急不及待要打開個餐牌欣賞下入面嘅美食，嘩睇見到都流哂口水呀，我地最尾決定一人叫一個烏冬再加適量嘅小食，實行要填滿我地空虛嘅心靈，好快第一碗蕃茄湯底嘅什錦鍋仔烏冬已經出爐喇，真係同餐牌入面嘅圖片係一模一樣架！急不及待要起筷喇！蕃茄湯底嘅味道非常濃郁，簡直可以刺激到我嘅味蕾呀！而且配料又豐富；
朋友叫左一碗豬骨湯海鮮烏冬， 足料，豬骨湯味道夠濃！絕對得上係人間極品，令我彷如置身係日本一樣。
再來一客三交魚刺身，厚切既三文魚咬落去既時候實在係太有口感喇，而且肉質結實又有彈性，口感極好而且有好香嘅魚鮮味！
當然唔少得嘅係胡麻豆腐沙律，清新滋味！
享用完呢間小日本餐廳之後，我覺得我已經唔駛去日本搵食喇！我相信好多人都知道日本人對食好有要求，正如呢間餐廳一樣，只係會提供高質素既食物俾顧客，所以我下次一定會再黎，仲要介紹朋友一齊黎食添！同好姊妹哄笑一番過後，我地嘅胃已經被填得滿滿喇！
