呀 hea's Profile

朋友介紹這間素食餐廳。。。今日食素預早訂位試試！電梯門一打開。。滿室瀰漫著50年代美國情懷。。不論裝修，鐘，牆壁，電話，擺設，音樂，別具特色。。。忍不住先把餐廳打量一番。。。點了喇沙墨魚丸，素漢堡扒伴惹味燒烤醬，星洲喇沙（濃醬汁）花生椰汁咖哩腰果雜菜配印度煎餅喇沙墨魚丸不得不讚這個喇沙濃醬汁，香料，香草，椰汁，等調味適中，富層次。。比平時食到的喇沙。。更出色。墨魚丸質感彈牙配以喇沙汁食。。味道想不到如此夾，有驚喜！素漢堡扒伴惹味燒烤醬這個素漢堡扒的燒烤醬同是這主菜靈魂，素漢堡扒配以大量苜蓿芽，厚蕃茄片。。飽帶脆，沙律菜新鮮，三條粗粗大薯條，份量不少！很喜愛這燒烤醬汁帶點點甜，點點辣，味道豐富，惹味！至於漢堡扒口感跟肉食漢堡扒沒兩樣！星洲喇沙（濃醬汁）花生椰汁咖哩腰果雜菜配印度煎餅這喇沙汁仍然精彩，雜菜有西蘭花，椰茶，荳腐，珍珠筍，脆肉瓜。。其中荳腐超好味。。如鹵水荳腐外皮，内裡很滑，加點汁放進荳腐裡食。。滋味非常！印度煎餅同喇沙汁，這個組合不用多講。。。清哂！心太軟伴raspberry sorbet初時以為係伴雪糕，上枱見係覆盆子雪芭，心想只食心太軟就好了（因一向對sorbet , 刨冰等甜品興趣不大！）朋友食後讚啵。。。好，就試下吧。原來當覆盆子雪芭遇上心太軟。。竟然係一個完美組合。。朱古力味香濃，不甜加上覆盆子雪芭。。wow...估不到嘅驚喜！今晚整體食物很滿意，服務好，環境舒服。veggie4love 屬創意fusion素食。。用心鑽研不同國家特色素食如泰國，韓國，中國，印尼等！相信讓食客有一定驚喜！同行朋友經今晚對素食有更新體會。。話絕對有下次。。還有很多想試菜式！最後餐廳很細心，把有關佛教書藉擺放電梯兩邊，讓客人等待時可隨意翻閱🙏😊！…Read More

之前係朋友家叫過這間外賣，對於外賣無什麼要求，但那次竟然有驚喜，所有餸夠熱仍能保持溫度，讚！酸菜魚，魚片夠滑，多配料，當晚連湯全清！虎皮椒肉厚Juicy....對這店留下印象。同朋友今日去葵廣逛街，未食lunch順路去店試試！全店滿，等了一陣有位！今次再點酸菜魚中辣，鹽焗雞午餐，黃金軟殼蟹今次點標準酸菜魚（一斤）仍然保持水準，魚片大片夠嫩滑，足料，金菇，芽菜，酸菜，萵筍，闊闊薯粉！湯頭鮮味，加入黃椒令酸辣味道更富層次，酸辣調味平均！鹽焗雞，$78 有半隻雞，足份量，很入味！黃金軟殼蟹一上枱充滿咸蛋黃鹹香味很吸引！咬落非常脆口不油膩，脆漿夠薄，外脆内嫩，滋味非常。。。估不到的驚喜，讚！忍不住，食完再食。。！飲品青檸梳打，芒果乳酸，甜度剛好！服務友善，做街坊生意！…Read More

