SharonPhoebe's Profile

📍 Manna 觀塘翠屏道11號觀潮浸信會1樓 去附近嘅歷史檔案館路上經過依度，順便黎試下佢哋嘅早餐😋餐廳木系風格，環境舒服😌見到佢哋會請有需要人士工作，同埋有提供送飯上門服務。早餐去到朝早11點，午餐選擇豐富👍🏻除咗食正餐都係個適合黎飲杯咖啡坐喺度傾吓偈嘅地方☕️🍴雞扒米粉配餐肉炒蛋 凍檸茶 $45👉🏻所有營利都會用作區內關懷服務用途，提供就業空間及職業培訓予無餐飲業經驗或有需要朋友，社區關懷工作，包括派飯，探訪及義工服務🤍…Read More

Flames📍觀塘海濱道77號海濱匯1樓2號舖星期六黎到位於商業區嘅Flames食晚餐，星期六位於依區嘅餐廳黎講算多人，約七點時入座率已過半。1. 慢煮雞胸凱撒沙律 Chicken Caesar $118天氣熱想食fresh啲所以嗌咗沙律，內有凱撒沙律醬、煙肉碎、麵包粒、芝士粉，面頭鋪上六塊雞胸肉。沙律醬與沙律菜已預先拌勻，醬汁份量適中，沙律份量頗多適合幾個人share。2. 炸魚薯條配他他醬 Fish & Chips $158 👍🏻塊炸魚差唔多有前臂咁長，伴有連皮炸薯條，他他醬，茄汁同一角檸檬。同樣份量較大適合同人分享。3. 10安士肉眼扒配忌廉薯蓉 Grilled Rib Eye Steak (10oz) $268牛扒order咗medium，生熟度剛剛好，牛扒面頭有燒烤條紋，略嫌其燒烤味道有點蓋過牛肉味。伴碟有薯蓉和烤蔬菜，忌廉薯蓉幼滑，奶味濃郁美味，西蘭花有點硬。4. Nuts Bout Tella $88啫係Nutella milkshake5. Iced Lemon Tea $28餐廳菜式賣相不錯，份量大同豐富，食完覺得好滿足我哋兩人嗌咗三樣野食差啲食唔晒！適合同朋友聚餐嚟食😋會再encore!…Read More

Bookmark咗一段時間嘅Hemma🍰今日特登黎試下～餐廳喺西營盤B2出口附近，平日11:00去到唔洗排隊直入，Minimum order為每人一杯飲品。入坐後要先去櫃枱落單同俾錢。1. Vanilla cheesecake ($62)選擇咗最basic嘅雲尼拿味試吓，蛋糕入面有雲尼拿籽，巴斯克蛋糕半生嘅質感分佈平均，如果試過自己整嘅話就知要焗到依個效果係好難～蛋糕唔會好甜剛剛好，食落帶淡淡cream cheese味～2.Lemonade ($58)梳打水加檸檬汁，飲品上面有嘅碎冰灑咗少少檸檬皮點綴🍋作為無茶不歡嘅人，本身想嗌茶飲但只有熱飲選擇，天氣熱所以揀咗依個～除咗食物質素，都好欣賞餐廳嘅songlist同環境！選用嘅餐具都好靚haha，隻蛋糕碟靚到想返屋企🤣🤍 但老實講食物同飲品定價偏進取，覺得飲品單價 ~ $40同蛋糕 ~$50 能令顧客易啲接受。主要係min. charge一杯飲品，加埋蛋糕overall價錢都幾令人卻步。希望餐廳收支平衡後可以回落食物同飲品嘅價錢啦～～…Read More

👍🏻常餐沙嗲牛肉腸仔煎蛋米粉 配丹麥牛油酥 9折後 $45 ($46 + $3凍飲 + $1外賣)第一次喺三和外賣常餐，常餐有得揀三樣餸，除咗常見嘅雪菜肉絲五香肉丁，仲有雞翼鮮牛肉等。今次揀咗沙爹牛、腸仔同煎蛋。餐廳將麵餸同湯分開抵讚👍🏻餐包係丹麥牛油酥，表面輕微烘過。煎蛋係雙蛋半生熟，想全熟記得同餐廳講。檸茶茶底正常好飲。喺樂富咁多連鎖餐廳入面難得一間唔係仲要係街坊開嘅，所以間唔中都會黎食下餐廳除咗常餐仲有炒飯麵等選擇，下次會再去試下！…Read More

