日日清's Profile

今日原本係旺角𝘀𝗵𝗼𝗽𝗽𝗶𝗻𝗴 𝗱𝗮𝘆，一個唔小心又變咗𝗳𝗼𝗼𝗱𝗶𝗲 𝗱𝗮𝘆～平時極少試星馬菜，不過係𝗧𝗵𝗲 𝗙𝗼𝗿𝗲𝘀𝘁 𝟭樓轉角嘅呢間星馬餐廳𝗰𝗼𝗹𝗼𝘂𝗿𝗳𝘂𝗹又新潮，幾有特色，一個裝修就吸引咗我同老𝗯𝗲𝘀𝘁入去打卡。🍴馬來湯肉骨茶 $𝟭𝟭𝟴望落好似細細碗，食落發現有成六塊肉骨係入面，相比一啲餐廳得兩三塊，呢個份量真係𝘀𝘂𝗿𝗽𝗿𝗶𝘀𝗲到我！湯底溫和易入口，唔會有中藥材嘅苦澀，比較重肉香味。特別想讚下佢哋嘅油炸鬼數一數二地香脆，食完都想𝗲𝗻𝗰𝗼𝗿𝗲😍📝 ：𝟴.𝟱/𝟭𝟬 🍴馬來奶油咖喱雞 $𝟭𝟭𝟴醬汁令到雞肉更加香嫩，咖喱辣味偏淡，更多嘅係奶香甜味，但食落又唔會厭同膩，反而幾中我心水～📝 ：𝟴.𝟱/𝟭𝟬🍴蒜虎蝦球飯粒 $𝟭𝟭𝟴上碟已經聞到陣陣蒜香，蝦球大大隻，咬落彈牙爽口。飯粒偏硬身煙靭，同蝦球同時入口會更加理想呢～📝 ：𝟴/𝟭𝟬🍴美祿咖央烤吐司 $𝟳𝟴 🌟作為𝗳𝘂𝗹𝗹 𝘁𝗶𝗺𝗲嘅甜品控，真係抵抗唔到呢個濃郁嘅美祿味，多士脆口，配搭埋咖央同牛油醬根本就係邪惡化身地好食！連平時好怕𝗝𝘂𝗶𝗰𝘆嘅老𝗕𝗲𝘀𝘁都點名讚～推介👍🏻📝 ：𝟵/𝟭𝟬🍴蝶豆花荔枝冰 $𝟯𝟲🍴斑蘭椰子冰 $𝟯𝟲食完甜品又點少得嚟返杯冰涼解膩嘅飲品，估唔到都同餐廳特色一樣咁色彩繽紛，用嚟影相一流。📝 ：𝟴/𝟭𝟬✍🏻其他分數📝環境：𝟴.𝟱/𝟭𝟬📝性價比：𝟴/𝟭𝟬…Read More

