lra_yi's Profile

早排有日晏晝黎食過呢度燒鵝同酒醉鵝肝後,覺得味道好好趁住月尾屋企人生日我地就預訂埋海鮮響度再encore慶祝預留左半隻大燒鵝熱辣辣, 皮脆肉質完全唔鞋，招牌必點！半隻大鵝都好足夠我地幾個大人食五福拼盤海哲好香鵝腸衣出面比較小有, 食落爽脆上次食完覺得好驚艷既鵝肝好粉嫩同滑，酒味夠香濃所以今次預留左2碟之後黎到我地預訂既海鮮喇蟹同鮑魚需要預先打黎訂定前一日店員有再打黎報定價先唔洗驚比人劏清蒸南非鮑魚大大隻，火喉岩岩好用刀叉慢慢嘆海中蝦我地揀左豉油皇，蝦頭有開邊，食到入面既蝦膏，走油後好香脆，蝦身好入味本灣大肉蟹店員見我地叫左兩隻，所以推介我地一隻做避風塘一隻就做薑蔥蟹身好大隻，全部啖啖肉薑蔥個汁真係可以用黎送飯一流而個避風塘做到好香脆同夠辣兩個味道同樣出色薑蔥桶蠔上次食過今次再encore, 一煲大概7-8隻百花蟹鉗實肉彈牙，好大粒我哋預一人一粒，所以好飽小菜正常發揮值得一讚係店員換骨碟換得好密而且服務態度好好連續16年米芝連果然實至名歸…Read More

而家有左宋皇台站之後, 去九龍城真係方便左好多, 今晚想同朋友食下泰菜,行左幾條街見到呢間, 寫住超過30年老字號, 有兩間鋪頭, 店員都係泰國人, 重點係不加一, 一於就同朋友試下先牆上面好多上菜都好吸引見到隔離枱叫脆皮豬手都好靚, 不過下次要多人小小先叫到而我地就叫左泰式燒牛肉見到有幾枱客人都有叫呢個泰式燒牛肉我地一於跟！黎到份量都好多,牛肉燒到七至八成熟食落口感岩岩好, 唔鞋口,粉嫩juicy, 炭香撲鼻點埋個汁, 酸酸辣辣好開胃泰式燒豬頸肉每次食泰國菜都必叫既豬頸肉呢度既豬頸肉都係水準之上大圓法包椰皇黃咖喱雞睇相已經對呢個好有興趣, 咖喱同埋法包真係無法抗拒用左原個椰青熬煮出黎既黃咖喱雞肉滑嫩, 最驚喜係個椰肉, 開頭咬落去以為係洋蔥, 點知原來係椰肉, 好清甜咖喱香濃幼滑帶小小微辣香法包外脆內軟, 咬落去嗦嗦聲浸落去咖哩度一齊食, 最後不經意就食哂成個法包最後叫埋龍眼冰同青檸梳打透心涼之選…Read More

最近去咗沙田新城市既永年茶餐廳, 真係好有香港味道！一入去就見到好多懷舊的裝飾，有個位掛著好多懷舊既裝飾，感覺好親切。黎到呢度就必定要試下佢地既車仔麵同埋鐵扒餐先Menu選擇好多，分別同朋友叫左個永年大碗麵入面有齊9款車仔麵既經典餸大大碗,每款配料都份量十足分別有咖喱魷魚,豬腸,豬紅,豬皮,雞翼,雞翼尖,紅腸,魚蛋,蘿蔔同時菜所以配料都夠入味, 豬紅同蘿蔔索哂湯底好惹味咖喱魷魚每條都大大條, 好爽脆睇返menu仲要係沙田店限定而建議食辣嘅最好加埋佢哋嘅招牌永年辣醬, 好香, 襯埋個湯底好夾腐乳通菜可以揀多/少醬,我哋就梗係揀多啦腐乳香同通菜真係最夾西冷牛扒餐好耐冇食過呢一種懷舊鐵板餐份量大得嚇人, 好抵食牛扒肉嫩帶juicy, 配埋蒜蓉汁, 正！肉食者一定會喜歡懷舊蝦多士蝦多士炸得金黃鬆化啖啖蝦膠鮮味, 食落唔油膩抹茶紅豆冰賣相層次分明🫘紅豆份量好多同埋抹茶既甜度適中涼粉冰好耐好耐冇飲過涼粉冰喇記得細個嗰陣成日都飲係懷舊嘅味道…Read More

