onon99monkey的個人專頁

第二次黎食，個場同之前唔同左，新裝修感覺舒服咗，位置都闊落咗。Book咗閒日6:00，唔使咁迫😬出面會有啲冷盤同埋熱食可以食住先，不過其實落單5分鐘左右就有得食，出去拎完嘢飲開埋包豉油都差唔多😂刺身有拖羅任食，另外叫咗三文魚帶子同埋劍魚腩，全部都好新鮮，無咩筋👍🏻壽司足料紮實，啲飯溫度適中👍🏻串燒雞軟骨，另外叫咗牛舌不過冇影😂花之戀就比較遜色 三文魚薄得滯，同埋太少沙律醬啦🥲芝麻雞翼正常天婦羅即叫即整，外脆內嫩👍🏻薄燒和牛，有牛味，落多少少鹽更好最後就到甜品啦，有各款蛋糕雪條乳酪奶凍。當然仲有最緊要嘅movenpick 同h字頭雪糕任食🤤整體環境舒適，食物質素新鮮多樣化，有唔少貴價食材都係任食。唔會拖單，員工態度有禮，價錢合理，可以再食😬…查看更多

元朗國隱蔽小店💛，鋪面唔大，約6張枱。店員有禮細心，食都食得開心啲。必食人氣日式牛肉鍋！🤤($56)$12加烏冬非常多人慕佢之名黎，出名食唔哂，我就係其中之一😂果然無失望，牛肉打爆成個鍋！份量極多，牛肉質素亦唔差。湯底係壽喜燒，甜甜地。配菜有生雞蛋，鮮菇，金菇，豆腐，旺菜。值得一提係豆腐，好滑溜，有豆味。雞扒蛋飯($56)原來其他飯份量一樣咁巨無霸，而質素亦絕不馬虎！雞扒配上照燒汁，肉感扎實多汁，雞皮香脆，帶焦香，加上黑椒好惹味。蛋加入洋蔥醬油炒，入味好送飯。鹽燒牛舌（ $26 ）串起初覺得有少少貴唔知叫唔叫好，但叫咗就發覺唔會後悔👍🏻新鮮嘅牛舌厚切足料，普通咁加上鹽同埋黑椒燒，已經非常好食，肉嫩多汁。整體而言，份量大，兩個人每人叫一個飯，冇乜可能會食唔飽。質素高，用料新鮮。價錢抵，已變本人飯堂。所有食物都需要等耐少少，因為係即叫即整。聽講壽司都正，入境元朗一定要試🤤不過食飯時間幾多人，可以早啲去，或者預多少少等侯時間。同場加映，翌日已經忍唔住再叫外賣食🤡賣相就一定會差咗，但係食物質素份量等等都冇變，重點係送到黎屋企，但係價錢都無變👍🏻…查看更多

一向都好中意食放題，平民價錢但又有自助餐嘅感覺，而旺角大喜屋係我覺得水準平均得黎又抵食嘅👍🏻襯閒日放假，試下午市，因為可以食成3個鐘，都係188，啱晒我呢啲鍾意慢慢食嘅人😂座位寬敞，環境都乾淨舒適，落單係掃QR code 環保方便又唔怕漏單。飲品係出面自己拎。一開波例牌梗係食刺身先，兩個人去食擺盤就無咁震撼架啦，不過質料幾好。基本融雪就當然冇問題，有鮮味，三文魚係腩位，好肥美 有油香👍🏻放題唔少得嘅壽司。其實近年放題嘅壽司質素真係高咗好多，同喺出邊逐碟叫嘅比，我會寧願食放題嘅壽司（當然唔係好貴嗰啲）Size唔會太大，可以試多啲唔同嘅野食。飯嘅溫度適中，亦唔會好乾，個人最鍾意就係食蟹棒，叫咗四次😂串燒牛舌，爽口juicy。燒羊架，唔蘇，肉質嫩滑，細細舊，不過冇所謂啦唔夠咪再叫💁🏻‍♂️都係好鍾意食嘅芝麻雞翼，外脆內嫩，非常香口，香芋球熱辣辣，外層煙韌，入面流心🤤天婦羅都係即叫即整，甜薯好好味😋燒菠蘿，燒完好甜，正出面自助區有甜品同埋水果添，記得留返少少位呀。呢個價錢食到咁多嘢真係超值，出邊餐廳我諗淨係壽司都叫咗呢個價錢😂…查看更多

本身想搵間任食點心食，見到呢間有點心之餘仲有打邊爐，價錢都係$158，就決定上去試下，我哋6點就去到，人唔多，唔洗逼。先睇下火鍋配料同點心紙先唔會去到酒樓單點咁多款，但一定夠哂你食。隔離仲有一個凍櫃，有肉同丸類，公仔麵等，款式都幾齊全，放得又整齊👍🏻之後睇埋熟食區。真係肚餓嘅可以食，如果唔係就當然留肚食重點🤤肥牛質素正常，唔會係好多肥膏果種，與價位相符。蝦餃燒賣好大粒，好食😋仲有玻璃樽嘅麥精，出面仲有都係玻璃樽嘅汽水。亦有暖麥精🥰普通甜品，隔離仲有雪糕，無影到🙈好彩食完坐多陣，有片皮鴨出添，錦上添花😋今餐好滿意，價錢平食物又符合預期，120分鐘唔會好趕，員工亦nice，感覺好似係平平地嘅自助餐咁☺️…查看更多

