foodie_magco's Profile

快樂小羊就在旺角新寶戲院隔壁，是以前實惠的位置，所以佔地有三層，又大又方便，連上樓都有電梯~入到去真係幾大，裝修幾靚，讓我覺得有點回了內地的感覺，內地的餐廳現在裝修都整得好漂亮。這個湯底叫成雙鍋，可以選麻辣+清湯/蕃笳，建議一定要點蕃笳，個蕃笳湯超入味，比海底撈更重，加湯也是加蕃笳的，保證味道不會變淡，我有個朋友還直接舀來喝😂不過麻辣湯底就肯定為香港人口味調教過，辣度超低這裡跟內地一些火鍋店一樣，都是有一次性圍裙可以取，質量還不錯，成功為我擋了不少襲擊😂這裡還有1664 beer tower! 一大班朋友就最適合了開始上菜！這裡店名是快樂小羊，今次當然主打食羊了，先來打頭陣的是羊肉丸，在其他火鍋店真的是沒有見過，擺盤又美，就點來試試看。本來還有一點擔心會有雷，但一入口不約而同跟朋友們都覺得好好吃😋咬下去是偏軟的，但羊的味道超重，好像羊的精華都在口中🤤去的朋友一定要點！這裡都有一些蒙式燒烤，我們點了羊肉串和羊排，兩個又係超正，跟火鍋料的羊是不同正的感覺，我覺得是羊肉本身的質素真的很高。如果兩者擇其一，我會選擇羊排，因為更重口味的調味和大口食肉的快感！真的燒得很香，雖然價錢也很可觀，但份量其實也不少，多人就可以share~好！接下來就是羊肉片們！之所以要用「們」來形容，因為真的有不少不同的部位，我們就不知道選什麼好，所以就選了有三個部位的羊羊大拼盤。我覺得這個cp值很高，因為份量不少，四個人食剛剛好。另外還點了快樂羊，總之都好吃就是了😂主食方面點了土豆粉，據說是店家自製的，我本身又喜歡食qq的東西。這個土豆粉其實即是薯粉，夠Q而且厚度也夠，放入蕃笳湯超合適，推推推之後覺得未滿足，再加點了燒烤類的羊棒骨，又是大口吃肉的滿足，如果要我在羊排和羊棒骨中選一個，我會選羊排，因為羊排的肉連筋和脂肪，食起上來羊的味道更出更香。最後還點了椰汁糕和桂花糕作結，椰汁糕更勝一籌，比較不會那麼甜而且椰子味很重。喜歡食羊真的不可錯過，好久沒食到一間食羊食得這麼開心的餐廳了，香港確是比較難找到專門食羊的餐廳～…Read More

之前食過一次尖沙咀店，還是第一次來銅鑼灣店！店舖位置就在一蘭隔離，都算易找入到去見到牆壁的相才知道原來這間店在台灣是有很多分店的，一張想就是一間分店，之前去咁多次台灣都沒有留意到tim每一張枱都有自己的醬料區，隨意混醬Menu很簡單，有9隻鍋可以揀，配菜都在入面了~我超喜歡食甜不辣又中意食辣，所以是沖著這兩點去選擇的，最後點了酸辣羊肉鍋小辣。個鍋上到黎真係幾豐富，非常多料，整個鍋最出色係黃芽白，吸曬個酸辣湯超級正，我連醬料都沒有整，因為都好夠味。另外，豆腐同甜不辣都好正，主角羊肉也給得不吝嗇，都有好幾大片，總之如果是正常食量淨係食完鍋就會已經飽了。跟餐仲要揀要白飯、粉絲or升級加12元變滷肉飯同行友人點了藥膳鍋，不過我就沒有試了滷肉飯都幾大碗，我想是有為就香港人口味有做過調教，比台灣食到的冇咁肥，但滷水味仍很香，算係加錢加得值。還點了台灣腸，有兩隻味揀，我地揀左蒜味，佢真係有生蒜片俾你夾住一齊食，我係第一次食，都幾好食，可以一試。我點了珍奶來飲，無糖少冰，包裝是常見的台式飲品店的包膜，方便拿走繼續飲，不過就是有點不環保。味道方面正正常常，無特出無伏！這裡午餐都有set鍋，午市應該同晚市的鍋一樣，午市來食會抵食點hehe…Read More

