Wingshek28's Profile

每個人細個都有一間餐廳成日去，記得嗰陣時讀書嘅時候去旺角都食呢一間一休居酒屋，主打性價比高，諗唔到經歷咗疫情經濟差都依然喺度。鹿兒島A5和牛肩胛火鍋 $168抵食，牛肉嘅質素高，肥瘦相間，再沾上日本蛋液，相當滑溜。極尚和牛卷$78係一個牛油果同埋牛肉太卷，上面鋪滿蟹籽同蒜片。火炙薄切A5和牛壽司$78之前已經好鍾意食呢一個壽司，和牛份量鋪滿成隻碟，火炙完都保持和牛嘅油脂香。鯛魚刺身$98 & 活赤貝刺身$58$58就可以食到活赤貝，性價比非常之高。鮟鱇魚肝 $58…Read More

已經去過呢一間潮州店好多次，有去過將軍澳，有去過新蒲崗總店，每次食都唔會失望。🌟🌟招牌滷水鵝肝(半份) $138 粉肝要有滷水味，同時亦都保留到軟嫩綿滑 入口即化嘅質感，唔係每間潮州菜都可以做到，必點🌟汕頭煎蠔烙 $88蠔仔大大粒，肥美且新鮮，蠔餅煎到外脆內軟，仲有蛋香。潮式炸雙棗 $88分別係蝦棗蟹棗，蝦棗爽口彈牙，蟹棗用腐皮卷捲起，味道鮮甜，兩者都很酥脆可口。以前份量一向都好大份 ，而家出咗呢啲精緻版$88， 適合兩個人 ，嗌多幾個小菜 。…Read More

本身約咗朋友去諾士佛台飲杯嘢🍻，但大家都知嗰度冇乜嘢食，於是朋友推介咗The One對面酒店飲番杯。香煎帶子配蜆汁鷹嘴豆蓉、三文魚籽 $138 帶子煎到兩邊金黃焦香，但內裏仲係超嫩滑😛，鷹嘴豆蓉加咗蜆汁同三文魚子更加鮮味。🤩阿根廷紅蝦肉吞拿魚蓉他他配三文魚籽及黑魚籽 $128💎紅蝦嘅爽甜同吞拿魚蓉嘅軟滑，滿滿嘅海洋氣息🌊。再加埋三文魚籽同黑魚籽，奢華感即刻提升！北海道直送海膽扁意粉配自製海膽醬 $218 💛 每一條扁意粉🍝都掛滿creamy嘅海膽醬，醬汁濃郁但又唔會膩，再鋪上北海道直送嘅新鮮海膽。💥日式豆腐糕寶雲酥羊肋排配法式千層薯批 $228🐑 羊肋排肉質粉嫩，完全冇羶味，份量很大，👍 旁邊個法式千層薯批層層分明，配埋個芥茉籽燒汁，完美平衡返羊肉嘅油香。Heart of Ta-Le🌶️真係有冬陰功嘅影子，帶少少辣，超級惹味開胃！Shahalot 🌿加入魚露幾特別，有少少鹹香，酸酸甜甜，感覺好清新。…Read More

位於油麻地樓上燒鳥居酒屋，設有吧枱座位可以欣賞師傅燒串燒過程。師傅好健談，邊整邊會解釋會每道菜嘅工藝、配搭嘅手法，務求以最簡單嘅調味帶出食物嘅鮮味。鮟鱇魚肝 $78每年秋冬季鮟鱇魚肝就最肥美，入口後魚肝嘅獨特油脂香。白子 $98加入柚子啫喱魚子醬調味，師傅處理得很好，沒有腥味，酸甜鹹香嘅醬汁更能襯托出白子質感。🌟海膽刺身$198通常刺身都會配備豉油，詢問得知豉油會蓋過海膽鮮味，所以師傅在海膽上配淡雪鹽，微微嘅鹽香帶出海膽嘅鮮甜，可見師傅嘅細心同對食材嘅了解。阿波尾雞翼$38肉質緊致有彈性，簡單海鹽調味，帶出雞肉嘅鮮味。🌟雞肝 $32採用日本雞肝，燒到五成熟，需要師傅純熟火候嘅控制，保留粉嫩軟🌟🌟自家製鮮魚湯 $78必飲！師傅稱用超過六個鐘以上熬製，用白肉魚骨同姜放喺大鑊裏面炒香至金黃，做出奶白嘅魚湯，濃郁鮮甜，適合飲完酒之後醒酒。…Read More

