risris601的個人專頁

最近經常係社交平台見到朋友分享自己去日本旅行時嘅相片，令小妹十分掛住「鄉下」，特別係「家鄉」嘅美食。呢排收工行過銅鑼灣SOGO附近見到開左間新嘅日本餐廳，以為得omakase(廚師發辦)食，之後聽朋友講，原來都有單點食物，而且高質唔貴，於是小妹就同友人去一解思鄉之情。我約左7點，剛上到去，人流不算多，可以拍拍餐廳嘅環境俾大家睇。餐廳整體以木條、木簾作主要裝飾，滲透出日系溫暖寧靜嘅氛圍。入面有吧枱、包廂同卡位，大家可以根據自己喜好而預約(因為包廂有客人，小妹不便影相)而我地就揀左吧枱坐，可以邊食邊欣賞師傅手藝。因為見唔太貴好多菜式都想試下，所以我跟朋友選擇單點食物。以下係我地點嘅食物︰枝豆($68)友人經常說，要試一間餐廳好唔好食，就要試最簡單嘅食物，所以我地叫左枝豆。枝豆表面有鹽粒，挺身飽滿，入口爽脆，係唔錯嘅！冷蕃茄 ($88)係餐廳職員推介下，我地點了這款。他說這番茄由種植時開始已用鹽水種植，番茄攝取更多營養，味道更濃郁。一口咬落去有少許咸味，番茄超多汁，而且仲好清香，加上芥末醋調味，味道豐富。沖繩肉醬豆腐 ($88)雖然小妹未去過沖繩，都聽過當地有一款好出名嘅墨西哥肉醬飯，我諗呢道菜是以此為靈感吧。係蔥絲上面擺上豆腐，再淋上熱辣嘅肉醬，三樣食物一齊擺入口，口感真係好豐富，蔥絲爽脆、豆腐軟綿。肉醬甜甜地加上蔥絲食，甜中帶微辣，好開胃。唐揚雞柳 ($88)呢碟菜式份量好多，不只是菜多，炸雞件也是很多。食落雞肉好嫩滑彈牙，肉汁亦緊緊鎖喺雞件入面，而且沒有油膩感，配上椰菜絲食更清新。＊生菜豚肉卷 ($48)這是小妹跟友人都覺得驚豔嘅一道菜式。本身見到豚肉好乾身，以為唔好食，點知一咬落去，吸收左豚肉精華嘅生菜汁喺口腔爆出嚟!仲多到滴係枱面上！加上豚肉薄身，燒得微脆，真係好推薦 !大葉豚肉卷 ($48)食完頭先嘅串燒實在好回味，所以友人提議再點一串嚟試下。今次揀左豚肉加紫蘇葉串。見到每串有三件，大家都好開心，因為又可以大飽口福了。不過紫蘇葉味道略嫌濃郁了點，有點搶了豚肉的味道。＊海鮮茶碗蒸 ($78)小妹去日式餐廳暇愛嘅係茶碗蒸！而今次呢個海鮮茶碗蒸完全無令我失望。大家由相片都見到茶碗蒸水嫩水嫩，好滑溜嘅感覺！加上表面有高湯，提升整體嘅鮮味。另外，茶碗蒸入面除左加入菇及白果，感到驚喜嘅係食食下見到好大隻蝦！好足料。鰻魚玉子卷 ($198)鰻魚好彈牙！每一件壽司都好大件，飽肚之選。特上壽司拼盤(10貫) ($588)由於大家都沒料到之前嘅菜式份量咁足，仲點左10件壽司。職員上菜時，仲細心介紹10件壽司分別係用咩魚做，而且提醒我地要由味道較淡嘅海膽壽司開始食。果然，海膽好鮮甜，一啲都唔腥。另一款較特別的是蟹膏蟹肉壽司，蟹膏十分香濃，加上鮮甜蟹肉，食完齒頰留香。至於壽司拼盤最上面果碗係配以蟹膏醬嘅鮑魚片迷你丼飯。鮑魚片彈牙，加上蟹膏醬，令人口一接一口。可能因為餐廳係新開，師傅同經理都好緊張客人嘅反應，見食完都會問返意見。職員時不時添茶，收碟都好勤力，服務好好。…查看更多

