chongjacky's Profile

雖然自己並唔大食，但每次聽到任食牛扒薯片都會心郁郁。今晚終於可以挑戰。逢星期一至四都有任食牛扒同薯條供應。餐廳有齊室內同戶外位置，仲要寵物友善，活動包場仲有9折。澳洲特級安格斯牛扒8安士平時出去食一塊扒，可能都要呢個價，而家任你食到夠。而且牛扒唔會因為任食而比頹嘢你，如果揀五成熟，中間呈粉紅色，口感香嫩，有醬汁，出品並唔hea，第二round都冇變質。講真，食到兩round其實都賺番。薯條如果你本身鐘意食薯條，呢度係實現你嘅薯條自由，每次都係熱辣辣一桶比你，再配埋茄汁，記得問職員拎黑椒加埋仲好食。除咗又唔食牛扒薯條，可以加配沙律，湯同甜品。Caesar salad沙律都幾大碟，有煙肉乾，脆麵包，咬口豐富。Daily Soup追加餐湯只有一款，雜菜湯都比足料。Mount Fuji如果食牛扒想叫杯嘢飲，呢杯打咭夠晒吸引。富士山造型再加花既點綴，令人愛不釋手。Daily dessert朱古力慕絲蛋糕賣相吸引，濃香朱古力味。…Read More

今晚目的有兩個，任坐同任食。觀塘(其實近牛頭角)呢間空間闊落，冷氣足夠有突，岩晒火鍋，飲品櫃隨便揀。賣點係 4 round 招呼你。Round 0.5 : 先有時令燉湯，湯料都滿滿。Round 1 : 有餐前小食，甜蕃薯條、唐揚脆炸雞、蟹籽沙律、酸甜炸大腸同埋鮑汁雞腳，過下口癮，建議蜻蜓點水，點到即止。Round 2 : 有五點刺身盛合(一次性)，大路既三文魚、帶子、赤蝦、北寄貝同埋希靈魚，先熱身再入局。Round 3 : 有為食酸菜魚(一次性)或者任食寵寵雞煲。既然之後火鍋都任食，呢度就食酸菜魚，魚肉都幾豐富，仲有埋粉。Round 4 : 主角火鍋有一次性既豪食海鮮拼盤同豪食牛肉拼盤。海鮮拼盤有晒鮑魚、蠔，聖子、大蜆，脆肉鯇同埋鱔片等等既海鮮，樣樣都好新鮮。豪食牛肉拼盤一樣陣容鼎盛，有美國 SRF和牛三角肉、SRF和牛肩胛肉眼芯、澳洲M8牛肩頸、澳洲M8和牛牛五花，熊本雪花一口牛同埋黃喉。和牛三角肉最正，肉同脂肪比例出嚟既口感最討好。另外也有黃喉這個爽口之選。基本上食到呢度應該都飽晒，如果你大食，仲有一系列任食既火鍋配料，食到幾多就食，最緊要唔好浪費，最後重有雪糕食。當然仲有數之不盡既火鍋配料等緊你，我就食埋贈送既雪糕已經飽晒。…Read More

尖沙咀有唔少泰菜，部分都幾有氣氛，其中一間喺海防道，唔係商場又唔係地舖，應該都比較少人會留意到。雖然時正夏天，但室外座位仍好受歡迎。外望九龍公園，有幾個大風機完全唔會覺得熱，難怪室外仲多人過室內，晚上仲有串燈，更有氣氛。所以就算唔食泰菜，飲吓嘢都OK，而家星期日至四仲有 $98任飲。新派火焰老虎蝦火焰老虎蝦要做到悅目，打到咭，真係要蝦夠大隻先吸引。老虎蝦啖啖肉，醬汁有風味，好睇好食。泰式生蝦生蝦都幾大隻多肉，肉質爽口，配酸辣醬汁，提鮮開胃。醉貓炒河河粉幼身，通透，加上不同既海鮮同菜，比起一般炒河色彩更豐富，賣相更吸引。燒牛肉沙律牛肉爽嫩可口，沙律菜加酸辣汁勁開胃。串燒沙嗲雞串燒火候唔錯，充滿香烤味又唔乾，吃之前再蘸一蘸沙爹醬，辛香可口。春卷網紋春卷好鬆化，飽滿餡料，而且唔油膩，配泰式辣醬充滿滋味。芒果糯米飯泰式甜品幾乎每次都會揀芒果糯米飯，今次食呢個有心思，將糯米飯整成心型，椰汁另上可以自由控制份量。Fairytale紫色蝶豆花色彩吸引，下面有蜂蜜，少甜，解辣都係唔錯既選擇。芒果沙冰大大杯幾抵飲，沙冰幼滑，味道香甜。…Read More

