Kabe_HW's Profile

今次同姊妹們向愉景新城行街，過左隔離8咪半揾食，黎到呢間以手工意粉聞名嘅KuruKuru，餐廳位置唔算多，由於我地比午餐時間早到，所以唔需要等位就可以入座，侍應見我地有小朋友同行，細心安排梳化座位，還奉上小朋友用嘅餐具，餐牌上選擇都好多，仲有星期一至五嘅特價精選，套餐可以選Combo（+$8）或Deluxe（+$12），分別係沙律/餐湯+飲品 和 沙律+餐湯+飲品，我地都係揀左Deluxe Set，沙律味道清淡，汁醬唔多，有蕃茄仔打開胃口，磨菇忌廉湯忌廉湯味道正常，唔會太膩，咖喱忌廉湯意粉（$48）咖喱湯唔算好濃，配合彈牙嘅意粉，再加上幾片豚肉，少許蔬菜，都幾啱我口味本菇明太子意粉（$60）明太子唔會好鹹，味道香濃，加上本菇紫菜，配菜唔多但意粉份量足夠，唔錯唔錯，菠菜三文魚忌廉意粉（$69）健康嘅意粉，味道亦都好健康清清淡淡，如果喜歡濃味嘅可能唔太啱口味，自家製冰茶冰茶味道淡，唔會好甜，再加入鮮甜嘅橙，清清地都唔錯，總括黎講呢間餐廳都唔錯，可以再encore。…Read More

今日相約好姊妹向apm見面，姊妹提議食錦麗越南菜，我未食過就一於去試下，門面亮麗，感覺整潔，我地大概2:50黎到，唔需要等位就可以入座，一坐低侍應就遞上兩杯香料，分別有九層塔，辣椒，青檸，芽菜，枱面上亦有建議食法，餐牌上選擇唔算多，不過作為牛魔王嘅我地一定揾到好野食，今次我地就揀左：大蝦扎肉米紙卷（$28）米紙好薄，可以清楚睇到餡料，蝦夠大隻又爽口，配合埋酸酸地嘅醬汁，好醒胃，法式牛油雞翼（$34）雞翼炸到好脆口，牛油味香濃，錦麗牛丸粉（$58）牛丸大粒又夠晒彈牙，河粉好滑，湯底亦做得唔錯，熱玫瑰龍眼茶（$18）龍眼肉有6-7粒都算幾多，甜甜地，加少少玫瑰花，味道清香，呢到唔收加一服務費，埋單$156，總括黎講食物味道都唔錯，可以再encore。…Read More

今日同朋友去蝴蝶邨買送，買送前就去食個tea先，附近好多野我地都食過晒，諗起未食過炑八嘅下午茶就一於黎試下，我地大概2點45分到，餐廳只有幾枱客人，所以唔需要等位就可以入座，呢到環境大又舒服，啱晒同好姊妹一邊食一邊傾，呢到嘅tea set都幾抵，$48有主食，小食，無限添加前菜，湯品，飲品，前菜係可以無限添加嘅，味道正正常常，無咩特別驚喜，韓式清湯上枱時湯品熱辣辣，清清地味道唔錯，湯入面有幾條細魚仔，應該就係湯底味道所在，感覺唔係味精湯，飲完唔覺得口渴，安東雞脾雞脾好大隻，味道幾特別，雞肉嫩滑入晒味，睇黎係心機之作，蕃茄仔同沙律菜可以解下膩，值得一讚嘅係沙律菜都加上芝麻醬，味道幾好，無骨炸雞呢味有驚喜，炸雞聽落感覺好熱氣，呢個炸雞無呢個感覺但係做到外脆內嫩，加上特別調配嘅醬汁，酸酸甜甜，讚，迷你烤牛肉流心蛋飯下午茶黎講份量算幾多，牛肉醬汁做得唔錯，亦煮得啱啱好，唔會過熟，加埋有流心蛋撈飯，簡直係大滿足，炑八撈麵點餐前侍應細心地提醒呢個撈麵有花生醬，值得一讚，可以讓對花生敏感嘅客人知道，最後我叫左走花生醬，流心蛋下有沙律醬及肉醬，味道帶少少酸味，都唔錯，柚子冰茶柚子味道清新而且唔太甜，啱晒我地，呢到下午茶唔需要加一，埋單每人都係48蚊，有咁多野食，真係好抵啊。…Read More