上星期五原本跟同事去灣仔新開嘅Cafe happy Friday, 但其實太多人排隊，於是轉場去左間中菜餐廳，我去到先知原來係米芝蓮推介嘅餐廳。餐廳裝修古典，充滿濃濃中國風。由於菜式份量較多，所以我地4個人叫左3個午餐，每個午市套餐送一碗老火湯。以下係我地叫嘅菜式︰蟲草花燉鮑魚鴨腿湯配白飯個湯好鮮甜充滿鴨香，食得出係無味精嘅。而且鮑魚燉得好入味，鴨腿更加係甩晒骨！圖片外另附送一碗白飯。(多謝同事借對靚手出黎拍攝)芝士焗龍蝦伊麵呢個好大份，目測都夠3個人食飽！而且啲芝士醬汁好足料、濃郁(呢樣真心食得出，因為有啲餐廳似少少芝士溝白汁多啲)！另外，龍蝦焗完肉質都仲好彈牙，唔會乾，４個人1人半隻啱啱好。日式鰻魚配炒飯加沙律菜炒飯底好香，整體都幾好味，不過不失。沙律菜剛好中和鰻魚嘅油膩感。明太子釀雞翼我地加左$10上湯灼時蔬同$20明太子釀雞翼。雞翼炸得好香，入面嘅餡料好足料。4個人食3個餐，每人大約$90。…查看更多

係網上見到呢間Cafe裝修木系小清新，加上又有一個好寬闊嘅露天戶外花園，一直都好想試下佢嘅dinner, 今次終於試到啦！坐低之後，侍應會遞上印有QR code的紙張，然後我地用手機落單。喺我地落單之後，侍應送上餐包。小妹好中意食呢款酸種麵包，表皮硬身，入面好鬆軟。另外，我地留意到塗麵包嘅牛油加入左香草，所以食起來更香，同麵包亦好夾。以下係我地叫嘅野食︰台灣風味牛肉千層麵 ($148)估唔到台灣菜同西式千層麵係咁夾！千層麵表層口感微硬，加上豐富嘅芝士，好啱身為芝士控的我們。而且食落每層都有好多牛肉粒。夜市酥炸海鮮 ($138)我地叫呢道菜純粹想假裝在台灣夜市！不過出乎意料的是，雖然價錢唔貴，但份量好多！而且海鮮款式都幾多，食到嘅例如蝦(大隻)、魷魚、魚柳(3-4塊, 大塊)等，另有唔少嘅炸洋蔥同豆角。此外，炸粉都經過細心處理，加入了香草，增添風味，食落更香。焙茶芝士蛋糕 ($52)本身想試伯爵茶芝士蛋糕，不過好快已經售罄，所以轉試焙茶味。之前試過抹茶芝士蛋糕覺得麻麻地，質地比較鬆散。不過今次呢個焙茶芝士蛋糕就好好食，口感好幼滑，而且茶味香濃。莓莓乳酪燕麥奶搖 ($48)奶昔配料豐富，感覺好健康，雖然size唔大，但都飲到好飽肚。黑糖鮮奶 ($48)另一杯係黑糖鮮奶，個杯底有好多黑糖，所以攪勻飲都好甜。當晚見到戶外有shisha, 朋友問左侍應拎左menu嚟睇下，不過因為大家第日仲要返工，所以無試到。戶外花園有好大個嘅sofa位，感覺閒適舒服。另外，呢間Cafe係寵物友善餐廳，奴才們可以喺上午及下午帶同你嘅主人一齊嚟玩。…查看更多

