首先叫左最中意嘅印度飲品Mango Lassi。入口好稠身。好濃郁嘅芒果味，感覺到真係用新鮮芒果整嘅，而乳酪味都好重。感覺到真才實料！
主菜叫左印度烤雞同羊肉瑪沙拉同咖哩雞。印度烤雞好香口，雞脾有肉汁唔會太乾！個人比較中意配上嘅醬汁黎食。個汁好清新好重薄荷味，令烤雞唔會太油膩！
而呢間印度餐廳嘅咖哩雞同羊肉瑪沙拉都比較辣，但好惹味。好重香料味，羊肉煮都好稔身，而且唔會好膻，好食。雞肉比較乾身但都好惹味。
印度菜重點梗係d醬汁啦！全部都好惹味，所以我地都叫左幾款印薄餅，配上醬汁，正！
呢間餐廳有好多唔同嘅菜式，連薄餅嘅選擇都好多，有興趣嘅朋友可以一試！