今日同朋友黎到蝴蝶邨街市買送，之前已經經過呢間麵包店覺得好香噴噴，決定今次一於買番半打老婆餅先，店舖有好多選擇，麵包，傳統餅類，蛋糕等等環境整潔光猛，店員姨姨好友善，老婆餅賣$4/1個，$22/6個，老婆餅比平時買到嘅偏細少少，不過真係有驚喜，皮薄餡多，外皮好脆，餡唔算好甜，仲食到有粒粒冬瓜蓉，唔錯唔錯，下次可以再試下其他麵包餅類。…Read More

今日同老公去完旅行番黎都已經好夜，所以向屯門食個快飯就算，華都有好多餐廳，好多都好高質，我地就揀左好耐都未黎過嘅屯利佳，以前都成日黎幫襯，由於已好夜喇，所以唔洗等位已經可以入座，呢到有好多選擇，我地今次就點左：生炒排骨飯（$49）熱華田真係超鍾意食生炒骨，因為自己整好麻煩，排骨仲係好脆口，唔會淋晒，又多肉，配菜青椒洋蔥清新，醬汁酸酸甜甜，好開胃，唔錯唔錯，華田正正常常，椒鹽三寶（$56）加可樂（$8）三寶有魷魚，腰果，四季豆，魷魚又係脆卜卜，腰果炸過好香口，四季豆就差啲，食落成口油嘅感覺，椒鹽味道未算好重，但都可以。…Read More

今日又相約左朋友行街食lunch，由於我地都幾肚餓下，所以揀左位於卓爾廣場嘅燒肉店，一於來一餐午餐燒肉，我地大概1:30黎到，唔需要等位就可以入座，侍應安排左我地坐4人枱，夠晒闊落，呢到採用電子點餐，午餐有好多選擇，有時間可以揀慢慢燒肉，無時間都可以選擇免燒套餐或拉麵烏冬餐，全部大概$40-$50，另外需要加一服務費，我地今次點了兩客燒烤套餐，肉類揀左韓式豬肉同雞扒，韓式豬肉我對佢好大期望，幸好都無失望，醃得幾好，雞扒好大塊好厚，味道唔錯，好抵食，前菜係拍青瓜同低温牛柳，拍青瓜夠晒惹味，低温牛柳有驚喜，黑椒味重，又夠軟熟，甜品揀左焦糖燉蛋同奶凍，兩者都好滑溜，飲品係豆漿同凍檸茶，味道正正常常，自助醬料區仲有豆腐花免費食，但唔夠滑，稍欠缺豆味。總括黎講係可以再encore，食物衞生服務環境都唔錯，可以同朋友一邊燒一邊傾計，都係一個幾好嘅選擇。…Read More

今晚同朋友食完雞煲就去左食糖水，糖樓我地已經惠顧左好多次，今次黎到有煥然一新嘅感覺，新裝修新餐牌，但仍舊保留左一啲招牌糖水甜品，例如係楊芝甘露（芝士味），又加入左一啲新款嘅台式糖水，我地揀左：大團圓（$32）大團圓係台式糖水，有薑糖水，芝麻湯圓，芋圓，地瓜圓，小丸子，糖水薑味足夠，而家天氣涼涼地飲好正，芝麻湯圓味道正常，芋圓地瓜圓小丸子夠晒煙韌，珍珠檸檬愛玉冰（$32）檸檬酸酸地可以消化下頭先食嘅雞煲，珍珠彈牙，愛玉凍滑溜，唔錯，榴槤綿綿冰（$40）配煉奶，益力多爆爆珠，小丸子，綿綿冰軟滑，入口即溶，榴槤味濃郁，配合煉奶甜度適中，爆爆珠同小丸子味道正常。…Read More