間台灣菜已經食過2-3次，差不多每次去元朗都想去探下佢，不過每次都要等好耐......呢日朋友們都想食，唯有又去等下......好彩30分鐘左右就入得啦。以下係我地叫嘅野食︰肉焿湯米粉 ($48)我地加左芫荽同辣醬。個湯口感同碗仔翅差唔多，不過入面材料少啲，有筍絲同幾塊肉丸，米粉份量都幾多。加左辣醬後都幾惹味，酸酸哋辣辣哋。鹽酥一口雞魯肉飯 ($56)碗魯肉飯好大碗，2-3人分享都可以。而且魯肉處理得唔錯，入口好香。飯下面有啲肉汁，可以用黎餸飯，唔會咁單調。炸粉略嫌厚左少少，不過雞肉炸得恰到好處，好嫩滑。台灣士林香腸(伴自家製蒜蓉醬) ($33)！！！友人好中意食呢個小食！特別係個蒜蓉醬，佢地話超香，同香腸一齊食好夾，中和左白腸嘅甜味！而且士林香腸都過香煎再切件，表面好香脆!酥炸甜不辣 ($33)我好中意食甜不辣，因為口感好煙韌。呢個甜不辣因為炸過，所以表面會硬少少，不過都好食。甜品方面叫左仙草芋圓2號 ($35)雖然睇落唔係好大碗，但好足料！下面唔係冰同水，係成碗仙草，而且每款材料都好多。三色芋圓同小丸子都好煙韌有咬口，仙草係無甜味嘅，剛好可以中和較甜嘅糖水。…查看更多

好耐之前已經想約媽媽去享受下午茶，不過佢唔中意甜食，所以要搵一間佢啱食嘅下午茶有一定難度。最近見十里洋場嘅下午茶以點心同上海開胃菜為主，好似好啱佢，所以特登去試試。雖然我地係平日去，不過一踏入3點，門口就開始有唔少人排隊等入去。好彩職員都好快手，唔駛等好耐，都係5分鐘左右就入得。餐廳入面好寬敞，天花上有一排排的燈泡裝飾，感覺挺浪漫的。下午茶套餐的湯麵同飲品類可以自己揀。我地決定兩款湯麵都試下。係上菜之前侍應問飲咩茶，注意的是套餐價錢不包茶芥，不過我地都叫左茶慢慢嘆。首先上嘅係用兩大蒸籠裝全嘅淮陽小品、點心同乳鴿，真的很精緻呢！好啱打卡！我地先趁熱品嘗點心，後試冷盤淮陽小品。點心方面，每人有４款，包括小籠包、帶子鳳眼餃、鮑魚火腿酥及黑金流沙包，全部都好新鮮。小籠包飽滿多汁; 鳳眼餃好彈牙; 鮑魚火腿酥外皮酥脆好香，入面餡料口感好豐富; 不過我最愛黑金流沙包，內餡真係好流沙質，食到蛋黃沙，好香好好食。食食下，飲品就到了，分別是紅棗桂圓杞子茶和麥米薏米檸檬水。至於淮陽小品有6款，款式都真係唔少，包括陳醋紅哲頭、水晶肴肉、金絲小排骨、蓑衣黃瓜、四喜烤麩、黑松露珍珠燻糖心蛋，份量也大方。一齊上嘅乳鴿反而瘦左少少，不過烤得好香，肉質也多汁軟滑。當中令人最驚豔的是糖心蛋！估唔到係滑溜嘅糖心蛋上面加上黑松露同些少調味，竟然將糖心蛋味道大舉昇華！令人一試難忘！經典淮陽下午茶套餐菜餐︰…查看更多

