kulubibu's Profile

最近臨近假期終於同老公有時間me time，我哋去咗北角一間打邊爐餐廳。幾年前嚟過，一試難忘，呢日終於專程再返嚟食，開心！餐廳走中國宮廷風格，感覺好有氣派！座位寬闊舒適，卡位之間有屏風隔住，感覺好有私人空間，門口位置仲有得著古裝影相打卡，好適合朋友聚會。椰子藏雞湯鍋呢個湯底真係好有驚喜！首先賣相靚到爆，鮮腐竹做成小福袋，裡面包住嫩滑雞肉同新鮮椰子，上面仲加左食用花做點綴，超精緻。上枱時仲有乾冰營造既煙霧效果，仙氣十足，好有氣氛，超靚！味道同樣出色，湯底清甜，濃濃椰香同雞肉完美結合，入口即感到滋潤同溫暖。雞肉滑到冇朋友，搭配鮮腐竹好滑好有豆香，口感極佳，真係好推介！手切本地牛頸脊呢道牛肉擺盤都好霸氣，肉質鮮嫩、肉味香濃，油花分佈均勻，入口時油脂甘香，簡直令人陶醉！滾得囍宮廷餃子拼盤呢道餃子拼盤係我必食推薦！十粒餃子有五種口味：新鮮菜苗帶子餃、馬蹄冬菇豬肉餃、和牛芝士餃、芋泥豬肉餃同菲菜豬肉餃。手工餃子皮薄餡靚，用料豐富，每隻都漲卜卜。我最愛和牛芝士餃同芋泥豬肉餃，口味特別，令人難忘，下次再來一定要再叫！黃金雙拼呢道即整熱辣辣嘅響鈴同炸魚皮，炸得好透徹，非常酥脆香口，鹹蛋黃醬濃郁但味道絕對唔會過咸，真係食到停唔到，份量又多，超抵食！滾得囍豐盛雜菜拼盤提供咗新鮮嘅蔬菜選擇，色彩繽紛，食落清新健康。芝心牛肉丸手打牛肉丸彈牙好味，加埋中間嘅流心芝士真係好滋味，令人回味無窮！竹蔗茅根竹蔗茅根清甜可口，打邊爐飲真係一流，超正！總結總括嚟講，今餐真係令人好滿足，食物質素同服務都值得讚！期待下次再黎！…Read More

呢日黎到中環SOHO嘅呢間韓國過江龍吉列豬扒專門店，餐廳裝修簡約型格，環境舒適。主打各款韓式吉列豬扒、豬柳，仲有炸蝦，炸蠔等選擇。套餐由$178-$198不等，當中嘅飯、麵、沙律都可以free refills；仲有不同嘅side dish可以配搭。✨吉列豬扒&豬柳套餐 $188套餐賣相吸引！每個套餐都配上鵪鶉蛋白飯，韓式冷麵、沙律、前菜同各款調味料。調味料有Wasabi、松露鹽、鹽漬櫻花蝦，而且擺盤仲好有心思，整成一個笑臉🙂吉列豬扒比較有咬口，肉味香濃，吉列豬柳肉質比較軟腍，兩款吉列豬同樣香脆可口，炸皮唔油膩，而且火喉控制得好好，肉質保持juicy，配以不同調味料都各有風味。✨番薯芝士吉列豬扒 $198主菜炸豬扒，炸漿薄薄一層，非常香脆，而且唔油膩。芝士吉到豬扒一定要趁熱食，大量流心芝士，芝味香濃，仲可以拉絲嘅效果！其中3件炸豬扒面層有滿滿蕃薯蓉吱花，賣相精美，番薯蓉清甜，口感軟糯，估唔到同炸豬扒咁夾！✨青提子梳打 $48梳打大大杯，面頭仲有好多提子，好清甜好fresh。✨Original Highball $78朋友話佢嘅original highball配吉列豬扒一絕！清爽解膩🍻…Read More

