Hung30000's Profile

今次係旺角OPasta Holic食餐飯，真係幾有驚喜1. 開胃嘅主廚精選沙律用料新鮮，酸甜開胃，清爽得嚟又帶少少油香，好好點醒味蕾。 2. 焗薯皮拼盤金黃酥脆，薯味濃郁配合香滑芝士，份量十足，啱晒同朋友share。 3. 帕爾馬火腿意粉鹹香適中，火腿質感嫩滑，拌埋意粉口感豐富但唔油膩。 4. 芝士焗肉醬意粉肉味濃烈，醬汁香濃粘稠，焗得恰到好處，令整體味道層次鮮明。 5. 咖哩芝士雞肉焗飯味道有新意，咖哩香辛配芝士濃滑，好有融合感，雞肉嫩滑又入味。 6. 香濃朱古力窩夫甜品鬆軟香甜，搭配冰凍忌廉，加上焦糖香蕉，為飯局畫上完美句號。 服務態度親切，環境整潔舒適，唔會太嘈吵，適合閒聊…Read More

環境舒適，氣氛放鬆，適合約埋朋友或者家庭聚餐。門面簡潔有格調，感覺好有質感。佢哋嘅安格斯牛肋串係招牌，肉嫩多汁，燒得均勻，仲帶啲炭燒香氣，非常吸引人。鹽燒牛舌串同牛舌芯都係必點，厚切得嚟唔韌，入口爽口，令人回味。厚厚一塊玉子，口感滑溜嫩滑，帶微甜和蛋香，入口即化蒜蓉燒茄子味道濃郁，蒜香同茄子混合得好完美，係解膩好幫手。呢道可算係亮點！鵝肝煎得恰到好處，外層微微焦香，內裡軟滑細膩，帶啲牛油香味，配上紅酒汁嘅酸甜濃郁，味道層次豐富，令整道菜高貴起來，令我一直念念不忘。此外，黑松露野菌雞肉意粉係另一賣點，松露香氣撲鼻，野菌同雞肉嘅結合豐富層次，更帶出意粉嘅軟糯口感，令整道菜特別高級。仲有小辣辣酒煮沙白，辣味適中帶出海鮮鮮甜，啱晒想食少少刺激嘅朋友。整體嚟講，食材新鮮多樣，燒烤火候掌握得好，同時配搭創新菜式，係本地燒烤入面值得一試嘅選擇。…Read More

今次去咗呢間日本餐廳，好好彩試到幾款招牌壽司同刺身，感覺真係棒極了！日本藍鰭赤身壽司入口即化，魚肉肥美鮮甜，魚味濃郁但又唔會過膩，鮮度十足。池魚和油甘魚壽司同樣令人驚喜，魚肉柔嫩帶有豐富油脂，口感非常細膩，食落爽口又有層次，讓人回味無窮。安康魚肝壽司絕對係高級享受，肝味濃郁但不膩，質感滑溜細緻，為整餐增添特別風味。火炙帶子壽司帶出炙燒的香氣，令帶子肉質更鮮嫩多汁，火候掌控得宜，這個口味真係值得一試。刺身方面，中拖羅鮮甜肥美，三文魚油脂豐富，質感嫩滑，甘蝦則肉質Q彈，帶來一種自然純真的海洋鮮味。新鮮海膽最為吸引，入口即化帶有甘甜，既濃郁又清新，讓人感受到海洋的純淨味道。鹿兒島鰻魚飯團香氣濃郁，鰻魚的醬汁鹹甜適中，配合醬香飯團，口感層次豐富，令這道壽司帶來不同的驚喜。最後，乳酸沙冰作為餐後甜品，口感清爽細膩，為豐富的海味餐點劃上完美句號。環境舒適，非常適合和朋友或情侶慢慢享用一頓高質日本料理。壽司和刺身的用料新鮮，製作精細，每一道菜都體現出師傅的用心和廚藝。從入口即化的魚生到焦香十足的炙燒帶子，口味層層遞進，讓人一次過體驗到日本料理的多樣風味。下次一定要再嚟試更多佢哋嘅特色菜！…Read More

