葉公館 (Closed)

長沙灣呢頭都出名多野食，價錢又親民實惠。朋友介紹呢間粵菜都做得唔錯，行開梗系要試下啦。舊式酒樓裝修風格，夠光猛，位置唔算擠逼，店員上茶水都十分爽手。晚市孖寳海鮮撘小炒先$208，真系好抵食下，我地就叫左蒜蓉開邊蝦同小炒皇。飯前冷盤-涼拌雲耳，酸爽開胃，味道唔錯。小炒皇真系好夠鑊氣，大大碟，用料好足，蝦乾魚乾，腰果菜脯樣樣齊。韭菜好鮮嫩，食起身鹹香爽口，尤其距地嘅菜脯，勁爽口，正。蒜蓉開邊蝦都好大份，足足十隻，蝦肉彈牙。識食肯定知道底下蒜蓉粉絲先系精華，吸收曬蒜蓉同蝦嘎鮮味，浸得都冧，真系無得頂。鮑魚奇味雞煲味道都唔錯，鮑魚唔韌，雞肉入味。招牌乳鴿皮脆肉嫩，唔會柴，肉汁豐富，點埋椒鹽粉，好好味。總括黎講，價錢親民好食街坊酒樓，值得一試。