yw_kwan's Profile

前日係尖沙咀行完街，去左附近佐敦覓食，最後揀左Plato Cafe & Bistro。其實成日係柯士甸站行出嚟都會經過，但真係未食過。歐陸式風格設計，座位寬敞。.精選二人套餐餐湯：雜菜湯我一向唔太鍾意紅湯，因為覺得太酸，所以飲咗幾啖我就放棄。.前菜（三選一）：天婦羅魷魚鬚啱啱炸起嘅魷魚鬚非常香口，一啲都唔油膩，而且份量多。.北海道帶子松露野菌扁意粉大大粒帶子，意粉有松露嘅香味，但白汁稍為肥膩，而且意粉偏硬，所以有少少失望。.主菜（三選一）：西班牙黑毛豬鞍黑毛豬厚肉但鮮嫩多汁，一啲都唔油膩。另外仲有配搭薯條同翠玉瓜，更可沾點醬汁食用。.甜品：日式芝士蛋糕普通正常，如有需要可以加錢升級甜品。.飲品：朱古力奶昔+芒果沙冰套餐只包兩杯$32正價飲品，所以如果點$32以上需要補差額。…Read More

前幾日同朋友係旺角通菜街行街時比呢間餐廳-韓川嘅霓虹燈吸引咗。原來係一間食韓國菜嘅餐廳，對比門面設計，內在裝潢簡潔。真露焗蜆香濃嘅牛油蒜蓉同真露嘅酒香，蜆嘅份量十足，底下更有粉絲墊底，吸曬啲精華，非常惹味。時令生蠔估唔到韓國餐廳都會有生蠔食，今次有兩款唔同嘅法國生蠔，食落都非常鮮甜～溫泉蛋虎蝦芝士湯烏冬真係要勁讚個湯底！香濃芝士味及蛋香湯底，虎蝦新鮮彈牙，烏冬又彈牙，每次都會連埋湯底一齊飲晒食晒～韓川菜包五花腩底下會用蠟燭熱住幫五花腩保溫～勁大塊五花腩，燒得好香口～剪開後包埋生菜同配料，再配上韓式秘製魔鬼辣醬，juicy又惹味～最特別最可愛嘅係聖誕限定版，每個瓶身均配有隨機發放嘅圍巾及帽子。薑餅人為菠蘿雪燕桃膠，星星為士多啤梨牛奶西米露，打卡影相一流！…Read More

早前同朋友去荃灣，佢話帶我去嘗試香港元祖級，由正宗韓國人主理嘅韓國炸雞店-李家。一入座就會送上兩份小食，酸蘿蔔及椰菜沙律。半半炸雞（去骨加10蚊）可以根據餐牌選擇原味及甜辣炸雞，亦可以另外自選味道。我地就選擇咗原味及甜辣炸雞，炸雞表皮炸粉唔會太厚身，原味炸雞脆卜卜，甜辣炸雞則微甜。份量比較多，我諗4個人食都夠。芝士辣海鮮炒年糕又係一份份量超出預奇嘅年糕～除咗海鮮，年糕之外，底下更藏有粉麵，真係會好飽～芝士可以拉出絲，一啲都唔辣，年糕煙韌可口～韓式魚餅湯魚餅湯非常足料，飲落口有少許辣感，天氣凍個時真係好適合～…Read More

好耐無食海鮮啦，所以夜晚同屋企人去左三聖間棠記海鮮小廚。棠記有前後兩間舖，茶餐廳般嘅裝潢，大圓枱同卡位。除了餐牌外，牆上亦有多款食物選擇。豉椒炒蜆值得一讚係吐沙得非常乾淨，一粒沙都食唔到！鮮甜彈牙嘅蜆肉配上豉椒味，無論當飯前小食或送飯都一流！菠蘿咕嚕肉雖然咕嚕肉每粒也比較細小，但份量足夠，而且咕嚕肉粉皮較薄，炸得非常脆口！菠蘿亦非常新鮮，鮮甜唔酸。脆皮琵琶蝦芝士蓋面再拎去炸，連蝦殼亦炸得非常脆！不用蝦殼鉗，亦可將蝦肉與蝦殼分離。香濃芝士再配上厚實嘅蝦肉，一啲都唔油膩。椒絲腐乳通菜通菜爽脆可口，加上腐乳汁嘅鹹香，非常惹味，又係一個送飯嘅菜式！…Read More

