要有齊三樣嘢，呢度得。
啟德分店都幾旺場，中午時間坐滿人。
留底高，裝修靚，環境闊落，用餐感覺非常好。
點心賣點樣靚，款款都想揀，嚟到又唔捨得食。除此之外，亦有多款潮州菜供應。
手打黃皮檸檬茶
多肉荔枝鴨屎香烏龍
未食點心，先飲手打檸檬茶，估唔到連佢都咁有造型。迷你紫砂茶壺，出晒煙，贏晒。
金魚戲水（湯蝦餃）
金魚造型，在水中央，魚樂無窮。
紫蓉八爪魚
八爪魚仔，可愛至上，大隻飽肚。
雪茄春卷（水煮魚）
雪茄像真，水煮口味，春卷勁脆。
天鵝酥（汕頭滷水鵝肉）
精緻造型，外層酥脆，鵝肉惹味，層次豐富。
鳳梨雀仔
雀仔雀籠，經典造型，甜中帶酸。
粉紅佳人（龍蝦肉餃）
粉紅通透，飽滿蝦肉，Q彈鮮味。
潮汕滷水炸乳鴿
炸出水準，皮脆香口，肉嫩多汁。
潮汕煎蠔烙
煎得金黃，外皮香酥，風味十足。
酸菜龍蠆
一般酸菜魚價，卻用上龍蠆肉，魚肉口感厚實，加上大量配菜，酸味辣味也到位。
百花紫菜酥（蝦膠、墨魚膠、粟米粒）
混合蝦膠、墨魚膠同粟米粒，酥脆又彈牙，口感十足。
1