餐廳寬敞明亮，位置都好舒服！我叫左花膠牛魔王鍋面。上菜個陣熱辣辣，仲冒煙架！首先梗係試左個花膠先啦。碗面好充料！花膠大大舊，好有誠意，而且爽口彈牙唔會爛溶溶。唔錯！牛腩煮得夠稔身，唔會老！ 而湯底就甜甜地，仲有淡淡嘅花膠味。感覺到冇加味精，配上粗幼軟硬適中嘅麵，唔錯！如果中意重口味嘅朋友就可以加辣椒，又別有一番風味。飲品我就點了冬瓜薏米水，味道唔會好重，有淡淡的薏仁味，底下有很多薏米粒粒，好滋潤~另外，身為愛美的女士當然要叫翻個燉湯來養身一下，我們有4個人，就兩個湯都叫來試試，分別是木瓜無花果燉花膠湯和冬菇蟲草花響螺燉花膠湯。上到枱仲係超級熱，湯就是要喝熱熱的！拿湯匙挖下有什麼料，超級驚喜的是兩個湯都非常足料，木瓜那個還有雞腳，而且兩個湯都有大大的花膠。我比較喜歡蟲草花那個湯，飲下去就有一種很入味很滋補的感覺，難得是啲湯料仲有味道，唔係湯渣的感覺，抵讚！湯水係必試嘅！…Read More

今次嚟到久違的打邊爐， 家人選了吃尚鮮。 它在佐敦， 要上一樓， 但位置不算難找。 一入門口， 發現他們有個自家養殖海鮮的水缸， 頓時對它的海鮮的新鮮程度充滿期待。一開波， 侍應就遞上一個大的木托盤比我們自己mix想要的醬料來點。 好細心呢。 蟲草花膠雞腳燉湯 ($178)。 侍應先給我們每人裝了一碗湯， 湯頭清澈又香濃， 食得出是無味精。 喝湯中段他再把剩餘的湯料給我們從湯裡拿出來分好。 蟲草花好入味又有嚼勁。 花膠數量亦不少哦。 非常足料。喝了兩碗湯後再加熱湯稀釋它，真正開始打邊爐了。極上手切安格斯牛 ($198)。 全晚最推薦的菜。 超有牛味， 雪花的分佈亦恰到好處。 墨魚滑釀冬菇 ($48)。 香菇很新鮮， 咬下去是有水份的。 配上墨魚滑更美味。   黑松露豬肉丸併甜薯墨魚丸 ($78)。 非常推薦。 黑松露豬肉丸一拿近， 已經聞到濃濃的黑松露味， 咬下去， 是從未想過豬肉丸跟黑松露可以這麼搭， 兩樣濃味的材料非但沒有搶去對方風頭， 反而是互相輝映。 甜薯墨魚丸是可以嚐到一塊塊的墨魚， 非常Q彈。 相信是手打的。 配上甜薯， 更是提升了一個層次。 大花甲 ($108)。 怎能浪費它自己設置的水缸呢， 當然要嚐一嚐它的海鮮呢。 保持每道菜都有的新鮮水準， 沒有一只是壞的。 每一只都好飽滿。 鮮炸響鈴 ($48)。 新鮮脆口， 火鍋一流。有機鮮甜粟米 ($48)。 鮮甜， 雖然可以更飽滿多汁， 但有機的要讚。唐生菜 ($32) 非常新鮮。總結: 尚鮮是一間走精品路線的火鍋店， 用料選材都要新鮮和品質為先。 值得一試。…Read More