早幾日試左呢間日本野，可能本身對佢無咩期望，所以試完真係覺得好唔錯，食物份量多之餘，味道都食得出經過悉心嘅處理，值得分享。我地平日時間12點左右到，餐廳剛開，無咩人。門口有一排排嘅日式燈籠，和風滿滿。餐廳入面嘅天花板掛左好多紙鶴，加上牆身嘅日本「風情畫」，真係有置身「鄉下」嘅錯覺。我地坐位對面嘅卡位都經過悉心佈置，可怕已被預約，無得坐。我地叫左兩個午市定食︰鹿兒島黑豚溫泉蛋丼($88)真係好足料！平時出街食都係３-4塊豚肉，估唔到呢度係鋪滿成碗！食果陣唔使就住就住，啖啖肉！而且細看會發現每塊豚肉表面都用醬汁香煎，肥瘦均勻。食落肉質彈滑，而且唔會覺得肥膩。三文魚醬油漬丼($88)見平時好少有呢個丼飯，於是叫黎試下。不過估唔到唔使加錢都有溫泉蛋同三文魚籽！足料我就不再強調了，每塊三文魚都有香煎過，而且唔會太肥太瘦，入口口感較紮實。而值得一讚嘅係丼飯本身都撈左醬汁，唔係普通壽司飯/白飯，配以醬油漬三文魚三文魚籽同溫泉蛋味道更得以昇華。茶碗蒸茶碗蒸幾滑溜，入面有香菇、鮮蝦及雞肉，材料算豐富，不過無我中意食嘅鳴門卷同蟹柳。午市丼飯套餐仲包左麵豉湯同和風沙律，真心抵食！…查看更多

見桔梗呢間新開嘅cafe好大又可以室外用餐，已經想試好耐，最近難得約到閏蜜去朝聖！我地為免要排隊，約了12點去到。果然真係無咩人，可以直入。個裝修好森系，感覺悠閒。係cafe 入口處有甜品同麵包賣(相片攝於埋單時)，不過我地剛到的時候侍應表示甜品和麵包還未到貨，因此不確定是否自家製作。餐廳用QR code點餐，我地叫左以下野食︰台北燉牛肉意粉 ($98)呢個意粉超好味！好推薦!佢完美地將台充滿台北特色的燉牛肉結合西式的意粉，入口微辣，好香九層塔嘅味道，而且啖啖牛肉粒，好吃！令唔中意食意粉嘅我都食唔停口。全日早餐 ($128)每次去cafe都會想叫all day breakfast。今次呢個all day breakfast 真係無令我失望。個酸種麵包好煙韌，配上酸甜醬，好好食。而且當中的蘑菇事先炒過，好香好入味。成碟好足料！巴斯克抹茶芝士蛋糕 ($52)坐到1點左右，終於見到甜品陸續擺上甜品櫃，我地叫左巴斯克抹茶芝士蛋糕黎試。不過呢個芝士蛋糕比較令人失望，個質感好鬆散，好容易食到成枱蛋糕碎，而且芝士味唔出。Flat White ($34)室外用餐區…查看更多

今年男友生日想食法國菜，因為之前試過一間覺得搭配特別得黎，味道更一試難忘，因此佢今年又想再嚐法國菜。為左滿足佢個胃，我訂了這間在IG人氣不錯的3星餐廳黎試試。一坐低，待應擺低兩本menu叫我地揀咩set 就走左，咩都無介紹，感覺與3星米芝蓮的標準不相符。不過我見隔離果台講英文，佢就好nice咁介紹，難道我個樣似貴婦，食開法國菜?？我地討論左一陣，佢見我地仲未決定先行返過黎快速地介紹左一轉。我地決定試4個courses ($890) 的menu。頭先，餐前麵包黎講，佢個份量真係好多，不過一次過擺晒出黎，好多就會失去麵包原有嘅口感，不能保持新鲜，這也是敗筆的地方。接住上amuse bouche, 這是挪威三文魚配牛油果醬汁，加上三文魚籽、脆片一齊食，口感豐富。牛油果醬汁較杰身，好smooth，不會搶去三文魚的鮮味，不過沒甚驚喜。到starter, 我的是北海道帶子配芒果醬汁，味道好清新，而且擺盤好精緻，令人賞心悅目。不過比起我點果道菜，男友點的那道菜味道明顯濃郁更多，麵包夾住豬肉、磨蘑，再加上黑松露醬，其實都好好味。接著上了蘑菇雞湯，味道清淡，但充滿雞香。主菜方面，我聽取了侍應的建議點了龍蝦意粉，說是他們lunch的signature dish。本身以為無咩特別，點知一見到真係令我喜出望外，未試已經聞到好香!!!而且龍蝦睇落好足料。一食，意粉完全吸收晒龍蝦醬汁嘅味道，超香濃，而龍蝦亦沒有令我失望，肉質好爽好彈牙，鮮甜！呢道真係我食過最好味嘅意粉，沒有之一。男友點的是香煎豬扒，佢經常講，要試一間西餐質素，最好就試豬扒，如果豬扒都整得好食咁餐廳質素唔會差。佢呢塊豬扒顯示餐廳質素高，豬扒表面煎得好脆口，入面好嫩滑，口感豐富。而且薯蓉好creamy幼滑。晌後甜品，我地無揀到朱古力蛋糕配雪芭等甜品，反而想試下佢嘅芝士拼盤。可惜由於男友揸車，未能配以紅酒品嚐。不過3款芝士當中有2款都好咸，係好咸！就咁真係食唔到。我地淺嚐兩口就算了。反而petit four好精緻，好味！…查看更多