早排有個狗友介紹mega box呢度原來有間寵物友善居酒屋身為狗奴才既我,當然要抽時間同主人去環境好大, 分左兩邊Out side位就係寵物友善區, 位置寬躺仲設有梳化區當日仲咁岩有人打緊冰上曲棍球, 好好氣氛主子一直周圍望Menu有仲有好多$38之選我地就揀左幾款鹽燒大蜆大蜆鮮甜冇沙, 鹽燒既香味恰到好處吉列炸蠔炸蠔外脆內嫩,juicy,配上沙律醬更提升口感唐揚炸雞外皮金黃酥脆,肉質多汁,香料味道平衡,值得一試!黎得居酒屋又點可以唔食下串燒因為款式好多,我地就每樣都叫D-雞皮燒到每塊都脆卜卜, 邪惡之選-燒雞翼～～我鐘意食～～-明太子雞肉 ,鹹香既明太子加上juicy彈牙雞肉,呢個組合好夾-牛小排油脂分佈均勻,食落唔韌,熟度剛好-豚肉秋葵卷豚肉燒到有啲焦脆,包住新鮮秋葵,肉香同蔬菜既清新味道相輔相成,口感豐富-七味燒豬頸肉燒豬頸肉外焦內嫩,七味的香料使味道層次分明煙肉荔枝卷煙肉包住荔枝,甜中帶鹹,讓人驚喜。炭燒牛舌厚切牛舌,燒得剛剛好,肉質軟滑搭配埋蔥花同洋蔥食,松葉蟹肉帆立貝卷分別有蟹肉加洲卷及帆立貝卷兩款各有特色最後黎到今晚既重頭戲喇香煎鵝肝鰻魚石鍋飯鵝肝同鰻魚一齊食真係好滿足鰻魚肥美, 鵝肝size 都好大件油脂爆哂出黎, 撈埋鍋飯底既香脆飯焦一齊食飽哂最後埋單9百幾, 好滿足食左好多野環境舒適, 係一間好適合帶埋狗狗一齊用膳既餐廳…Read More

