坐低之後發現原來佢一早有過火爐開咗喺度，咁就算叫惹來食嘅時候都唔使等佢預熱，而佢亦都有好多唔同款式嘅食物，我哋就叫咗好基本嘅牛肉串，佢嘅牛肉串唔算好大，但係一叫就會叫咗五串，所以叫一份其實都幾抵食，之後我哋亦都叫咗好多唔同嘅串燒，例如豬肉，翠玉瓜，韭菜，仲有一啲啲丸類，而且仲有叫到蝦。而另一樣我個人認為必食嘅就係金菇肥牛卷，因為本身佢已經調味調得好好味，而且金菇都好易咬散，所以真係好好味。
整體來講，小野人嘅串燒都係好好食，而且味道唔會好大，咁就唔怕食完串燒之後行出街會一身串燒味，所以好推薦大家可以嚟試吓。