明太子芝士椰菜燒餅。滾燙上桌，一刀切下，焦脆外皮發出誘人的咔嚓聲，內裡是熔岩般流淌的濃郁芝士，包裹著鮮辣明太子與清甜椰菜絲。重量級火焰原隻雞腿 視覺震撼，服務員淋酒點燃的瞬間，火焰升騰，香氣四溢。雞皮烤得金黃焦脆，肉質卻驚人地嫩滑多汁，飽含炭火香氣，豪邁又滿足。特上壽司盛合色彩豐富，魚生新鮮，入口即化。每件壽司層次分明，飯粒軟硬適中，配上刺身極為美味。擺盤精緻賞心悅目，非常值得一試！🍣軟殼蟹牛油果壽司卷帶來清爽轉折。金黃酥脆的整隻軟殼蟹是絕對主角，外酥內軟，牛油果如奶油般綿密滑潤，與微酸的壽司飯完美平衡，是口感與滋味的雙重享受。凱薩沙律，羅馬生菜爽脆，凱薩醬濃郁鹹香，脆麵包丁與鹹香培根碎增添趣味。擺盤精緻，刺身新鮮爽口，帆立貝鮮甜，油甘魚和三文魚入口滑溜關西章魚燒外皮微脆，內裡柔軟滾燙，章魚粒彈牙，醬汁濃郁雨滴餅 配黃豆粉，黑蜜，晶瑩剔透，入口冰涼Q彈，如同凝結的雨滴。裹上細膩微甜的黃豆粉，再淋上濃郁的黑糖蜜，樸實的日式風味溫柔收尾。Mango-bar de Mocktail 芒果味超濃郁，冰沙口感，加埋雪芭清新又過癮！Berry Kisses 酸甜平衡，莓果味突出，檸檬點綴更加醒神。兩杯都賣相吸引，打卡一流！…Read More

出街食又唔想食得咁油膩今次決定揀呢間粥店。豬紅粥上浮著翠綠生菜絲，一匙舀下，軟嫩微彈的豬紅與爽脆生菜在口中交疊，粥底溫潤順滑，毫無腥氣，樸素卻踏實。另一碗皮蛋瘦肉粥更是精彩，皮蛋凝脂般柔滑，中心流沙般的溏心化開鹹香，醃得入味的肉絲鹹鮮點睛，稠度恰好，暖意直透心脾。金黃牛脷酥裏著細密糖粉，入口酥脆微甜，糖粒在齒間沙沙作響。油條炸得蓬鬆空心，單吃酥脆帶韌勁，浸入粥中吸飽湯汁，瞬間綿軟，又是另一番風情。…Read More

話說最近行旺角波鞋街買波鞋，想試試新口味的米線，於是就發現到「米真鮮」這間米線小店，排隊的人挺多的~一開始先送一客餐前小食等客人開胃菜單簡潔而清晰，主要有五款口味可選擇(招牌雞雜小鍋米線、招牌豬八戒小鍋米線、招牌牛魔王小鍋米線、招牌雜錦小鍋米線)，如果想自由選也可以，菜式選擇很豐富。米線加底是不用加錢的!!!，真的很良心，大食的朋友會很幸福~招牌牛魔王小鍋米線配酸金湯底，顏色金金黃黃，味道酸香醒胃，湯底濃郁帶微辣，牛魔王配料豐富有肥牛片、牛筋丸和牛舌，加上吸湯的米線，滋味十足。以全牛米線比較下，這碗米線性價比很高，值得一試~招牌雞雜小鍋米線配滕椒湯底，麻香撲鼻，雞雜份量和種類很多，口感爽脆，雞肉是用全雞鮮切的，由雞湯打底的滕椒湯底辛香過癮，嗜辣者必試。  整碗米線吃到尾聲時，湯仍然是熱的，雞肉因此沒有變硬，這點很讚。新疆雞翼外皮酥脆，肉質嫩滑，孜然香味醃得入味，伴甜辣醬味道很棒。麻辣豬皮蘿蔔魚蛋滷得通透，豬皮爽彈，蘿蔔清甜無渣，魚蛋份量也很多，入口彈牙，麻辣汁後勁非常強，忍不住一口接一口吃。韭菜鴨血沾上辣汁更惹味，鴨血滑滑嫩嫩香味十足。如果你喜歡挑戰大胃王，這間餐一定合適你，米線真的會令人回頭的那種美味~…Read More