其實我對東南亞菜系都好中意，越南菜更係繼泰國菜後又一喜愛菜系。尋晚就同男友去左間位於工廈樓上嘅越南菜。本身對工廈環境都無咩期望，不過去到見到真係有驚喜！個環境好光亮整潔，而且枱櫈都帶有點點嘅法式風味。我地見椰青海鮮湯好似好吸引，所以叫左試下。果然一上枱就聞到好香椰子味，而且個湯飲落好清甜，不過由於有黑胡椒，略帶微辣。入面有魷魚、青口、椰肉同一隻大虎蝦，質素唔錯。小食拼盤有扎肉、雞翼、牛肉、豬頸肉、魚餅、春卷等。每樣都好新鮮，牛肉唔會韌，好鬆軟; 魚餅好大一塊，好厚身，表面煎到金黃色;  豬頸肉肥瘦適中，好爽口;  春卷表皮好酥脆，入面餡料口感豐富; 雞翼不過不失。越南法包都係第一次食，以為會好乾好韌，點知一咬落去個麵包表皮好酥脆，入面好軟身。而且餡料好豐富，有牛肉、扎肉同好似係鵝肝醬嘅醬，食落口感好豐富兼帶少少濕潤感。呢杯越南咖啡也是令人意外之物，估唔到蛋黃加係咖啡上面一齊飲，口感會咁creamy同滑溜！不過要留意嘅係唔好煲咁耐，咖啡會愈煲愈濃而蛋會凝固。男友話呢杯越南咖啡味道香濃好好飲。…查看更多

其實小妹對屯門真係唔熟，平時都係去開V City 搵食多。呢日朋友話有間泰國菜好似唔錯食，於是叫我去試下。間餐廳位於置樂，地點唔太方便，好彩我地有車去。雖然我地去果日係星期五，但竟然唔全好多人，都幾多空位。我地叫左泰式生蝦做餐前小食。本身以為係一個圓碟上面擺生蝦，點知係用小杯一隻隻咁裝住，present得好靚！而且仲有兩種口味，有辣有唔辣，任君選擇。辣嘅酸酸甜甜，好開胃；而綠色唔辣嘅就好香香草味，好清新!跟住主菜方面，我地叫左條香檸汁煮魚，侍應一捧過黎就聞到好香嘅甜酸味，中間更滲透著青檸嘅清香。我地急不及待試食，魚肉真係好嫩滑，而且甜酸味道剛好，唔會蓋過魚本身嘅道道，反而突出佢嘅鮮甜。魚肉下面有粉絲，吸收晒湯汁嘅精華。本身對炒金邊粉無咩期望，不過佢呢個炒金邊粉真係好香，金邊粉唔會硬身，而且賣相好靚驚唔夠飽下，我地叫左個象泰招牌去骨豬手煲。估唔到係咁大煲，勁多豬手，而且豬手煮到好淋，醬汁都起晒膠。味道唔辣，更似係紅燒。…查看更多

