Shadow Hung's Profile

從小對福建菜都唔陌生，今日一食4口嘅鰻魚飯，簡直完美地打破福建菜嘅傳統。鰻魚飯嘅醬汁好足夠令到飯身濕潤，雖然係鐵鍋上，但沒刻意煮成煲仔飯的飯焦感，由頭到尾都能感受到住家蓋飯的口感；即使今日坐喺偏暗嘅位置都睇到飯粒反光，鰻魚新鮮香味十足。小菜揀咗臘味雞卷，呢道菜食第一口大大驚喜，臘腸味係口腔打滾，油脂味好香，完全不會被醉雞卷味蓋過，反而拉到一個平衡。最後個黑蒜粒竹笙燉雞湯，竟然有一種細個飲媽媽煲烏雞湯嘅感覺，清清淡淡，完全飲唔到有味精，用料亦一啲都唔求其；有瑤柱、香菇等，會想再去幫襯嘅一間食店💯…Read More

識得去八沢食烏冬，源於一位同學好友的介紹。由尖沙咀到銅鑼灣，再去到今日嘅筲箕灣，十年如一日，都係咁鍾情佢哋嘅黑松露忌廉海鮮湯烏冬，呢碗烏冬咁多年嚟味道都冇變，特別係個湯底，牛乳味重再加黑松露醬嘅香，就係記憶中嘅味道，果然係鎮店招牌菜👍🏻炸豬扒最重要係炸粉口感；面層炸粉雖然薄，但略為有點實；豬扒有少少乾身，沾上蛋黃醬後，總算可以拉個平衡，不過以$38甘大塊豬扒來說亦無可挑剔，好飽肚🙌🏻見到唔少中學生去食，都諗起以前讀書嗰陣時，去食嘅情懷。…Read More

好想試慢理牆城好耐，今日趁同朋友聚會之餘黎試一試。首先，要讚一讚店員的服務態度，只是這一點足以夠理由再去幫襯，防疫措施做得好好，仲附送口罩夾比你放口罩，會顧及你嘅感受同留意你，水杯一冇水即刻幫你再添，我相信呢點唔係好多餐廳能夠做得到。到上菜會好耐性同細心叫你小心熱，唔該前唔該後，已經為你做足100分菜式美味兼飽肚，啱晒食量多既我極力推薦明太子蟹肉扁意粉，非常濃郁，蟹肉鮮甜，食完好有滿足感黑松露芝士薯條啲黑松露怖滿成個薯條面香氣撲鼻，我同朋友share都仲淨6分1，但真係太飽肚，非常美味，最後整杯薄荷朱古力，呢一個lunch非常完滿…Read More

第一次食流心芝士蛋包飯忍唔住要比好評佢。以一個平民價黎講有甘既水準已算唔錯，雖然不算the top，但肯定是有溫度的蛋包飯。首先由蛋的中間切開，蛋汁和芝士已分散流出，而且配合炒飯底已經心心眼再者我揀選既係茄汁，有一股有d童年回憶泛出，所以以1個$48的蛋包飯黎講算很不錯當我食第一啖既時候，d香氣與拉絲的芝士一齊分散係空氣之中雞肉粒同蔬菜粒大小平均、不多也不少，整體感覺及口感非常好老闆與老闆娘人也不錯，親切有禮，值得幫襯…Read More