三和茶餐廳 (Closed)

👍🏻常餐沙嗲牛肉腸仔煎蛋米粉 配丹麥牛油酥 9折後 $45 ($46 + $3凍飲 + $1外賣)第一次喺三和外賣常餐，常餐有得揀三樣餸，除咗常見嘅雪菜肉絲五香肉丁，仲有雞翼鮮牛肉等。今次揀咗沙爹牛、腸仔同煎蛋。餐廳將麵餸同湯分開抵讚👍🏻餐包係丹麥牛油酥，表面輕微烘過。煎蛋係雙蛋半生熟，想全熟記得同餐廳講。檸茶茶底正常好飲。喺樂富咁多連鎖餐廳入面難得一間唔係仲要係街坊開嘅，所以間唔中都會黎食下餐廳除咗常餐仲有炒飯麵等選擇，下次會再去試下！