kong2004321's Profile

打工仔每日除左放工之外，另一個大家最期待既一定係lunch時間，正所謂"辛苦搵黎自在食"，所以今日我地都決定扮下上等人，去附近間cafe食番餐好野辣蝦銀魚乾炒意粉份量對於男仔黎講比較少，不過女同事食就岩岩好，蝦肉細細粒但肉質彈牙無雪味而且吾算好辣，意粉軟硬適中，食落爽口煙韌，配上蕃茄醬汁汁十分開胃惹味BBQ醬菠蘿烤雞pizzaPizza好大份足足可以分到6大塊，批底又薄又脆，絕對無多餘的油份，餡料亦非常豐富，有菠蘿，雞肉，洋蔥，火箭菜加上芝士，熱辣辣食入口，絕對係一種口味多重享受，再加埋佢個甜甜地既BBQ醬汁紅酒汁肉眼牛扒配薯皇牛扒雖然薄但都有三塊，表面燒到微微焦香，切開入面仍保留既肉汁，而牛肉仲有少少粉紅色，有外脆內嫩既效果，薯皇剛剛炸起，薯仔味濃郁，加上係厚切的粗薯皇，絕對飽肚用五、六十蚊既價錢食到依個質素既午餐，的確超值…Read More

今日同老媽子去左西九龍間香港18食下午茶，點左一份紅豆菠蘿包，一份奶油脆豬拼雞翼紅豆菠蘿包表面焗得香脆，配上香甜軟淋既紅豆，味道不會過甜，老媽子覺得比茶餐廳既更好味另外，奶油脆豬亦脆卜卜，淡淡的奶油香味更加令人食指大動，而雞翼係用瑞士汁調整，雖然細細隻，但味道咸淡岩岩好，雞皮表面有光澤，咬落十分嫩滑，而且肉汁豐富，不錯…Read More

今日踢完波就同左幾個波友去附近搵食，行下行下去到K-11附近見到有間新開的火鍋放題，由於極度肚餓決定上去幫襯下。作為一間新開食店，想知道佢食物質素好吾好，我諗從環境和服務二方面都可以略知一二，因為有心想將好味的食物帶比客人，環境和服務都應該有一定的質素。餐廳整潔企理，座位闊落光猛，冷氣仲涼浸浸，呢樣絕對加分，而侍應的應度亦好好，知道我地踢完波就安排較大的卡位座，方便我地放波放背襄，真係夠唒貼心。講番野食先，依度有二款放題選擇，貴D有本A5黑毛和牛VS美國SRF極黑和牛，平D就有極上安格斯牛小排，同樣任食120分鐘，因為我地都係諗任填飽個肚，所以揀左。放題入面除左火鍋料，原來仲有刺身和熟食。刺身: 三文魚顏色鮮艷，肉質肥美嫩滑北寄貝和赤貝爽口有彈性帶子肉厚肥大，啖啖爽彈嫩口，相當鮮甜,其他鮑魚片和八爪魚都十分新鮮，整體OK熟食: 麻辣皮蛋，皮蛋舖上蒜辣椒既醬汁，而且花椒八角辣味食完的確開胃鹵水牛肚食落彈牙鬆化雞腎五香味濃而且口感爽脆火鍋湯底都有幾個選擇，牛乳、黑豚肉豬骨、麻辣等等，我地就揀左冬瓜皮蛋莞茜鍋，貪佢清清地無甘熱氣，另外，侍應亦會提供六款醬料比客人，等客人混醬。終於主菜出場喇 牛小排有肉味，又有油香，切成薄片，十秒左右已經食得，質感細嫩多汁豬頸肉粉嫩新鮮，肉質柔軟嫩滑，食落滿口油香魷魚大大塊，外表光澤有鮮味雞子和鵝腸完全吾會有血腥味，肥美得黎又爽脆雲http://neoartcore.deviantart.com/吞雖然細細粒，但皮滑餡多，蝦肉的甜和豬肉的鮮配合得宜，入口湯汁香濃不漏手打鵝肝鮮牛肉丸，肉丸外表色澤漂亮，明顯睇得出用料新鮮，但鵝肝味道不算突出，較為失望芝士牛肉丸，肉丸相當嫰口，芝士塞得飽滿手打烏冬十分滑溜，煮耐左都吾會太淋食到幾飽都好，到左甜品時間，吾止女人有二個胃，男人一樣有芒果布甸，質感軟綿綿，但芒果味道略淡牛乳奶凍，牛奶味濃，入口幼滑朱古力燉蛋，豐盈濃郁的朱古力配上滑溜燉蛋心太軟，雖然份量的的骰，烘焗時間岩岩好，外表鬆脆，內裡的朱古力流心軟滑…Read More