本來訂了另一間西餐同姐姐食生日lunch, 去到才知午餐只食60分鐘，應該食到但不想太趕，一行四人便轉了這間！11:35左右到，午餐時間本已訂滿了，幸好問我們13:00前可否交枱。。。當然可以，之後便安排坐位！差不多有兩年無來了。。今日再來有驚喜啊🤗！分別要了四份午餐四人一齊享用先上的意大利雜菜餐湯夠熱。。濃濃蕃茄香。。湯裡有椰菜雜菜等食材，伴暖暖合桃麥飽。。讚啊👍！紐西蘭肉眼扒配雜菜薯蓉乾蔥紅酒汁：雖然是$128的午餐，但此牛扒質數絕不欺場，要六成煎得剛好，有牛味，夠肉汁，肉質軟腍適中！姐姐同提子話紅酒汁不錯！美國有骨豬扒配雜菜薯蓉胡椒汁：這個有骨豬扒，份量十足，大約有1.5cm左右厚度，口感似豬鞍多點啊！初有點擔心口感。。要煎豬鞍好食不容易，過熟便嚼如橡膠又不能像牛扒般medium 都可以！此餐廳做得不錯，咬落有質感，一點也不"鞋", 還能保持肉汁，配胡椒汁。。此汁要讚。。。淡淡胡椒香。。跟這豬扒非常夾！讚啊👍😊！兩個扒配的薯蓉都不要錯過啊!😉鮮蝦，蝦干辣蕃茄汁意大利粉這個意大利粉是日驚喜，點這個出於好奇，蝦干意大利粉，是什麼玩法呢？先食一口意粉，醬汁做得很惹味。。除有蕃茄味外，還有蝦干甜香，味道較豐富有層次，不似一般用蝦，蝦殼熬製味道！醬汁帶點辣，刺激了味蕾，意粉有嚼勁，很有想食多一口意欲！蝦爽口，蝦干好味！這個意大利粉用蝦跟蝦干做食材的crossover, 值得推薦！最後是夏威夷燒雞火腿菠蘿薄餅這個只食了兩口。。因飽了！不是不好食，只是食完以上三個主菜，這pizza 相比下較平庸了！餡料足，pizza 底算薄脆！總括今次午餐滿意啊！服務，環境可以！百多元一個午餐，湯，主菜，餐飲。。有如此質數，很值得推薦！是近期午餐之選！剛到時間尚早，我們是第一枱客人，當到午飯時間，坐滿了！要保持同穩定食物品質絕不容易。。希望下次再來時，仍能維持啊🤗！…Read More

農曆年後，有好幾個月沒有到竹園飲茶！今日有點掛住。。。地方跟舊式酒樓沒兩樣，裝修較舊！點心即叫即蒸，點心選擇還可以。對這裡的藥膳鳳爪情有獨鍾，一般藥膳鳳爪，是藥材湯跟雞腳一起煲至腍，連湯同食！而竹園這藥膳鳳爪是凍食的。一上枱便聞到北芪獨有味道，夠凍入味，口感爽脆滋味非常！相信同白雲鳳爪做法差不多，用冰水把雞腳浸至爽身，浸料換上北芪，黨參等藥材上湯！（舊年疫情期間試過有兩，三次味道一般，今次味道回歸了👏👏👏🤗）乾蒸牛肉現在不是很多酒樓有的，牛肉質感有彈性滑口，有牛肉味。。配喼汁非常夾🤗鹽水浸時菜，蝦餃，魚翅帶子餃各兩粒$62油鹽水浸油麥菜，略嫌多油。。菜保持翠綠，烹調時間剛好。。。喜愛幼幼薑絲和大頭菜絲蝦餃皮摺數或許未夠13摺😆，皮較厚，餡料蝦算爽口，可惜無筍丁！魚翅帶子餃做型和味道可以，皮薄！叉燒飽餡料同味道一般咖哩魷魚，味道尚可，帶點咖哩香，配烏冬底較特別，烏冬吸滿咖哩汁，可惜太腍身！最後到情意結曲奇蛋撻😆😆😆，每次來總會叫的。。不是超班好味道，只是本人喜愛，牛油皮略脆餡夠蛋香不太甜😋最後有紅荳沙或馬蹄露兩款糖水送，紅荳沙今日味道稍遜較稀，往時紅荳沙雖然是送的，但有驚喜，起沙之餘還有陳皮香，絕不輸蝕給甜品店！價錢不算貴竹園食物水準還能保持，服務可以，已光顧很多年了！當年姐姐在附近工作，會帶我們在竹園食午餐，可以講是集體回憶其中一部分😊🥰！所以對竹園總有點情意結的，隔一段時間如想飲茶會想起佢。。。感恩姐姐經常請食飯啊🙏🤗😆😆！…Read More