路過個陣以為青花係一間大自然度假風嘅𝗖𝗮𝗳𝗲，打開𝗠𝗲𝗻𝘂先發現原來係主打泰式小菜嘅𝗖𝗮𝗳𝗲式泰國餐廳，呢種反差感幾驚喜新鮮，所以今日都特意嚟咗一轉送生日驚喜比朋友。🍴牛肉生菜包 $𝟭𝟭𝟴舊有泰國菜式一般都係配肉粒，青花反而係用咗一片片牛肉，即刻好有咬勁。特別鍾意佢哋嘅秘製醬汁，加咗瞬間就點綴成一道開胃小菜。📝 ：𝟴/𝟭𝟬🍴藍蝶花蟹肉菠蘿炒飯 $𝟭𝟯𝟴 🌟首先要讚一讚，呢碟靚靚菜式上碟嘅時候已經令我內心”𝘄𝗼𝘄”一聲，餐廳亦完全唔吝嗇份量，基本上每一啖飯入口都可以伴隨住甜而不膩嘅菠蘿同蟹肉絲，加埋腰果同肉鬆就令到成個咬口更加豐富，超推介！📝 ：𝟵/𝟭𝟬🍴大蝦冬陰功(小) $𝟵𝟲冬陰功同樣一洗去日師兄嘅固有印象，佢保留到傳統嘅酸甜又唔會覺得辣口，適口度超高！餡料同樣充足，用咗新鮮嘅大蝦熬湯，肉身就比較腍～📝 ：𝟴.𝟱/𝟭𝟬🍴榴槤薄餅 $𝟳𝟴店員好好，即時𝗼𝗿𝗱𝗲𝗿都可以寫生日字同送蠟燭，幫忙比咗個𝘀𝘂𝗿𝗽𝗿𝗶𝘀𝗲朋友。餅底煙韌黏口，有朱古力同煉奶調味，本身無偏好榴槤嘅朋友都覺得香口。📝 ：𝟴/𝟭𝟬🍴楊枝甘露奶蓋 $𝟰𝟴🍴蝶豆花椰子奶蓋 $𝟰𝟴因為椰子奶蓋本身就好香濃甜味同奶香，建議視乎本身食嘅菜式決定要唔要揀少甜。楊枝甘露果肉新鮮足料，口感一流，飲完會有飽肚感喔！📝 ：𝟴/𝟭𝟬✍🏻其他分數📝環境：𝟴.𝟱/𝟭𝟬📝性價比：𝟴.𝟱/𝟭𝟬…Read More

平時嚟九龍城食得最多一定係泰國菜，不過今次就想挑戰下新嘢。見到呢間歐陸式餐廳叫𝗛𝗼𝘀𝗲𝗮，望落環境舒服，有居家感，決定八卦下係咪真係食好西。餐廳行木系文青格調，門口就係望窗吧台位，大枱之間嘅空間都幾闊落，樓底高，感覺悠閒舒服，幾啱同朋友嚟食嘢放鬆。今次揀咗$𝟵𝟴𝟬四人套餐，包四碗餐湯或者沙律、三款小食、一款薄餅、一款意粉或者意大利飯、兩款主菜同四杯嘢飲。🍴忌廉龍蝦餐湯🍴精選沙律🍴椒鹽牛舌好小係呢類餐廳見到牛舌，幾特別。不過佢嘅整法就同平時燒肉食嘅味道完全唔同，屬於厚切，配搭炸蒜食有咬口之餘帶鹹香惹味。📝 ：𝟴.𝟱/𝟭𝟬🍴英式炸魚配薯條炸魚外層香脆又唔會太厚身，薯條即叫即整，仲有齊哂茄汁同黑松露醬點。📝 ：𝟴/𝟭𝟬🍴蜜糖芥末雞翼幾鍾意佢脆口得嚟𝗸𝗲𝗲𝗽到雞肉嘅水份，一咬就流汁，加埋蜜糖點綴一流，不過芥末味就無咁出。📝 ：𝟴/𝟭𝟬🍴煙三文魚牛油果薄餅足料薄批，每一塊都鋪上大片新鮮牛油果同花之戀咁厚嘅煙三文魚，食落啖啖餡。📝 ：𝟴/𝟭𝟬🍴卡邦尼扁意粉傳統卡邦尼做法嘅西餐廳水準，忌廉汁香濃幼滑，啱哂鍾意𝗖𝗿𝗲𝗮𝗺𝘆嘅人。📝 ：𝟴.𝟱/𝟭𝟬🍴香烤紐西蘭肉眼扒配薯菜叫咗五成熟，無𝗼𝘃𝗲𝗿𝗰𝗼𝗼𝗸，調味適中，唔會好韌。特別想讚讚扒餐嚟講呢度連配菜都好豐富，扺食👍🏻📝 ：𝟴.𝟱/𝟭𝟬🍴德國鹹豬手伴薯條豬手皮脆肉香，咬落有滿滿嘅膠原感，同樣鋪滿全碟，性價比好高。📝 ：𝟴.𝟱/𝟭𝟬總結：午市套餐選擇比其他餐廳豐富，每款份量都好足，味道𝗸𝗲𝗲𝗽到水準。除返$𝟮𝟰𝟱一個人，整體質素叫對得住價錢有餘。✍🏻其他分數📝環境：𝟴.𝟱/𝟭𝟬📝性價比：𝟴.𝟱/𝟭𝟬…Read More