自從去過新加坡食過地道嘅坡菜就一直念念不忘，今次帶媽咪黎到位於Vcity嘅Pepper Power食lunch，大概12:30黎到，客人唔算好多，唔洗等位就可以安排入座，侍應安排我地坐向角落嘅二人枱，室內環境整潔光猛，坐得幾舒服，午餐選擇都唔少，有兩頁可以選擇，我地今次揀左：海南雞飯套餐（$60）老火湯係青紅蘿蔔豬骨湯，唔係味精湯，飲完唔會口渴好舒服，味道鹹淡度適中，海南雞肉嫩滑，肥皮同瘦肉分佈均勻，油飯增加左飯嘅香氣，食慾大增，香茅豬扒喇沙檬粉（$51）配熱菜蜜香茅豬扒稍為欠缺香茅味道，豬扒鬆軟，喇沙湯底香濃，滿滿嘅椰汁味道，好有新加坡風味，豆卜吸收晒喇沙嘅精華，好味道啊，檬粉爽口彈牙，唔錯，呢到係免收加一，埋單$111，價錢唔貴份量夠多，食得好飽肚，絕對可以再encore。…Read More

最近荃灣兩間豆腐花店展開減價戰，今日我同朋友食飽早餐後都去湊下熱鬧，我地揀左贊和豆腐花，分別有薑汁，冰糖，桂花冰糖可以選擇，都係2蚊一碗，外賣加1蚊，亦可以選擇立食，好有風味啊，我今次就揀左桂花冰糖味，豆腐花幾滑溜，但就欠缺啲豆味，桂花冰糖既桂花味偏淡，不過就幾特別，加左糖水同黃糖都唔太甜，啱晒我，唔錯唔錯。…Read More

今日接老公收工去食飯，一收工佢就勁話肚餓，所以就向公司附近揾食，見好耐無食元氣就決定食喇，元氣近幾年已經改左用pad點餐，新幹線列車送餐，感覺新穎又方便快捷，小朋友見到會好鍾意，今次我地點左：炙燒芝士皇帝蟹柳壽司（$19）芝士好creamy，同蟹柳味道好夾，係我地黎到嘅必食之選，吉列蠔花卷（$17）吉列蠔炸得好脆口，入面熱辣辣，底下仲加左沙律醬，唔錯，芝士蟹柳卷（$19）同炙燒芝士蟹柳有啲不一樣，呢一個蟹柳係炸左嘅，芝士味道都唔同，呢個濃味啲，啱我口味，炙燒左口魚裙邊壽司（$12）左口魚入口即溶，燒到有啲燶邊，讚啊，三文魚腩壽司（$10/件）三文魚腩好肥美，好新鮮，真係無得彈，墨魚壽司（$14）墨魚一樣好新鮮，仲好彈牙，玉子壽司（$12）甜甜嘅玉子蛋，配搭鹹味嘅豉油，真係一流，元氣壽司真係間中就要encore一次，好味道啊!…Read More

最近開始秋涼喇，又係時候去bbq，今晚帶屋企人黎到富泰燒烤樂園，好多年前去過幾次，今次再去真係有驚喜，平日每位收費$110，每爐要比$50開爐費，包燒烤叉，碟，叉，蜜糖，豉油，紙巾，紙巾用完可以拎紙巾筒去換一卷新嘅，每人包一罐汽水，一支水，炭係任燒嘅，之前黎嘅時候我記得啲蜜糖係溝水嘅，好稀，今次有進步，終於唔係稀架喇，職員態度都好友善，呢到嘅環境唔錯，好舒服，另一個進步嘅地方就係全部醃肉都係獨立包裝，乾淨衞生又方便，唔洗整到成手都係，丸類都有好多，推介牛筋丸，台灣腸同蜜汁叉燒粒，勁好味啊。…Read More