性價比超高嘅放題耐唔耐就會book一次日式放題食，今次就去旺角嘅吉壽嚐鮮～入去發現比較其他放題黎講，吉壽地方更闊落有空間感，裝修亦具豪華feel～menu選擇好多，除左最基本嘅壽司，刺身、仲有燒物、沙律、手卷、天婦羅、煮物、串燒、中式靚湯、甜品、同埋一品海鮮料理、完全符合晒唔同人嘅口味同需要～🤤三文魚刺身厚身肥美，食落入口即溶👍🏻甜蝦、帶子、蜜汁鮑片都有一定的水準，最推薦嘅係三文魚刺身、帶子，花之戀，賣相誘人，仲要食落好新鮮，一d雪味都冇～雞軟骨、焗羊架、牛油粟米、牛柳粒、整體來說全部恰到好處，牛柳肉質唔錯，嫩甜👍🏻羊架朋友話肥瘦得宜鮮嫩多汁且羶味唔重～天婦羅蝦炸漿唔算厚，炸的也酥脆～超鍾意酥炸榴槤、香脆可口而不膩人，咬落一口爆漿、外面酥脆裡面榴槤味濃郁、好味😍甜品有泡芙雪糕等等～～當然飲品梅酒清酒還有很多我地都冇食到，下次帶多一個胃去先得哈哈😄整體而言真係唔錯，waiter雖然很忙但係態度十分好，服務過程亦冇漏單情況出現，吃貨表示非常滿足😍…Read More

今次同朋友去尖沙咀嘅印度餐廳食飯。餐廳位置好寬闊舒服，最啱同朋友一齊坐低食下野傾下計！而且食飯個陣見到大部分客人都係印度人，應該都幾正宗！首先叫左最中意嘅印度飲品Mango Lassi。入口好稠身。好濃郁嘅芒果味，感覺到真係用新鮮芒果整嘅，而乳酪味都好重。感覺到真才實料！主菜叫左印度烤雞同羊肉瑪沙拉同咖哩雞。印度烤雞好香口，雞脾有肉汁唔會太乾！個人比較中意配上嘅醬汁黎食。個汁好清新好重薄荷味，令烤雞唔會太油膩！而呢間印度餐廳嘅咖哩雞同羊肉瑪沙拉都比較辣，但好惹味。好重香料味，羊肉煮都好稔身，而且唔會好膻，好食。雞肉比較乾身但都好惹味。印度菜重點梗係d醬汁啦！全部都好惹味，所以我地都叫左幾款印薄餅，配上醬汁，正！呢間餐廳有好多唔同嘅菜式，連薄餅嘅選擇都好多，有興趣嘅朋友可以一試！…Read More

一直都對大喜屋集團幾有信心，之前第一次食就選擇了最高級的殿大喜屋，今次就試翻比較冇咁高級的樂天大喜屋，位置中都好方便，而且個場幾大，座位和座位之間的距離在放題店中算standard比起其他放題店，樂天大喜屋的過人之處在於偌大的自助區和飲品區，非常多的食物選擇和新鮮好食的刺身！先睇睇個自助區先，飲品選擇堅係好多，不只飲品櫃的一般紙包和罐裝飲品，在自助區還有一些蘋果汁和清酒梅酒，滿足到不同人需要啦。我試左梅酒，甜甜的，對女仔來說易入口，可以一試之後再睇睇個自助區，前菜食物都真係多，尤其有我喜歡食的泰式鳳爪同埋中華沙律！其他仲有一些熱食，我就冇試了之後當然到刺身時間，呢間都算是我食過入面最多選擇同埋又好食，特別題三文魚，油脂很rich又厚切，油甘魚同劍魚腩同樣水準之上，這裡還有蟹腳食，當然不能expect很大隻，不都算幾有肉食，只可惜鹹了一點，但我都食左4隻😂這裡的壽司做得不錯，特別是個醋飯，夠黏性又細，很適合在放題中食，我推薦食花之戀和黑松露帶子壽司！試了不少熱食，就講講較為推薦的貓山王炸彈，放題常客，呢間的都好食，夠榴槤醬羊架，有少少羶味which I like，燒得又剛剛好，不會過生或過熟沖繩黑糖燒牛肉，幾有趣，食落甜甜的，又有牛味，可以試下最後還有一個雪櫃放了水果和明治乳酪，I love it!食左兩個乳酪( ´▽｀)最後仲每人包一杯哈根大師雪糕，I chose焦糖脆餅，好食！市面依家放題店真係五花八門，但大喜屋一直都是信心保證…Read More