有同事生日，於是拉大隊去食中菜。我地見未試過呢間餐廳，所以特地book黎試下。一入到去見到個環境好舒服好靚，以淡綠色及淺黃色為主，每枱之前有充足嘅空間。我地一行11人叫左兩個5人套餐，另加3籠小籠包2個銀絲卷。每個套餐包中湯、4款涼拌小菜、5道菜及甜品。由於我地每樣都想試下，所以每道菜都係叫一碟。每道涼拌小菜質素都好高，我尤其中意食蔥油海哲皮，口感滑溜彈牙; 花雕醉雞，雞件好嫩滑，酒香濃郁; 烤夫跟平時嘅烤夫味道唔同，幾特別; 雞絲粉皮嘅粉皮唔會硬身而且芝麻醬汁味道唔錯。左起:烤夫、鎮江肴肉 左起花雕醉雞、蔥油海蜇皮。每次食上海菜都一定叫小籠包，今次也不例外，小籠包熱辣辣，好多汁，好好食。蔥爆牛肉，牛肉好鮮嫩，而且同京蔥一齊食，感覺無咁肥膩。回鍋肉好夠鍋氣，好香，而且味道很濃郁，好啱配飯食。糖醋魚塊比我想像中無咁甜，而且魚塊好滑。砂鍋扁尖豆腐都係第一次食，不過覺得醬汁味道太重。雪菜老豆腐，又一道豆腐嘅菜式，不過呢道明顯清淡好多，可以將豆腐嘅香味更突出。套餐仲包埋糖水，估唔到的是唔係紅豆沙而是薏米糖水，味道清甜，可以清清味蕾又可以為此餐劃上完滿句號。…查看更多

難得細佬放幾日大假而我又得閒，佢心思思話想食放題，於是我就試下book觀塘早前好受歡迎嘅火鍋放題，點知又咁啱有位!我地買左coupon，打算食4個鐘放題加自助餐。1點鐘去到嘅時候發現原來都唔多人，跟之前大受歡迎的情況相差甚遠，之前我想book都要等成個月。我地揀完湯底之後，侍應就送上肥牛、餃子、爆汁牛丸同刺身，除刺身只有一碟外，其他都係無限添加。肥牛唔太肥，啱晒唔中意食肥膩野嘅我，而刺身共唔係特別新鮮，感覺質素一般食食下，侍應送上海鮮拼盤，包括有鮑魚、海蝦、蜆等。不過鮑魚係未經過處理嘅，有晒內臟係度，令人失望！而且蜆有好多沙，好難食，都唔知會唔會搞到成個鍋都係沙不過D蝦幾彈牙，啖啖肉。除左以上配料外，仲有好多以蔬菜同丸類為主嘅自助配料及一系列任食係叫配料。至於自助餐方面有壽司、沙律、各式熱葷同甜品，種類都幾多。壽司好似擺左好耐，感覺不太新鮮。至於各種嘅開胃菜同沙律倒是幾好味的。生煎包仔味道唔錯，不過表皮唔夠脆同香口，放題黎講都可以。「麥樂雞」、薯條同印度薄餅都不過不失（其實都好難唔好食）。至於飲品方面，除左有橙汁、蘋果汁、提子汁、檸檬薄荷水同紙包飲品之外仲有即磨咖啡同花茶我一次過試晒洛神花、甜葉菊同茉莉花，原來甜葉菊真係好甜！…查看更多

之前去荃灣食野經常路過呢間餐廳，但就無入過去。今次同閏蜜黎打卡，終於可以試下佢，滿是期待的。由於我地都食左brunch，所以只係叫左個長通粉同Lava toast。碟長通睇落好似好細碟，不過其實份量好多，我地3個人分享都剛剛好。味道酸酸甜甜，配上溫泉蛋， 口感滑溜。友人堅持要叫Lava toast ，小妹亦被流心2字吸引一上枱就急不及待試食。不過小妹並不喜歡竹炭吐司，總覺得竹炭味道淡淡的，而且口感輕飄飄，跟平時食嘅吐司口感好唔同。不過入面流心伯爵茶醬是很不錯的，唔會太甜，可以食多幾啖，加上雜莓同開心果碎，口感好豐富。另外，同閏蜜傾計又點少得一杯咖啡呢! 我地見到餐廳可以叫立體拉花，本身想3個人都叫黎試下，點知原來一枱只可以有一杯最後閏蜜們將quota俾左我於是我有一杯立體熊仔拉花嘅法式焦糖燉蛋latte， 勁香焦糖味。…查看更多