平時食得油膩，又食冇定時，所以決定去食下齋清下腸胃。不過唔想去啲傳統店舖度食，感覺了無新意，所以就搵喺銅鑼灣chill chill地嘅新式齋菜，功德林上海素食。入到店舖，我地被帶到坐窗邊位置，個景超靚，嘗心悅目。我地叫咗脆皮素鵝 $90，咕嚕肉 $128，芙蓉炒桂花翅 $128同埋原桶豆腐花 $48。✨脆皮素鵝 $90素鵝賣相超好，唔講真係唔覺得係齋。咬落唔油同埋幾脆口，而且非常足料，件數都唔少。✨ 咕嚕肉 $128跟住黎個咕嚕肉，味道甜酸適中，新鮮菠蘿非常鮮甜，食落去係一度非常開胃既小菜。咕嚕肉口感都好似平時係酒樓食開個啲，感覺好正，同時冇咗肉膩感，更加清爽冇負擔。✨芙蓉炒桂花翅 $128至於個桂花翅，賣相高貴，蛋白炒得結實滑溜，味道清清地，唔錯。✨ 原桶豆腐花 $48原桶豆腐花非常嫩滑，值得一提就係佢既桂花糖水，食落去有種脫俗既感覺。…Read More

店內環境舒適寬敞，座位與座位之間距離闊落，空間感十足，亦有outdoor位置，非常休閑自在。✨Pesto Chicken Panini $95單叫panini $75，lunch set $95有埋house salad。Panini包身烘得熱辣辣，外脆內軟，內裡嘅雞肉嫩滑，而且份量都唔少，仲有蕃茄同埋青醬，味道好夾。Salad菜鮮甜爽脆，味道酸酸甜甜好開胃。✨Basque Cheese Cake $50蛋糕質感濕潤，入口creamy，芝士味濃厚且甜度適中。✨Dirty $45大熱天時飲番杯凍飲，我揀咗dirty，凍得嚟冇冰。飲落口感順滑，啡味香濃。整體質素唔錯，價錢合理，會再嚟！…Read More

不得不說，Uluru真係好適合打咭！以黑白為主嘅環境，每個角落都係打咭位！✨是日餐湯湯夠熱，質感creamy，味道唔錯。多士脆口！✨阿根廷紅蝦刺身配蕃茄沙沙多士 $138擺盤非常精美！紅蝦刺身晶凝，入口肉質肥美嫩滑，多士脆卜卜，配上蕃茄沙沙，味道酸酸甜甜好開胃！✨ULURU特色燒肉拼盤 $338好夠份量嘅雜扒餐，啱哂我地呢啲食肉獸！肉眼扒面層略帶焦香，牛味香濃，肉質軟腍，冇筋冇渣！豬扒同雞扒同樣大大塊，煎得唔錯，肉嫩juicy，雞扒外皮香脆，好香口！香草腸都有成4條，再配上清新爽甜嘅芝麻醬沙律菜及金黃粗薯條真係大滿足！✨煎帶子龍蝦汁蟹籽意大利飯 $158帶子厚身大粒，大廚煎得啱啱好，肉質保持鮮嫩彈牙！意大利飯口感煙韌，龍蝦汁鮮味濃郁，食落好creamy，而且仲有大量蟹籽，令鮮味更上一層樓！✨ULURU二次元立體夢幻蛋糕 $138必點嘅招牌二次元立體夢幻蛋糕！表層鋪滿純白忌廉，再用上朱古力醬畫上立體線條，同時為士多啤梨加上面孔及手腳，非常可愛！好適合打咭！不得不說嘅係，除咗打咭一流之外，蛋糕嘅味道亦相當唔錯，絕對係好睇又好食！幼滑白雪雪嘅忌廉，包住草莓醬海綿蛋糕，蛋糕鬆軟有蛋香，草莓醬甜度適中，味道天然。✨嚕嚕米 – 森の家 $128呢到嘅甜品非常出色！呢款蛋糕造型係一粒紅色大蘑菇，色彩鮮明，非常吸睛。大蘑菇外殼薄薄一層，係用上白朱古力製成，內裡餡料有草莓乳酪慕絲，草莓蓉蛋糕，味道酸甜清新，一啲都唔覺膩！…Read More