呢度嘅街坊應該對佢唔會陌生，小店，日式居酒屋格局，座位只有幾個。特色應該係多款海鮮丼，仲有自選丼，可以自己揀餸。六色刺身六款刺身(三文魚腩、吞拿魚、油甘魚、八爪魚、海膽、有頭甜蝦)拼砌起來，賣相吸引。主角海膽有驚喜，入口即化，鮮味不澀；三文魚腩厚切，口感滿滿；其他刺身，非大則厚，令人感覺好豐富。燒三文魚、燒帶子、燒熟蝦丼呢個價位可以食到三文魚、帶子同熟蝦既丼飯，喺幾貼地。帶子肥美肉厚，炙燒更香；燒三文魚帶魚油香；熟蝦上面加塊燒芝士更搶眼。蟹籽炸軟殼蟹反卷 反卷裡面既炸軟殼蟹非常香脆，再咬到粒粒蟹籽，脆上加脆，層次更突出。炸餃子炸餃子長身，中間飽滿，外皮香脆。…Read More

入得西貢，除咗海鮮，都係海鮮。食開呢間有水準，事前訂定枱，講定想食咩。三蔥鮮鮑魚煲成煲既精華係晒蔥度，大蔥、青蔥同洋蔥，味道香濃。鮑魚在烹煮過程入晒味，又能保持新鮮爽口。涼拌蟶子蟶子可炒可蒸，換個口味，涼拌原來都可以好出色。清爽口感，涼拌帶蒜香，大熱天時食，份外滋味。西湖花甲豬肉羹芫荽香氣撲鼻，花甲鮮甜，豬肉有咬口，加埋豆腐，非常足料。鮮蝦球蔥油拌麵蔥油拌麵看似簡單，要整得好，並唔易。蔥油太多，既油又膩；蔥油太少，麵不滋味。呢度既出品就好高質，鮮蝦球爽彈，麵入晒蔥油味，有蔥絲畫龍點睛。秘製斑馬瀨尿蝦脆炸加埋鹹蛋黃醬，而且大大隻，好吸引。斑馬瀨尿蝦膏多偏軟，咬開香脆的蝦殼，中間澎湃蝦膏，令人心動。酥炸桶蠔生菜盞桶蠔好大隻，酥炸固然邪惡，包住生菜再加他他醬食清爽又滋味。酥炸茄子外表金黃酥脆，非常香口。茄子去皮，裡面更軟身。…Read More

見到呢個logo，腦海裏立即出現泰茶。今次華麗轉身，食佢哋嘅泰菜。新城市廣場開咗呢個品牌既cafe，簡約，又會有返啲泰式元素，環境舒適。除左佢地熟悉既泰茶，餐牌上都有不同既泰菜，小食、主菜同甜品乜都有。泰國綠奶茶千層蛋糕既有千層效果，綠奶茶醬亦有動感，賣相足以令人心動。千層蛋糕口感富層次，綠奶茶沒死甜又不膩，整體出品比部分餅店更出色，有驚喜。泰茶梳乎厘班戟乎厘班戟鋪滿泰茶醬，香而不膩，切開空氣感十足，焦糖脆脆令口感帶來強烈對比。泰式安格斯牛肉湯河安格斯牛肉大大片，上枱時熟度剛好，口感香嫩。湯底濃香牛味，配幼滑既河粉一齊食岩晒。泰式燒肉泰式燒肉肥瘦比例平均，脆邊帶鹹香，蘸上泰式風味醬汁，十分惹味。泰國斑蘭珍珠泰茶鮮奶最出名既泰茶加上斑蘭珍珠，店員有主動問要否少甜，少甜過後味道討好，斑蘭珍珠口感煙韌，比起淨飲泰茶更有層次。泰國黑咖啡可能自己本身鍾意飲咖啡，比起茶茶，我更喜歡凍泰國黑咖啡，味道香濃，又冇凍美式咁澀。…Read More

呢間人氣餃子店，由以前一間舖變成連住兩個舖位，仲要平日晚上六點幾就滿座，真係逆市奇葩。最簡單，七隻餃子最平$39，有啲兩餸飯分分鐘貴過佢，仲要好食過兩餸飯，難怪咁多人幫襯。簡單裝修，勁多人果陣預左會有少少迫，始終地方有限。餐牌超過10款餃子，有湯餃有煎餃，仲有其他小食。芝士粟米鮮肉餃 (+邪惡金沙餃)煎餃上面披左一層金沙，非常邪惡。湯餃可以加錢轉邪惡金沙，滿滿既鹹蛋黃好似沙一般，味道香濃。餃子飽滿，有豐富芝士粟米鮮肉，而且煎得脆口。韭菜鮮肉餃 (+酸辣湯 +米線)可以話係被餃子耽誤嘅酸辣湯米線，係餃子以外嘅另一個亮點。酸辣湯既香、麻、辣都做到，賣相吸引。如果想將餃子變成套餐，而又食得辣，真係值得加錢一試。當然，本身韭菜鮮肉餃都係飽滿多肉，有酸辣湯加持更加冇得輸。涼拌皮蛋初時以為係川式涼拌食法，入口係薑醋嘅味道，再加埋醃薑，酸醒開胃，有驚喜。香煎豆腐充滿椒鹽香味，外脆內嫩。…Read More