朋友仔介紹過饒宗頤文化館有間餐廳，環境非常舒服，剛好今日有時間就同friend 一齊去試試！先到文化館再由保安人員指引向前轉右有電梯上一樓！到一樓。。感覺完全不一樣，清靜優美，打卡好地方！入到餐廳，富歐陸式設計。。。感覺舒適！坐位舒服🤗！打開餐牌，點了個法國泥蟹湯，較小餐廳有此湯供應！頭盤香煎鵝肝配砵酒燴梨！主菜分別點了法國家鄉燴鴨煲同美國安格斯肉眼扒12安士，side dish 要了炒什菌！首先上的是蕃茄乾麵包跟黑水欖牛油。。牛油帶點黑水欖咸味較特別！法國泥蟹湯，每口湯都蟹味香濃帶淡淡白蘭地酒香。。把味道層次提升，配以焗香的蟹肉點綴，更能帶出不同蟹的味感！香煎鵝肝配砵酒燴梨，一上枱未食先有驚喜，擺碟精緻，除煎鵝肝外，還有鵝肝醬👍🤗！先食煎鵝肝，鵝肝夠厚度，煎得剛好，外香内軟，配芒果無花果莎莎醬。。再加另一主角燴梨，中和了鵝肝油膩增添果香！接著要試試鵝肝醬，幼滑香嫩。。口感細緻！很回味喔！美國安格斯肉眼扒12安士，要7成，一切開加分，生熟度剛好7成，保持肉汁牛味頗濃，肉質有口感！有香草醬同另一汁。。不過食扒較喜愛簡單。。配點海鹽或黑椒便可以！配菜焗蕃茄鮮甜juicy, 焗原個蒜頭。。這個很讚啊！（因不多餐廳有焗蒜做伴碟啊）焗製後的蒜頭，沒有了那份辛辣，換了香甜軟稔，配一口牛扒伴食，豐富了味蕾！side dish 炒雜菌。。用了好幾種菇，牛油香草炒。。時間掌握得很好，熟而不腍！最後另一主菜法國家鄉燴鴨，準備食時，當移開鴨肶，還有一塊豬腩肉，兩條肉腸，此主菜份量不小喔😆！好。。繼續開動鴨肶皮脆肉嫩腍，那條豬腩肉原來是煙薰的。。咬落淡淡煙薰香同油香。。。白豆吸收了鴨同煙豬腩油香，炆到剛腍。。。整個菜很有法國農村風味！食物有質數的，服務有禮貌，環境舒適，坐位有足夠空間感！餐廳外環境都很值得參觀！…Read More

係長沙灣住了那麼久，真的很小很小光顧附近食肆！今日睇早場未夠時間，想食較清淡早餐，行過見到這小店$13一碗是日靚粥，想也不想就坐低！縱使中伏都是$13😆😆😆。。。~本著毫無要求心態，$13皮蛋瘦肉粥一上枱。。望落又幾綿啊🤗，再食一口，雖然咸了點，但都讚啊👍。。皮蛋瘦肉比例剛好~$7燒賣質地一般，豉油不錯見門口$30 有一個飯。。就算不包飲品都係超低。食物不在乎平貴，只要用心做，這份感動食客一定感受到的🙏😊！這份堅持不容易喔！大家請多多支持良心小店🤗！加油💪🤗…Read More