太子呢一間以Jellycat為主題，每一個麵包都好得意好可愛。第一下比開心果菠蘿包吸引，雖然$20/個，可以買完麵包去用餐區享用咖啡或者其他甜品。雖然味道同價錢冇話好吸引，但係假日飲個咖啡食個麵包打卡，都係一個寫意嘅下午…Read More

一間日本過江龍拉麵店，晚飯時間要排10幾分鐘，但係我都覺得值得一試。餐牌種類多，除咗雞白湯仲有醬油 松露等等 另外亦都有餃子等等嘅小食。雞白湯真係好鮮甜濃郁，感覺像煲咗10幾個鐘有種骨膠原嘅黏稠度，完全唔似加咗味精，雞肉低溫慢煮，嫩滑。…Read More

自從某知名韓餐店變咗任食醬油蟹之後，😏而家要諗到香港好食醬油蟹應該就剩返本家👑💯 。二人套餐 （淡水鰻魚+菲力牛扒+醬油蟹）$1450一上枱個蟹蓋入面嘅橙黃色💛蟹膏多到滿瀉，店員會超貼心咁幫你將蟹蓋🦀入面嘅膏同肉拆出嚟，然後加入紫菜飯攪勻，最後再將精華重新釀返入蟹殼入面！🍚✨ 每一啖飯都充滿住蟹膏嘅甘香同蟹肉🦀嘅鮮甜，醬汁嘅鹹香恰到好處，完全唔會死鹹😋 。🌊 淡水鰻魚店員會幫忙將鰻魚🐟喺烤網上慢慢變成金黃色，燒到外皮焦香脆口😍，但入面嘅魚肉依然保持到嫩滑，油脂感豐富。夾上一塊酸甜爽脆嘅醃白蘿蔔🫜一齊食，完美嘅平衡！👍唯一要彈嘅係店員嘅速度有啲趕🙈，個飯都未開始食，肉就開始燒，肉都未食完，鰻魚有燒好,如果可以放慢少少個節奏就好。 😥！…Read More

作為一個由社交平台 網上烘焙店起家，係上環摩羅上街開咗屬於自己嘅Cafe 。前面係cafe可以俾你靜靜地歎件cake🎂🍰、飲杯咖啡☕️。而玻璃後面就係蛋糕工場，可以親眼見到師傅專注嘅身影。🤤🍰 伯爵茶焦糖聖多諾黑夏洛特蛋糕 $70蛋糕係結合聖多諾黑🤞🏻(Saint Honoré) 同夏洛特 (Charlotte) 兩款經典法式甜品🥨🧁，外層圍住一圈工整嘅手指餅，頂層嗰幾粒閃令令嘅焦糖泡芙，一啖咬落去🤩，先有焦糖🍬嘅香脆同微苦，跟有伯爵茶忌廉🍵既清香優雅，完全唔會過甜。口感層次豐富到不得了！💗💗開心果蜜柑蛋糕 $72開心果慕絲嘅顏色好自然，一聞就聞到濃郁嘅堅果香氣😮‍💨，開心果味奶油濃郁醇厚，口感綿密 💖。係中間嗰層蜜柑果醬！🍊 蜜柑獨有嘅清甜同微酸😖，令成件事變得好清新好平衡。…Read More

本身好中意食牛腸😍 每次去首爾，都必定要安排一餐「膽固醇餐」，返到香港真係會心心念念！🤤當我聽聞尖沙咀開咗間專門店，主打烤牛腸，二話不說就去試試！平均$250一人份，一啲都唔平，點咗個綜合牛腸套餐，有齊牛小腸、牛大腸同牛心，圖片係一個四人嘅份量。但係期望越大，失望越大。烤腸就係要用猛火將外層燒到金黃香脆，鎖住入面嘅油脂甘香。但呢度個爐火喉明顯唔夠力，啲牛腸只係慢慢被「烘」熟，表面變得好乾身，完全冇嗰種外脆內軟、油香四溢嘅口感。😩味道方面，唔知係咪因為爐火問題，定係食材本身嘅問題，成餐食落去剩係得一股沉重嘅油膩感，完全冇咗喺韓國食到嗰種獨有嘅牛脂香氣。店家稱韓國直送，我懷疑係雪藏過令鮮味流失晒，冇咗嗰種「新鮮即劏」嘅鮮味。因為我之前一路喺韓國食嘅牛小腸係香港人叫嘅 「竹腸」，但呢度嘅牛小腸係帶粉狀口感嘅「粉腸」，兩者口感味道相差好遠。雖然唔知係翻譯嘅問題定係係我一直嘅誤解，如果有人知可以糾正我。全晚唯一好食嘅係炒飯🍚✨，店員將食剩嘅牛油精華，連同紫菜、麻油、泡菜同白飯一齊喺烤盤上狂炒，焦香帶有牛油香嘅飯焦好惹味。…Read More