話說最近海之戀商場新開左一間高級日料餐廳，想同朋友去試下。店舖面都係比較清新日式風格，燈光柔和令人覺得好chill，餐枱設計是彷照日本銀座個種需要預約座位的高級壽司店，有個專業的壽司師傅在食客面前親手掐壽司，所有魚生材料放在面前，食客可以邊食邊欣賞師傳的手藝。先黎一支波子汽水先，味道好日本地道個種波子汽水我地揀左大滿足壽司定食，套餐配左一份沙律，容器好精緻，味道清爽醒下胃先~茶碗蒸每口細膩軟滑，淡淡高湯伴住蟹肉絲香味，暖住個胃真係好舒服。裡面好足料，每一口都有海鮮。細盛海膽三文魚籽碎拖羅飯份量合理，海膽鮮甜濃郁，三文魚籽飽滿，顏色都幾靚，拖羅碎伴芝麻和蔥花，味道柔和不肥膩，魚生沒有渣，整體都幾好味。炸軟殼蟹外皮酥酥脆脆，又香口，啖啖都係肉。燒汁銀鱈魚味道都唔錯，微焦的香味，肉質嫩滑。時令壽司全由廚師發板,等待過程充滿驚喜，壽司材料很新鮮。師傅的刀功唔錯，每一件壽司都唔會有啲唔靚的紋路或者根腱位置。色澤都好靚睇起黎很開胃。固定壽司有深海池魚,拖羅,金目鯛,松葉蟹腳,每一個食材都係精雕細琢,飯粒分明食完壽司再黎一碗麵豉湯真係一個完美既收尾，湯頭味道偏清淡，合適消消膩。總體而言，餐廳真心高質，食材用料上乘，絕對對得住價錢。氛圍感滿分，好合適情侶打卡，真係有種唔使去日本就能試到日本手握壽司個種味道，睇住師傳一件一件掐出黎的壽司，過程都幾有趣。…Read More

話說住開元朗的街坊一定知道呢間校長烤肉，有日同另一半慶祝，第一時間諗起呢度，每次黎親都排緊隊，所以我地選擇晚市1700開始晚飯。餐廳位置非常就腳，如果駕車的朋友，附近有咪錶亦都有停車場就近泊車🅿️🚗。餐廳有好多選擇，有刺身、壽司🍣、熟食🥘、點心🍘、各種肉類🍖🥓🥩等等。粗略都超過100種。客人可以選擇燒肉、打邊爐🫕、雞煲或者日韓式放題，自由度超高，飲品🍺🧃🍵🍶和甜品🍫🍩雪糕🍧🍨🍦類都係免費任食任飲。所有凍肉類和蔬菜放置的位置都會有個蓋子保護，以確保衛生和保温，呢一點真係值得讚。肉類基本牛🐮豬🐷雞🐔魚🐟什麼都有，好難試得曬，所以客人要諗清楚每一次要食乜先好夾😝💕。有部份已經調好味道，所以不用再自己調味🧂，方便感十足。刺身櫃位置選擇都唔少，客人可以加錢憑貼紙每次拎三種不同的刺身。赤蝦🦐真心推薦，個頭都算大隻，蝦身新鮮。如果點三文魚🐠和吞拿魚🐟店員每次都會俾多幾塊你，唔使來來回回走多轉，非常體貼。刺身口感油花滿滿，無筋同渣咬到出黎。壽司🍣係入座個陣都係岩岩整起，見到滿滿一盤真係食指大開。每一件壽司飯份量唔太大份，好適合每一樣想試的老饕。壽司新鮮度高，鮮甜到一件一件食唔停。如果單食肉類刺身覺得油膩，仲有好多醬菜和沙律類🥗選擇解解油膩。醃青瓜🥒和甜酸薑🫚味道唔錯，甜甜酸酸佐烤肉一齊吃一樂也。熟食類都幾吸引，拎個陣仲冒緊煙。炸物🍤🥟會有幾種醬汁選擇伴碟，釀茄子配木魚絲🍆味道很好。中式點心位置一直都蒸緊，粉果都幾大舊，餡料豐富。另一半想打邊爐🫕，有3種湯底可選擇，餐枱有電磁爐位置煮邊爐，一邉烤肉一邊打邊爐真係份外開心。甜品櫃有幾款布丁和啫喱選擇，泰式拉茶布丁有驚喜，甜度剛剛好之餘拉茶濃度十足。總體而言，餐廳體驗感不錯，價錢比其他放題餐廳類優惠不少，餐廳員工會最大程度不打擾客人用餐，適時收走枱面多餘的碟子。而且會定時添加食物，所以食物櫃都係持續滿滿的。之前餐廳再重新裝修，整體動線和食物擺放位置明確，每一次光顧都會有不同的裝飾物，新鮮感十足。再有慶祝日子都會再次光顧，讚!👍…Read More