今日朋友帶去中環這間四季常餐食下午餐，第一次去。🤗望個餐牌又幾吸引啵。。。可惜今晚要留肚去邊邊。只能輕食~朋友要了個叉燒炒蛋飯配秘製豉油汁，上枱時驚喜啊，買相基本跟餐牌相片無分別，已經加分！再試食一口飯。。好味啊。。蛋滑豉油香，蔥花都係呢個飯的精髓所在，讚啊！至於叉燒就無食啊！~ 另位朋友要了個瑞士汁乾炒牛肉通。。略咸了小小，讚嘅係不油炒得夠乾身，通粉硬度剛好，牛肉夠稔！~奶油豬，新鮮脆身非常優質的茶餐廳，推薦啊。。絕對可以再去…Read More

墮落呀喂。。步行30分鐘，拉筋30分鐘，運動做一個鐘！跟住來個下午茶補充下先😆😆😆！環境寬敞，坐位空間舒服~餐肉半焗流心蛋即食麵，麵爽濃湯~奶醬厚多士，配火腿絲米粉。。。多士外小許脆内軟，舖滿煉奶，花生醬，邪惡之選😆~凍啡小甜小冰，咖啡夠香夠滑。。這裡的咖啡不錯（我家哥哥介紹的）下午餐很多選擇，有焗意粉，焗飯，湯米線，炒粉麵，餐有基本的三文治，西多士，炸雞肶等。。！價錢低食。。值得來試試啊！街坊之選👍🤗…Read More

前日同媽咪在明愛醫院覆診，攞完藥有點餓。。便同呀 friend 提子去這間試試下午茶，想試這間一段時間，不過每次經過都有人排隊輪候！五點左右到，下午餐至18:00! 要了一個輕怡海南雞飯配白胡椒肉骨茶，熱鮮檸檬薏米水，提子就要了個順化炭燒豬肉串。。。輕怡海南雞飯上枱一望。。一點都不輕怡😆，一碗滿的油飯，海南雞五件；白楜椒肉骨茶份量都不小，有三，四件荳卜，兩件肉排！跟餐還有杯鮮檸檬薏米水，下午茶來講都算重量級！份量足夠兩位女士食！先試一口楜椒肉骨茶，淡淡楜椒味，湯頭帶肉香配小量蔥粒和唐芹菜點綴。。雖不是特別出色，但荳卜把這肉骨茶加分了，荳卜非常入味。。每個都吸飽湯，而排骨軟稔適中。。！至於主打海南雞飯，油飯優點不多油，帶淡淡香料香味，海南雞對個人而言。。味道不太特出，雞肉算滑。。配三色醬薑蓉，泰式辣醬和甜豉油！另一款小食順化炭燒豬肉串，餐牌無相睇完全無意欲想要，哈。。但提子就點了這個。。。好勇敢😙！上枱四件，原來不是想像中的豬肉串。。外型似日式雞肉棒😆，連質感都有小小相似！咬一口有驚喜，有肉粒還有細細粒豬軟骨，增加口感層次，配以泰式辣醬，除豐富了味覺外還中和了油膩感！相信這款小食應該頗受歡迎！鄰枱剛坐了一位女客人，不禁對她說，好味，要試啊！她二話不說叫了客外賣，因為一個人實在食不下😆😆😆！跟她說，一陣上枱一定要趁熱先試一串啊😏。。！對於邪惡嘅食物總會帶點昐望😆😆😆。。好。。來吧！做人要勇敢d😆😆😆。。鼓起勇氣。。姐姐，吾該，要多個鮮油咖吔多士呀。。麻煩哂！對於鮮油多，菠蘿油這類食物，只容許一年食兩，三次！始終年紀不輕了😙幸好有叫。。因為。。好味😙😙😙😆。。多士脆口。。熱度把厚厚牛油開始溶化，淡淡咖吔清香。。如能加多點咖吔醬就更好（個人口味不同，有機會覺得咖吔醬味道不夠）！坊間有些咖吔醬一係就太甜一係就太濃味！最後鮮檸檬薏米水。。這個讚啊。。不甜。。薏米稔身，煲得夠時間，加上鮮檸檬汁。。味道清新整體食物滿意，姐姐們服務態度有善，親切！絕對可以再去的🤗！**回應以上提過的鄰枱女客人，當豬肉串到時，真的食了一串。。說好味啊🤗。。開心分享👏👏👏…Read More