今次我就喺Fashion Walk搵到一間氣氛超正嘅西班牙餐廳，首先會被佢嘅裝潢吸引住，溫馨柔和嘅燈光，配上充滿地中海風情嘅藍白磚牆，成個vibe超級舒服😌，彷彿瞬間由鬧市穿越到西班牙嘅小酒館。試咗佢哋嘅 La classica套餐，$298pp有三個頭盤share、每人一個主菜再加甜品，份量超足！👍流心煎蛋配薯仔辣肉腸🍳金黃香脆嘅薯絲山上面加上流心蛋，侍應會幫手將流心蛋黃同薯絲、辣肉腸攪勻，確保每一條香脆嘅薯絲，都完美咁沾滿金黃色嘅蛋液。再加埋辣肉腸帶嚟嘅鹹香微辣🌶️，簡單嘅三個材料結合成魔鬼組合👍🏻吞拿魚他他🐟食吞拿魚蓉配上炸到脆卜卜嘅薯格脆片，調味做得唔錯，不過醬汁略嫌多咗啲，食嘅時候有少少狼狽，但都係好開胃嘅前菜！慢燉牛臉頰配松露薯蓉 🐮揀咗慢燉牛臉頰，牛肉炆到好腍，用叉輕輕一壓就成絲狀散開！牛肉都掛滿醬汁，牛味香濃。松露薯蓉好幼滑。…Read More

銅鑼灣一向都多好嘢食，本身喺下邊行緊寵物店🐶，見到下面有一個lunch set宣傳牌吸引🤩咗我，💰百零蚊就可以食到油花分布嘅和牛，即刻心心眼😍😍，即刻衝咗去試試！呢間餐廳主打高質和牛，個lunch set仲要包晒白飯🍚、沙律🥗、餐湯🍲、小食🍘同甜品🧁，CP值高到就嚟爆燈！🚀黑毛和牛大判燒拼US牛板腱肉 $258🥩大判燒係必點菜式之一 ！💯 最正嘅係有專人幫你燒，完全唔使驚自己手殘燒燶塊靚牛！🙂‍↕️🙂‍↕️店員將塊大判和牛燒到完美嘅五成熟，表面帶啲焦香，內裡仲係粉嫩粉嫩... 💕 油花分布均勻入口即溶，沾上生蛋汁🍳🥚入口超滑溜！😋😋 旁邊嘅US牛板腱肉都唔失禮，牛味濃郁，口感紮實，肉味油脂嘅二重奏！🎶牛舌盛合 (塩味牛舌/蔥塩味牛舌) $148👅一碟有齊厚切同薄切，滿足晒兩個願望！厚切嘅塩味牛舌，燒到外脆內軟，咬落去肉汁喺口入面爆發，💥 超級Juicy！而薄切嘅蔥塩味牛舌就更加惹味，配埋滿滿嘅香蔥蓉，送飯一流！🍚 鹿兒島和牛他他 $128另外單點咗個和牛他他，鹿兒島和牛切成細條，肉質軟嫩鮮甜，撈埋香蔥、紫菜、洋蔥絲同埋店家嘅秘製醬汁，酸酸甜甜好開胃！😋…Read More

呢家店藏於擺花街🌼個小商場入面，細細間唔起眼，但一入到去，成百支清酒🍶即刻吸引晒我目光👀！有而家好hit🔥嘅「三粒米」、「14代」呢啲出名牌子，仲有好多平时見都見唔到嘅小眾款，喺呢度都有得睇有得飲😋。店主又friendly🫶🏻，會主動同我哋講每杯酒有咩特性、咩味道，等我哋可以好好感受下。😌東洋美人 $78清新水果香氣，甘甜順滑，餘韻悠長，容易人口。榮光富士combo $108（左至右）第一款係甘香型清酒，散發著梨子、蘋果清新果香。酸度細膩清爽，酒體絲滑。第二三個都係帶有蜜瓜味，中間嗰支相對上較清爽輕盈，最右酒體更加豐厚 ，餘韻更多。…Read More