最近發現咗間有靚景嘅中餐廳，地方寬敞，又有靚景，食物唔錯，值得試呀！✨百味豆腐豆腐熱辣辣，外皮炸得金黃香脆唔油膩，內裏依然軟滑！✨拍蒜青瓜青瓜爽脆，酸醋份量適中，酸酸甜甜非常開胃！✨海蛯汁龍蝦-每位半隻醬汁鮮甜濃郁，龍蝦肉質雪白結實，食落鮮味彈牙👍🏻✨虎乳菌翡翠炒帶子帶子厚身，煮得啱啱好，唔會過熟；蜜糖豆清甜爽脆，虎乳菌味道幽香，原來仲好有益！✨清蒸游水海星斑條班都幾大條，兩個人都好夠食，而且條魚蒸得剛好，唔會過熟，肉質滑溜。✨脆皮炸子雞-半隻炸得好靚，賣相一流，雞皮薄肥可口，雞肉入味，入口juicy又滑。✨羊肚菌杞子浸菜苗份量唔少，菜苗清新爽口，味道清甜。✨原個蛋黄壽桃包呢個壽桃包幾有驚喜，賣相漲卜卜，好圓好大個，蛋黃油香十足，蓮蓉香滑唔油膩，包身鬆軟。✨精美甜品紅豆沙起哂沙，甜味適中，多渣少水，正！…Read More

藏身於上環小巷中嘅異國風情NACASA Cafe，位置唔難搵。樓高兩層，店內設計好有心思，充滿異國風，有非常多嘅打咭位。✨AFTERNOON TEA SET (available 3PM -6PM)Afternoon Tea Set 用上兩層雕花托盤架，外觀優雅吸睛，食物整齊放於各個花花小碟上，好治癒又有特色。SAVORIES 下層鹹點🎈香草雞肉腸米紙卷米紙軟糯煙韌，包著爽甜生菜同香草雞肉腸，面層仲有鹹鮮味濃嘅三文魚子，再加上泰式甜辣醬，味道清新開胃。🎈摩洛哥風味帶子一口撻帶子粒鮮甜彈牙，加上孜然粉，更加鮮味十足！紫薯撻皮鬆化香脆！🎈摩洛哥手撕豬肉撻手撕豬肉有咬口，醬汁惹味。🎈迷你龍蝦包包身烘得香脆充滿牛油香，入面嘅龍蝦肉份量都唔少，肉質結實彈牙。🎈日本拖羅蓉撻拖羅蓉入口充滿魚油甘香，口感又軟又滑，配埋脆口撻皮，口感豐富，好滋味。SWEET 上層甜點🎈提子鬆餅 配 英式奶油及蜜糖鬆餅每口都充滿牛油香氣，口感濕潤唔乾，配上奶油及蜜糖更有特色。🎈朱古力布朗尼朱古力味香濃，但唔會太甜，食完都唔會覺得漏。🎈焦糖蘋果蛋糕蛋糕濕潤軟綿，焦糖蘋果果香清新，味道清甜。DRINKS🎈「春秋」蘋果話梅特飲入面有蘋果乾、桂花、話梅，配上有氣梳打，味道充滿花香，清甜解渴。…Read More

因為演唱會，九展人頭湧湧好熱鬧呀！就喺food court上面有間潮式酒樓，座位多，而且環境闊落坐得舒服，好多一家大細都嚟食飯。✨椒鹽鮮魷 $108呢味椒鹽鮮魷清清地，唔會好鹹，鮮魷嘅炸漿薄薄一層包住，香脆唔油膩，鮮魷鮮味彈牙，點埋附上嘅酸醋汁，更開胃！✨黑椒牛仔骨 $128黑椒香氣十足，唔太辣，非常惹味！牛仔骨肉質軟腍，好入味，連配菜洋蔥都夠哂軟身。✨潮州炒粗麵 $108上枱先知原來係濕炒麵，粗麵有口感，入面有芽菜，蝦仁，肉絲，芡汁多，唔乾身。✨竹笙北菇燉菜膽(位) $48燉湯熱辣辣上枱，入面有竹笙、瘦肉、原隻冬菇、菜，湯底清透不渾濁，不油膩，味道香濃鮮美。…Read More