星期六晚黎咗尖沙咀牛藏食燒肉放提😋餐廳位於isquare 7/F（建議搭𨋢會快啲上到去🤣）前幾日預先book咗位嘅關係，當日早咗十分鐘去到，職員話執埋張枱就入得。見到有客人想walk-in，前枱話當晚已無晒walk-in位😳建議想喺繁忙時段食嘅最好提前book定位！我地7:30pm入坐，可以食到10:00pm，9:30 last order。星期六晚計埋加一$427 p.p. 餐廳坐位舒服，好似坐係一個個包箱入面咁。依間燒肉主打澳洲和牛，每枱可以嗌一客和牛拼盤，應該係俾人打下卡咁🤣可以嗌嘅牛肉包括：和牛西冷、和牛肉眼、和牛牛筋肉、CAB牛肋骨、牛舌片、牛板腱、手切牛小排同醬汁牛仔骨。個人試過咁多款之後覺得西冷同肉眼最好食醬汁冇乜選擇，餐桌旁邊有鹽、辣椒粉同七味粉，我就係出面凍櫃拎咗檸檬角，檸檬汁點肉解下油膩感出面自助bar都有啲蔬菜、沙律、菇類、凍餅、雪糕同埋幾款熟食（炒飯、咖喱魚蛋、司華力腸同炸春卷）熟食選擇比較少，不過黎得燒肉都無乜人會特登食熟食ga la🤣雪糕有牛奶公司雪糕杯、雪米糍、韓國生果味雪條等。每人都可以嗌一杯movenpick總括而言，餐廳環境乾淨舒適，職員主動有禮收碟收得快，除咗有少少貴之外無乜好挑剔😌如果想平啲食到燒肉放提可以揀星期一至四黎食，午市仲有八折添！…Read More

平日晚市第一次黎食泰菜，餐廳鄰近油麻地站A2出口，直行1-2分鐘就到。兩人共嗌咗三款菜式同兩杯飲品：1. 泰式涼拌火辣魚皮 ($78) 平時涼拌魚皮係舊式粥檔食得多，又未試過係泰國餐廳食過。爽彈嘅魚皮加上泰式沙律，啱晒而家夏天食！唔食得辣嘅朋友要注意因為都幾辣下🙈2. 生菜9包 ($88) 豬肉碎上面加咗秋葵乾，撈埋肉碎嘅口感特別得黎又惹味，係出面餐廳未試過嘅味道，估唔到秋葵同泰式肉碎咁夾，推介大家黎試！大推！3. 蟹肉炒飯 ($108) 炒飯有炸蟹鉗、蟹肉同蟹籽4. 芒芒雪沙 ($48) 落單時有得選擇甜度5. 椰青 ($48)食飯時出現咗小插曲，飲品有漏單嘅情況，同侍應講爭杯芒果冰沙，然後侍應話我地無落到單，我哋double check有落到單同show俾侍應睇，最後侍應話聽到我講芒果糯米飯然後就走開咗，當刻感到有d莫名其妙同有怪責嘅意味，如果加返句「唔好意思」，語氣客氣點客人會感到舒服啲，畢竟漏單不是我們的錯和提點餐廳不是我們的責任，因此服務方面有待改善。除咗依點之外，餐廳其他方面都好好，菜式美味同有創意，餐廳環境都好光鮮同整潔，價錢同出面泰式餐廳差唔多唔會特別貴，將來有機會會再來光顧…Read More