去年12月因疫情開始，便無去佐敦紅茶冰室了！呢兩星期係附近上完瑜伽堂。。再去返。。。ok 啊。。仍保持水準👏👏👏👍🤗。。！今日食個至愛常餐先。。首先杯奶茶掂呀。。茶味香，茶濃度和奶比例剛好，又夠滑。。小機會飲到較有質數的奶茶😊！炒蛋嫩滑有蛋香，厚多士勝在牛油搽得均勻。。咬落未至外脆内軟。。至少還是暖的！到豬扒通粉，通粉係至愛滑嘟嘟厚身細粒通粉，每粒滑滑。。飽滿😋。。大愛💖！港式茶記湯通當然不會要求Al dente吧😙😏（現在不是有很多茶餐廳用的）！豬扒咬落有口感，不是被鬆肉粉醃到肉質怪怪那種啊！以茶記來講，佐敦這間紅茶冰室值得推薦啊！服務都可以😊🤗！早餐同午餐時間有機會要排隊輪候，晚餐時間不清楚了🙏😊…Read More

早係二月尾訂位三月中食lunch buffet...優惠價$278包加一！對呢間buffet 有點期待的！因有朋友仔舊年食過午同晚自助餐，高度評價! 終於有時間試下。。yeah!一行七人分兩枱坐，窗口位。。。坐位不密集，舒服！當日人不算太多。。。坐滿7,8成左右。。輪候排隧攞蠔都不需等太耐！食物種類多選擇。。有生蠔，凍蝦，龍蝦鉗。串燒，天婦羅，刺身，壽司！燒牛肉，羊脾，印度咖哩，印度薄餅！燒味檔，乳鴿，燒肉。。！粥。。。！movenpick雪糕。。。！仲有其他熱食等選擇咸菜楜椒豬肚湯！用料足，原粒黑白楜椒。。湯濃帶楜椒香。。咸菜，豬肚夠腍入味。。好味！燒肉有驚喜，皮脆肉嫩有肉汁。。必食蠔鮮甜。。雖蠔味稍遜。。但有此質素都交足功課幾欣賞串燒。。燒時間剛好，睇出廚師有用心處理啊👍😊！有多款串燒提供。。腎，雞軟骨，雞肉，車厘茄，脆肉瓜，秋葵。。。另外驚喜。。。係龍蝦鉗！自助餐中。。對於龍蝦鉗吾會有期望，因為一般都無咩鮮味可言！就算晚餐自助餐有龍蝦供應，都未必間間好食，蟹腳都一樣，尤其蟹腳，不太喜愛一路剪一路出水嘅感覺，剪完一大輪。。有d 食落超咸，有d 就走肉。。嘥功夫！好。。講返呢度d 蟹鉗先，開第一隻食。。肉質鮮甜。。讚啊！至於凍蝦無咩特別！燒牛肉肉嫩無筋。。。6,7 成熟當日印姐姐生日加錢寫生日名牌整體上以$278 呢個價錢來講。。低食！服務ok, 食物種類多，補充快，味道有質素，絕對會再去的！…Read More