近期見到裕美介紹龍亭鐵板燒上網搵之下原來新界區都有分店網上訂座仲有個優惠價,除返人均$800左右一於今晚同男朋友去試吓一入去坐低，店員就俾咗清酒我哋可以任飲，啱晒我地呢啲酒鬼頭盤魚子醬煙燻三文魚有機沙律菜卷煙燻三文魚夾住新鮮沙律菜搭配魚子醬再加黑醋一齊食拌碟仲有龍珠果, 蕃茄仔同中華沙律呢個組合食落酸甜醒胃墨西哥海膽玉子豆腐玉子豆腐口感好嫩滑, 配上面頭既新鮮海膽味道鮮甜濃郁,兩隻既味道好夾,非常有驚喜 白松露海膽蘭王溫泉蛋蘭王蛋配以白松露,魚子醬,魚籽及海膽味道好香, 用多士沾後黎食相當惹味唯一缺點係…好想要多兩塊多士😆塔斯曼尼亞海膽配法國生蠔生蠔Size肥大飽滿, 海水味濃搭配三文魚籽同海膽令到鮮味更加突出拌碟仲有埋魚子醬,wasabi 及檸檬可自由搭配唔同食法北海道海膽燒半熟帶子+紫海膽燒溏心鮑魚鮑魚煎到外脆內嫩,帶有焦香,帶子厚肉大粒,做到半熟效果,面頭配搭左白味噌加海膽, 白味增帶有少許甜味,搭配帶子更鮮味黑松露蘑菇食落香氣撲鼻, 好juicy三樣出到黎既效果都好夾焦糖鵝肝多士過程一路睇住師傅整焦糖, 非常療癒鵝肝煎香後再搭配焦糖多士底面頭配襯雪芭,食落微熱微冷口感豐富重點是鵝肝非常厚切,食完呢個已經有啲飽了和牛薄燒開始前師傅會問要幾成熟同埋要唔要蔥及蒜但食呢個薄燒就梗係要大量既香蔥同乾蒜先得平時唔食蔥嘅我, 都食哂因為實在炒到太香和牛入口嫩滑, 油脂同蔥蒜既香mix埋非常惹味又可沾上wasabi一齊食, 或者拌埋鵪鶉蛋蘑菇入邊嘅蛋醬做到壽喜燒嘅感覺中間仲有個讚酒環節, 店員會問我哋有冇需要影相就算拌碟既蔬菜都做得好好啊意大利黃瓜同翠肉瓜及蘆筍都做到得爽甜多汁加拿大海膽和牛脂炒飯平時食鐵板燒最鍾意就係炒飯嘅環節因為可以睇到師傅點樣將白飯化腐朽為神奇炒飯用蔥花香蒜去炒師傅仲好有心機咁砌咗個心心俾我哋打卡炒飯後加埋煎好嘅蘭王太陽蛋後見到師傅好似唔使錢咁係咁將啲蟹籽同埋三文魚子放落去, 最後加埋海膽令到一個普通嘅蔥花炒飯即時升級口感非常豐富時令海膽雪葩是日係檸檬菠蘿柚子雪芭食落好清新,估唔到甜品都可以搭配埋海膽加埋即場整嘅可麗餅為呢個晚餐畫上完美嘅句號食完後同師傅傾左陣計我話食到超級飽呀同埋我見你地用既海膽份量都好多因為真係幾乎每道菜都有師傅答話平均都差唔多會用上一板海膽感覺呢個套餐都真係好超值加上可以任飲清酒基本上都已回本了作為海膽迷既我, 應該好快要encore喇…Read More

今日同朋友響新寶做完facial就響附近食埋野見到2樓有呢間不倒翁睇到有個火鍋二人套餐人頭$380一位全包,有時兩個人打邊爐就係想叫好多野食但又浪費左, 呢個二人餐見佢每樣都有啲..岩哂我地湯底有8款選擇天氣咁熱,我地特別叫冬瓜瑤柱湯底消消暑湯頭飲落清甜, 而且好多瑤柱, 用料都好足日式刺身拼盤就有4款分別係帶子,八爪魚,希靈魚同埋北寄貝刺身擺盤好靚, 新鮮大件海鮮可以自選三款我地揀左南非鮮鮑魚,紐西蘭蟶子皇,同埋生劏龍躉片用既唔係大連鮑,而係南非鮑Size都幾大隻, 我哋唔小心淥熟左但都仲係好爽彈又冇縮水蟶子皇大大條,鮮甜冇沙龍躉片最正係個骨膠原滿滿嘅魚皮雪花肥牛花紋分布好均勻,油脂恰到好處,食落牛味都好濃鎮店水餃皇超大隻入面好足料, 啖啖蝦肉, 好食韭菜餃味道清新,韭菜味濃郁手打四寶丸分別有蝦丸、墨魚丸、牛肉丸同埋鯪魚丸手打口感彈牙個人最喜歡係墨魚丸唐生菜份量好大碟我地差啲食唔哂配埋個冬瓜湯底好清甜平時比較小食生麵但原來用黎打邊爐口感幾好簡單幾秒..食落有彈性套餐配埋可以揀竹蔗茅根或者酸梅湯我哋就揀咗竹蔗茅根，飲落唔太甜啱晒打邊爐仲有甜品贈送紅棗桂花糕食落好重桂花香味,馬豆糕濃而不甜…Read More