上星期五跟男友預祝生日，由於佢話想食法國菜，所以我精挑細選下揀左呢間試下，貪佢菜式靚，環境唔錯。晚市主要有4道、6道同8道嘅套餐選擇。因為自己唔中意食pork及朱古力，所以我揀左6道菜嘅套餐食。係第一道菜上黎前有Amuse Bouche (餐前小點), 係青瓜同龍蝦肉，感覺清新，不過味道沒有甚麼特別。接著，侍應擺個布袋係張枱，話入面有麵包可以食。打開，麵包係熱辣辣嘅，感覺好似新鮮出爐咁，可惜咬落去好韌，有點失望。第一道菜係香煎北海道帶子配酥脆蟹仔。帶子煎完好香而且表面脆口，入面軟滑。本身以為蟹仔係裝飾，原來都係食得嘅，而且唔會硬，不過啲蟹鉗有啲細，食果陣要小心唔好整親個嘴。第二道 'Surprise Dish' 係新鮮海膽。海膽下面係濃郁嘅醬汁(由於掛住影相，無聽到係咩)，另外黑色嘅係曲奇碎，紅色貌似煙肉嘅係海藻。可能sauce太濃，掩蓋左海膽嘅鮮味。本身以為曲奇加海膽會好奇怪，不過由於曲奇無咩甜味，所以都唔會令整體味道失衡。第三道 'Surprise Dish' 係蟹肉日本桃蛋沙律。賣相擺盤好靚，雖然係披著龍蝦殼，但入面係無龍蝦肉的。食落好重蛋香，配埋白桃一齊食，甜甜地味道清新，好啱夏天食。想味道濃郁D，可點左邊嘅草莓醬食，想fresh D，可點右邊嘅芒果醬食。第四道就真係龍蝦! 放係龍蝦肉上面嘅係烘乾的薯片、蓮藕片、羽衣甘藍及新鮮嘅芒果，每樣都食到食材嘅原味，龍蝦肉亦好彈牙！第五道係主菜，我揀左銀鱈魚配青蘋果汁。銀鱈魚好鮮嫩，不過當我用刀切嘅時候，好難切開塊魚皮，搞到魚肉碎晒。而且個汁味道太濃，喧賓奪主。至於男友則叫了A4和牛。牛肉煎得幾好，咬落去，表面稍硬，入面嫩滑，牛肉味濃。第六道係甜品 - 芝麻慕絲。小妹覺得太甜，味道太濃，配下面嘅軟麵包碎食感覺怪怪的，不過份量是挺多的。最後到petit four 嘅時間，呢度叫Mignar dishes ，是很普通的泡芙和檸檬慕絲蛋糕。總括黎講，食物嘅擺盤賣相靚，不過味道就沒甚麼驚喜，感覺不像法國菜那樣經過精緻細膩的處理，不過不失。…查看更多

之前聽同事話公司附近有一間墨西哥菜連平日下午都有放題，仲話好好食，所以我又搵左幾個同事去試下。間餐廳外牆係粉紅色，門口就有個酒吧位置，甚有名外國渡假feel。午餐放題價錢為 $129+1，以灣仔區黎講價錢合理。由於我地太多人，我地選擇坐吧枱，要走上2樓拎野食。野食陳列區唔算大，要排隊拎。估唔到仲有甜品同生果食，生果睇落新鮮，食落係好甜，唔知有無浸過糖水呢～雖然午餐好多人，不過refill都算快，唔會出現無野食可拎嘅情況。聽同事講呢度最特別嘅係有自創嘅牛油果醬可以任食!係必食之一，我我覺配墨西哥脆片好好食，又唔會漏！另外，我覺得雞搥都係必食之一，烤得啱啱好，好入味好多汁!!!!!!我仲encore左兩轉! 蝦都好新鮮彈牙啊!放題仲包飲品，真心好高質同抵食!…查看更多