話說今日同另一半經過荔枝角有間新開試業的冰室叫「波士冰室」，見佢午飯時間有好多人排隊，一於就試下啦~餐廳的裝飾偏懷舊風格而且又簡潔乾淨，卡位數量都好多，整體觀感唔錯。因為就近工廈位置，所以較多打工仔放飯排隊，但我地因為比較早到，所以好快就有位坐喇。講返食物，小食鮮蘋果沙律味都幾多蘋果肉，同沙律醬和雜果伴在一起甜甜酸酸非常開胃。佢地招牌波士漩渦蛋包飯真心唔錯食。呢個套餐有四款汁可以揀，除左黑椒/咖喱/照燒汁之外，仲有芝士汁可以揀，選擇都好多。西冷牛扒漩渦蛋包飯個份量都好足，牛扒尺寸比手掌大，而且煎得好嫩。醬汁方面餐廳用另一個碗分開裝，避免左碟飯浸住太耐醬汁令口感變差，都係細心之處。蛋包飯上面的蛋仲有好多蛋汁，配埋上面啲木魚片真係好好味。午市套餐個銀芽肉絲炒麵應該係食過咁多間茶記冰室裡面最好食之一。首先，肉絲份量超級多，肉質柔軟無渣。第二，配菜除了芽菜之外，亦放左唔少韭黃，韭黃的香味令炒麵味道豐富左。第三，麵底沒有炸得過乾或者焦燶情況，入口沒有拮嘴情況，麵條亦都充份吸收醬汁，真係幾滋味。小食波士瑞士雞翼(3隻)都整得幾入味，甜甜地既醬汁配飯一流。波士冰室有幾款特別的飲品，咖啡紅豆冰都值得推薦，原來咖啡同紅豆冰都幾夾，紅豆沙的甜味中和咖啡的苦澀，令到口感絲滑，好似中式糖水咁樣都幾有新意思。另外仲有佢自家製的生磨蛋白杏仁茶，甜度都OK，杏仁味濃郁，唔會有陣沖劑個種化學味道。因為飲品加生蛋白，口感上都比較順滑，呢杯飲品都比較合適飯後解膩。整體餐廳出品都唔錯，都比較用心考慮食客的喜好，服務態度不錯，如果有機會一定會再光顧!…Read More

話說最近日韓菜系食得有點厭，想試下其他特色菜系，朋友介紹在尖沙咀天文臺道有間比較有格調、亦有戶外座位的墨西哥餐廳。看起來非常吸引，那就試試看吧~😛🍽這間8Five2 Restobar是主打墨西哥菜系的酒吧餐廳🥂🍖🍪🌯，充滿異國風味的裝飾令人陶醉好像置身於外國。高級的格調、柔和的黃色燈光映襯外牆掛住拉丁藝術畫氛圍，吧枱掛滿玻璃酒杯和不同的酒類🍾，在吃飯和小酌時增添視覺風味，真心好Chill。❤️墨西哥牛脷串燒4塊  Pinchos - Ox Tongue(Mexican Style Skewers)❤️每一片牛脷都係超厚，肉味濃郁又彈牙，配埋墨西哥特色辣辣地的醬汁，啖啖肉真係好滋味，而且每塊牛脷都係竹籤拮住，方便食用。❤️燒烤辣牛小排 Spicy Grilled Beef Short Ribs❤️牛小排肉質好像熟成牛排軟嫩的口感，非常容易咬開，肉汁香氣充滿在口腔內，而且每口份量大小剛剛好，不用用扒刀切得非常狼狽，可見餐廳的細心之處。❤️羊肉墨西哥辣餡餅 Pulled Lamb with Ecuadorian Sauce Enchiladas ❤️個人比較喜歡這道菜，羊肉燉煮得非常軟爛不嚡口，亦沒有帶骨頭，濃郁的奶汁完美的覆蓋每一絲的羊肉和餡餅皮，大大的滿足感。目測羊肉塊都有大半把掌大，而且無膻味，真係一口一口不停吃，爽~❤️墨西哥風情食肉獸薄餅 Loaded All Meat Mexican Pizza❤️每一片薄餅都舖滿芝士和牛肉，餅底厚厚地又脆又好吃，重點份量超大，我同朋友兩個都差點吃不完，啖啖都係肉，辣辣地非常開胃。總體而言，8Five2 Restobar 無論在裝修、衛生程度、食物質素都是一個不錯的選擇，真係體驗到地道墨西哥菜風味菜。餐廳用餐氣氛非常輕鬆…Read More