近排太熱，實在唔想周圍走，所以同朋友去咗屋企附近嘅日式餐廳覓食-鮨亭。.整體使用彷木設計，另外仲設有壽司吧檯，可邊食邊觀賞廚師手藝。完美呈現和風格調日式居酒屋環境。餐廳室外更設坐位，可與寵物一同用膳。.日式芝士年糕雖然啱啱炸起，但表面同內在都唔油膩。外脆內軟，啖啖芝士味。.三文魚親子丼飯身上鋪滿三文魚刺身及三文魚子，大大嘅滿足。三文魚味配上醋飯，鮮甜中帶有一點點酸。.火炙雜錦海鮮丼一次過食多款火炙海鮮，大大粒帆立貝，數款魚類。經火炙後，帶出魚油香味及帆立貝鮮味，食落爽口帶點焦香味。.午餐套餐則奉上日式餃子，麵豉湯及檸檬綠茶。…Read More

係元朗圖書館打等咗半日之後，直接係附近搵野食。最後揀左健舍便當，以魚湯同慢煮營養便當出名，可惜當日魚湯售罄，無緣嘗試。店舖唔大，因為有大玻璃窗，所以都幾光亮。慢煮雞胸便當推介菜之一！慢煮雞胸肉質鮮嫩且肉汁豐富，配以燒烤及中東味，即使無任何醬汁都非常惹味。飯亦採用左紅米飯，更高膳食纖維。秘制香草烤豬便當一樣用紅米飯，蘊含高膳食纖維。烤豬雖然唔係以慢煮手法煮食，但都唔會乾身。肉量亦非常足夠。蒲燒鯛魚以鰻魚汁調味，鯛魚片肉多刺少。魚肉堅實，嗒嗒肉。另外可套餐加配溏心蛋或飲品。溏心蛋原隻上，切開後，溏心蛋黃隨即流出。飲品則點了青蘋果梳打及乳酸梳打，大大杯！…Read More

同朋友喺屯門行完街之後，就去咗附近嘅一間餐廳食嘢！留民料理，個名幾特別，店鋪外仲寫住fusion無國界料理，幾吸引！店內環境有啲似酒吧，店內亦有售賣手工啤及日本清酒。入面仲有部電視播放住店長嘅心路歷程，睇完就會知點解店舖名叫留民料理。蟹籽溫泉蛋凍食溫泉蛋，除咗有蟹籽之外，仲有蔥花同芝麻醬。芝麻醬好香濃，掩蓋咗生蛋嘅腥味並特出咗蔥花嘅味道。蟹籽海葡萄宮城大真蠔日本直送！差不多手掌般大細，一啖根本食唔曬！生蠔鮮甜肥美，海水味唔重，再加上蟹籽及海葡萄，令帶出清爽口感！胡椒海鹽煎燒黃腳立黃腳立並冇魚腥味，而且一條正骨，怕食魚骨嘅可以放心。魚肉嫩滑軟綿，即使唔加任何調味料亦帶有甘香。如果想重口味，可以添加附帶嘅海鹽，檸檬汁，七味粉，及特製醬汁（少辣）。日式甜咖哩炸軟殼蟹燴飯香濃咖哩味但唔油膩，未食先聞其香。鹽酥炸軟殼蟹，單食會比較鹹，配飯食會比較好。除咗蟹籽，蔥花仲有瓜粒，所以食落口會有爽口嘅感覺。飯量亦唔細，兩個人分都得。…Read More