某星期六晚上咗嚟BBQ食dinner餐廳位於富利工業大廈1樓，同一棟大廈入面仲有其他餐廳 eg. Gali、哈豆、芋圓控等我地一共嗌咗兩個餐：1. 墨西哥雞肉芝士薄餅配脆薯王 連餐湯同飲品($50)薄餅分成四件，入面餡料有雞肉絲加上芝士，芝士控必嗌旁邊配上紅莎莎，微辣• ───── ✾ ───── •2. 即煎安格斯牛扒配薯菜 連餐湯同飲品 ($60)不過不失，朋友食食下見到第二枱嗰塊大過佢依塊🤣餐廳位於工廈區，星期六晚去食依然滿座。五十蚊一個連湯同飲品嘅晚餐，真係好抵食！菜式都好特別，下次會再嚟試吓其他野食！留意餐廳只收現金，記得㩒定錢上去😹…Read More

平日晏晝黎咗佐敦小酒窩食lunch，lunch set包咗前菜、湯、飲品同主菜🍽️我哋嗌咗茅屋芝士鮮菠菜咖喱配naan同魚肉咖喱配cheese naan————————————前菜有微辣帶咸嘅Papad脆餅配mint sauce🌿————————————茅屋芝士鮮菠菜咖喱 配naan🥘每次食印度菜必嗌菠菜芝士，唔食得辣嘅人必點印度嘅茅屋芝士係比較淡味，口感似硬豆腐/ 豆乾，依度嘅芝士口感濕潤唔會太乾依度嘅菠菜咖喱食落幾乎冇辣味啱晒我————————————魚肉咖喱 配cheese naan🥘Cheese naan軟熟 中間有層芝士夾心 熱食嗰陣會拉絲————————————餐飲凍檸茶依餐廳適合同同事/朋友過嚟靜靜地搵個地方傾偈，野食唔錯，落單到上餐都算快速…Read More

有晚星期六喺港島搵食，平時都係去開九龍城食泰菜，最後選擇咗依間bookmark咗好耐嘅Samsen😋7:30pm開始排大約等咗50分鐘就有位，侍應安排咗bar枱嘅位置俾我哋，坐bar枱可以望到水吧、甜品區、同整河粉嘅師傅喺度工作👨🏻‍🍳————————————泰式和牛炒飯👇🏼 $138有鑊氣，牛肉比例充足，每畢一啖飯都有牛肉，牛唔會炒過龍而太靭個人覺得有少少重口味偏咸 ————————————泰式虎蝦炒金邊粉 $148金邊粉濕潤唔會太淋，味道酸甜，虎蝦每碟有四五隻，蝦係預先剝咗殼 味道鮮甜彈牙，伴碟放咗啲菜食落帶有苦味幾特別————————————芒果百香果冰 $62坐吧枱嘅好處係可以睇住師傅喺面前即整，味道酸酸甜甜好解暑————————————泰式奶茶 $46每次食泰菜必點一杯泰奶成間餐廳好熱鬧同好有氣氛，最鍾意吧枱位可以望住泰國師傅喺度整野食，見到椰子雪糕同芒果糯米飯都好吸引，芒果糯米飯係用原隻芒果，下次再黎試下…Read More

成日幫襯樂富街市間韓國食店嘅kimbap一拎個飯捲上手feel到好重身，打開見到裏面塞滿晒餸，好豐富同足料！餸多到見唔到飯咁濟好好食Total有九種材料：牛肉、魚片、牛蒡、蛋絲、青瓜、酸蘿蔔、紅蘿蔔、醃紅菜頭同生菜一條飯捲切開咗12份，食落牛味出，餡有幾種蔬菜感覺清爽同fresh個人覺得好食過出面啲韓式飯捲好多 (真係好足料👅)！價錢貴少少但係對得住個價錢！適合買去picnic食、dinner買返去加餸、或者lunch買一條食都夠晒飽…Read More

難得有飲品鋪以桃膠做主打據知桃膠需預先浸泡一段時間，費時同要心機處理，所以好少鋪頭會賣桃膠。今次見到有桃膠飲品即刻買黎試下。店員提供咗試飲，係用細細個嘅mason mug裝住，幾過引。店員見我心大心細，介紹咗幾款茶飲。最後選擇咗黑貴婦，因為mix咗最愛嘅黑糖同桂花感覺清新，桃膠口感軟惗，桃膠本身帶黑糖味清甜。見佢仲有好多配搭，包括對女仔好補嘅紅棗。服務態度好好，飲品配搭有創意，睇得出係用心經營。希望可以keep住水準，支持^_^…Read More