這一間台飲店想試好久了，特別是它的珍珠，有6款不同選擇，咁啱係佐敦見到，就同朋友一人一杯。其實飲品底的選擇都不少的，奶茶都已經有很多款，再加上珍珠的選擇，非常個人化👍🏻我點的是烏龍奶茶+桂花珍珠+芒果寒天蒟蒻球。烏龍奶茶和桂花珍珠是朋友早前就推薦的，見到個蒟蒻球幾有趣同特別就都試下啦( ´▽｀) 我點了少甜和少冰，個茶底飲得出有烏龍的香氣，奶和茶平衡不錯，不會太甜。桂花珍珠是必點！真的有桂花花瓣，而是真的能夠taste到桂花味，不是空有其表，如果第一次飲我覺得真係要試試佢。蒟蒻球也想不到很不錯，出眾在它的口感，同埋堅有淡淡的芒果香，不過奶茶味稍稍有蓋了芒果味，如果係pure茶底會比較夾朋友點了百香果綠茶加仙草凍。我淨係試了一口，整體水準之上，有不少百香果籽。同埋值得一讚是個杯設計好靚^_^…Read More

旺角有為數不少的打邊爐店，當然都是任食最適合小妹，唔洗就住就住。今次就係朋友想食比較特色的火鍋店，話要打卡，所以就來了這一間由外到內都很適合打卡的店。由店面開始，就已經是懷舊的裝飾，包括黑白地磚、懷舊電影海報，木檯等等，全部都很有老香港的感覺。今次就食258元的set，在一切開始之前有包括小食一碟，是炸魚蛋和炸燒賣，自從離開中學校園後就很少食，今次食翻真係有一種懷舊的感覺！😂凡是你有訂座就有花膠麻辣雞煲送，雖然說是送，但份量也不少，我們一行五人，每人都食到一塊大花膠，不過稍嫌豬皮比較多和個麻辣比想像中輕手，喜歡食辣的起碼點中辣。Btw我想講最好食其實是不起眼的onion! 真是入曬味，我好像自己一人食了全部🤤之後就是點火鍋湯底打邊爐！選擇都真的不少，還有個肉骨茶鍋，不過我們都是點了他招牌的花生沙嗲鍋。在等個湯滾起時，海鮮拼盤就已上菜！大部份東西都有出色表現，特別是桶蠔，十分鮮味，連我這個平時不喜歡食蠔的人也覺得也好食。另外，蝦也表現出色，彈牙而且有蝦味，食得出是新鮮的，墨魚滑也很不錯，有粒粒墨魚肉。這裡的水餃做得特別好，不知道是不是自家包的，但餡料真的足料又有口感，真的要一試。打邊爐怎可以忘記食蔬菜！我們都點了一些蔬菜，當中有兩款是我點的，分別是粟米和白蘿蔔，真的是我打邊爐必食。今次我就很滿意，首先個粟米很甜，另外最重要的是個白蘿蔔是我最愛的切法！他是切成片狀但保留了一點厚度，這才是完美適合用來打邊爐的白蘿蔔！有些其他店會切成一塊塊的，那就很難入味了。打邊爐的主角毫無疑問是牛肉，今次有上面的美國肥牛和下面的安格斯牛，個人覺得安格斯牛的肉味的確比較重，而且油脂香較少，這種比種適合我。還有黑毛豬，不過我都是覺得安格斯最好食。食到尾聲還有甜品食，是雜果紅豆涼粉，果然還是一向的老香港體驗，不過就比較甜，可比落糖重手了。總括而言，這裡的食材選擇比較少，但每一樣都不錯，還是值得下一次再來的。…Read More

今次黎左食任食嘅韓燒！重點係仲有好多海鮮食，正！講左海鮮先啦！重點推薦嘅海鮮係帶子！帶子大大粒，都算厚肉。食落爽口彈牙，而且仲好新鮮。不過燒個陣要好好控制火候，唔好燒得太老，如果唔係就浪費左啦！扇貝都唔錯，我地加左蒜蓉同鼓油上去燒，就變左蒜蓉燒扇貝！不過比較推薦帶子，因為快熟！其他海鮮仲有生蠔，龍俐柳，魷魚圈。生蠔就比較細，唔算厚肉，但都食到海水味。龍俐柳都唔錯，魷魚圈就好彈牙！至於肉方面。個人最推薦嘅就係羊西冷！食羊嘅朋友一定要試下！肉質好滑嫩，燒完仲有肉汁，香羊肉味但唔會過份地騷！encore 左好多次都好食，正！辣味五花腩都好食，包上生菜食真係好有韓式風味。至於熟食方面，叫左炸雞，水冷面，炒粉絲，全部都頗有水準！最好食係水冷面！好清新好開胃好解膩！好似韓劇咁食完咁多燒肉，再食水冷面！真係好正！食完覺得好濟嘅朋友記得試下水冷面啊！但炸雞個炸漿就略嫌厚左。…Read More

