蚊蚊豬老火鍋 (Closed)

今日收工之後同女朋友行街拍拖，之後突然好想食打邊爐，可能因為最近天氣慢慢轉涼，就搵到蚊蚊豬火鍋店，見到佢有羊腩煲食，就一於去試吓啦。
其實平時都好少食羊腩煲，因為好怕羊既羶味會太重，不過今次就覺得好好食，因為佢嘅羶味唔會太重而且佢嘅湯底汁真係好好味， 再者佢有刺身任叫，而且刺身亦都好新鮮同埋亦都夠肥美。而蚊蚊豬仲可以任你換湯底，所以我哋食完羊腩煲之後就轉左一個皮蛋芫荽湯底，因為想食返清淡小小嘅湯底。佢嘅牛肉亦都好出色，佢有唔同牛嘅部份俾你選擇，而且仲有講解每一個部份應該烚幾耐。佢亦都有好多唔同嘅丸類，菜類俾你選擇，基本上都應有盡有。而佢亦都有炸饅頭依類型嘅熟食，所以整體而言都真係好出色，好推薦鍾意打邊爐嘅人可以嚟試下。