放飯時間，去左試附近間茶記試新野同事叫左個特餐($38)，揀左蒜蓉包火腿奄列、香煎豬扒火米線和一杯熱飲食物整體素質不俗，特別係杯茶走，練奶香滑又有濃郁既茶味價格方面亦十分合理而我就叫左茄汁香腸豬扒焗飯($43)，豬扒相當厚身大件，肉質幾嫩滑，配以粒粒分明的蛋炒飯和味道酸甜既茄汁，十分好味…Read More

今次去左間半自助式的cafe，環境大而且坐得舒服餐飲可以自己出去任拎，仲要係無限添飲，而order的晚餐就有專人送上第一時間睇睇menu，種類多元化，價錢都十分經濟，難怪受到街坊歡迎 肉醬千層麵味道岩岩好，千層麵口感彈牙，面頭的芝士亦非常濃厚，充滿蕃茄既肉醬滲透到每層麵之間，酸酸甜甜中和左芝士的油膩感，不錯 德國脆皮豬手必食之選，絕對份量十足，豬手外表燒到好靚，皮脆肉滑，肉質鮮嫩juicy，食起來啖啖肉之餘又吾油膩，但個人認為咸左少少，不過配上蕃茄醬或黃芥末醬都非常惹味。旁邊既厚切薯條亦炸得出色，金黃爽脆，薯味濃郁 千島海鮮薄餅pizza好多芝士，批底香脆又唔乾，食落煙煙韌韌，配料有好多魷魚，海鮮入口爽脆，加上微酸的千島醬，令人胃口大開呢 紐西蘭西冷牛扒牛扒點左7成熟，煎得好香而且大大份，肉質嫩滑，入口軟熟有肉汁，搭埋惹味的黑椒醬汁，確實係最佳配搭 …Read More

天氣熱辣辣，總是令人欠缺食慾飯就食吾落，反而想食d酸酸辣辣既粉面心血來潮決定同女朋友去食下好耐無食的泰國野今次我地去左間新開的鋪頭仔餐牌選擇以粉面為主，款式都比較多樣化，價錢都十分親民 炸雞扒湯檬 ($32)，揀左冬陰公湯底，湯粉和雞扒都份量十足，上菜時香氣濃郁，先嚐一口湯底，酸辣度適中而且吾會過鹹，檬粉晶瑩剔透又彈牙，雞扒亦醃得非常入味，雞皮雖然浸係湯裡面但仍有少少脆，肉質爽滑，整體開胃惹味 招牌豬頸肉金邊粉($33)，揀左清湯底，湯底清甜而且配料多，有花生碎、芽菜、芫荽、白蘿蔔等，金邊粉爽滑吾易斷，口感煙韌，豬頸肉燒得不錯，肉的周邊微微焦香，加上厚切所以吾會過於乾身，咬落仍然軟淋有彈性，肉汁香濃可口 …Read More

女友係蛋包飯狂迷，第一時間我就諗起Rice Love喇...一場黎到當然要叫番佢地既招牌菜啦 招牌芝士溶岩蛋漿飯 依個基本上係必食之推介，侍應好快已經將個熱辣辣既飯送到面前，雖然係幾十蚊既套餐，不過都有專人服務，打蛋、倒芝士和撈飯侍應都會一條龍幫你攪掂，服務絕對值得加分由於鐵板夠哂熱，令芝士呈現半溶既狀態，再mix埋入面既煙肉和甜甜地既辣醬，整個飯既味道不但香濃、惹味而且十分creamy，層次多變 煙肉炸蝦蛋包飯(胡麻汁) 蛋包飯既賣相尚算吸引，而且份量十足，蛋炒得軟熟又保留左蛋汁，入口非常嫰滑，配上剛炸好既大蝦，炸粉不厚且肉質彈牙，口感不俗，另外，酸酸甜甜的胡麻汁和沙律亦令人胃口大開，絕對可以中和炸物既油膩感以平民化既價錢食到依個質素，對我地班小市民黎講，絕對超值啦 …Read More