當日同朋友去屯門買野時經過間路邊小食店，猫毛。店舖名好趣緻，不過店舖內係無猫嫁～能坐嘅位置不多，如果遇上炎熱天氣建議外賣拎走。佢地主打特色漢堡，每層肉均為手打漢堡，120克（4安士）並即日新鮮制作。可以單點或跟套餐，套餐包括薯條/薯餅及飲品一杯。我叫左超人漢堡配薯餅。漢堡包面及包底有烘燶過，非常脆口。不過漢堡好大，好難一口咬哂。豬肉漢堡非常juicy，鹹蛋黃沙律醬再配上炒蛋及洋蔥，調出另一種鮮味。朋友則點了貝羅菇漢堡（牛肉，貝羅菇及黑松露醬）。貝羅菇燒過後，香味更甚。黑松露醬令貝羅茹及牛肉更加入味。滋味小食點了黑松露薯條及秘製豬頸肉。即燒秘製豬頸肉，好juicy。薯條都幾大份，配黑松露醬，更係香脆可口。飲品點了猫毛朱古力，非常濃朱古力味。…Read More

係荃灣做完瑜珈之後，係附近搵野食。見到Pickabowl，成日都經過但無食過，因為我唔太愛食生冷野，但個日望真啲，原來有熱食！有得跟佢set好嘅餐或者D.I.Y.自選配搭。我就揀左佢set好嘅薑汁松阪豬，和風口味。另外飯底點了黃薑椰菜花+半糙米飯。可能因為得半邊，黃薑味並唔算重。不過可能因為飯底一早整好，所以最後只有豬肉係熱，配合和風配粒，半熱半凍。飯量唔算多，適合我岩岩做完運動唔想食咁多嘅人。另外跟餐加錢點了冷壓果汁Red Dragon，內含蘋果，紅提子，藍苺，紫椰菜，火龍果。唔清楚份量係點，不過火龍果味好出，似係紅色版五青汁，頓時覺得好健康！…Read More

放左工之後去左中環覓食，係大館附近搵到間叫金鶴拉麵，其實覺得選址並不太好，因為附近都係酒吧，似是有點格格不入。使用QR code點餐，但唔知係咪時間問題，當時好多都售罄，所以其實選擇並不多。睇堆介話呢度嘅雞湯湯底出名，所以點了雞白湯拉麵。進食之前先試了湯底，濃而不膩。雞肉亦非常嫩滑，反而拉麵有點拉低評分，唔夠彈牙。另外鰻魚亦為堆介品之一，所以點了蒲燒鰻魚串，肉質彈牙！真係值得一試！日本明太子雞翼，明太子過程可能添加了太多調味料，有點重味道！但好足料～點了Coedo Shiro (白色)小麥啤，比普通啤酒多了點果香. 而且麥味更足，可以一試。…Read More

疫情期間一直無出街無約人食飯，咁岩要去薄扶林做野，所以夜睌就約左朋友落西營盤幸鮨屋食返餐好！幸鮨屋位於西營盤皇后大道西509號地舖，因為防疫關係，每張枱都有個隔板。唯一需要提點嘅係：order食物要用order紙，但如果紙上無你想要嘅就係空白位置寫上。呢點店舖並無寫明，都係我地詢問之下才知道，在場時都聽到有好幾人詢問。一開始會奉上味噌湯及沙律，味噌湯幾特別，入面仲有豆卜，入口滿滿都是味噌湯，不過無平時飲嘅味噌湯咸，淡淡的～我同朋友各點了店舖主打的$108套餐，A壽司B迷你井C刺身/天婦羅各一款。我點了A4（三文魚、火炙三文魚腩、沙律醬燒三文魚、焦糖三文魚、芝士燒三文魚、辣味三文魚、三文魚籽）。雖然並唔係三文魚愛好者，但相同嘅食材，唔同嘅味道，還滿享受的～除了焦糖三文魚苦苦甜甜，好似甜品咁，其他都屬於正常水準～B2蟹肉蟹膏丼，超級推介！雖然蟹膏外形不太討好，但當將個井混合之之後，滿口鮮甜蟹肉蟹膏味道，而且蟹肉份量亦不少～C1蝦天婦羅日本番薯仔天婦羅，因為熱食關係，分開上了。估計因為無沾太多粉及剛炸嘅原因，咬落去仲係脆卜卜～另外點了明太子餃子雞翼（2隻），咬落去時發覺明太子只在雞翼的一邊，所以味道都偏向了一邊，有點失望～朋友點了A5(三文魚、帶子、甜蝦、深海池魚、赤蝦、真鯛、海膽），B4（炙燒鮮銀鱈魚、左口魚邊丼）及C1(三文魚刺身、北寄貝刺身、甜蝦）。都是刺身凍食類，所以好快就上盤了，味道還可以～…Read More

