朗行街，驚覺千色後面有好多餐廳，行到攰攰地決定同班姊妹一齊試吓間西餐廳！餐廳裝修唔錯好有情調都係比較陰陰暗暗，走浪漫風格！好喜歡我盞吊燈，好bling bling 呀！ Menu嘅款式都有好多，又係選擇困難症發作嘅時候！我地幾個女仔就揀咗三個main course 再加一啲小食一齊share！上菜未黎之前都有一杯welcome drink嘅嘢飲品，應該係blueberry juice. 飲左都幾開胃！ 首先叫咗個韓式安格斯牛柳粒意大利飯$148！安格斯牛柳粒好juicy , 搞落去好嫩滑有少少微辣！落order時，店員好細心咁問要唔要將d飯煮淋d，因為一般意大利飯都會比較有d硬身。我地選擇左normal, 飯落有口感！ 再黎一個海鮮手作麵配紅花忌廉汁$138，呢個手作面幾特別因為係自己整個麵條。同平時嘅意粉唔同，食落較有蛋味，加上忌廉汁同海鮮食落別有一番風味！ 我自己較我喜歡烤焗黑毛豬鞍扒配蘋果醬$198！廚師控制火候剛剛好黑毛豬鞍唔會好乾而係好juicy!! 肉質彈牙，比起豬頸肉更好食！配合蘋果醬，令食落去感覺更fresh , 唔會好滯！伴菜嘅薯蓉不得不提！充滿牛油味，食落令人不能自拔！ 因為叫咗晚餐所以可以加錢叫一啲小食，我地叫左水牛城雞翼同芝士大啡菇！雞翼你都有少少辣，但係食落都係唔錯嘅！而大啡菇就full of cheese !!! 鐘意食芝士嘅人一定會鍾意！ 為左有個圓滿晚上，甜品叫咗熔岩蛋糕！其實係心太軟！熱辣辣嘅朱古力蛋糕，內面載滿溶溶嘅流心朱古力，好幸福呀！蛋糕仲帶有橙皮，好配合朱古力！係一個美好嘅完結！ …Read More

今日係一年一度38婦女，同左個好姊妹去左港島一間西餐食dinner. Openrice上寫由上環去行10分鐘，不過我覺得中環過去會近d. 餐廳位於大廈2樓，雖然大廈睇落好殘舊，不過餐廳裡面ge裝修好有情調。 呢間餐廳主打生蠔，個侍應都好好，介紹左好幾款法國生蠔俾我地。最後我地揀左Carina, Possuce and 紅寶石呢3款試。 因為佢地想保持生蠔當地ge味道，所以食起上黎海水味比較重。不過食真d又真係好鮮甜，而且食得出3款ge分別。我比較中意Carina，又鮮甜又肥美。而Possuce比較偏苦，我就麻麻。 之後叫左個smoked salmon salad,都ok; 反而個南瓜湯，我勁like,好甜好濃，正! 朋友個Oyster湯就好足料。到主菜啦，叫左個American Jumbo Rib Eye Steak. 牛排軟硬程度剛剛好，份量有夠多，性價比一流! 本來想叫多個Pasta，不過太飽了，唯有下次再黎試過啦！P.s 呢間餐廳侍應服務態度好好，佢地會主動問我地駛唔駛幫我地影相。仲有佢地除左介紹蠔ge種類之外，仲簡單講下食蠔ge禮儀，食野之外仲學左野，真係抵讚!…Read More

