foodiefoodieever's Profile

放題癮又起食過返尋味再戰多次大喜屋🤣估唔到黎多次又有新驚喜🙈餓到肚就扁嘢食未黎食住啲任夾嘅嘢先🙈自己對基圍蝦真係有一種特別嘅情懷覺得佢好食過海蝦🤣蝦夠大隻唔會霉。比起出面放題呢度有唔少特色野，煙三文魚配沙律呢個組合冇得輸，一啖食得晒，多士偏厚身。龍蝦沙律配櫻花蝦亦都好唔錯，少少鹹鹹甜甜脆脆地幾開胃。上面嗰兩個係鵝肝，放題都食到鵝肝大癲🥹好濃味同埋夠大舊！其他壽司款式，特別啲嘅係好似舊元寶咁嘅海鮮船🤣份量唔會話太大嚿一啖食晒啱啱好，可以叫一樣嘢就食到唔同刺身同腐皮幾好。例牌刺身盤，三文魚油甘魚希靈魚同甜蝦依舊鮮甜夠厚切大件👌係乳鴿！😂冇諗到食放題都可以食到乳鴿，仲要係有皮有肉半隻完完整整咁🤩當然唔可以攞嚟同出面正宗燒味舖比，但味道都唔錯叫做滿足到想食乳鴿嘅癮😂今次冇食好多串燒，比較推介嘅係牛舌，質地係唔會淋pat pat嗰種👍燒得夠香唔會太鹹。羊架稍為嚡咗少少。沙律蝦同泰式生蝦好食🙆‍♀️右面大家應該都知係咩，一碟有三色椒牛肉同薯仔，比例啱啱好，唔怕叫完之後食滯咗。左面大家就未必估到🤣其實係肥腸嚟😂口感係脆脆地，覺得反而個調味汁辣辣地先係精粹😂壓軸當然唔少得炸榴槤，贏炸鮮奶幾條街😂無論叫幾多次上到嚟都係熱辣辣脆卜卜然後榴槤流心🥹真係其他樣樣都可以唔食呢樣真係唔得🥹甜品正常發揮，最好食係自己擠嘅軟雪糕同埋朱古力脆皮泡芙🤤二百幾蚊超飽肚，順帶一提叫咗咁多嘢食都冇漏過單。…Read More

今日同男朋友黎到位於將軍澳海旁既小野人食下台式串燒，我地平時都比較少食串燒，所以台式串燒更加係第一次，先講店舖比我既印象好乾淨，亦無好多燒肉既氣味同煙，同平時既串燒已有好大分別，而且佢亦有好多人排隊。坐低之後發現原來佢一早有過火爐開咗喺度，咁就算叫惹來食嘅時候都唔使等佢預熱，而佢亦都有好多唔同款式嘅食物，我哋就叫咗好基本嘅牛肉串，佢嘅牛肉串唔算好大，但係一叫就會叫咗五串，所以叫一份其實都幾抵食，之後我哋亦都叫咗好多唔同嘅串燒，例如豬肉，翠玉瓜，韭菜，仲有一啲啲丸類，而且仲有叫到蝦。而另一樣我個人認為必食嘅就係金菇肥牛卷，因為本身佢已經調味調得好好味，而且金菇都好易咬散，所以真係好好味。整體來講，小野人嘅串燒都係好好食，而且味道唔會好大，咁就唔怕食完串燒之後行出街會一身串燒味，所以好推薦大家可以嚟試吓。…Read More

今日同男朋友黎到九龍城搵野食 係鬧市之中見到一間同其他鋪頭不同風格既餐廳 pavia ，見到咁與別不同就一於入去試吓，見到佢餐牌有好多不同款式既西式美食，已經令人有選擇困難，經店員推介後我地先揀左意大利雲吞作為頭盤，佢既意大利雲吞有別於出面其他餐廳，佢皮薄餡大而且醬汁調教得好好食，令我地食完之後都想再叫多次，之後我地叫左一個煙肉芝士蛋意粉同西冷牛扒作為我地既主菜，先講意粉整得好香，忌廉味道好濃厚，而且份量亦都唔少，至於牛扒真係好出色，佢推介我地叫4成熟，上到菜又真係煎到剛剛好，食落好爽同嫩口，而亦有椒鹽提供比我地，最後我地仲叫左一個焦糖燉蛋作為甜品，依個甜品亦都好好味，整體來講，本身係九龍城無諗住會食到甘高質既西餐，佢其實仲有好多選擇，不過我地得兩個人就食唔到甘多，下次再黎食埋其他美食…Read More

