lion2's Profile

來到啟德玩，發現樓上竟然有一間裝修好靚，座位又大，睇落好高級的泰國菜，睇左外面菜單，發覺價錢都係正常泰菜價錢，馬上入去試一下。來食泰國菜應該大部分會試冬陰功湯，但係我五想飲酸酸辣辣的，就大膽滴試左距地個肉骨茶。有驚喜，湯底無好濃的藥材味，好清甜的肉湯味，仲有肉骨的分量好足見到隔離檯個菠蘿飯几靚，我地又點左一個，菠蘿係甜菠蘿，個飯超好食鳳爪分量有滴少，但係味道係可以的。生菜肉包正常水準，碎肉都比較多汁，味道可以。距地個燒烤其實好正！本身肉燒得五柴，搭配距地個醬，簡直係我食過最好食的泰式燒烤。春卷麵粉稍微多左少少，味道係可以的。呢個飛天通菜勁辣，送飯一流，不過五知係五係季節問題，我鐘意菜葉多滴。泰式奶茶好濃的茶味，一個字，正！…Read More

火之神呢間餐廳一入店就被可愛嘅貓咪吸引，仲要係唔止一隻😂，成間店舖俾到我溫馨嘅感覺，裝潢不失可愛，令人舒適。我點左幾道菜，首先係燒牛扒丼。牛肉切得薄薄的，鮮嫩多汁，搭配上滑溜蛋黃，簡直絕配！每一啖都令我感受到肉質嘅鮮美，超好食！仲有就係個吉列蝦配日式咖喱蛋包飯，咖哩配吉列蝦呢個組合係唔會有錯，仲要配埋蛋包，口感層次豐富，蛋包外層滑嫩，裡面口味濃郁，真係好滿足。另外，我仲點左煎餃，外皮金黃酥脆，裡面嘅餡料鮮美多汁，搭配上酸辣醬，讓人回味無窮。整體來說，火之神食物唔單止好味，服務仲非常周到，有賓至如歸嘅感覺。如果鍾意食日式食物又鍾意貓嘅話一定要try try…Read More

之前住開呢頭，都有食過呢間小曼谷，果時都覺得尚有水準。呢日行開，發現距地推出新噶火鍋套餐，勁大份都只需198，果斷入去更新下印象啦，俾翻個like，支持下本地食肆。呐呐呐，一般食親泰國菜，起手就系三樣先，飛天通菜(無就轉xxx炒通菜)，生菜包肉外加泰式無骨鳳爪。無他，真系出品夠穩定。今次依然出品有水準，飛天通菜鮮香可口，夠曬鑊氣。無骨鳳爪一如既往Q彈酸爽，十分野味。生菜包肉口感豐富，解膩得黎又開胃。泰式炒飯，呢個要重點講下，個樣好似少少頹，但系味道真系非常唔錯，鑊氣炒飯，粒粒分明。食落口感風俗唔油膩，贊。當晚重頭戲，泰式火鍋，九層塔湯底，真系別有一番風味。你地睇下呢份料，感覺仲多過某啲連鎖速食店火鍋餐，雪花肥牛，豚肉，虎蝦，墨魚片，外加主食粉絲。4人份，真系食到捧住個肚走甘滯。…Read More

The Coffee Academics嘅環境真係幾好！裝修好有格調，簡約又時尚，無論係商場分店定係街邊舖都一樣咁舒服，好適合同朋友傾吓計，或者一個人咁喧鬧嘅旺角靜靜地嘆吓嘢。今次我自己一個人試咗佢哋個海帶三文魚忌廉意粉，意粉煮得啱啱好，唔會太淋，三文魚都好新鮮，而且份量都好多！忌廉醬汁creamy又帶少少鹹香，海帶嘅鮮味同三文魚嘅鮮味互相輝映，完美配搭！飲品方面，我叫咗一杯西柚梳打，西柚味好濃郁，唔會太甜，而且飲落去好清新解渴，係一杯令人回味嘅飲品。除咗食物之外，服務態度都好好，店員好有禮貌又細心，會主動幫我哋介紹菜式同埋解答問題。總括嚟講，The Coffee Academics嘅食物質素高，環境舒適，服務態度好，係一個值得推薦嘅地方！價錢方面喺朗豪坊嚟講唔算貴，絕對物有所值，尤其係個海帶三文魚忌廉意粉，真係值得一試！下次一定會再嚟試吓其他嘅菜式同飲品！…Read More

