今次帶媽咪黎到位於Vcity嘅Pepper Power食lunch，
大概12:30黎到，客人唔算好多，
唔洗等位就可以安排入座，
侍應安排我地坐向角落嘅二人枱，
室內環境整潔光猛，坐得幾舒服，
午餐選擇都唔少，有兩頁可以選擇，
我地今次揀左：
海南雞飯套餐（$60）
老火湯係青紅蘿蔔豬骨湯，唔係味精湯，
飲完唔會口渴好舒服，味道鹹淡度適中，
海南雞肉嫩滑，肥皮同瘦肉分佈均勻，
油飯增加左飯嘅香氣，食慾大增，
香茅豬扒喇沙檬粉（$51）配熱菜蜜
香茅豬扒稍為欠缺香茅味道，豬扒鬆軟，
喇沙湯底香濃，滿滿嘅椰汁味道，
好有新加坡風味，豆卜吸收晒喇沙嘅精華，
好味道啊，檬粉爽口彈牙，唔錯，
呢到係免收加一，埋單$111，
價錢唔貴份量夠多，食得好飽肚，絕對可以再encore。
