一幻過咗嚟香港都有一段時間，聽就聽得多，今日路過尖沙咀分店見唔洗等位就入去試一試喇！
我哋叫咗$𝟭𝟮𝟴嘅一人套餐，包括有拉麵、沙律、餃子同埋嘢飲各一。
🍜 招牌蝦湯拉麵
個碗一放低已經聞到好香嘅鮮蝦味，湯底濃郁又足料。我哋今次簡嘅係幼麵，麵身完整地吸滿湯汁嘅精華，令到咬落去嘅時候滿口都係蝦嘅鮮味。叉燒肉嫩，脂肪同肉嘅比例適中，不過偏薄身小小。
🥟 餃子
餃子皮薄餡足，外皮啖啖脆口，內餡鮮美多汁。火候控制得好準，煎到底部金黃酥脆，頂部同時保持住柔軟，質感上嘅對比好鮮明。
🍤 小蝦沙律
小蝦沙律相對平時食開嘅沙律係幾特別。入面嘅蝦仔炸得脆脆甜甜，再加上雞胸肉條，令到沙律不單止清新，仲好有層次。係食完較重口味嘅拉麵後再嘗試呢個配搭會更加調適到味蕾。
香港嘅一幻拉麵係環境設計都重現到日本總店嘅氛圍同原木色裝潢，空間闊落。不過佢哋推出嘅款式多數以蝦為主，獨特制勝，唔會刻意迎合大眾口味，所以鍾唔鍾意食好睇個人喜好，未必人人都啱，日師兄就覺得係中間偏上～