銅鑼灣Little Bao就喺Fashion Walk側邊，位置方便，有室內室外座位，座位闊落舒適。✨Truffle Fries $98炸薯條金黃香脆，口味創新！🍟薯條面層鋪滿以香菇做成嘅魯「肉」醬，混合黑松露沙律醬同酸酸地嘅醃日本大根，撈匀一齊食，味道出奇地夾！值得一提嘅係，薯條脆口得嚟夠乾身，唔會油淋淋。✨Shrimp Tacos $98必點嘅人氣小食！感覺似係西式版嘅明蝦角，外皮酥脆，面層加咗酸酸甜甜嘅菠蘿莎莎，同牛油果醬，餡料係脹卜卜超飽滿嘅蝦膠，🍤蝦膠鮮味，而且非常彈牙！✨Soft Shell Crab Bao $138今次嘅期間限定款式係軟殼蟹包🦀賣相造型吸引💕天婦羅軟殼蟹大大隻，炸漿薄薄一層，食落香脆啖啖肉，配上蟹籽沙律，好fresh。白色嘅中式蒸包軟熟，中西合璧嘅fusion burger，確實別有一番風味！✨Fried Chicken Bao $108炸雞外脆內嫩，咬開肉汁非常juicy，入面夾雜住椰菜沙律同黑醋醬汁，食落酸甜開胃。✨Yuzu Maple Soda $58柚子蜜清甜，加上紫蘇葉、、梳打水同海鹽，好清新！✨Guavalada $58番石榴、熱情果、柚子梳打，飲落酸酸甜甜，杯邊灑上梅子粉，鹹鹹酸酸，令呢杯mocktail更添層次！…Read More

趁住天氣仲係涼涼地，好想食燒肉，同朋友嚟咗金馬倫道嘅牛匠石燒。石燒無咩油煙亦唔易燒燶，啱哂一邊傾計一邊食，唔洗下下顧住睇火🤭店員幫忙喺石板加上牛油紙，提我地預熱3分鐘左右就可以搽匀牛脂，然後就可開始。枱上仲有一次性圍裙，好貼心。另外值得一提嘅係，燒肉期間，店員主動幫我地加火，換牛油紙，服務唔錯！✨安格斯牛小排牛小排油花分布平均，賣相吸引，而且厚薄適中，入口油脂甘香，肉質細嫩。✨無激素雞頸肉第一次食雞頸肉，估唔到幾有驚喜。肉質爽脆，唔肥膩，肉味香濃。✨燒原隻日本魷魚魷魚燒得啱啱好，而且仲切好哂一圈圈先上枱，方便食。魷魚彈牙得嚟易咬，配埋醬汁，惹味！✨明太子玉子燒厚厚嘅玉子燒，面頭加上明太子醬，甜甜嘅蛋香，加上明太子嘅鮮味，我想食哂成碟。✨溫泉蛋，味素飯同湯飯素好多，鋪滿成個飯面，櫻花蝦令整體更有鮮味，配上溫泉蛋，好正！✨湯烏冬烏冬清清地，襯托燒肉，啱哂。✨生菜蒜片蒜片連肉一齊燒，蒜片吸收哂肉嘅油份，同時發放陣陣嘅蒜香，配埋清甜嘅生菜，令肉膩感下降，令味道同口感都更為豐富。✨牛匠彩虹水果茶水果茶大大杯，入面有多款水果，甜度適中，入面仲有三件菠蘿，清甜解膩。✨草莓乳酸入口酸酸甜甜，好fresh。…Read More