今日收工之後同女朋友嚟到位於觀塘嘅dodam chicken 食晚餐，因為真係好耐冇食過韓國菜，又未有咁快可以去韓國旅行，唯有喺香港食住先啦，佢嘅店舖面積都幾大，坐落到好鬆動舒服。我哋首先叫咗招牌甜辣芝士烤雞，佢嘅份量真係好多，好抵食而且佢嘅味道真係好出色，而且仲有年糕，整道菜嘅配合都好令人開胃，之後我哋亦都叫咗半份香蒜炸雞，又係一道好好食嘅主食，醬汁亦都夠味夠甜而且皮脆肉嫩，之後我哋亦都叫咗韓式海鮮煎餅，佢嘅煎餅好夠材料，唔會覺得太多嘅麵粉，而且亦都唔會油膩，都好推薦大家可以試吓，最後我哋另外叫多咗個芝士雞蛋卷，呢個餸係最令我印象深刻，因為個外型已經好吸引，切開之後濃濃嘅芝士更加吸引人，而且亦都好厚身，所以整體來講真係好出色嘅韓國餐廳…Read More

今日收工之後同女朋友行街拍拖，之後突然好想食打邊爐，可能因為最近天氣慢慢轉涼，就搵到蚊蚊豬火鍋店，見到佢有羊腩煲食，就一於去試吓啦。其實平時都好少食羊腩煲，因為好怕羊既羶味會太重，不過今次就覺得好好食，因為佢嘅羶味唔會太重而且佢嘅湯底汁真係好好味， 再者佢有刺身任叫，而且刺身亦都好新鮮同埋亦都夠肥美。而蚊蚊豬仲可以任你換湯底，所以我哋食完羊腩煲之後就轉左一個皮蛋芫荽湯底，因為想食返清淡小小嘅湯底。佢嘅牛肉亦都好出色，佢有唔同牛嘅部份俾你選擇，而且仲有講解每一個部份應該烚幾耐。佢亦都有好多唔同嘅丸類，菜類俾你選擇，基本上都應有盡有。而佢亦都有炸饅頭依類型嘅熟食，所以整體而言都真係好出色，好推薦鍾意打邊爐嘅人可以嚟試下。…Read More

今日收工之後同女朋友行街，突然之間想食打邊爐但係又食唔到太多，就搵到湯•米依間臭臭鍋專門店，先講佢嘅空氣管理得好好，入到店舖入邊唔會有好強烈嘅唔同鍋物味道，因為有時臭臭鍋嘅味道好濃烈影響食慾，而且環境都好衛生，睇佢嘅餐牌都有好多唔同嘅選擇，我哋就揀咗藥膳同埋麻辣味道，另外再叫咗個臭豆腐做小食。佢嘅調味料係喺出邊自己調校，有四種唔同嘅配料，而佢上鍋嘅速度亦都好快，唔需要等太耐就已經有得食，首先係藥膳，一嚟到已經聞到好香嘅藥材味而且睇到豬肉片亦都唔少，入面嘅配料亦都好豐富，已經即刻好想食而佢亦都真係好入味，整個火鍋都充滿龍龍嘅藥材味道，之後又可以講吓麻辣，其實佢有得自己選擇辣度，但因為我唔識得太辣，所以就跟返佢原本嘅兩隻辣椒嘅辣到，食完唔會覺得特別辣，但佢有少少嘅辣味會留喺口腔入面，令人一直食一路都流口水。最後講埋佢嘅臭豆腐，臭豆腐好香而且豆腐唔會散，都好推薦大家可以試吓…Read More

今日同女朋友嚟到位於中環嘅bored garden 食漢堡包，佢嘅裝修好有特色，門口放咗好大隻猿人嘅模型公仔，成間鋪望落去好chill，裝修嘅設計好貼近年青人，好多款唔同嘅burger可以揀我哋就揀咗經典同埋鴨肝牛肉，而佢成個套餐仲有小食同飲品，都好抵食。叫完之後可以上樓上坐低等，樓上嘅座位唔多但都好舒服而且環境亦都好衛生，有唔少位置都好適合用嚟打卡。講吓食物，經典漢堡嘅汁調得好好，唔會搶咗牛肉嘅味道，而且漢堡亦都大細適中唔會令到食嘅時候好辛苦。之後到鴨肝牛肉，鵝肝都好出色，味道好夾，而分別叫咗薯條同沙律，薯條炸得好脆，而沙律亦都好大份。整體而言，餐廳嘅氣氛真係好舒服而且食物亦都唔錯好適合去放鬆一下…Read More