今晚同老公去油麻地買啲野，所以就上openrice揾下有咩好野食，一search就見到呢間位於廣東道嘅印度咖哩餐廳，我同老公都大愛印度咖哩同Naan，所以就決定食呢一間，雖然餐廳位置算幾偏僻，唔向熱鬧大街位置，但我地當晚去到已經9點鐘，餐廳都仲有頗多客人，不過唔需要等位，可以即時入座，餐廳裝潢好有印度特色，侍應廚師都係印度人，服務態度非常友善有禮，餐牌上選擇好多，必定揀到想食嘅印度菜，枱面水樽樽蓋寫住$10，不過餐廳本身有提供飲用水，點餐後，侍應奉上印度脆片，係免費餐前小食，脆片偏鹹左少少，但有醬汁配合，都唔錯，今次我地點左：咖哩雞（$70）白飯（$15）好正宗嘅印度咖哩，香濃惹味，雞件嫩滑，同食得出雞件唔單止得咖哩味，有事前醃過，雞件無骨，啱晒我呢啲懶人食，唔錯，白飯正常，唔會太硬或太淋，上枱時保持到熱辣辣，芝士烤餅（$25）老公食印度菜必叫嘅naan，一啲都無令我地失望，絕對食到旅行時嘅味道，烤餅香噴噴，芝士唔會太膩，讚啊，芒果乳酪（$35）見好多食評推介呢一杯芒果乳酪，我都一於試下，價錢黎講算中等，不過絕對係高質素，芒果味好濃，飲落好creamy，仲食到少少芒果，乳酪味道可以中和咖哩嘅濃味，唔錯，泰象啤酒（大）（$25）食咁濃味嘅咖哩，飲番一杯冰凍嘅啤酒，完美啊。總括黎講，呢一間餐廳無論味道，環境，服務等等，都無咩可以挑剔，估唔到咁偏僻嘅位置都有呢一啲隱世小店，向油尖旺區可以食到咁貼地價錢既印度菜，絕對可以再encore啊。…Read More

今日我同媽咪去左元朗食lunch，黎到一向好多人既永年士多，咁啱12點開門，門口已經排左十幾個人，還好唔洗等位，今次我地點左兩碗三送一麵（$36），牛筋雞翼豬紅米粉牛筋炆得好淋好入味，正，雞翼好重鹵水味，入晒味，唔錯，豬紅爽口，味道正常，菜心煮得啱啱好，唔好過老，蘿蔔豬腸墨魚丸幼麵蘿蔔甜到不得了，甜到好似浸左糖水一樣豬腸入味彈牙，正，墨魚丸味道正常，不得不提就係餐廳既獨門辣汁，辣味恰到好處，客人可以自選辣度，個人覺得佢既小辣都已經幾辣下，足以過足癮。…Read More

今日10點幾就到左太子，見未到約定時間，就去左食個快早餐，見到附近有一間元朗冰室就入去試下，早上非繁忙時間唔需要等位，侍應安排左我坐卡位，我今次點左沙嗲牛肉麵配蒜蓉多士滑蛋，熱奶茶，沙嗲牛肉麵正正常常無咩太大特別，牛肉偏靱少少，多士既牛油蓉蓉唔夠香，但烘得唔錯，脆口得黎唔會太硬，滑蛋要讚一讚，好滑溜又夠香，熱奶茶唔錯，茶香奶滑，正宗港式奶茶味道。…Read More

我地幫襯過銀咖哩好多次，由我地拍拖到結婚，都幫襯左有超過10年，因為親民嘅價錢就食到高質素嘅日式咖哩，實在係一大賣點，今次我地黎到位於悅來坊嘅分店，晚餐時間唔需要等位，點餐後坐定定就得，有侍應送餐，今次我地點左：芝士野菌蛋包咖哩飯（$39）+腸仔（$3）+汽水（$6）食左十年都係食呢個餐，因為實在太太太好味，芝士，野菌，滑蛋，蕃汁，腸仔，咖哩，都係我嘅至愛真係無得輸，主角咖哩香濃，甜甜辣辣嘅日式咖哩，呢個價錢真係唔多餐廳做得到，份量亦好多，次次都食到捧住個肚走，吉烈海鮮薯餅咖哩飯（$35）+芝士（$4）+汽水（$6）老公又係咁多年都係叫呢個餐，薯餅炸到熱辣辣好脆口，餡料亦好多，平時諗唔到食咩就會想黎呢到食，真係平靚正之選。…Read More