成日食座銀嘅雞白湯沾麵，真係倒轉都記得陣味，不過美食嘅缺點就係永遠都要等，去嘅話都要預返至少半個鐘排隊呀。雞白湯沾麵 $168 + 溏心蛋 $17麵底屬於粗麵，經過冰鎮之後咬口好彈牙～ 湯底用咗鹿兒島嘅櫻島雞去燉，然後利用發泡機打起到𝗰𝗿𝗲𝗮𝗺狀再沾，味道香濃得嚟又唔會鹹膩，超正！另外配搭嘅雞肉、豬肉都係低調烹煮，所以肉質水嫩細緻，特別係雞肉，每次都會放到最後先捨得食，成個套餐真係好完美。不過香港店貴過日本超多，建議最理想都係留返去日本食，又平又好食。…Read More

早排同朋友慶生，嚟咗呢間旺角嘅樓上𝗖𝗮𝗳𝗲。𝗹𝗼𝗰𝗮𝘁𝗶𝗼𝗻好方便，地鐵一出就到，入到去完全係大型打卡現場，有人造沙灘、希臘風水池，都可以出露天𝗰𝗵𝗶𝗹𝗹。同朋友就簡咗坐出面邊食嘢邊傾計，望住旺角嘅夜景吹住風，非常放鬆～🍴黑松露忌廉汁意大利飯伴芝士焗大啡菇 $𝟭𝟮𝟴意大利飯比較𝗖𝗿𝗲𝗮𝗺𝘆，每粒飯都有黑松露汁包住，幾鍾意食大啡菇，鮮嫩多汁，可以𝗯𝗮𝗹𝗮𝗻𝗰𝗲返芝士嘅𝗝𝘂𝗶𝗰𝘆～📝 ：𝟳.𝟴/𝟭𝟬🍴 炭燒加拿大豬鞍 $𝟮𝟲𝟴豬鞍味道正常，肉質有啲乾身，配菜係紫薯蓉，食落會比較甜。📝 ：𝟳/𝟭𝟬🍴 黑松露醬炸薯條 $𝟲𝟴薯條上盤熱辣辣，好香脆，份量都唔少，黑松露醬好濃郁，唔錯👍🏻📝 ：𝟴/𝟭𝟬🍴水牛城雞翼 $𝟴𝟴雖然水牛本身辣，但係呢隻辣已經超出日師兄嘅承受能力（譚仔食開五小）🤣 同我一樣唔太食得辣嘅建議簡蜜糖味會開心啲～📝 ：𝟱/𝟭𝟬🍴𝗘𝗔𝗥𝗟 𝗚𝗥𝗘𝗬 𝗟𝗔𝗩𝗔 𝗖𝗔𝗞𝗘 $𝟲𝟴由細到大都迷戀朱古力心太軟，今次係朋友大推下第一次試伯爵茶味，又幾有驚喜！軟熟程度啱啱好，一切就流漿，食落唔會太甜又好香茶味。📝 ：𝟵/𝟭𝟬總結：打卡餐廳通常都係食環境，呢間叫做地方大裝修靚得嚟嘢食亦不過不失，如果想同三五知己開心慶祝傾下計，都可以一試。✍🏻其他分數📝環境：𝟵.𝟱/𝟭𝟬📝性價比：𝟳/𝟭𝟬…Read More

