鮨亭 (Closed)

近排太熱，實在唔想周圍走，所以同朋友去咗屋企附近嘅日式餐廳覓食-鮨亭。.整體使用彷木設計，另外仲設有壽司吧檯，可邊食邊觀賞廚師手藝。完美呈現和風格調日式居酒屋環境。餐廳室外更設坐位，可與寵物一同用膳。.日式芝士年糕雖然啱啱炸起，但表面同內在都唔油膩。外脆內軟，啖啖芝士味。.三文魚親子丼飯身上鋪滿三文魚刺身及三文魚子，大大嘅滿足。三文魚味配上醋飯，鮮甜中帶有一點點酸。.火炙雜錦海鮮丼一次過食多款火炙海鮮，大大粒帆立貝，數款魚類。經火炙後，帶出魚油香味及帆立貝鮮味，食落爽口帶點焦香味。.午餐套餐則奉上日式餃子，麵豉湯及檸檬綠茶。