今次約左個朋友係荔枝角食下午茶由於附近都係工業區，最多選擇一定係茶仔朋友建議去佢平時食開既飯堂，貪佢大件夾抵食wor 下午茶menu都好多選擇我地就點左沙律併雞脾和芝士焗肉醬意粉雞脾足足有一隻手掌甘大，而且燒得非常香口多汁，肉質咬落腍滑，味道不錯，沙律係薯仔什果沙律， 著仔份量比什果多，整體新鮮清甜，十分開胃 另外，芝士焗肉醬意粉份量算多，意粉軟硬適中，食落彈牙有咬口，酸甜蕃茄醬汁加上面層既咸芝士，焗到有少少拉絲的效果，食落惹味 以甘抵食既價錢食到吾錯既下午茶，果然值得推介 …Read More

難得放假，同班波友踢完波當然要去醫肚啦...相約女友去左好耐無去既cafe因為已經到左下午茶時段所以我地決定嘗試下佢既Tea Set 香草汁豬排拼薯條豬排大大塊而且煎得香脆肉嫰，食落油香滿口，肉汁鮮嫩，配上旁邊既粗身薯條，十分惹味可口，好食到停吾到手 芝士忌廉煙鴨胸意大利飯 賣相不俗而且十分足料，意大利飯煮得軟硬適中，咬感不錯，醬汁濃郁滋味，咸咸既芝士香突出左鴨肉既油香味，絕對係推介之選 朱古力雪糕窩夫熱辣辣原味窩夫配雪糕一直都係一個不錯既選擇，窩夫厚身且有好香既雞蛋味，朱古力脆條、朱古力醬加埋雪糕一齊食，絕對係三重既朱古力享受…Read More

今日同左幾個朋友係黃金附近開餐，食飽左有人提意食甜品，當然要問我依個地膽有咩好介紹啦記得之前女友推介過一間幾好既甜品鋪，於是決定去試試甜品鋪位於橫街，位置有少少隱蔽，由於時間尚早，所以我們都吾駛等位店內十分寬敞，坐位有二人sofa位之外，又有適合一大班人傾計的長木檯，可以見店主係佈置方面很有心思，懷舊和有趣既擺設都會令人勾起吾少孩童時既回憶。另外，牆身仲提供掛架，比情侶掛上愛情之鎖，處處都營造出浪漫既氣氛甜品種類十分多，中西式都有，價錢亦好吸引，我地一共叫左5款甜品，齊齊開心share抹茶火焰雪山雪糕依個甜品除左味覺之外，仲有視覺享受，因為店員送上甜品既時候會表演埋點火，經酒精燒過的火焰雪山，外表不會太熱，內裹包住綠茶既雪糕，底下又墊有蛋糕，一次過嘗試左三種口感，加上旁邊既紅豆和薄脆都幾好食，絕對令人驚喜朱古力心太軟賣相討好，中間的棉花糖配搭亦見心思，心太軟外層較為硬身，切開個陣吾算流心，但勝左朱古力味香濃，而且吾會太甜，達到甜而不膩既效果，配埋冰凍既雲尼拿雪糕，冷熱共融，層次非常豐富草莓層層疊份量十足，最岩三五知己一齊食，厚厚多士焗至硬身酥脆，香滑奶油，夾埋香濃既士多啤梨味雪糕，食落極之creamy，加上煙煙韌韌的棉花糖，口感有趣，而士多啤梨肉尚算新鮮只是略嫌太少，不過食既時候真係要同時間鬥快，因為雪糕真係眨眼溶哂，但整體不錯呢芒果蜂蜜窩夫伴芒果雪糕窩夫一共有三大件，焗得外脆內軟，上檯時仲係熱辣辣，芒果雪糕球味道香濃，配埋新鮮芒果肉，真係好食到停吾到口天使雙圓依款係比較中式的糖水，黑糖仙草質感同涼粉相似，滑溜而且有彈性，有甘甜味，紅豆都吾錯，粒粒飽滿軟淋，而重點既雙圓有芋頭同蕃薯2種味道，極具咬口。食落帶有淡淡的香芋味同蕃薯味，配合埋佢個牛乳糖水，更突出左雙圓既甜味，值得一試…Read More

係公司附近一直有間幾有格調既cafe，不過一直未有機會去嘗試，終於今日約到個同事去拜訪下，呢度lunch都有3款選擇，而且都係以意粉為主，不過就吾包飲品，如果以四、五十蚊一個意粉黎講其實一D都吾平，叫完餐之後就可以搵位坐低，侍應會將你order既食物送黎:)我地叫左叫雜菌忌廉扁意粉賣相不錯，面頭鋪左少少沙律菜，美觀之餘亦可以中和忌廉既油膩感覺，食落creamy又吾會太咸，意粉煮得岩岩好又不會過份稔身，口感煙韌彈牙，份量十足另外，仲有雞肉忌廉長通粉雞肉肉質不會太乾，而且啖啖肉，但長通粉只是微熱，配菜三色椒好似未煮過，完全無任何味道，加上忌廉汁十分少，整體味道只屬一般整體認為Cafe飲品方面可能會較出色，至於食物則可以抱住一試既心態…Read More