原來而家西環呢邊開咗鬼混！地點仲要好方便，就喺香港大學站B2出口後面嘅南里。餐廳樓高兩層，樓底好高，空間感十足，而且落地玻璃，透入自然光，感覺好chill好relax。除此之外仲有室內室外座位，帶埋寵物一齊嚟都得。餐廳嘅設計同裝飾都好用心，走復古路線，每個角落都係打咭位。午餐可以揀沙律或者餐湯，是日嘅蘑菇忌廉湯，質感creamy，仲啖啖蘑菇蓉，香濃好味！✨7oz BEEF BOTTOM SIRLOIN7oz牛腰脊肉配白菌燒汁牛腰脊肉牛味濃郁，入口腍身冇渣，肉質粉粉嫩嫩，烹調火候唔錯。伴碟嘅薯蓉索滿牛汁，香滑又好味。✨BABY PORK RIB & FRIES豬肋骨與薯條慢煮豬肋骨，肉質鬆化軟腍，保持嫩滑仲非常入味，面層燒得焦脆，幾香口。醬汁香濃得嚟帶點蜜糖嘅香甜，幾開胃。薯條香脆熱辣辣。✨Dirty天氣熱熱地，想飲杯凍咖啡，Dirty啱哂我心意，冇冰，啡味就唔會被稀釋，重點係佢夠凍，入口透心涼。✨Iced Lemon Black Tea With Honey茶味清新，蜜糖自行調配，加埋檸檬，好fresh。…Read More

難得同閨蜜夾到時間出嚟high tea，我哋搵咗間喺中環嘅西餐廳，好好坐低，邊食邊傾。餐廳喺域多利皇后街，Donki斜對面位置，地點方便。呢度主打食蠔，但都有tea set可以叫。餐廳樓底高，座位舒適濶落，坐得舒服！Tea set $298/2人用，加一後都只係$328，已包三層架下午茶，兩杯即磨咖啡或茶，而家推廣期內仲送多兩杯有氣酒，仲可以加多$88 upgrade1.5小時free flow。FIRST TIER Smoked Salmon Cracker 挪威煙三文魚脆餅，煙三文魚鹹鮮香氣十足，且質感油潤，配埋脆餅一齊食好香口！Parma Ham & Melon 巴馬火腿配蜜瓜，不死嘅配搭，巴馬火腿肉質柔軟，鹹度適中，味道輕柔，配埋香甜蜜瓜，好正！Mini Beef and Cheese Burger 迷你牛肉芝士漢堡，漢煲烘到脆邊，同時保持鬆軟，仲有濃濃嘅牛油味，漢堡煎得啱啱好，肉質鬆化，有肉香之餘唔油膩，配上味道酸甜清新嘅酸瓜，剛好平衡一下肉肉嘅感覺！SECOND TIERHome-made Waffle 手工窩夫外脆水軟，蛋香十足！Chocolate Brownies 朱古力布朗尼，賣相精美，朱古力味香濃，重點係唔會太甜！Macaron 馬卡龍外層酥脆，入口陣陣杏仁香氣，同樣甜度適中。THIRD TIERPanna Cotta 意式奶凍，口感滑溜，每口都散發住淡淡嘅奶香，仲有士多啤梨做點綴。Crème Brûlée 法式焦糖燉蛋，面層焦糖香脆，但個人唔太好甜，如果焦糖可以薄啲就更好，燉蛋蛋香十足，仲有雲尼拿嘅清香。Apple Crumble 蘋果金寶，面頭鋪滿脆脆，下層蘋果粒香甜軟腍，加上肉桂嘅香氣，食落有口感，亦有層次。Matcha Latte我嘅matcha latte，抹茶味甘香，濃郁，同奶量平衡得好，唔會太多奶而蓋過茶香。Americano閨蜜話佢嘅Americano亦唔錯，咖啡香氣十足，味道香醇。難得一個tea set我款款都鐘意食，而且每人都係二百蚊有找，性價比高，值得下次再嚟！…Read More