第一次食呢間放題！刺身熟食都唔錯，服務態度幾好，上菜速度都算快。首先食左呢個雪場松葉蟹鍋，上菜時熱辣辣，湯底都有鮮味，都ok。雖然d蟹細細地，但都有3舊之後就梗係到刺身啦！今次送左生蠔同海膽！生蠔好食！好有海水味同食得出好新鮮！朋友唔食生蠔所以我食左兩舊，正！海膽都好食！好鮮甜。其他刺身都ok。因為係訂座，所以仲送左炭燒A5和牛！呢個真心推薦！好香濃嘅牛味，而且好嫩，仲有肉汁添！除左有得食又有得玩添。之後就到壽司。咁梗係試左我最中意嘅黑松露壽司。黑松露帶子好食！厚身又彈牙！而油甘魚ok 如果再肥美d就更好！火炙三文魚同蟹棒就係最推薦嘅，我同朋友再encore 左幾次！除左魚生，仲試左熟食。個蟹肉味噌湯有驚喜，真係有蟹味，幾鮮甜！呢個菇都唔錯，好香牛油味，不過燶左少少燒菠蘿好大片，好厚身，不過偏酸。牛舌好厚身但可以再燒香d!…Read More

近期香港都幾興omakase這種點菜方法，不過多數都是食壽司刺身，串燒的我還是第一次食。黑木門面並不是很顯眼，一不留神便錯過了，不過門口確是挺有格調的，有種低調高手的感覺。這麼有三款主打的omakase, 我今次就是點了最低的$688 set，內容十分豐富。在食物之前先談談這裡的服務，在我們坐下後便立即遞上熱毛巾，每上一次串燒都跟我們介紹是什麼，經常為我們添茶，以及由於我們坐在吧枱前，不但可以看著師傅在燒串燒，其中一位還很好客的跟我們聊天，真是有日本居酒屋那種賓至如歸的感覺，服務是無可挑剔的。食物由於種類太多了，難以一一介紹，但我相信點omakase你食到的都是師傅的拿手推介或當日當造，沒有一樣東西是失手的，上菜的次序也很有巧妙，不會一次過上所以串燒，當中是夾雜不同煮物、燒物等，讓整件事變得很有層次。在這裡我就簡單介紹一下當日讓我特別喜歡的食物:燒白葱就是簡簡單單的燒白葱，但想不到的是，燒得很甜而裏面有充滿葱香的汁，一咬下去讓人有驚喜！燒白菌有朕朕屬於菇菌類的幽香燒白鱔師傅特別提醒要快點食！因為放涼了層皮會變得冇咁脆，我也就不膽怠慢，快快放入口中。果然！燒得外脆內軟，魚十分香，好食！燒免治雞肉軟骨串配溫泉蛋是這個又是另一驚喜之作，師傅說雞肉串是自家製，裏面混入了雞軟骨，食下去有脆脆的口感，比一般免治雞肉串多了一重口感。個人覺得即使不點雞蛋吃，也已經非常出色。全晚最好吃的串燒莫過於這個燒日本黑豚肉串！外面燒到有浸脆脆的口感，豬肉的油脂香十分豐富， 肥瘦分布均勻，而且有浸好香的肉味，必食這個！如果喜歡吃魚，來到這裏就非常適合你了。除了剛才的燒白鱔，這個套餐裏還有油甘魚鮫、燒秋刀魚和燒一夜干，全部都燒得剛剛好，特別是油甘魚鮫非常香燒飯團這個我是第一次見！飯團原來經過燒這個步驟會變得更好食！燒完的飯團有浸脆脆的口感在外面，有點像吃飯焦，很有趣！明太子味比原味更勝一籌海鮮湯最後還有一壺海鮮湯作結，湯頭非常鮮甜，能夠飲得出是經過多種貝類和菇菌所熬製，是飲完會覺得有補補的感覺，完美的作結！其實還有很多很好吃的食物並沒有介紹，留待大家自己試試，不過我可以確定並不會有伏的，而且一分錢一分貨，我就覺得這裏的食物確是值這個價錢。…Read More