好多年前響銅鑼灣食過最近原來都響沙田開左分店今晚即刻去食返個小籠包先門口等位期間可以見到師傅一路整緊小籠包響門口見到佢寫反應熱烈加推所以趁呢個期間限定即刻試下先食落去時, 就好似食緊分子料理咁..明明食緊小籠包, 但又滿滿嘅沙嗲牛肉味味道完美複製左茶餐廳沙嗲牛肉麵嘅味道而且肉汁好多，皮薄是重點之後再叫左個川味小籠包食落帶有花椒麻香唔係太辣，超juicy上海生煎包熱辣辣, 包皮底煎到好脆出面食過好多都係成個包都好硬但係呢個仲係好軟熟蝦仁酸辣湯拉麵好香辣, 食落好有後勁冬菇木耳同埋荀食落都好有口感成碗食落酸酸辣辣好開胃上海炒年糕好入味, 年糕軟滑好煙韌味道偏濃小食係花生栗子好耐都冇食過熟花生味道唔錯人均200零，服務很好店員成晚都幫我地加左幾次茶香港人真係要加點留港消費阿…Read More

好耐都唔過海一次 今次就黎試下啲特別啲既 新加坡菜雖然睇落菜單唔係太多嘢選擇但係主菜已經好吸引又有海鮮又有肉類選擇重有小食 新加坡咖喱牛腩勁勁勁大碟 牛腩份量又多又淋裏面啲薯仔都非常入味 咖喱嘅辣度係BB辣 非常啱我呢d又想食辣又唔食得辣嘅人配上薄餅 💯分呀新加坡肉骨茶豬肋骨用白蘿蔔蒜頭熬製嘅肉骨茶味道唔會太濃 有少少胡椒嘅味道點綴再配上熱辣辣香脆嘅油炸鬼 一流😆 油炸鬼仲可以點咖喱汁食 又另一番風味貓山王咖央多士鍾意食榴槤嘅朋友一定要叫呢個店員一放低就已經聞到好香嘅榴槤味多士面多士中間同多士底都茶左一大片榴槤蓉夾多一片薄薄嘅牛油 配上面頭嘅開心果碎 呢種甜品真係好少有機會食到 飲品就叫左杯斑斕薏米水同柑桔水 其實見到隔籬枱嗌咗杯美祿爆炸飲好想跟 但啱啱先病好就忍住唔嗌 留返下次啦柑橘味好清甜 又唔會甜到糖水咁 好岩夏天消暑煙靭嘅薏米配上斑斕嘅香第一次飲 好新奇 感覺幾好店舖仲有一個加分位就係啲店員超級Nice，環境舒服人頭二百零左右，銅鑼灣區黎講好抵食…Read More

呢排社交平台成日見到佢既片佢既相心思思左好內...終於有時間去食啦~"AOAO"一間日西fusion菜既高級餐廳淨係門口裝修都好有Feel好岩紀念日或重要節日黎慶祝入去到發現 原來重有Outdoor既天台酒吧食物方面 100分前菜有兩款漬物牛蒡🧄蒜頭蒜頭好特別 完全無蒜頭味同口感好爽脆牛蒡醃製好入味 Akagai 超鮮甜赤貝入面夾住露筍同香蔥好Fresh微微辣同好夾 真係中西合璧 Caramelised Pumpkin 第一次覺得南瓜咁好食..用焦糖去整外面..粒粒南瓜都包住糖衣好香脆Shredded Celtuce Salad用萵筍刨絲做到好似麵咁加左三文魚籽,蘿蔔蓉配上凍凍既酸酸甜甜汁 好開胃Charcoal Grilled Eel 好有創意既做法 用真炭將鰻魚皮烘到好香脆,煙燻既味道即刻怖滿半間餐廳肉質好滑同好多汁打Card一流終於到我最期待既一碟....Wagyu Katsu Sando A4和牛竹炭三文治真係超高質.......好值得為佢黎多幾次..和牛炸到半熟, 牛香味好濃又多汁加上油脂香...配落竹炭三文治到真係好好食Mini Melon Daifuku & Matcha Cheesecake叫左2個甜品Cheesecake好滑 又係我鐘意既Matcha味Daifuku入面蜜瓜餡唔會太甜 絕對再encore…Read More