這間嘢環境幾特別，裝修風格好有個性，霓虹燈閃閃下幾有氣氛，打卡一流！座位都幾舒服，唔會逼夾。我同朋友叫咗好多嘢食，首先係刺身拼盤，新鮮度唔錯，三文魚同帶子都幾肥美，海膽都算creamy，整體嚟講質素唔差。刺身嚟講我覺得價錢都幾抵。壽司方面，我哋試咗加州卷同埋鰻魚壽司，加州卷份量十足，味道都幾夾，鰻魚壽司嘅鰻魚燒得好香，唔會太甜。另外，我哋仲叫咗鹽燒雞翼、一份A4和牛同埋一個芝士肥牛拉麵。雞翼燒得幾香口，肉質嫩滑；份A4和牛煎得啱啱好，唔會太老，肉汁豐富。芝士拉麵就比較特別，湯底濃郁，芝士味好重，配埋肥牛，味道幾fusion，但係可能唔啱晒所有人嘅口味。最後，仲叫咗個鱈魚乾，熱辣辣脆卜卜，幾好食，可以配埋個芝士拉麵嘅湯底一齊食。總括嚟講，呢間餐廳嘅食物質素唔錯，價錢唔貴，環境同埋食物嘅質素都係物有所值。如果想試吓啲比較特別嘅fusion菜式，呢度係一個唔錯嘅選擇。…Read More

食燒烤唔一定下下都要返內地食嘅 香港自己都有高質唔錯嘅燒烤店👍🏽 店舖就位於旺角,對比特登返內地食慳返唔少時間 食完附近仲大把嘢行,可以響應夜繽紛😂😂其實呢間店我已經食過幾次,店內店外裝修風格都幾唔錯,有feel嘢食方面我點咗雞肉串同雞翼,粗店嘅燒烤啲雞真係冇得頂,特別係雞翼,裏面可以保持到嫩口之餘又做到表面乾脆,有少少微微焦嘅口感,我應該淨係雞翼都點咗兩三次😂 ,另外羊肉串同牛肉串肥瘦啱啱好,燒完之後油脂嘅香味好重,食過就知舖頭唔係用啲好平嘅貨,對比大陸慣常用合成牛合成羊,一分錢一分貨係好明顯,茄子整體質素OK ,夠大條😂,不過炒飯一定要試,好味性價比高,完全夠兩三個朋友食都OK,搭支可樂飽晒…Read More

今日來到荔枝角睇樓，見到入面有間睇落几新淨既燒肉店，來遠就見到距既送餐模式几特別甘，用小型車車送餐，好奇入去試下。店內掃碼點餐，有五同種類的燒肉套餐，有豬肉，牛肉，和牛。距啲套餐都比較抵食，價錢五算貴，有飯有湯仲有分量不少的肉。外面仲有水可以自己斟來飲，比較貼心。我叫左個和牛套餐試下，一睇啲和牛就好靚甘，不同部位每款有幾塊，燒來撈飯剛剛好。值得一提，個和牛係堅好食，肥瘦比例剛剛好加几蚊升級的紫菜溫泉蛋飯一啲都無另我失望，紫菜量多，只蛋又剛剛好撈埋碗飯，超級好食。老公叫左個韓牛套餐，同樣出色，五會太肥膩，而且分量都足夠多。下次來開荔枝角都會想繼續去食，因為味道分量全部都很可以。對得住個價錢，五會太貴。…Read More

最近同朋友去食過呢間Omakase, 雖然話價錢比較貴，但係食過又覺得都几抵下。首先係壽司師傅，好風趣幽默，其次就係距地既食材都比較新鮮。當日有季節料理：白子昆布醬油燒，海老真丈海老真丈，白蝦的另一種食法，做法有啲似蛋白魚腐，但更具蝦味，搭配小青椒，別有一番風味。我最鐘意既手握壽司有好多款金目鯛，關鯖，青森帆立貝，白海老，北海道秋刀魚，槍魷魚，吞拿三式（中拖羅，大拖羅，赤身），海膽手卷白海老，小小一件壽司，竟然可以包含幾十隻白蝦，其中鮮味都可想而知啦。吞拿三式，經常都系廚師發板重頭戲，三個唔同部位，一直都有各自的fans。今日吞拿魚仲要系現切，每個部位都系上乘之選。個人更為喜歡中拖羅，魚肉同油脂的鮮味都可以兼顧，相得益彰。根室馬糞海膽手卷，鄧師傅落足料，整整一排包一份手卷，一啖落去就知道勁滿足。海膽味濃郁，唔會腥臭，仲有少少回甘添。味增湯：味增湯都系當造蔬菜+魚+豆腐，味道都唔錯，唔會太鹹。甜品：和歌山柿+南瓜慕斯南瓜慕斯真系有啲出奇，食落更似栗子味道多啲，但整體非常唔錯。和歌山柿都頗為出名噶啦，好清甜唔會膩。…Read More