見到呢間餐廳推出任食放題優惠，晚市$𝟯𝟯𝟴包哂片入面嘅嘢食仲任打邊爐，望落好似幾抵，不過試完就覺得食物質素一般，想要又平又好食嘅放題真係唔易搵。🍴重慶辣雞煲雞煲最緊要都係個汁底，佢算煮得入味，鹹香得嚟帶辣，幾開胃。不過有啲易痴底，食嘅時候要多啲熬下。📝 ：𝟳/𝟭𝟬🍴香辣烤魚追求惹味嘅師弟妹就唔建議叫呢個烤魚，雖然多肉都厚身，但味道真係好淡，食唔出辣，甚至覺得有啲似白烚嘅魚肉。📝 ：𝟯/𝟭𝟬🍴刺身盤刺身款式普通，帶子幾好食，不過整體新鮮度不足，擺盤亦唔太吸引。📝 ：𝟰/𝟭𝟬🍴海鮮拼盤拼盤有珊瑚蚌幾特別，海蝦都出色，彈牙鮮甜～ 可惜望落有些少唔乾淨，建議鮑魚都可以再洗乾淨啲啲。📝 ：𝟲/𝟭𝟬🍴手切牛肉贈送嘅大盤手切牛肉幾好食，顏色鮮牛味夠，其他任叫嘅牛肉就不過不失。📝 ：𝟳/𝟭𝟬🍴自家手打四色丸味道正常，不過不失，無期望就無失望～📝 ：𝟳/𝟭𝟬✍🏻其他分數📝環境：𝟲/𝟭𝟬📝性價比：𝟲/𝟭𝟬…Read More

中午放飯無意試食到呢間小店，平民價錢得嚟又大份，事後先發現原來新蒲崗主店已經連續三年米芝蓮推介，今次嚟九龍灣分店就唔使排隊。🍴滷水蛋豆腐飯 $𝟯𝟵用咗硬豆腐嚟煎，食落香脆有咬口，幾鍾意佢配搭梅菜，令人好開胃，最重要呢個𝗟𝘂𝗻𝗰𝗵 𝗦𝗲𝘁幾乎有兩碗飯咁多，真係份量爆登，仲包埋凍或者熱飲豆漿，相當抵食。📝 ：𝟴.𝟱/𝟭𝟬🍴肉鬆奶脆多 $𝟮𝟮 包身外脆內軟，肉鬆又係多到放題咁，同煉奶𝗺𝗮𝘁𝗰𝗵埋一齊帶鹹配甜，好有驚喜。📝 ：𝟵/𝟭𝟬🍴上海小籠包 $𝟮𝟵外皮有些少厚身，豬肉餡料食落鮮甜，不過四隻小籠包上盤都痴埋咗喺一齊，一夾就穿，令到啲汁漏哂出嚟。📝 ：𝟱/𝟭𝟬🍴豆腐花(跟餐+$𝟴)味道唔錯，同坊間嘅豆腐花大致相約，𝟴蚊嚟講又想食下甜品過口癮都好抵試，一樣會裝到滿比你。📝 ：𝟳.𝟱/𝟭𝟬🍴凍/熱豆漿(跟餐免費)比較推介大家簡熱豆漿，最大分別係可以自己落糖控制甜度，豆味更加出，另外用碗裝嘅份量都多過杯裝嘅凍飲。📝 ：𝟳.𝟱/𝟭𝟬✍🏻其他分數📝環境：𝟱/𝟭𝟬📝性價比：𝟭𝟬/𝟭𝟬…Read More

香港要搵間好食嘅燒牛真係一店難求，最近食十間有九間都認真覺得麻麻。今次同朋友約咗寶琳聚會又想食燒肉，見到open rice有300幾個好評又有4送1優惠就入咗呢間餐廳。我哋今次Join嘅係Plan D，係正中間，頭盤送嘅和牛都ok，香口有牛味，會有服務員幫手燒。不過之後可以任叫嘅牛款好多都比較韌。另外佢哋嘅辛辣麵、冷麵好多都係無味，小食都無乜邊樣得，最好食可能係啲沙律同朱古力雪糕杯。真心唔太建議大家嚟試，但如果大家都係想食可以真係要預再貴啲啲plan嘅牛先會好食，但係Plan D我哋有埋4送1，除返4個人連加一都要人均500幾蚊，啲牛質素都係好一般，完全唔值呢個價錢。…Read More