早就聽說朋友講過這一間台灣餐廳，但位置對我來說確有點隔涉，終於今日抓到機會同朋友一齊來食^_^ 環境不錯，幾有情調，放著周董的歌，食起來都特別開心！朋友之前來過，話今次轉左新menu! 我就唔知，大家可以睇下飲品方面，這裡是有幾款特色調酒的，幾襯餐廳環境，不過我反而想試這個芭樂苦瓜汁，因為好似好靚咁，而來到也不負我望，係有大熱漸變色的，打卡一流，難得是味道也好，有芭樂汁的中和下，唔會話好苦但有飲到苦瓜的甘味，是值得一試的飲品前菜點了鹽酥雞窩夫，這個應該是外國fried chicken and waffles 的變奏版，炸粉唔算好厚，窩夫香脆，都幾好😬主菜點了四寶牛肉麵和滷肉飯，先講四寶牛肉麵，這裡要強調，個湯底係超重！口！味！非常之濃，友人甚至覺得係too salty, 不過對重口味的我來說覺得好正，呢件事就真係見人見致了，不過牛肉一致認為炆得夠腍又入味，啲牛筋表現尤其好，唔好軟到話入口即化冇曬口感，而是稍稍用力才能咬開那一種，I like this type，既能入味又保留少少口感。滷肉飯都唔錯！啲滷肉係足夠撈曬成碗飯，而且唔會話好肥膩，有酸蘿蔔中和~仲點了我勁想食的芋泥脆皮蛋捲！雖然原本想食埋芋泥牛角包，但原來週末先有😢不過對芋泥控來說，這個仍是必點，芋泥好綿密，唔會話好甜個一種，係有芋頭本身的香味，重點是好多，配上甜甜脆脆的外皮好夾。份量有點多呀，一份可以食飽一個女仔最後仲有個手作芋泥伯爵茶布丁完美作結☺️，另外仲有一個芋圓甜品的，不過伯爵茶布丁在其他地方唔係咁易食到，所以選了這個，果然不負我選了它，芋泥表現同樣出色，估唔到係個伯爵茶布丁都令人咁驚艷，有奶凍的口感，伯爵茶味又幾出，差不多我自己食曬成個奶凍🤭在蘇豪區，我覺得這個價格好合理，而且環境食物都好，去唔到台灣住咪黎呢到食台灣菜🙈…Read More

