新加坡過江龍豆乳品牌，越開越多分店，調景嶺店一出閘就見到，不設堂食，只做外賣。
最出名石磨豆乳飲品，除此之外，仲有其他吐司、甜品。新推有香芒系列、山藥百合系列同紫米露系列。
香芒小宇宙(小丸子)
芒果果肉充滿鮮香，小丸子口感煙靭，仲有粒粒西米露，融合三種口感。
紫米豆腐花
紫米同豆腐花既組合，清爽不膩，豆花香滑，健康又好味。
奇異果豆乳雪葩
並非慣常食到既奇異果酸香，豆乳雪葩加持下，口感幼滑，味道清新。
新加坡咖央吐司
咖央醬好澎湃，一咬吐司就會爆醬，充滿滋味。
微甜濃豆乳
石磨豆乳自帶香味，微甜已夠做，太多反而失真，難怪成為餐廳名物。