尖沙咀厚福街出名多好西，其中一間令人著迷嘅就係鮨一喇🔥 嚟食過𝟰、𝟱次，鮨一比我嘅印象都係難得地有餐廳𝗠𝗲𝗻𝘂豐富得嚟又每次叫唔同嘢食都一樣𝗸𝗲𝗲𝗽到好食無伏！餐廳帶日本地道風味，不過店面唔算好大，𝟮-𝟰人飯腳聚餐就最適合～🍴鮨一沙律 $𝟭𝟮𝟴 🌟平時好小叫沙律都比呢道菜式征服咗，好有驚喜～ 佢特別在會用唔同款式嘅新鮮魚生做底，三文魚、油甘魚、八爪魚通通都有，食落啖啖肉，口感豐富，份量都十分充足！📝 ：𝟵.𝟴/𝟭𝟬🍴上十貫目 $𝟮𝟯𝟴由廚師發辦嘅上十貫目，十款壽司都係經廚師挑選當日嘅新鮮食材，即叫即握，食嘅時候仍然會感受到飯嘅溫暖～ 每款壽司都好高質鮮嫩，有滿滿嘅魚油香味，特別大拖羅真係入口即溶👍🏻📝 ：𝟵.𝟱/𝟭𝟬🍴蒲燒鰻魚飯 $𝟭𝟭𝟴呢款推介比鰻魚控嘅大家！鰻魚燒得好均勻，肉質肥美，食落唔會好似橡筋咁嘅口感。飯底同壽司一樣加入咗赤醋，好香，配菜都充足，不過如果一次過撈埋嚟食略嫌少鹹，稍為省減就完美！📝 ：𝟵/𝟭𝟬🍴煙肉蠔卷 $𝟳𝟮🍴免治雞肉(自家製) $𝟯𝟱 🍴鹽燒牛舌 $𝟯𝟴三款燒物都唔錯👍🏻燒蠔配搭煙肉入口幾惹味，牛舌算厚身，咬落爽口，雞肉搭配月見蛋汁食更加滑溜～自己最鍾意食牛舌！📝 ：𝟴/𝟭𝟬…Read More