今日係銅鑼灣同呀friend 逛完有d 攰，就上左來hea 個tea! 好耐好耐無食super sandwiches! 好耐之前海港城仲有時，超鐘意點佢哋嘅焗薯加sour cream 牛油今日要左個南瓜栗米墨西哥薄餅加錢轉mocha, 呀friend 點了法蘭克福腸配碎蛋沙律熱香餅跟熱咖啡！很愛食墨西哥薄餅！餡料焗南瓜，粟米配蕃茄味醬有小小辣味同小量芝士。。薄餅微脆。。外脆内軟（南瓜稔度適中）幾滋味。。作為下午茶，份量剛好！而呀friend 的熱香餅同碎蛋沙律味道就不過不失。。環境舒服，係hea 下吹下水嘅好去處！服務好，親切有笑容同禮貌，有送餐服務。。整體滿意！$88兩個人坐得舒舒服服，值得推薦…Read More

呢間算係區内較好質數飲茶地方！中午來飲茶，通常都要預早d 來攞位。。平時都好多人下。。尤其疫情後限聚令二至四人一枱，好多時來到都要等！疫情後，坐位安排空間寬闊左，枱與枱之間無咁迫點心新鮮即叫即蒸！至愛叉燒餐包。。而家吾係咁多地方有得食，新鮮出爐，咬落飽軟熟，餡叉燒同醬汁比例剛好，吾會好有槳糊感覺！基本點心。。炸雲仔剛炸起，皮超脆蝦爽口！腸粉，燒賣保持穩定，腸粉皮厚薄適中，做得吾錯。牛栢葉吾會太韌咬吾到，有d 地方真係做到好似擦紙膠咁咬吾開的😆！糯米卷細細個味道帶甜，口感吾會軟糯，好味灌湯餃餡料有蝦，蟹柳，肉粒等，算豐富。。！服務方面吾錯，疫情中樓面侍應算多足夠招呼茶客！衛生情況好！價錢方便同區來講較高點。。以上午餐每人$150左右…Read More

二月尾同家姐行完山食tea 兼晚飯直落😆😆😆！正呀喂！諗起姐姐公司附近有間鍋心，疫情後無去過了，難得限聚令剛放寬至四人，抱住試下心態睇下訂吾訂到位，打去訂即日訂三位20:00, 竟然有位。。滿心歡喜非常😆👏👏👏🤗一入到去。。感覺有點唏噓。。客人寥寥可數😔！之前一位難求，訂了位很多時都要再等15分鐘至30分鐘！相信疫情後很多食肆都是同一命運。。希望疫情穩定後。。大家多多支持食肆啊。。。食肆能繼續營運🙏🙇。。祝願各項各業都人人有工開🤗👏👏👏。。共渡時艱💪💪💪🤨！坐低點海鮮，食物配料。。我們要了蟹加沙白蜆！另海鮮選擇多寶魚，大尾魷，蠔，鮑魚和海蝦！配料點了至愛手打雞骨丸，貢丸，花膠，雞件，魚皮餃，牛丸，肥牛同西班牙豬梅頭片！餐另有栗米，芋頭粒同南瓜粒送的粥水鍋上了。。大滾先放蟹，熟了才放另一款海鮮，有張咭指引每款海鮮需要滾多小時間，非常準確。。。大家不用估估下😆😆😆！每款海鮮非常新鮮。。蟹雖然處理好先上枱，當放進粥鍋裡時都見到還動的🙈！蟹算鮮甜。。肉結實！今次沙白蜆非常鮮味，每隻漲卜卜😋大尾魷跟指引時間滾，剛剛好，吾韌。。鮑魚上碟時還郁的。。大隻啊在窩心先懂得用多寶魚邊邊，不多骨，肉質嫩滑。。讚啊！雞件可能基於時間控制得好😆✌。。肉剛熟很滑有肉汁。。不過都要雞件新鮮才有此效果🤗！手打雞骨丸無得輸的。。每次必點。。咬落點點雞軟骨碎增加口感層次，過癮非常👍🤗！蠔算是咁多海鮮中較遜色。。淥後縮小了但仍帶蠔的鮮味！其他配料牛丸，貢丸保持爽口彈牙，魚餃仍美味，豬梅肉跟肥牛肉不肥，咬落有肉汁！食鍋心要有準備，就係要留肚。。午餐，下午茶要食得輕盈點，否則就沒有餘位食粥了😆😆😆！登登。。超期待嘅南瓜芋頭海鮮粥來啦😆👏👏！每口都有南瓜香甜，芋香跟海鮮鮮味。。加上蔥，莞茜的點綴把粥味道層次再度提升😁。。。是夜大滿足！以每位收$200不收加一，加埋三罐可樂每人$213,非常低食！在此艱難時期，還能保持如此質數。。很難得喔！愛食鍋心嘅fans ....掛住嗎？😏幫我們調製粥的男侍應跟我們傾了一陣。。話而家樓面員工都是之前員工，大家希望同心合力可以渡過此難關！辛苦大家，加油啊💪😘😘😘！疫情關係，鍋心有做午市時段可以由中午12:00, 無限時，可食到晏晝好似四，五點！仲話有時間想坐耐點吹下水都可以啊！（因以上午市資料是在22/2 那天晚上知的，如想去食同hea 下，最好致電鍋心查詢午市時段有沒有改動先啊）…Read More