最近經過尖沙咀站N2出口附近發現左呢間主打食日式鰻魚飯的鰻工房，真係好掛住去日本食過的正宗鰻魚飯。餐廳門面設計都係個種好傳統和風食肆風格，裡面掛住好多色彩繽紛的日本特色彩旗，木質的座位真係同日本旅行遇到的傳統食店差不多，很有風味。餐牌都簡單易明，主打都係食鰻魚丼飯，所以係選擇困難症者的福音黎。而且食物都會放係木質的餐具中，同印象中的鰻魚飯店相比都幾正宗。講起鰻魚，這間餐廳（白燒）生燒鰻魚丼真係要一試，焦香的外皮散發住炭火的香味，食落去脆脆的而且肉質結實仲有少量汁水，真係忍唔住一舊接一舊咁食，醬汁的味道唔會太搶畫所以食到原汁原味的鰻魚味道。真係好滋味。二重鰻魚丼鰻魚的尺寸真係大到餐具都裝唔曬，仲大過一隻手掌份量，日料黎講份量真係好良心。甜甜的鰻魚醬汁滲入曬成塊鰻魚肉，外脆內軟，而且鰻魚都偏厚身，肉感大大升級~話明二重鰻魚，仲有一件燒海鰻魚，海鰻有別於其他日料店，厚身之餘仲有陣炭火的香味。一個套餐兩種鰻魚都嘆到，真係鰻魚控最愛呢~每一份丼飯都會配埋小菜同湯，所以保證一定食得飽。甜甜酸酸的蘿蔔真係好開胃，而温泉蛋的蛋味都唔錯，當混入有魚板、蛋絲同紫菜的白飯裡面，流心的蛋汁慢慢流出黎個下口水都流埋。麵豉湯味道都唔錯，唔會太鹹，仲有啲蜆肉搯到出黎。總括而言，餐廳雖然選擇唔太多，但鰻工房會令你體會到日本個種匠人精神將鰻魚做到極致，令食客體會到鰻魚的美味。讚~…Read More