吾經吾覺就放完個年假喇...又係時候收拾心情回歸工作話哂都係新年後第一日開工，當然要食番餐好野啦去左我地至愛既飯堂"和匠"日式燒肉店雖然佢出名既係燒肉，不過午市的食物種類都不少而餐廳坐位寬敞，而且傢俱都以木為主，感覺舒服悠閒我地order左三款set lunch套餐除左麵豉湯和前菜外，仲有一份日式茶碗蒸，蒸蛋嫩滑、有蛋香，而且入口即溶 鹽燒鯖魚定食，鯖魚外皮燒至微脆，肉質結實厚身，食落亦十分juicy，不錯 日式叉燒定食，份量大大碗，叉燒岡肥瘦適中，油花分佈平均加上油香味重，非常惹味 炭燒豬頸肉定食，豬頸肉燒至焦香，口感煙韌彈牙，配上自家製燒汁，整體不錯 …Read More

依家屋企附近多左間吉豚屋，攪到我經常心思思想去幫襯今日終於約左個志同道合既"巴打"去試下喇他他醬吉列雞餐由於係即叫即炸，上菜時仲係熱辣辣，雞肉炸得脆嫩，內裡肉汁仍然十分juicy，整體份量不少，炸蝦炸漿不厚，蝦肉爽口而且有2大隻，簡直超值，雖然都係炸物為主，但配上酸酸地既他他醬，絕對可以將飽飽滯滯的感覺減低，再講埋個味噌湯，以為只係一般無料味精湯，但原來非常足料，有肉、有蔬菜、薯仔和紅蘿蔔，誠意十足呀吉列豬扒烏冬吉列豬扒外皮金黃，而且炸得非常鬆化，另外，鋪頭有芝麻醬和豬扒燒汁提供，個人好鍾意落豬扒燒汁，因為落咗真係好味好多，而墊底的椰菜絲加埋芝麻醬，又可以當沙律食，味道酸酸地又開胃，一流。而烏冬係讚岐烏冬，彈牙煙韌，食落好滑口，醬油湯底味道清甜，整體質素不錯，回味指數爆燈…Read More

陪左女友去太子行街兼辦年貨行行下肚餓先知已經過左lunch時間唯有睇下附近有無好野食啦無耐比我地見到有間傳統既泰國餐廳店員大部份都係泰國人，希望真係正宗風味啦入到去已經係下午茶時段，我叫左個豬頸肉飯，上菜時份量睇到都夠哂飽，邊位輕輕燒焦既豬頸肉，十分香脆，而且肉質爽口彈牙，配上creamy既香濃咖哩醬汁，令味道更惹味女友則點了牛骨湯底的豬排檬粉，香茅豬扒醃得入味，香茅味突出，湯底入口充滿濃濃牛肉味，味道甜但食得出無味精，加上大量的蔥和莞茜，香味十足，不過提提大家湯底比較油膩，吾建議飲太多，而檬粉份量亦太少…Read More

今晚難得做孝順仔和媽子撐檯腳我地去左元気寿司原來依家晚市會有set dinner比人揀睇番餐牌價錢都十分抵食吾想諗爆頭，於是叫左個set B和C 汁燒三文魚丼三文魚十分厚身，肥美香滑，經過炙燒後，油香四溢而且肉質食落鬆化，而蟹籽新鮮脆卜卜，帶有少少咸香，加上爽脆的青瓜，中和左三文魚的油膩，口感清新。另外，套餐更送沙律，蕃茄配上甜粟，酸酸甜甜好醒胃 什菌牛肉烏冬烏冬彈牙嫩滑，而且份量十足，牛肉吾會過老，什菌種類豐富，只是湯底較油膩，依個set就送日式蒸蛋，材料有蛋、蟹柳、素翅和冬菇，吾會蒸得過老，十分香滑 除左主菜，當然要叫番幾碟壽司和小食捧下場啦... 日式炸雞脆炸雞外脆内軟，粉漿薄加上肉嫩汁多，絕對驚喜 芝士飛魚子豬扒卷表面是芝士和飛魚子，口感脆卜卜好得意，但芝士醬汁略嫌太少，而飯糰內的豬扒肉質比較乾 彩虹卷主要有三文魚和吞拿魚，配上沙律醬和蟹籽，食落層次豐富…Read More