石燒無咩油煙亦唔易燒燶，啱哂一邊傾計一邊食，唔洗下下顧住睇火🤭
店員幫忙喺石板加上牛油紙，提我地預熱3分鐘左右就可以搽匀牛脂，然後就可開始。枱上仲有一次性圍裙，好貼心。
另外值得一提嘅係，燒肉期間，店員主動幫我地加火，換牛油紙，服務唔錯！
✨安格斯牛小排
牛小排油花分布平均，賣相吸引，而且厚薄適中，入口油脂甘香，肉質細嫩。
✨無激素雞頸肉
第一次食雞頸肉，估唔到幾有驚喜。肉質爽脆，唔肥膩，肉味香濃。
✨燒原隻日本魷魚
魷魚燒得啱啱好，而且仲切好哂一圈圈先上枱，方便食。魷魚彈牙得嚟易咬，配埋醬汁，惹味！
✨明太子玉子燒
厚厚嘅玉子燒，面頭加上明太子醬，甜甜嘅蛋香，加上明太子嘅鮮味，我想食哂成碟。
✨溫泉蛋，味素飯同湯
飯素好多，鋪滿成個飯面，櫻花蝦令整體更有鮮味，配上溫泉蛋，好正！
✨湯烏冬
烏冬清清地，襯托燒肉，啱哂。
✨生菜蒜片
蒜片連肉一齊燒，蒜片吸收哂肉嘅油份，同時發放陣陣嘅蒜香，配埋清甜嘅生菜，令肉膩感下降，令味道同口感都更為豐富。
✨牛匠彩虹水果茶
水果茶大大杯，入面有多款水果，甜度適中，入面仲有三件菠蘿，清甜解膩。
✨草莓乳酸
入口酸酸甜甜，好fresh。