新年流流最好就係團拜，但人多去一個人屋企又太迫。最後我地決定黎一個新春Bbq, 燒旺呢個新年！我地唔想hea 燒，新年想揀一間好質素嘅燒烤場賀新春！最後我地決定去白石！原因係嗰度有海景又有得燒乳豬！果然真係冇決定錯！去到風景確實唔錯，地方好大，唔迫，大家都燒得好舒服。呢個場地方好大，好適合一家大細一班人黎玩！嗰日咁岩有個吹氣樂園，好適合小朋友玩！大人又可以租麻將打下，哈哈，大家都得到娛樂！ 我地十個人點左個十人海鮮餐再加一隻乳豬！新年唔係唔食好西嘛！你懂的! 真係要讚下呢個燒烤場細心，所有用具同食物都係獨立包裝！真係唔驚污糟！同埋餐具pack 裡面有一張燒烤教學！真係唔簡單，教你點燒乳豬、雞、扇貝等等！職員仲話如果我地燒乳豬燒到唔想燒係有專人代勞的！好窩心呀！ 講下隻燒豬先，一拎過黎就已經心心眼！因為一直都好想咁樣燒乳豬！個大小係標準乳豬個大小，睇落唔錯！跟住教學咁燒，開頭係唔洗點理佢，等每十五分鐘先搞下佢！都唔難燒！可以安心燒下腸仔醫下肚先！燒到隻豬有d起色，我地就交左比專人同我地燒，哈，保證一定燒熟，自己未必全熟，話哂新手交比人燒安全啲！ 隻豬熟左啦！顏色非常靚，好似同酒樓燒嘅一樣！好amazing !! 專人會比返隻豬大家影相，之後就幫我地切！服務好好！隻豬皮脆肉嫩，即燒即食好新鮮！唔需要點醬都已經好好食，肉汁係流出黎，從來未食過一隻乳豬係唔洗點醬而咁好食！ 可以推介嘅仲有燒雞全翼!味道應該係黑椒味，好好食，皮又係燒得好脆，肉汁又係流出黎！ 燒扇貝都唔錯！有教學，保證唔會燒唔好！先係爐邊解凍，再燒一陣，加牛油，牛油已包在醬料pack 內，如果唔夠味仲可以加鹽、黑椒調味。果然扇貝冇令我地失望，都正常size, 咬落去好新鮮彈牙！整個扇貝都充滿牛油味，愈肥膩嘅野係愈好味，正呀！ 整體黎講，好唔錯！又衛生，食物又好食，服務又好！價錢合理，可以再黎！…Read More

今日人日，人人都生日，咁梗係要買個蛋糕賀一賀啦！行開去荃灣拜年，見到有間諾亞，好想試新野呀！ 估唔到而家諾亞推出幾種新產品，有d都幾可愛！我睇左好耐都揀唔到要小熊好定係小黃鴨好。哈哈 最後諗到一個方案，就係買一杯細嘅朱古力味半熟蛋糕再加一個小黃鴨檸檬芝士半熟蛋糕！ 首先講下小黃鴨檸檬芝士半熟蛋糕$98, 個樣真係好得意！小朋友見到都好開心，仲嘩嘩聲！賣相就已經好吸引！呢個半熟蛋糕未食之前喺雪櫃，食之前拎出黎攤一陣就ok! 呢個蛋糕都好易切，好輕易就可以分哂！蛋糕充滿淡淡嘅檸檬味，一啲都唔酸，好清新！而中間嘅芝士個質感剛好，唔會太軟變成一pat , 芝士味都好濃，但配合檸檬又會覺得好夾唔會覺得膩！好適合一家大小有小朋友場合食，好味又睇得！ 咁岩見到有新出嘅杯裝半熟蛋糕，個杯真係好靚！貓貓杯好Hawaii~~ 再試下個味先！用湯匙就可以一啖一啖食，吉落去再拎起上黎，流心朱古力漏出黎，感覺有d似心太軟！真係好正！full of chocolate !! 而朱古力又唔會好甜，男仔都食到落去！份量方面係一人份量，女仔都一定食得哂！而食完又可以留返隻靚靚杯！真係一舉兩得，又食又拎！總括黎講，今次買嘅小鴨檸檬半熟芝士蛋糕同杯裝朱古力半熟蛋糕都唔錯！值得一試！…Read More