今日黎到九龍美食街~~山林道一路行一路睇下食咩行到差唔多街尾 比我發現左一間韓國餐廳*****부자칼국수自家製韓國刀削麵*****餐廳係一間自家製刀削麵...睇番原來重係“香港第一間韓國刀削麵”刀削麵本身都係我喜愛既食物之一入邊簡簡單單既裝修 都好有韓國小店既感覺刀削麵都有好多唔同選擇有豆汁冷麵 有辣冷麵 有牛骨湯 有花蛤湯今次同朋友2個揀左一冷一熱一齊食豆汁冷麵 豆味好濃好香 飲得出係自家制 並唔係一盒盒現成買番黎個種刀削麵好煙韌 雖然佢無肉 但食晒成個麵 都好飽 同埋係好味到會成碗豆汁飲晒夏天一定要叫呢個花蛤刀削麵個湯好清同好鮮甜既海鮮味花蛤既份量都好多 同埋最重要係無沙呢個刀削麵同豆汁個個麵一樣但配上唔同湯底 成個感覺都好唔同整體黎講 2個都好出色我地2個再加左個海鮮韭菜煎餅煎餅 好脆口 唔會淋晒裡要有d魷魚 好有口感下次都會想再黎試下佢個炸醬麵同餃子見到隔離d餃子好大隻嫁人均120左右，好抵食👍…Read More

之前同屋企人慶祝生日黎食過一直心心念念佢地個花膠雞湯鍋今晚同朋友突然間想打個邊爐就黎到舊墟呢邊搵食喇一坐底先有杯Welcome drink-百香果梳打酸酸甜甜相當開胃調味料都好精緻必須要叫的花膠雞湯鍋今次叫左半隻份量咁就可以留肚食多啲野喇店員會先加花膠後再落湯滾起後就可以品嘗啖靚湯喇湯底一如既往既濃！每啖都係骨膠原花膠每塊都好厚實滑嫩雞用上三黃雞,肥瘦適中大滾友牛肉拼盤 叫左個細既,有7款唔同既部位包括吊龍,牛頸脊,澳洲和牛金錢展 雪花肥牛 ,牛黃喉,牛肉粒 同牛舌花 最鍾意係食牛黃喉,唔係度度都有烚完好爽脆！珊瑚、桂花蚌雙拼平時成日糾結叫邊隻打邊爐好彩呢度有得叫雙拼兩款都鮮甜爽脆, 淥熟後好彈牙沙白蜆粒粒都好大隻飽滿就算滾耐左都冇縮水手打鵝肝墨汁墨魚丸手打丸好足料,成粒好爽彈入面好多墨魚粒,中間包住粒鵝肝咬落去好香菜苗帶子餃開頭以為係豬肉加帶子但食落原來係類似墨魚滑中間包住粒帶子食落帶有濃濃菜苗味之後就再叫左炸支竹同金菇菜索哂呢個花膠湯底既精華唔使點豉油已經好好食自家製足料竹蔗茅根打邊爐唔小得既竹蔗茅根,飲落清甜解渴!連個壺都好打卡最後埋單$1483, 超級滿足的一天…Read More

今日去開新城市呢頭,想搵下拉麵食一上連城廣場就見到呢間三田製麵所見到佢都幾多套餐選擇可以加購炸雞/餃子/雞翼套餐等我就叫左呢個店鋪極推既叉燒炸雞豚骨拉麵拉麵有得揀軟/硬/適中黎到都已經聞到湯底好香濃而又冇好肥膩既感覺配上炸雞同埋叉燒我就襯炸雞未浸哂落湯時即刻食,好香脆叉燒有三大塊,肥瘦適中拉麵口感幾好, 另外要讚一讚個溏心蛋用上醬汁調味,中間溏心蛋蛋黃好流心炸雞香辣撈麵撈麵黎到有滿滿嘅沙律醬配上6件炸雞, 超邪惡配料仲有蛋黃,粟米,紫菜同埋肉碎撈埋之後聞到好香麻油味食落有啲似擔擔麵, 好惹味離開時見到都好多客人食個鐵板炒飯等我下次都試下先…Read More