人地話韓國炸雞好好食，但我又未去過韓國，但估唔到係旺角兆萬都可以食到正宗韓國炸雞！Yadllie Plate位於旺角西洋菜街1號兆萬中心11樓，係真點韓國炸雞嘅香港分店！嚟到呢度梗係要食佢嘅炸雞啦，我就叫咗個驚喜二重奏，除咗有原味炸雞之外，仲有牛扒同薯角。炸雞以獨有嘅專利配方，以鮮雞醃製72小時， 配合兩度低溫熟成，所以依然保留雞肉嘅嫩口同鮮味。牛扒呈上枱面試係生牛肉，食盆附上煎板，可以煎至自己適合嘅生熟度。另外叫了芝士排骨，4件排骨配上大量芝士，望住啲芝士慢慢溶化，好治癒～不過即使將芝士同排骨一齊食，但芝士始終唔係溶喺排骨入面，所以就好似只係分開食芝士同排骨一樣。紫菜手抓飯，基本上每枱都會叫一個，然後可以選擇叫職員幫你整或者自己整。自己整完自己食會更有滿足感，而且飯量滿滿的，味道可以，但有點乾。因為手抓飯有點乾，所以我哋叫咗個芒果菠蘿燒酒，燒酒味唔重，味道猶如普通芒果菠蘿汁，一大班朋友可以叫一壺慢慢飲。另外叫咗個芝士蟹子蛋卷，因為蛋卷啱啱新鮮整好仲係熱，所以芝士溶喺蛋卷入面，再配上蟹子，半熟蛋香無得頂！之後再叫埋個甜品，草莓雪冰。下面係滿滿嘅牛奶味雪冰，上面再鋪滿草苺片，等雪冰有少許融化之後，牛奶味會更出！雖然有點小貴，但係喺香港正宗韓國炸雞唔係度度都有，所以都不枉我挑戰我肚用量極限！…Read More

對於我呢啲愛靚愛吃愛玩嘅人士，早前年尾嘅時候，當然出咗銅鑼灣嘅SOGO裡面消費啦！買到兩隻手都用唔晒！行到攰攰地，就見到好吸引我嘅蛋糕店！Mon cher位於銅鑼灣軒尼詩道555號崇光百貨B2樓25號舖，一落電梯左手邊行幾步就到～實話實說，其實我從未見過呢一間蛋糕店， 不過佢嘅蛋糕同埋聖誕嘅飾品都好吸引我！即刻search下究竟有咩推介！原來呢度推介品之一係佢嘅蛋糕卷！不過實在太大舊啦！我一個人食唔曬，所以我最後冇買到～另外嘅推介品之一就係佢嘅蛋糕啦～望落真係好吸引！不過同理，我都係一樣食唔曬～或者遲下搞party嘅時候可以考慮下～另外呢度仲有售曲奇禮盒，新年拜年嘅時候適用～最後我點了一個紅寶石莓果撻～店員知道我唔係即刻食嘅時候，仲擺咗個冰包喺盒入面，keep住佢嘅溫度～好貼心嘅服務～蛋糕上面係有唔同嘅雜莓：藍莓,小紅莓同士多啤梨。底層係牛油餅底，而中間嗰層係士多啤梨mousse～雖然牛油餅底好似好厚咁，但係因為有士多啤梨mousse嘅關係一啲都唔會油膩～ 而且蛋糕上面嘅雜莓亦有酸酸甜甜感覺～ 對於我呢啲鍾意食士多啤梨嘅人，實在太滿足啦！好快就已經ko咗件蛋糕～題外話：佢嘅外賣袋同埋盒都有一種好高貴嘅感覺～…Read More