今日同女朋友放工之後嚟到旺角行街，行行吓佢話好想叫餸食飯，就同佢揀咗金玉滿堂食下啦，喺門口已經聞到鑊氣味，雖然門口睇落唔大，但其實佢都坐到好多人。我哋總共叫咗三個餸，首先喺魚香茄子煲，我哋每次叫餸食飯都好經常嗌，佢嘅魚香茄子煲一上枱已經香氣撲面，聞到已經流晒口水，而且茄子睇落好新鮮令人食慾大增，食落發現佢唔會好油膩，而且魚香爆得好惹味。之後亦叫咗個一品燒雞，雖然我哋只係叫咗半隻，但都份量十足，而且雞嘅鹹味亦都夠而且皮夠脆肉夠嫩，依度餸真係好好食。最後亦叫咗椒腐通菜，依度餸唔會太鹹，味道啱啱好。佢嘅份量亦都唔少，三個餸我哋兩個人食到好飽，而且佢嘅價錢亦都唔貴，鍾意叫餸食飯嘅都可以嚟試吓，喺一間CP值高嘅餐廳…Read More

好耐冇出嚟堂食，今日就趁住得閒同女朋友放工之後嚟到樂富嘅小火焰韓式餐廳食飯，本身都有上網睇過佢嘅相片，見到食物都好吸引，所以就去試下。一去到見到佢嘅裝修好令人舒服，店舖面積夠大，座位唔會太迫，而且亦播住耳熟能詳嘅韓文歌，店員亦都好快咁安排到我哋入座。我哋叫咗個弘大二人套餐，頭盤揀咗醬油蝦，佢嘅蝦好大隻而且好入味仲有豐滿嘅蝦膏，令人一試難忘。之後叫咗個豬手沙律同埋芝士炸雞，芝士炸雞嘅芝士味10分濃烈，而且好大嚿，食完都已經開始有少少飽意。主菜就揀咗雪花牛骨湯同埋豬肋骨泡菜炒飯，兩個主菜嘅份量都好多，我哋最後都食唔晒，而且佢仲有甜品食，窩夫亦都好脆。整體來講都好滿意今次嘅晚飯，因為份量豐富，而且味道亦都不錯…Read More

放假同阿媽去食放題，先發現原來放題都可以食到好養生🤣一坐低就比阿媽叫話要飲碗熱湯先可以食生冷嘢😂平時自己食放題嘅話好少會攞湯，先發現原來真係飲少少熱野再食暖下個胃又好似真係感覺好啲🤣湯係椰子雞湯清清地唔錯。阿媽攞咗碗杞子龍眼肉桃膠，成碗嘢都幾足料等嘢食嘅時候攞咗啲熟食，蝦都幾大一隻任攞任食，味道幾鮮甜。豬手調味啱啱好唔會話太鹹平時久不久都會想食吓麻辣嘢，放題嘅好處就係可以一次過可以滿足你幾個願望🤩小龍蝦吸晒麻辣花椒嘅味勁香，細細隻一隻唔會話太Heavy，不知不覺都食左好多隻🤣養生嘅同時都要放肆下😆炸鮮奶同炸榴蓮上到嚟都仲係脆卜卜記得要趁熱食，但小心唔好辣親條脷因為入面d料足到瀉出黎🤤🤣另外竟然有花膠湯可以飲，花膠仲要好大一片，真係健康之選😂即刻覺得成餐無咁罪惡🙈仲要有菜可以食下💯刺身夠肥厚，最愛希靈魚同三文魚瘋狂翻兜！芝士青瓜軟蟹卷細細件一舊精緻又好食🤤話明養生之選飯後甜品緊係揀水果，夠甜夠爽脆👍一個放題養生同放縱飲食一次過滿足曬🤣…Read More

今日同女朋友嚟到位於尖沙咀嘅lady nura ，先從餐廳嘅外觀講起，一望埋去已經見到充滿少女心嘅粉紅色設計，而且都有比較類似公主feel嘅枱櫈，一睇就知好適合打卡。然後就講吓佢嘅食物啦，首先頭盤我哋叫咗個凱撒沙律加燒雞，佢嘅沙律比預期中大碟好多，真係頭盤都已經食到有少少飽，而且佢嘅雞既皮都燒得皮夠脆肉夠嫩，個人認為呢一度餸嘅CP值極高，之後就叫咗燒牛扒同長通粉作為我哋嘅主食，鮮果牛扒佢有兩種唔同嘅醬汁俾你點，而且牛亦都燒得剛剛好在唔會太熟，至於長通粉就真係好好食味道調校得好適當。然之後我哋再叫咗一個粟米片，依度餸就真係大份到嚇死人，無返咁上下食量都應該食唔晒。最後仲有叫咗一份炒菜，算係作為營養嘅均衡。不過佢都好多人排隊，所以去食的話最好預早少少去攞位。…Read More