朋友推薦，話食過呢間酒樓小炒好出色，今日約定時間早早就黎試下距系未真系有真材實料先。早早黎到，客人唔多，店員爽手安排埋位。生猛海鮮即點即整，都無花假。避風塘炒蟹就肯定要試下啦，再黎個店員推介特色菜--芥末牛柳粒。鋪頭宜家仲做緊優惠，post相點贊就送沙薑豬手，甘就肯定唔可以錯過啦。避風塘炒蟹，真系勁大只。我都懷疑兩個人究竟可以唔可以食得曬。肉蟹雖然經過猛炒，但系肉質依然緊致，仲好鮮甜，搭配埋大量炸蒜，乾辣椒同埋椒鹽，真系香辣可口，但唔會搶走蟹肉噶鮮味，更增添一份鮮香，正！芥末牛柳粒，真系第一次食，味道都出奇好味。芥末經過高溫烹煮，無咗辛辣味道，唔會太刺激味蕾，同時留翻芥末的清香，可以中和翻牛柳粒的油膩感，確實唔錯。沙薑豬手，雖然系送的，但水準線上，無豬騷味，肉質鮮嫩，膠質豐富有咬口，搭配沙薑汁，非常好味。最後店員服務爽手，系得噶。…Read More

今日經過tst,發現e 度有間好低調嘅omakase😱一黎有水雲，蕃茄，同雞蛋蕃茄一啲都唔酸，去左皮，好軟淋水雲酸滑開胃，食完水雲之後就可以將隻雞蛋放喺個玻璃嗰度方便食用。師傅話個雞蛋係新研發嘅菜式，所以都好想客人俾啲comment佢哋。雞蛋好滑嫩，暖暖哋，幾啱入冬食。上邊係有香箱蟹嘅蟹肉絲喺度。伊佐目。師傅比左白豉油我地，個顏色會淡少少，但係個味道一樣會喺度。汁煮八爪魚。好軟糯。汁煮調整過同新鮮嘅口感又好唔同。蘿蔔的口感好特別，有少少爽口唔係軟糯都唔係硬！炸完嘅拖羅逼曬啲魚油出黎，表面又脆又好食。入而嘅粉嫩顏色勁勾人。兩個字：絕了食完拖羅之後口會充滿油脂啦，所以先安排咗呢個會梅醬青瓜絲俾我哋清一清。梅醬好解膩。青瓜爽脆新鮮。平凡食材但又味道唔錯，盡顯安排好用心saba 壽司 肉質嫩滑池魚 壽司 冇筋 魚質好細膩金線雕 師傅真係好有小心思，味覺同視覺都滿足曬關鯖魚 人地飯上面係一片魚，師傅黎一舊魚🤣。一大舊魚，口感真係好好。一啲都唔腥沙甸魚 魚中一點綠，好有生機。平時係其他壽司舖都好少食到沙甸魚。原來係因為佢嘅處理方法比較繁瑣，估唔到今日可以喺度試到。魚質會creamy 一啲，重魚香，又幾好食甜品栗子撻嗰度佢個餅皮上面鋪咗好多栗子蓉，但係又唔會太甜，所以就算食晒成個都唔會膩。驚喜嘅係栗子蓉裏便仲有粒完整嘅栗子同埋香印提子😆😆好滿足omakase甜品嚟講，佢嘅size都真係算幾大，哈哈其實個set 仲有好多其他野食 但係真係記錄唔曬，個啲就等大家黎試啦…Read More

餐廳雖然冇門但又一d 都唔熱！mixed fruit : 甜度ok,酸酸甜甜pineapple soda : 好飲燒菠蘿：真係好甜！上面仲有簿簿嘅焦糖，倍增甜品feel. 兩大串份量勁足👍🏼👍🏼 燒全翼：上枱嘅時候店員已經主動問吓我哋要唔要手套👍🏼👍🏼勁體貼。雞翼外面燒到好焦香，係燒出黎嘅香矛feel燒生蠔：明明生蠔係新鮮，我望住老闆開出嚟。但係燒完之後佢嘅生蠔竟然幾入味。而且食落有少少辣辣地，更加惹味。佢另外仲配左一個泰式醬料（酸酸甜生但又香茅！幾唔錯，好似換左另一道餸咁👍🏼咖哩蜆：咖喱味好重，但係唔辣。如果有啲包或者係飯撈埋一齊食就爽。蜆冇咩沙，肉質都比較飽滿。芒果糯米飯伴椰子雪芭：好抵食。芒果一睇幅相就已經知道佢嗰種勁甜嘅芒果，個椰子雪花好香濃嘅椰奶味，而且佢個解凍啱啱好，必試…Read More