話說今日同朋友聚會，想去日式居酒屋光顧，尖沙咀這間Mokumoku Yakiton都係一間唔錯嘅選擇。這間居酒屋豚肉串燒比較出名。地理位置在厚福街非常方便，裝修偏向日式風格⛩，性價比OK👍，最後決定呢一間用餐。😜🤪😝除咗日式燒豚肉🍖🥩外，餐廳有其他種類串燒牛🐂雞🐓刺身🐠🦐🦀可點，又可以點酒🍻邊食邊吹水非常寫意。而某啲座位係可以直接睇到廚師親身燒肉👨🏼‍🍳🥘的過程，真的賞心悅目。講返菜式先，前菜蒜子蕃茄沙律🍅🥗非常清爽，佐蒜子醬油甜甜酸酸都醒胃，作為開胃菜唔錯。跟住餐廳上份生蠔刺身🦪，生蠔刺身應該係我見過最大隻飽滿嘅個頭，差不多有成隻手掌大✋🏼，肉質鮮甜又肥厚，真係好好味😋，呢度菜當然係必點啦～月見免治豚肉串🐷🍖配生蛋黃🍳，豬肉厚身之餘又多汁，同濃郁的蛋黃香味真係夾，正~西班牙黑豚豬頸肉🐷🍖的豬油香味十足，口感彈牙，肉汁香氣係口腔度充斥個下一樂也。豬喉軟骨串🐷🍖都算係比較特別的豚肉部位，爽爽脆脆咬口都唔錯。豬肝串燒得很香脆，肉感十足又有濃濃的肝香味，配上燒肉醬真好滋味。厚切白金豚肉🐷🍖份量都好多，每片都係厚切，而且係五花個部位又香又好食。😚😚😚露荀豬肉卷、秋葵豬肉卷、都係比較常見的串燒菜式，薄薄的肉片配埋蔬菜稍為消化下肉類的油膩感，清爽可口。🤤皮蛋豬肉卷應該係只此一家才有，燒皮蛋同豚肉意外地搭。厚揚、冬菇🍄‍🟫串燒都唔錯，不妨可以叫埋。厚掦上面有啲木魚碎令味道昇華，都幾搭配。比目魚🐟啲皮燒到幾脆，魚肉輕輕一咬就散開，唔嚡口之餘魚味十足。👍燒菠蘿🍍係每家串燒店必點的甜品，呢家餐廳都燒得幾好，熱果汁係天氣涼的日子都幾暖心。🥰🥰🥰 我地點了三得利生啤和乳酸梳打配串燒，真係快過左神仙。總體黎講，餐廳出品質素良好，能夠將豚肉不同部位作為串燒菜式，從未試過某啲豬肉部位(肝、喉等等)意外地用黎做串燒真係好好味，又特別，而且情價比高，都有唔少高級日本貨可選擇。真係一讚~👍👍👍…Read More

話說11月開始轉涼想食下啲熱野，返內地消費都比較遠，所以決定留在香港消費。又來到元朗校長燒肉嘆放題，真的百食不厭。如果晚上7點前結賬還有特別優惠，優惠都非常吸引。上一層樓梯後餐廳有一個鐵甲俠歡迎你，亦都有夾公仔機和扭蛋機玩樂。到座客人都多，餐廳劃分不同區域，每張枱都有韓式烤肉爐和放火鍋的電磁爐，食客又可以打邊爐或者燒肉都可以，晚市每位200元內任食到咁多野真心唔錯。顧客仲可以升級加埋放題刺身，可以令你邊嘆刺身慢慢食。1️⃣先介紹刺身及壽司區🍣，基本刺身三文魚、吞拿魚、甜蝦和希靈魚等等基本上由店員分配給食客，每次可以拎3樣唔同的刺身。刺身都好新鮮及厚身，色澤都好靚。壽司位置係自助的隨便你拎，店家都顧及衛生，所有壽司都會用膠蓋蓋著，防止啲小蚊蟲飛入啲食物裡面。壽司款式都好多，而且每口一件份量啱啱好，味道都唔錯。2️⃣沙律區🥙，有多款新鮮蔬菜🥦🥬🥒，包括有生菜🥬、火箭菜、薯仔沙律🥗、泡菜、中華沙律等等。款式又多，仲有幾款沙律醬等你揀，組合都幾自由。3️⃣熟食區🍛，基本每次黎都會有唔同，今次過黎有煮西蘭花、糖醋排骨、關東煮、滷蛋🥚、茶碗蒸、煮鴨血等等，側面兩個湯鍋有老火湯、碗仔翅。炸物🍤有麥樂雞、炸洋蔥圈，隔離仲有個點心蒸櫃都有好多港式點心🥟食。每樣都仲冒出熱煙真係唔錯👍🏻4️⃣燒肉區🥩🍗🍖及打邊爐材料🍲區，肉類基本上任君選擇（牛肉🐂，豬肉🐖，雞肉🐓，魚柳，鯖魚，魷魚🦑，多春魚等等）。不單止肉類種類多，口味款式頗豐富（韓式、蜜糖🍯、蒜香🧄、黑椒等等），而且餐廳顧及衛生，肉類擺放位置有蓋冚。粗略估計大約30至40種可選。蔬菜種類有生菜🥬、黃芽白、金菇🍄‍🟫、仲有錫紙兜住牛油粟米🌽、雜菌。側邊亦都有擺放出前一丁和和包裝烏冬等等，打邊爐肉丸一樣不落全部都有。5️⃣飲品區，除咗包裝好嘅飲品🥤🧃外，仲有餐廳自家沖的壼裝飲品（玄米茶🍵、烏梅湯等等），玄米茶有淡淡香氣，燒肉之餘能解肥膩。如果鍾意自己沖花茶🫖，側面又個位置可自由調配花茶種類。成年的朋友可自助在飲品機倒梅酒🥃或清酒🍺，兩種酒類飲品任添不限杯數真的實惠又好飲，非常合適伴燒肉。6️⃣甜品區🧁及雪糕櫃🍦，甜品多數餐廳自製，啫喱、布甸、大菜糕、涼粉全部都有。想食冰點可以在雪糕櫃自取。雪糕及雪條全部獨立包裝，衛生又可靠。雪糕有多種口味，還有阿波羅懷舊的藍鐵神雪條，燒肉之餘美滋滋。總括而言，餐廳整體衛生又實惠，侍應態度良好，食物種類多而高質，價錢比其他放題平一截，沒有不來的理由。如果有朋友或家人生日，校長烤肉會在頭幾項選擇內。讚👍🏻…Read More