𝗧𝗵𝗲 𝗦𝗼𝗰𝗶𝗮𝗹 𝗛𝗼𝘂𝘀𝗲位於大坑一條比較寧靜嘅小街入面，餐廳行外國格調。浪漫嘅氣氛同極佳嘅𝘀𝗲𝗿𝘃𝗶𝗰𝗲令成個進餐嘅體驗都放鬆舒服，好啱同朋友嚟𝗰𝗵𝗶𝗹𝗹下傾計或者慶祝節日☺️餐廳係統一𝗠𝗲𝗻𝘂選擇並唔多，但不得不提當日朋友想嗌嘅𝗹𝘆𝗰𝗵𝗲𝗲 𝗰𝗼𝗼𝗹𝗲𝗿賣哂，老闆就請廚房客製化咗另一款啱口味嘅嘢飲比我哋，真係好熱情地招呼每一位客人，非常有人情味👍🏻🍴蕃茄麵包麵包係餐廳自家製，入面有粒粒嘅車厘茄乾同香草，上餐嘅時候都𝗸𝗲𝗲𝗽到溫度，味道香口鬆軟，可以𝗿𝗲𝗳𝗶𝗹𝗹，正餐嚟之前我哋已經食唔停口～🍴必食西班牙燒乳豬 𝟭/𝟰 $𝟯𝟮𝟴當日見到每張枱都有點呢道菜式，試咗的確唔會令人失望。乳豬用咗炭燒烤，外皮咬落好香脆，肉質肥瘦適中同時軟滑多汁，相當有水準🤤 唯一不足係覺得兩個人分𝟭/𝟰唔係好夠喉，因為真係好好食！📝 ：𝟵.𝟱/𝟭𝟬🍴虎蝦天使麵 $𝟮𝟬𝟴天使麵身幾煙韌，虎蝦爽彈，蕃茄煮到軟身多汁，份量都適中。本身個人怕膩無好鍾意上面配嘅芝士 ，但食完發現𝗺𝗮𝘁𝗰𝗵埋一齊個味道好好，𝗸𝗲𝗲𝗽到𝘀𝗼𝗳𝘁同時入味，最後都係清空哂成隻碟～📝 ：𝟵/𝟭𝟬🍴蘋果拿破崙 $𝟴𝟴拿破崙酥皮鬆脆，中間加咗蘋果粒同埋𝗰𝗿𝗲𝗮𝗺，咬落硬中帶軟幾有口感，不過略嫌當日食到嘅蘋果粒有啲酸。📝 ：𝟲.𝟱/𝟭𝟬🍴香蕉麵包布甸 $𝟴𝟴呢款相對更加啱日師兄口味，麵包布甸嘅口感幾特別又唔會太甜，配上雪糕同埋朱古力醬一齊食就啱啱好！📝 ：𝟴/𝟭𝟬…Read More

長洲必食芒果糯米糍大家一定聽唔少，允升就係芒果糯米糍嘅元祖店了！朋友今次仲特別推介我哋一定要試佢哋嘅紫糯米～🍴芒果糯米糍 / 紫糯米皮 $𝟭𝟲依舊皮簿餡靚，中午去仲見到老闆係現場即整，芒果鮮甜，糯米糍軟身得嚟又有嚼勁，食落啖啖新鮮！紫米會比普通糯米更加香口，淡淡嘅紫米香氣配搭芒果嘅鮮甜原來真係會令成個口感昇華，都會比較甜一啲～我哋第一日下午𝟰、𝟱點去到已經賣哂紫米糍，第二日中午先買到。大家如果想試記得預早小小！…Read More

中學個陣學校去長洲旅行，已經同三五知己試過呢間師妹甜品，過咗三五七年後再嚟佢都依然屹立不倒🤞🏻師妹甜品嘅裝修比較簡樸低調，但係賣嘅款式都算多元化，火焰系列更加係出名打卡𝗮𝗯𝗹𝗲～不過日師兄都食過唔小次，今次就同朋友試下其他新嘢喇！🍴疏乎厘 疏乎厘係現場即時製作，有唔同口味嘅漿可以簡，我哋今次試咗朱古力漿，每一啖都好滑順，入口即溶，極為鬆軟，得到朋友一致好評呀！推介！📝：𝟵.𝟱/𝟭𝟬🍴心太軟 師妹甜品嘅心太軟同坊間嘅味道唔同，會微微帶點鹹香同奶味，唔會太甜。食落似用咗阿華田粉去取代可可粉製作，質地都比較軟身，日師兄自己幾欣賞呢種不同凡響嘅做法～不過佢哋就淨係可以選擇雲呢拿味嘅雪糕。📝：𝟵/𝟭𝟬🍴香芋千層蛋糕 千層蛋糕嘅每一層都有飽滿嘅奶油香味，填滿口腔同時又唔會太膩。不過呢款嘅香芋味道就淡咗小小唔太出，相對一般。📝：𝟲/𝟭𝟬✍🏻其他分數📝環境：𝟳/𝟭𝟬📝性價比：𝟴/𝟭𝟬…Read More