長沙灣呢頭都出名多野食，價錢又親民實惠。朋友介紹呢間粵菜都做得唔錯，行開梗系要試下啦。舊式酒樓裝修風格，夠光猛，位置唔算擠逼，店員上茶水都十分爽手。晚市孖寳海鮮撘小炒先$208，真系好抵食下，我地就叫左蒜蓉開邊蝦同小炒皇。飯前冷盤-涼拌雲耳，酸爽開胃，味道唔錯。小炒皇真系好夠鑊氣，大大碟，用料好足，蝦乾魚乾，腰果菜脯樣樣齊。韭菜好鮮嫩，食起身鹹香爽口，尤其距地嘅菜脯，勁爽口，正。蒜蓉開邊蝦都好大份，足足十隻，蝦肉彈牙。識食肯定知道底下蒜蓉粉絲先系精華，吸收曬蒜蓉同蝦嘎鮮味，浸得都冧，真系無得頂。鮑魚奇味雞煲味道都唔錯，鮑魚唔韌，雞肉入味。招牌乳鴿皮脆肉嫩，唔會柴，肉汁豐富，點埋椒鹽粉，好好味。總括黎講，價錢親民好食街坊酒樓，值得一試。…Read More

同朋友系九龙湾行街，见到有茶木，就打算入去食餐饭。距地有二人晚餐的套餐点，好抵。但系其实单点都五算贵，价格系比较亲民的。我地点左2个主食，再加滴小食甘，上到来发觉都好大份。台湾牛肉面，一睇就知系好足料既，大牛肉都有2件。滴面五会因为放太耐就吸晒汤汁，距系放几耐都系甘架，好正，烟烟韧韧甘。味道刚刚好，五会太咸。朋友叫左个杏胞三杯鸡，上来就闻到香，下面仲有火暖住热食。杏胞菇同鸡都好入味，鸡仲比较嫩，送饭一流。盐酥鸡不过不失，面粉五算厚，就系有滴少。台式烤肠，以为距会一条上，点知系切开，食落好方便。烤肠五算烤得香口，普通烤肠甘。加左一份娃娃菜，五知系咪因为系加既，分量偏少，不过味道还可以，加左虾米，几鲜味。茶木滴水果茶值得一赞，五甜五涩，淡淡水果香，可以…Read More

又到冬天打边炉既時節啦，今日约埋一班好友去到尖沙咀呢间火锅鋪，佢好似系新开冇几耐，因为入边啲装修都好靓，座位好阔落。鸳鸯煲就最啱多人打边炉，有辣有唔辣任君选择，我最钟意个麻辣鸭血煲，入边啲鸭血有好多件，斋個煲都好抵食。呢份牛拼盘好大份，有一口牛啦，肥牛，同埋其他款牛肉，放入麻辣鸭血煲入边，又嫩又滑。丸仔拼盘最钟意个墨鱼丸。原来打边炉同凍豆腐系好match架，距好索味，又鮮嫩，無論係沙爹定麻辣鍋底都可以淥。啲饺子有三种颜色摆盘好靓，识落味道都唔错，但系唔知咩馅。呢个豬梅片淥熟之后唔肥腻，又好容易入口，加上佢哋既调味料，食落都好唔错。脆肉鲩啲肉都算實淨，食落唔腥。值得一提嘅系个蔬菜拼盘，鸡髀菇鲜嫩，粟米甜，其他蔬菜都好嫩。呢度嘅服务态度都几好，值得再次過嚟。…Read More

自從屯馬線開通，紅磡連金鐘之後，過海食飯就好easy。因為比較鐘意來灣仔睇下海感受下香港的味道，就連美食都想係灣仔搵到。來到呢度完全係被個名吸引，想睇睇茳煳上有咩好菜式一入來好似海鮮酒家feel。服務員滴態度都超級好，點送既時候會介紹翻當日有咩比較好食，有咩湯推介甘。另外係甘凍既天氣，一坐低會送上一壺熱茶，下面仲係有明火燒住既，好溫暖，加上座位寬落，真係好享受。首先叫個湯飲下，是日推薦係鮮人參湯，上來又係用火暖住，一人一盅雞湯，入面有鮮人參，百合，薏米，瑤柱，豬肉，燉到好num，鮮味十足。香烤骨，本來以為類似京都骨噶做法，但系原來系烤完再加醬汁燜煮。開蓋滿滿的南乳香味，整塊排骨已經燉到好冧，骨肉極易分離。入口滿嘴油香，即刻融化，肉質鮮嫩，真系減肥路上的絆腳石。小唐菜吸收埋醬汁，都好好味。最後來個茳煳炒飯，好好味，好飽。…Read More