佢哋嘅安格斯牛肋串係招牌，肉嫩多汁，燒得均勻，仲帶啲炭燒香氣，非常吸引人。
鹽燒牛舌串同牛舌芯都係必點，厚切得嚟唔韌，入口爽口，令人回味。
厚厚一塊玉子，口感滑溜嫩滑，帶微甜和蛋香，入口即化
蒜蓉燒茄子味道濃郁，蒜香同茄子混合得好完美，係解膩好幫手。
呢道可算係亮點！鵝肝煎得恰到好處，外層微微焦香，內裡軟滑細膩，帶啲牛油香味，配上紅酒汁嘅酸甜濃郁，味道層次豐富，令整道菜高貴起來，令我一直念念不忘。
此外，黑松露野菌雞肉意粉係另一賣點，松露香氣撲鼻，野菌同雞肉嘅結合豐富層次，更帶出意粉嘅軟糯口感，令整道菜特別高級。
仲有小辣辣酒煮沙白，辣味適中帶出海鮮鮮甜，啱晒想食少少刺激嘅朋友。
整體嚟講，食材新鮮多樣，燒烤火候掌握得好，同時配搭創新菜式，係本地燒烤入面值得一試嘅選擇。