呢度環境清幽 好啱一班朋友或者家庭聚會同朋友叫咗幾個小菜 點知嚟到 大獲 全部都大大碟 好誇張艷影蝦球 (6件) 即叫即炸嘅外皮 外脆內軟隻蝦超級大 又彈牙 好耐未食過啲咁新鮮嘅蝦金黃色嘅醬汁係由檸檬汁同沙律醬混合而成酸酸甜甜作為頭盤好開胃公子牛肋排 呢個招牌菜必點 原條牛肋排上碟 真係好誇張 每一塊都炆得十分淋 重牛味 無諗過中菜館都可以煮得個牛咁出色加上醬汁甜甜地 好似韓式燒烤咁 香炸欖角骨呢碟餸適合四個人食份量多之餘 重好好食 每一嚿肉都肥瘦均勻 送飯一流最後真係要叫一個菜消化下 店員向我哋推介呢一款 鮮腐竹蕃茄浸菜苗 呢個鮮腐竹應該係我食過最香豆味 蕃茄酸酸甜甜 配上新鮮嘅白菜仔 一流最後埋單不用1000, 性價比不錯…Read More

終於食到成日大排長龍既肉肉大米喇比原定晚餐時間早左食, 所以都唔算等太耐響門口取票後,人齊後就可自助落餐然後等待進入店舖。入到去就見開放式廚房,三邊bar枱式設計睇到哂成個製作過程枱上面仲有好多唔同款既醬汁同調味料燒肉醬,洋蔥醬, 沙茶醬, 黃芥末醬, 蒜香辣椒醬等等最正既仲係白飯同湯仲有伴菜西蘭花都係無限添加完全唔洗擔心唔夠食我地分別叫左3件混合漢堡套餐有原味+芝士+蕃茄同埋2件和牛+芝士漢堡排套餐一坐底後店員已經好快速咁上左件漢堡比我地先, 漢堡扒用左九州黑毛和牛同美國牛肉製成, 店員會先將兩面煎熟先,然後就放響客人面前既鐵板上面, 可以隨個人喜好調節生熟度漢堡扒配上日本生蛋加豉油, 完全係白飯神偷。好快咁就扒左一碗飯, 同店員講添飯後好快就有。第二件係芝士漢堡！兩種芝士味mix埋勁濃郁店員響面前刨上大量芝士再響鐵板度燒到半溶狀態, 好邪惡呢我覺得女仔食兩件呢個set就岩岩好喇好滿足同行朋友就仲有第三件蕃茄蓉漢堡扒酸甜既蕃茄同漢堡扒好夾, 好juicy而家抽風系統都唔錯, 食完出黎都冇咩味…Read More

聽聞呢間韓國炸雞正宗又好食今日終於可以去試吓又係美食天堂尖沙咀嘅所在地Goobne Chicken 下午嘅時間都有好多OL黎食今次叫咗一隻有骨全雞同雞蛋卷炸雞味都有11種 一時三刻真係好難決定 唯有偷望吓隔籬嗰台食緊咩味😂蜜糖蒜香烤雞 店家好貼心 雞有得揀無骨同有骨自己比較鍾意有骨可以食埋佢啲軟骨蜜糖味好香濃 配上蒜片 蜜糖味同蒜味都恰到好處雞炸到好鬆脆個 皮好似炸開咗薄脆一樣 食嘅時候真係要好小心 因為真係熱辣辣好容易焫親個口👅好食到會係咁係咁食係咁係咁食 仲以為一隻雞對於兩個女仔嚟講會好多點知好食到 食晒👀另外叫咗一份韓式雞蛋捲呢個小食好考功夫 雞蛋又滑又厚入邊仲要包住紫菜青瓜醃製紅蘿蔔餐肉同芝士 好豐富嘅蔬菜 一心掛住食雞冇睇到原來有lunch setLunch set都幾抵食有湯,沙律,薯角,飲品 絕對值得encore …Read More