秋風起，除了打邊爐之外，燒肉都是一個不錯的選擇~ 如果想食靚肉，散叫的餐廳一定會好貴，鑒於今次想又食好啲，所以去了這間標榜有澳洲和牛任食的燒肉店。位置方便，就在isquare，門口都好有feel~店內座位其實不多，每張枱都好闊，枱與枱之間的距離夠大，而且不少座位都有屏風相隔，私隱度不錯。也因座位哂係好多，在成個場最多人的時候，每次出自取區仍然很少人，係舒服嘅。呢到的特色就是有很多款不同的酒任飲，啤酒、白酒、清酒、梅酒都有，我只試了在最邊邊的一隻梅酒，佢total有兩隻的，不過我都唔識分，我試左呢隻的酒精味唔算好重，淡淡的梅香和微酸的味道，適合女孩子喝，個名就在下面照片尋覓啦😝一入到去，經理就同我地講可以去自助區拎飲品，而我除了拎左枝解茶同試梅酒之外，見到一個甜品雪櫃同冰箱當然都唔可以放過要去望望啦，甜品細細件，款式都幾多，包括有幾款大福、泡芙、朱古力撻、榴連糯米糍，我試左幾款，比較推薦泡芙和朱古力撻，特別是朱古力撻不會過甜又夠滑。一開始坐底係唔洗寫單的，因為有幾盤拼盤會陸續送上來，包括魚生、海鮮和最期待的肉肉拼盤！😍魚生同海鮮拼盤上來時都有乾冰加持😂先講盤魚生，only第一輪有海膽，不過我係唔食嘅，所以唔關我事😂，而其他魚生都新鮮，油甘魚最好食，有很重魚油香，其次三文魚都好食到海鮮，最讚就是條一夜干，其實即係日本鹹魚，因為我本身就鍾意食鹹魚，所以呢條魚對我來說好好吃😋另外的貝殼類正常發揮，蟹腳呢就欠了點海水的鹹鮮，不過食得肉多，食下海鮮都唔錯^_^之後就是最期待的肉肉！拼盤就最好，可以一次過試曬，重點係有標示，知道自己食緊咩嘛！澳洲和牛有三個部位(肉眼、西冷、胸腹)，我認為肉眼比另外兩隻要出色得多，肉味濃而且嫩滑，西冷就頗為失望，韌左啲😞。除了和牛以外的美國穀飼牛同埋牛舌都表現唔錯喎，最後都encore these two and肉眼( ´▽｀)肉類方面仲有豬肉的，有豚西冷同腩肉，朋友覺得腩肉好吃啲我就覺得西冷好食啲，有咬口有肉味。另外再點了骨附雞肉腸，呢個鹹左啲但好好食，帶少少咬口，出面未食過咁的，要點一個來試！仲食左點炸物，食左天婦羅🍤、天婦羅蕃薯和炸榴連波，推薦蕃薯和榴連波，有很多榴連醬！食左咁多肉都要食返菜，叫左個本菇和菠蘿來燒，本菇幾好食，菠蘿唔小心俾我們倆忽略左，所以燒燶左😂不過咬左啲燒燶的地方都可以食，今晚的菠蘿不錯，很夠甜食到尾聲當然是甜品時間，見到出面個雪櫃真係好興奮，有5種movenpick的口味，超級興奮😍我大發神威咁食左4杯😂，具體味道有食過都知架啦，就唔多講，唯獨是我見之前的食評都有提到食到尾時係冇曬movenpick可以拎，今日就沒有這個情況，我食晚市頭輪，到7點20分還是有很多。另外，這裡的服務不錯，見我們快要燒燶主動幫我們，也有主動上前換網。整體來說我覺得食物質素同價錢成正比，環境也舒適，服務也唔差，如果想好好嘆下燒肉，確是不錯的，可以一試…Read More

就朋友唯有來到朗豪坊，想找一個坐得好點的地方而又舒服唔太多人，而且裝潢也美美的，就來到了這裡，不得不說第一印像是唔食得都睇得！雖然沒有一間獨立的舖位，但開在這麼闊大的平台反而空間感更好，而且有室外的位置，有點植物，所以整個環境真是不錯的。一場來到，想試多點種類的食物，又想食到這裡有名的日本水果，所以就點了個日式雜錦輕食，可以一次過有6格不同的食物。其實仲有好多其他蛋糕款，都好吸引咁^_^一放上枱立刻嘩了一聲！真係好靚，無論餐盤or上面的食物都擺得好靚，配上它雲石pattern的桌面，非常的igable😂，顧不上個雪糕，都要先影翻幾幅相呃like😎咁之後當然先食雪糕啦，作為一間打正旗號賣雪糕的店，個雪糕真係唔錯！我今次係食抹茶雪糕，覺得個雪糕夠滑，抹茶味唔係個隻好濃好濃的，濃抹茶控可能會失望，不過對於一般稍稍喜愛抹茶的人來說非常適合，我覺得是大眾都會喜歡而接受的濃度。就咁食都好好食，而我又將一部分的雪糕配上旁邊一格的紅豆白玉一起食，果然是絕配，白玉很煙韌，抵讚！水果有奇異果和哈密瓜，新鮮又甜，仲好貼心咁切開了兩份，如果再多點就好了！其他的抹茶芝士蛋糕和大福未到驚艷，但也是水準之上。如果在朗豪坊想同姐妹or女友坐下食下甜點，這裡是不錯的選擇！…Read More