由以前香港仲未係好多石磨腸粉店嘅時候已經好偏愛呢一款食物～ 依家終於慢慢興起喇！尋尋覓覓試過好幾間香港嘅石磨腸粉店，終於試到呢間會不斷𝗲𝗻𝗰𝗼𝗿𝗲嘅五嫂石磨腸粉🤘🏻五嫂嘅腸粉選擇都幾豐富，當中最鍾意食雞蛋瘦肉腸粉～ 因為呢一款係最多餡料最有口感，同時考驗到師傅對攪拌雞蛋嘅均勻度，所以一間石磨腸粉店好唔好食，最應該攞雞蛋瘦肉腸出黎比較。有時候想昇華口感會叫菜脯，食落更加香口同有質感。佢哋有特製嘅自家醬汁，每日新鮮製成，唔會太鹹或者太淡。腸粉嘅質地都好軟滑，唔會太厚遮蓋咗餡料嘅味道，不過略嫌太薄身而容易破損，真係無返咁上下筷子功夫都好容易夾斷。環境方面，平時慣咗熱辣辣新鮮出爐咁堂食石磨腸粉，覺得攞走就冇咁好味。五嫂啱啱好係巷仔對開，位置並唔多，只能容納𝟰-𝟱個人，加上都多人排隊，所以經常要企係到食。不過二三十蚊就可以食到好食嘅石磨腸粉都覺得值嘅。…Read More

最近朋友約食飯，一齊去食咗呢間新開一年嘅燒肉店。今次去到見到佢哋嘅晚市分別有$498同$680 Set，我哋就選擇咗$680。套餐嘅主角係九品「日本一」燒肉盛合，包含咗9款日本直送嘅A5薩摩牛同埋宮崎牛。當中佢哋嘅慢煮和牛，完全無腥味，軟硬恰到好處，展現出烹調上嘅細膩。而牛柳扒本身無乜牛味，所以特別用咗牛油汁去調味，令肉質嫩滑，入口即溶，我哋覺得都唔錯。不過佢嘅份量比較多，食到後期就會覺得有啲利。牛肩位會比較難咬。餐廳嘅整體食材質素都高，職員亦會提供燒肉服務，態度好好。不過佢哋嘅煮法同提供嘅調味都偏淡同乏味，食落就有啲Dry～…Read More

係北海道大紅嘅一幻拉麵主打獨創嘅蝦湯拉麵，據說湯底每日新鮮熬製，每次都會用到𝟲𝟬𝗸𝗴北海道甜蝦、蝦油、豬油、蒜蓉同薑蓉精心炮製，好多人為咗一試而大排長龍。一幻過咗嚟香港都有一段時間，聽就聽得多，今日路過尖沙咀分店見唔洗等位就入去試一試喇！我哋叫咗$𝟭𝟮𝟴嘅一人套餐，包括有拉麵、沙律、餃子同埋嘢飲各一。🍜 招牌蝦湯拉麵個碗一放低已經聞到好香嘅鮮蝦味，湯底濃郁又足料。我哋今次簡嘅係幼麵，麵身完整地吸滿湯汁嘅精華，令到咬落去嘅時候滿口都係蝦嘅鮮味。叉燒肉嫩，脂肪同肉嘅比例適中，不過偏薄身小小。🥟 餃子餃子皮薄餡足，外皮啖啖脆口，內餡鮮美多汁。火候控制得好準，煎到底部金黃酥脆，頂部同時保持住柔軟，質感上嘅對比好鮮明。🍤 小蝦沙律小蝦沙律相對平時食開嘅沙律係幾特別。入面嘅蝦仔炸得脆脆甜甜，再加上雞胸肉條，令到沙律不單止清新，仲好有層次。係食完較重口味嘅拉麵後再嘗試呢個配搭會更加調適到味蕾。香港嘅一幻拉麵係環境設計都重現到日本總店嘅氛圍同原木色裝潢，空間闊落。不過佢哋推出嘅款式多數以蝦為主，獨特制勝，唔會刻意迎合大眾口味，所以鍾唔鍾意食好睇個人喜好，未必人人都啱，日師兄就覺得係中間偏上～…Read More