二月尾同家姐行完山，去利東街tea...見到有間Passion, 即入去探下超掛住至愛沙律。。另外玉米餅都超鐘意，因要留肚食晚餐，下次再見喔！自從新都會廣場同尖沙咀麼地道的Passion沒有後，就無食過了！雖然不是甜品控，但見甜品蛋糕選擇很多很精緻。。心動啊😍！不過要冷靜。。。點了大沙律可選四種沙律，點了至愛雞肉蜆殼粉沙律兩份，烤雜菜沙律南瓜西蘭花椰菜花沙律同水牛芝士蕃茄沙律各一份！家姐叫了個三文魚蛋批，法式焦糖奶油酥！至愛沙律仍然保持質數。。蕃茄水牛芝士沙律，蕃茄新鮮配香草醬汁，很清新！烤雜菜沙律，南瓜，椰菜花，西蘭花，椰菜花等雜菜保持口感不太腍，新鮮翠綠。。給了視覺味覺好大滿足🤗！好。。去到至愛雞肉蜆殼粉沙律。。醬汁creamy 口感味覺豐富，幼滑，整個配搭令人不其然很想食多口。。轉眼間最後一口不情不願不捨地狠狠地送入口中幹掉😆😆😆。。。三文魚蛋批。。有蛋香。。配以煙三文魚點綴，豐富了味覺上層次！蛋批質感不會死實，蛋愛好者，又多了一份選擇喔🤗法式焦糖奶油酥，味道沒有想像中甜。。質地不是鬆脆型口感。。對於不是甜品愛好者的我。。沒有太多食後感受喔😆！對於甜品控姐姐。。食一口後當然用欣賞的眼神滿足地說。。好味啊😙今次選擇坐露天位置。。微風輕吹，非常悠閒，舒服。。好有外國feel...😆😆😆！香港都有很多適合食，玩hea 嘅地方啊😉😆！來passion hea 就像跟老朋友重遇般。。。那種熟悉的味道，總令人難以忘懷。。。尤其對於一些偶爾才去食而又喜歡這裡食物的朋友來說，相信都有同感的！食物就有這般特別情懷的魔力，那怕相隔十年，廿年，。。仍會掛念那味道。。如媽媽煮的菜一樣，家的味道，熟識的味道！（突然鈎起點感受。。跟大家分享分享。。謝謝大家🙏😊）一間食店仍能保持食物味道質數。。相信不是多間能做到！就算連鎖食店。。同一食材份量。。每一間或多或小總有差別的。。。…Read More