成日見到啲粉嫩嘅拖羅，都會講笑咁講話食豬肉，今晚直頭去食日式肉餅飯。位於銅鑼灣渣甸坊嘅小店，餐牌上會見到一碗碗既”肉餅飯”，日式餐廳食肉餅飯的確幾有新意。所謂既肉餅飯，其實係新鮮做手切藍鰭魚，賣相好似肉餅一樣。鹹蛋肉餅飯松雪蟹之幸丼(期間限定)手切藍鰭魚真係會食到綿密嘅口感，加埋蛋黃豉油漬，真係神還原鹹蛋肉餅飯。另一款肉餅飯更高級，松雪蟹肉，又蟹膏，味道更濃郁。跟餐除咗沙律麵豉湯，個茶碗蒸都有埋蟹膏，幾有誠意。…Read More

如果佐敦老街坊，應該對呢個名唔陌生，呢間居酒屋話晒都有超過廿年歷史。今次去佢地分店，亦都開業一段時間。由裝修格局到食物，都充滿居酒屋既風味，仲有老闆親自主理富士山火焰帶子燒初時以為係普通燒帶子，上枱時係另一個感覺。底部點火呈現火焰效果，打咭當然冇得輸。裡面唔止淨係帶子肉，混合蟹柳同名太子，加上微焦，口感豐富又creamy，而且好飽肚。黑豚生薑燒黑豚肉中有濃厚既薑味，不妨連埋沙律菜一齊食，同清新口感作強烈對比。海膽戀之花壽司 (德成街店限定)花之戀壽司鋪上滿滿海膽，令整體更飽滿，賣相更吸引。濱松町卷 (德成街店限定)以三文魚，吞拿魚，左口魚等不同魚生創作卷物，精綴又富色彩。安格斯牛肉壽喜燒份量比想像中還要多，壽喜燒湯帶微甜，豐富牛肉，加上豆腐，冬菇、金菇等不同食材吸晒湯味。…Read More

今晚食飯既餐廳，樓底高，又富西式情調。表面上佢係一間高質扒房，實際上凍櫃收埋各式各樣靚牛扒。除咗牛扒以外仲有好多其他食材，好似一個小型超市咁。揀岩自己心水既靚扒，你會留意到有兩個價錢。因為可以選擇帶佢番屋企，或者即場等廚師幫你煮，Wagyu Ribeye大大塊和牛肉眼當然交比經驗豐富嘅廚師，好過自己浪費左。外層微焦，肉呈粉紅色，帶來香嫩的口感。醬汁加配醇香既green peppercorn cream，味道更突出。或者店員都會主動送上三款mustard。除咗牛扒呢個主菜，加配菜都有好多唔同嘅配搭，芝士通心粉好爽口，好香奶味，同時芝味滿滿，口感豐富。粗薯條口感同鬆脆度都好出色，配松露醬香味濃郁。…Read More

而家好多人食小菜都會去酒樓，傳統小店真係買少見少。呢間都屹立九龍城多年，蔡瀾都推介，裝修充滿舊式小菜店既味道，而且供應既小菜也不少。豬油撈飯 木桶白飯，自帶風味，淋上豬油同豉油，散發出令人難以抗拒既香味。老火例湯細煲 老火例湯一啲都唔hea，並非味精湯，粉葛赤小豆豬骨落足料，瓦煲高溫滾起立即上枱，是家的味道。山楂醬排骨 排骨皮微脆，山楂醬酸甜開胃。客家炒粉絲 粉絲份量多，炒得乾身爽口，配合蛋，肉絲同芽菜，口感豐富。招牌炒豬雜 豬腎豬肝豬心豬肚豬腸，洗得乾淨，炒得香口，用薑蔥炒，逼走腥味。 爽滑脆魚皮魚皮爽滑，大量蔥絲加上酸辣，脆脆酸酸辣辣，非常開胃。…Read More