有日同另一半想食日本野，呢間七福神和食亭招牌真係份外顯眼~由街外已經睇到可以食到啲咩，呢點好細心，真係乜都有得食，一於都決定呢間餐廳用餐啦~餐廳坐位有好多大的卡位，坐得非常舒服及寬敞。餐牌比較多，有可以散點的刺身/壽司。炸物、海鮮、拉麵、牛扒等等一樣不落，如果有選擇困難症的朋友真係會有排揀。先講我地點的食物，酒盜七味魷魚真係好合適做下酒菜，魷魚煮得好香，甜甜脆脆都幾易入口，如果配日本酒送一定要叫。刺身一定要叫~刺身盛集合套餐有4款可以揀，3號套餐有活赤貝一本、三文魚、深海池魚、黑鯛、(帶子/八爪魚二選一)各二切，切身盛擺盤都好靚，活赤貝食落去非常爽脆，三文魚刺身部位比較瘦，池魚和黑鯛都好新鮮，我地揀左既帶子都幾鮮甜。玉子燒都煮得幾實淨，味道微甜和蛋香十足，食落去唔係個種半成品加熱出黎，現煮都幾好味。海膽海鮮炒黃金飯有鑊氣，米飯顆粒分明而蛋漿都幾均勻沾係米粒度，海膽令炒飯有陣鮮甜的味道，海鮮粒(蝦、蟹柳、青口、蜆等等)幾乎每一口都會食到，成碟炒飯的份量都幾大份，CP值好高。網燒牛扒啲牛肉味好濃好大塊。牛扒煮得外脆內軟，牛肉質地唔肥膩，全都係瘦肉真係值，配菜的生菜及煮洋蔥都好夾牛肉。鰻魚飯的CP值都好高，鰻魚片每片都好厚，差唔多半個巴掌咁大，甚至有種錯覺鰻魚片多過飯，鰻魚片醬汁都好濃厚，愈食愈上癮。呢間餐廳真係要去試下，食物份量真係超級多，而且食物出品都唔錯。餐廳地點幾好係裕華國貨的後面，非常方便。值得再次光顧~…Read More

話說有日同朋友聚餐想揀一間清幽啲地方食飯，呢間餐廳都係屯門區內一個唔錯既選擇。地點位置係新墟井財街附近，都唔算難揾。餐廳座位都坐得算舒服，咁岩好係萬聖節主題，裡面有好多萬聖節飾物，都幾得意。餐牌都幾多地道台灣菜式，選擇唔少。蟹肉明太子炒新竹米粉都夠鑊氣，啲米粉唔會一舊舊痴住，有淡淡的油香味。配料都幾多，食物質素都唔錯。因為想食清淡啲，叫左一份木玥雜錦蔬菜，白蘿蔔味道比較淡，甘荀煮得比較冧。如果嫌淡口得滯，有芝麻醬同甜酸醬俾你選擇。因為係萬聖節主題，水果叉真係好有趣，而且重點係杯招牌水果茶好大杯，目測杯身有手臂咁長，水果茶微甜，味道都唔錯。黑糖珍珠拿鐵味道不過不失，可以選擇甜度，茶味一般，反而奶味比較濃。總體黎講，如果唔趕時間想坐耐啲，呢間餐廳都係一個選擇，食物都OK。…Read More