原來九龍塘除咗泰國菜，仲有咁多隱世美食！🤩 今次就去咗試呢間人氣爆燈嘅中東餐廳！🔥 間舖雖然細細間，但係8:30去到都仲要等位！😱 真係估唔到咁受歡迎！👏Spicy Trio$170有三款唔同口味嘅🌶️醬：香辣鷹嘴豆泥、煙燻甜椒香辣雜果仁醬同埋墨西哥辣椒雜果仁醬，配埋pita bread🫓，果仁醬有粒粒嘅果仁香，煙燻甜椒辣得過癮，好惹味！😋Lamb Testicle $160第一次試🐑🥚🥚羊睪丸，以一個獵奇嘅心態，本身諗住係會好臊，食落去冇內臟🫁嘅質感，反而似香腸，出奇地好食🤩勇於嘗試嘅朋友仔可以試吓！😝「Organic Blue Mussel $235最簡單嘅材料就係用最簡單嘅方法烹煮，有機藍青口用橄欖油、海鹽同檸檬🍋簡單調味，帶出青口嘅鮮甜味，好fresh！🌊Rabbit Leg with rice $220🐰法國野兔脾用橄欖油、小洋蔥、蒜蓉同香料焗製，兔肉嘅質感好似雞肉, 再配薄荷蕃茄汁🍅及米飯🍚，好有風味！😋Bozza $65乳香雲呢拿雪糕🍨，外面沾上開心果碎碎，雪糕很滑奶香味很重！Kanafeh$105就係經典嘅中東甜品，外層鬆脆🍜kadaïf (即係杜拜朱古力裏便嗰個天使頭髮)，裡面包住流心嘅甜芝士🧀，外脆內軟，再配埋Bozza雪糕，冰火交融🤤…Read More

我發現咗銅鑼灣一間隱世魔法主題Cocktail Bar！✨ 呢度唔單止Cocktail好有儀式感，玩火🔥、泡泡🫧、變色🧪，乜都有齊，而且每個角落都好靚，啱晒打卡！📸 特色卡位、典雅牆紙、乾花佈置，仲播埋音樂🎶，真係充滿少女心呀！🥰火燒牛骨髓松露和牛生牛肉他他$138🔥 底下係牛骨髓，上面放咗牛肉他他仲有松露片🤤 牛骨髓入口即溶，配埋鮮嫩嘅牛肉他他同埋香濃嘅松露，美味！😋西班牙八爪魚腳伴加泰隆尼亞紅椒堅果$188🐙 八爪魚腳烤得好香口，外面微微焦香，裡面煙韌彈牙，配埋紅椒堅果醬，真係一流！👍脆炸軟殼伴冬陰功海鮮意大利飯$228🦀 大大隻香脆嘅炸軟殼蟹，啖啖肉，好滿足！😋 酸酸辣辣冬陰功海鮮意大利飯🌶️，好開胃又好fusion ！🤤澳洲M3和牛肉眼扒$428🥩 澳洲和牛嘅味道真係超級濃郁，牛肉好juicy！💦 配埋綿密嘅蒜蓉薯蓉同埋爽脆嘅蘆筍，簡直係完美配搭！💯 【魔法Cocktail系列】🍸 一千零一夜$168🌟🌟✨ Sake🍶加熱情果🥭同伯爵茶☕，一聞就聞到淡淡嘅果香同茶香。店員會喺你面前點火🔥，成杯酒閃閃發光，好似阿拉丁神燈咁神秘！😍 味道酸酸甜甜，好清新，層次豐富！命運之書$168🌟🌟📖 Soju🍶加青蘋果🍏同蝶豆花茶🌸，係一本魔法書入面DIY製作㗎！🧪 你會拎到唔同嘅魔藥小瓶，加落去之後，顏色會由白變紫再變藍，超靚！💙💜🤍 口感清爽微甜，IG打卡一流！📸餐廳有唔同嘅promotion逢星期三、四同六，21:00後入場嘅女士，叫一杯Cocktail就會送多兩杯！🥂 約埋閨蜜去試試！💕♥️…Read More

去完下長沙沙灘玩surfing！😎 😜 玩到攰攰哋，梗係要搵好嘢食補充吓能量啦！💪 好彩有個friend住東涌，介紹咗我去Mint & Basil，環境真係好chill，好啱星期六日過嚟hea吓！🌴越式米紙 $88 新鮮嘅蔬菜配上牛油果同埋酸酸辣辣嘅醬汁，真係超級惹味！柚子蝦沙律 $88 爽口嘅蝦配上柚子、花生、洋蔥、乾蔥同埋椰子片，口感豐富，味道清新！牛油油咖喱雞 $128 每一次食印度嘢都必點，濃郁嘅咖喱汁配上嫩滑嘅雞肉，香料十足！咖喱薯蓉薄餅 $58 香軟嘅naan加上香濃嘅咖喱薯蓉，真係好邪惡但又好滿足！冬陰功大蝦 $148 酸酸辣辣嘅湯底，加上超大蝦，真係暖胃又開胃！…Read More