秋冬又係時候打邊爐啦！今次去個間特別啲，我地用粥底打邊爐！食完配料，仲可以飲埋粥底！金米鍋位於銅鑼灣駱克道459號the L Square 10樓，地鐵站行過去都好方便，而且座位與座位之間寬敞。我哋點咗鮑魚雞粥底（$168），包含鮑魚一隻同鮮少雞半隻。 原本以為鮑魚同鮮雞已包含係粥底裏面，點知原來係分開上，所以只係白粥粥底。不過綿線粥底好香，未落任何配料前，我就已經食左兩碗粥。另外仲會附上蔥花同油炸脆片以作添味。我哋仲叫咗西班牙豬腩片（$78），一片片厚度適中，以粥底配送，肉片更加香滑。鮮製鯪魚丸 （$68），一盤12粒，果然係鮮製，魚香味重，無腥味。而且結實，無粉味。雜菇盤 （$68），內含冬菇，草菇，杏鮑菇，金菇，用黎淆湯底就最好～浸到最後先食，啲菇味反而越來越香濃。冰封豆腐 （$48），蜂巢般嘅豆腐，吸收晒粥底嘅味道。一咬落去，粥底連豆腐，爽軟口感。蟹子墨魚滑（$88），可以自己控制墨魚滑大細。墨魚滑彈牙濃味，再加上蟹子混入其中，增加口感。…Read More

前幾日約咗朋友去酒吧街飲酒，飲酒之前梗係要食飽飽啦！喺酒吧街隔離街搵到一間食蝦煲好出名嘅店舖-蝦棧，咁出名梗係要試下啦！蝦棧位於太子花園街233-235號偉雄大廈地下A舖，酒吧街隔離街就是了。甫入店舖前，店舖右手邊有個養蝦嘅水虹，即撈即煮，相當新鮮～ 叫咗2個小食，一個係一口炸豆腐($58)， 一開始我以為同臭豆腐差唔多，估唔到原來佢真係純粹一嚿炸豆腐。就咁食炸豆腐可能會比較淡味，所以需要點上附上嘅調味醬料，酸甜開胃。另外叫咗個脆炸陳皮魚蛋($58)，外型好似炸雲吞咁，不過咬落去係魚蛋，無咩陳皮味。因為我唔食得辣，所以嗌咗個奶油蝦($188)，原本睇到話係奶油以為會好肥膩，但係食落去反而無肥膩感。奶油味完全滲入蝦肉，蝦肉亦好彈牙，唔怪得係推介之選啦～因為奶油蝦煲內仲有好多奶油汁，所以我哋另外叫咗個蔥抓餅($28)，可以單獨食或點上奶油蝦煲內嘅奶油醬汁一齊食。單獨食嘅話會有啲似酒樓既家鄉薄餅，點上奶油後，就會更加特出奶油醬汁既味道。另外我哋仲叫咗個台式蔥花雞，原來呢個係隱藏推介之選！老闆話蔥花雞需要每日新鮮製造，而且制作需時，所以係限量供應。雞肉嫩滑香口，再配上香脆嘅炸蒜，2個人好快解決完成碟雞。途中我哋一人叫咗一杯飲品，一杯係薄荷菠蘿梳打($38)，一開始只係飲到梳打嘅味道，然後越飲菠蘿味道越出。另一杯係清涼荔枝梳打，含酒精($38)，其實飲落去似荔枝味梳打，完全飲唔出有酒精味。唔好睇佢好似好隱蔽咁，越夜越多人，而且每一台都有叫蝦煲食。唔怪得話呢度嘅蝦煲咁出名，食完都覺下次可以再叫其他蝦煲試下。…Read More