今晚九龍城食飯，地鐵站出口近近地，竟然唔係食泰菜，係意大利薄餅。大大個pizza logo，一睇就知呢度係食pizza，不過店員只講英文，可能要講this this pizza。Mama Mia! 餐廳名既薄餅，主打”肉”，意式煙肉，意大利香腸，辣肉腸，意式肉腸，岩晒肉食獸。可能係意大利人主理，薄餅有質素，批邊煙靭，中間主打芝士同肉感，驚喜係另上一個酸忌廉醬比你，同個批好夾，食落又冇咁膩。卡邦尼扁意粉扁意粉稍有嚼勁，口感唔錯，有豐富既芝士碎，味道突出。炸薯條薯條都算係bonus，粗身又炸得香口，估佢唔到。…Read More

北上既時候已經對佢印象唔錯，特別係佢地個粉絲蝦。而家香港已經有多家分店，仲有會員app ，有迎新優惠。雖然香港全寸金尺土，冇可能做到內地果種大既園林式裝修，不過仍然係有限既空間加入園林既元素。餐牌上當然有好多熟悉的面孔，不過更吸引既係香港限定。西湖雷峰塔模仿西湖雷峰塔既外型，其實係山藥和奶既製成品，口感似奶凍。綠色既湖水則來自豆蓉。暴打鳳梨茶造型吸引，特意將熊同鳳梨茶分隔，避免直接溶於水中，適合打咭，而且味道清甜。蔥香脆皮烤鴨平時食開烤雞，今次烤鴨比到驚喜。除咗皮脆，滿碟既蔥香絕對一讚，有幾分XO醬既感覺，食開烤雞既你真係可以一試。蝦湯泡飯泡飯個重點係要夠滾，砂鍋上滾出煙，然後加脆米充滿儀式感。粒粒蝦肉，脆米同泡飯口感豐富，而且湯沒死咸。高湯蝦乾小青菜高湯清甜，配合蝦乾帶出少許鹹香。…Read More

銅鑼灣放工想搵個地方chill下，呢間天台酒吧仲有埋戶外靚景。30樓天台，一面飽覽跑馬地馬場景，另一面係銅鑼灣鬧市景。戶外有佈置，加埋梳化位，摸吓酒杯底，夠晒chill，又可以打咭。除咗飲嘢有好多不同既酒類，又有得獎既手工啤，當然，都會有食物供應。Justout氮氣 氮氣黑啤薯條質感醇厚順滑，亦有生啤既冰涼清爽同溫柔既咖啡香，然後一邊食脆薯條再飲一口啤酒，令人好享受。或者你話唔飲酒，都有非酒精飲品比你揀。北京烤鴨薄餅北京烤鴨做pizza都幾有話題性，有醬汁，有烤鴨，不過最欣賞係個批邊，煙韌又帶少許燶邊，少脆。卡邦尼意粉卡邦尼”醬”夠濃稠，意粉口感creamy，加上唔吝嗇嘅煙肉，成件事更完滿。…Read More

如果鐘意食串燒，應該都聽過佢地個名。串燒主題都開幾間分店，相信都有不少粉絲。家樂坊分店新裝修，有日式裝修既味道，坐低食串燒的確令人好享受。焦糖青蘋果鵝肝多士大塊鵝肝入口即化，多士香脆，中間青蘋果多汁又解膩。和牛棒(配松露一口飯)將和牛，蛋汁同芝士松露飯撈埋一齊食，係幾有趣既食法。鹽燒原塊雞皮雞皮薄脆，鹽燒令人食得開胃。汁燒免治雞肉軟骨棒雞肉軟骨棒好飽滿，沾過蛋汁，又香又滑。盬燒和牛牛小排鹽燒A4宮崎和牛想要高質啲，和牛牛小排同A4宮崎和牛都係好選擇，然後再整杯啤酒，夠晒嘆。雞皮墨魚滑有創意，用雞皮包住墨魚滑，雙重口感，令人喜出望外。麻辣雞軟骨麻辣味出色，雞軟骨啖啖肉，越食越開胃。汁燒三黃雞氣管雞氣管外型好似樹枝咁，好爽口，汁燒惹味。牛油果豚肉卷豚肉加上牛油果滑溜口感，配埋醬汁同紫菜絲，味道豐富。香草蒜蓉包有蒜蓉粒，麵包鬆脆，好香口。鰻魚炒飯睇價錢以為係幾啖飯，原來份量也不少。雖然唔係原條鰻魚，但性價比唔錯。牛油蒜蓉焗金菇蒜香味四溢，每一啖金菇都係濃香蒜味。孜然燒蒜蓉茄子茄子都幾巨型，孜然蒜蓉十足，食燒茄子要重口味先好食。糖不甩燒芝麻湯圓食串燒都有甜品供應，燒芝麻湯圓口感煙韌，外層沾上花生碎，甜而不膩。…Read More