健舍便當 (Closed)

係元朗圖書館打等咗半日之後，直接係附近搵野食。最後揀左健舍便當，以魚湯同慢煮營養便當出名，可惜當日魚湯售罄，無緣嘗試。店舖唔大，因為有大玻璃窗，所以都幾光亮。慢煮雞胸便當推介菜之一！慢煮雞胸肉質鮮嫩且肉汁豐富，配以燒烤及中東味，即使無任何醬汁都非常惹味。飯亦採用左紅米飯，更高膳食纖維。秘制香草烤豬便當一樣用紅米飯，蘊含高膳食纖維。烤豬雖然唔係以慢煮手法煮食，但都唔會乾身。肉量亦非常足夠。蒲燒鯛魚以鰻魚汁調味，鯛魚片肉多刺少。魚肉堅實，嗒嗒肉。另外可套餐加配溏心蛋或飲品。溏心蛋原隻上，切開後，溏心蛋黃隨即流出。飲品則點了青蘋果梳打及乳酸梳打，大大杯！