終於有機會出去抖下氣，唔駛困住係屋企。因此，要食啲好野獎勵一下自己。我去左大圍一間叫夏雪既cafe，係大圍站行過去5分鐘度就到。利申：本身讀大學個陣已經有去開佢西環間分店度食waffle。今次想試下大圍呢間。cafe內面勁有文青feel，亦都有唔少後生仔女坐係度飲杯coffee 吹下水，個氣氛同格調都唔錯。我地叫左一個忌廉芝士窩夫配沙律，要左牛油果同煙三文魚 (HKD 80)同埋全日窩夫早餐 (HKD 108)。個忌廉芝士窩夫係咸咸地，有別一般甜既窩夫，味道幾特別，做brunch其實都真係唔錯。佢地好細心咁將啲牛油果切成一片片咁方便食。個煙三文魚都好整齊咁伴碟，味道算係幾鮮甜。整個賣相唔錯，顏色豐富。跟住黎既就係all day breakfast，材料都幾豐盛。有香腸，炒啡菇，煙肉，茄汁豆，忌廉芝士窩夫同炒蛋。香腸同煙肉整得好好，咬落去好稔，味道又唔錯。個啲啡菇都算大塊，炒蛋就又香又滑。雖然今次係咸食為主，但都好好味，同佢既主打甜食一樣咁出食👍🏻…Read More

位於銅鑼灣珀麗酒店2/F嘅協奏坊西餐廳，環境非常闊落，一邊係酒吧區，另一邊就係西餐廳。餐廳午餐屬半自助餐形式，星期一至五每位$168，星期六、日及公眾假期則$188。主菜有3款可選，另有兩款升級主菜分別係西冷同羊鞍，各加$78。自助區有中西餐湯、各款沙律、麵包、炸物、兩款熱食，仲有即切火腿及牛扒。甜品區有各款小甜點、4款不同口味嘅雪糕、朱古力噴泉、水果。飲品都係自助，有咖啡、奶茶、檸茶、檸水。服務方面，侍應手腳快，落單，收碟同上菜都好有速度。✨Pan fried duck breast with cherry sauce香煎鴨胸配車厘子汁鴨胸厚身，肉嫩juicy，每口都充滿鴨油香氣，車厘子汁酸酸甜甜，底下薯蓉幼滑。✨Teriyakihalibut with seasonal vegetable照燒汁比目魚比目魚外皮帶點焦脆，肉質保持滑溜，仲有配菜墊底。…Read More

想食串燒又怕逐串計好襟計，又唔想自己動手慢慢燒，嚟呢度真係啱哂！串燒放題任點任叫，全程解放雙手，放落自轉燒爐，等串燒自轉，由於火力我地較中火，可以放心唔洗睇火，輕輕鬆鬆邊食邊傾偈！串燒用qr落單，又快又方便，有豬/牛/雞/腸/海鮮/丸/甜/菜/羊，九大類可以選擇，嘢食種類多，食得盡興呀！枱上仲有調味料同調味粉俾你自己調味。牛有M6和牛牛柳、紐西蘭牛西冷、牛舌同美國牛肋腩！四款都係唔洗加錢嘅任點串燒，其中牛舌最正，厚切如骰仔般，一啖一粒，入口軟腍有彈性。豬有三款肉仲有豬大腸，試齊四款，四款都好食👍🏻雞類嘅雞卷肉係我嘅必食推介，外層雞皮燒到油香盡出帶點焦脆，入面嘅雞肉依然juicy，肉汁豐富啖啖肉！丸腸類質素都唔錯，我地都食咗幾轉！另外想講，佢地嘅甜點，有菠蘿/棉花糖同雞蛋仔，菠蘿係新鮮菠蘿，味道酸甜清新，有助解除串燒嘅肉膩感；棉花糖就要係bbq嘅must have item，唔洗多講；雞蛋仔原來拎嚟串燒係咁好食，有啲後悔last call冇叫多幾串🙈外層燒得脆脆地，內裡保持鬆軟，甜甜地，好正！是夜戰績彪炳，大滿足！…Read More