陳儀興尚潮樓 (英皇道)

已經去過呢一間潮州店好多次，有去過將軍澳，有去過新蒲崗總店，每次食都唔會失望。

🌟🌟招牌滷水鵝肝(半份) $138
粉肝要有滷水味，同時亦都保留到軟嫩綿滑 入口即化嘅質感，唔係每間潮州菜都可以做到，必點

🌟汕頭煎蠔烙 $88
蠔仔大大粒，肥美且新鮮，蠔餅煎到外脆內軟，仲有蛋香。

潮式炸雙棗 $88
分別係蝦棗蟹棗，蝦棗爽口彈牙，蟹棗用腐皮卷捲起，味道鮮甜，兩者都很酥脆可口。

以前份量一向都好大份 ，而家出咗呢啲精緻版$88， 適合兩個人 ，嗌多幾個小菜 。