易家疫情越嚟越嚴重 大家堂食要更加注重衛生 今次難得約到朋友岩時間食個lunch 就揀咗喺旺角嘅呢一間西餐廳 貪佢地點方便同見啲野食相都好唔錯見到呢間餐廳好用心咁做足防疫措施 尤其見佢餐具會高溫消毒 所以都放心啲去食 我哋大概兩點先去到嘅 相對人流就比較少 個環境都比較清靜舒服一坐低職員就即刻同我哋update左餐牌嘅改動我最後就揀咗香煎是日餐魚伴香草忌廉汁($188) 今日係鱈魚 另外再加配咗餐湯甜品同前菜吞拿魚沙律($58) 朋友就揀咗Ribeye steak 伴燒汁($238)一開頭就會上餐湯餐包同前菜 今日嘅餐湯係南瓜忌廉湯Staff好nice 因為我哋淨係叫咗一份湯 佢哋主動問洗唔洗分兩碗 上 又會問需唔需要黑胡椒 好貼心湯質地偏流質 唔會太濃稠 簡簡單單帶有南瓜甜味 餐包送上嚟有溫度 唔會冷冰冰亦都夠軟熟沙律菜新鮮配上黑醋同吞拿魚 非常開胃香煎是日餐魚伴香草忌廉汁鱈魚皮煎得夠脆 唔會有鱗 係最重魚脂香嘅部分作為平時唔主動食魚皮嘅我都覺得好食魚肉夠滑得嚟唔會太散唔會太熟食煎魚扒嘅好處係唔洗怕有骨 可以放膽大啖食份量就比較適合女生 大食男士食就未必夠朋友嘅ribeye steak 肉有焦香味 唔會韌最後就用個小甜品嚟做個結尾 係荔枝慕絲杯 上邊有啲朱古力片同乾果 味道清新最後想讚下佢哋嘅服務真係好好 成餐飯都食得好舒服 …Read More

今日同女朋友捉緊最後堂食嘅機會，放工之後去咗九龍城食飯，因為都唔知下次可以堂食係幾時，去到九龍城見到BTS美食站，原本以為係韓國餐廳，但望一望餐牌發現原來係泰國菜，諗起都好耐冇食所以就入去食啦。老闆亦都好好人喺等位期間都同我哋有傾有講。首先我哋第一樣叫嘅食物就係明路烏頭魚，佢嘅魚非常大條，而且一上菜都已經聞到好香嘅味道，令人已經流晒口水。之後亦都叫咗食泰國菜必要嘅金邊粉，佢嘅金邊粉亦都炒得好出色夠香，而且蝦亦都夠大隻，絕對好抵食。之後亦有叫兩隻雞全翼同埋豬頸肉，兩款肉都燒得好好食，而且豬頸肉亦都夠大塊都偏厚身。食完都覺得好滿足，最後亦都叫咗一個飛天炒通菜，整體來講，作為最後嘅晚餐亦都好滿足，希望可以快啲有返堂食啦。…Read More

今日同女朋友嚟到位於灣仔嘅新泰東南亞餐廳，喺門口已經覺得佢好高貴大方嘅感覺，入到去見到好多嘅泰式裝修，真係令人好似置身於泰國一樣，而佢嘅餐牌亦都有好多唔同嘅菜式五花八門，令喺選擇嘅時候都10分困難。首先我哋照左一個豬肉生菜包作為我哋嘅前菜，佢嘅豬肉碎炒得好香，好好食。之後就叫咗一個燒雞同埋烏頭魚作為我哋嘅主菜，燒雞肉汁鎖得好好，咬落去淡淡滋味，而且醬汁亦都好好味，之後到烏頭魚，佢仲會比湯我哋係冇湯嘅時候加落去，依個細心位真係好加分，而且本身魚都好滑，而且份量都唔細，都係一度CP值幾高嘅菜式，之後仲叫咗個蝦醬炒飯，依個炒飯真係不得不讚，完全有驚喜，飯本身炒得好香而且仲有應該係臘腸作為伴碟，最後仲叫咗一碟飛天通菜。整體而言，依間泰式餐廳真係好推薦大家嚟食…Read More

今日嚟到位於深水埗嘅古早牛肉麵食台灣菜，由於好耐都冇去過台灣啦所以都好想食下台灣嘅小食，餐廳好近地鐵站，所以想去食都好方便。餐廳嘅裝修都係偏向台灣風格嘅，真係好似置身喺台灣嘅食店一樣。咁先講主食我哋分別叫咗一個紅燒牛肉麻辣醬拌麵同一個豬軟骨湯麵，佢嘅牛肉真係好好食，好有口感而且好入味，麻辣醬都好出色，唔會掩蓋左牛肉嘅味道，至於豬軟骨亦都好出乎意料，因為煮得好冧，而且麵都好大個，所以兩個主食都好適合我哋嘅口味。跟住講吓小食方面，我哋分別叫咗四個小食，小食嘅水準都好出色，尤其麻辣牛肚絲同埋起司蛋手抓餅，依兩個小食無論係賣相同埋未到上都好值得去食。總括而言，我覺得依家係一間CP值幾高嘅台式餐廳，去開深水埗真係可以一試…Read More