聽人講呢間茶記係無可能食唔飽，大食嘅我都非常認同。外賣大概半個鐘就送到，飯都夠熱。叫咗一個咖喱豬扒雞球飯，外送apps $45，有凍飲。淨係睇個盒都知好大份，係用最大嘅外賣盒，雞球係雞扒黎，有成四大舊，豬扒都有兩塊，真係冇可能唔夠飽。汁都好多，係比較甜嘅咖喱汁，似葡汁多啲。雞扒算嫩滑，豬扒都唔鞋，正常茶記質素，呢個價錢絕對抵食。另外一個係豬扒雞翼飯豉油汁，一樣好大份，有三隻雞翼，味道一樣正常。係外賣apps呢個價錢真係冇得輸，女仔唔太大食嘅話兩個人食一盒飯都得。…查看更多

咁大個人第一次食和牛燒肉放題，今次係見到有YouTuber 介紹，仲要只係$388一位，即刻book位。不過佢係新開張去，所以都有心理準備會無咁好。因為特首唔同嘅關係，只可以食午市。店舖位置係楊屋道街市隔離，荃灣西行去10分鐘內到。一入門口就見到好多和牛放係度，好彩唔洗等位，如果唔係就要流住口水咁等😂鋪面環境寬敞，枱唔算密。燒肉最重要除咗肉，就係抽風，呢度無咩油煙味，幾通爽，同埋要讚下啲清潔，無論地下定枱面都好乾淨，比好多酒店更好，期間見過店員執枱，真係好仔細認真。服務方面無咩特別好或差，正常香港侍應態度。落單係用電話落，環保。飲品出面自己拎，一般放題飲品，但無茶。入正題啦，一坐低就有一碟附送嘅刺身，三文魚乾柴左啲，無魚油甘香味。帶子有帶子鮮味，但太薄身，質感欠奉。同時會有一碟和牛拼盤，每款可以叫嘅肉都會俾你試下先，前面有塊牌仔，呢個好緊要，試過食完覺得好食，但係都唔知點叫返。睇樣大概知質素，油花均勻，肉色鮮，融雪好，切得厚身，食落口感會較有層次。胸腹牛味最濃，外腿油脂味最香肉質滑，前肩最爽口，亦有油甘同牛味，三角冇咩特別突出，牛冧食落似牛柳。部分有少少筋，全部質素都好對板，各有千秋。薄同厚牛舌，有得揀梗係食厚切，好juicy，爽口易咬，追加左3次😋其他前菜炸物就唔多講，一般放題質素，要提嘅得海鮮，呢個清酒蜆不得了，初初見到全部開口諗住都新鮮，點知霉臭腥，全部無食。蝦都係霉，不過未至於掉。豚拖羅，好食，爽口juicy，似豬頸肉。第二三轉肉，的確差一截，脂肪比例睇圖都知，外腿肉直頭幾次都係有一半以上係脂肪，無論係新鮮，牛味，肉質，融雪都有幾大分別，老實講，直頭唔多似和牛。最後每人一杯雪糕，離座前30分鐘last order，正常，但要叫埋雪糕，如果想食完燒肉再食，就會好似我咁有一半溶左。呢點有待改善。總結，唔好叫海鮮，好好品嘗頭輪和牛。雖然之後嘅牛有明顯差別，但$388，依然抵食對得住價錢。真心，係香港就算你俾四五百蚊食，一樣會係第二輪打後都係次貨。所以會再食，有興趣都可以去試下。…查看更多

聖誕無得堂食之下，只好叫外賣一齊食啦，不過真係太多人叫，好多餐廳都已經無哂野食，最後揀咗呢間食泰國菜嘅水門雞。💛整返張全照先，賣相都整齊衞生，份量亦合理，野食都夠熱。先講重點嘅雞先，肉唔算嫩滑，味道偏淡，皮未做到爽口。炸雞扒粉薄，但唔係即食個面變乾左，雞肉都唔夠juicy。豬手入味但唔會太咸，皮滑溜，肉淋身。炸豬扒都係較乾身，但皮比雞扒脆同薄。兩個粉都幾好味，香口足料，粉濕潤彈牙。整體來講質素合格，外賣比較唔建議叫炸物，招牌菜嘅雞未做得好出色。但除返6個人食150蚊有找，夠哂飽，幾抵食。會再食，有機會試堂食。💛…查看更多

見到熊貓外賣滿150蚊有7折，所以就食下，大概30分鐘左右就到，個apps話出餐果陣已經到咗門口😂叫左兩人套餐，有半隻鴨，兩款配菜，揀左薯容同薯角。全部嘅賣相都一般，但味道唔錯。薯容好香牛油味，口感煙韌唔太粉，仲好大兜。薯角凍左唔脆，重香料味，係苦苦地嘅。半隻鴨，斬開四大件，用手食幾過癮，鴨味濃，胸部一舊少鞋一舊唔鞋，但無咩肉汁。兩個人但都知會唔夠食，叫多半隻雞，唔大隻，雞嘅香料味多啲，肉都係少鞋少肉汁，不過好似西方嘅燒雞鴨都係咁？做雞黎講都係祖國有辦法😂仲叫左法式蛋批，好香不過都好濟，有芝士，忌廉，洋蔥，幾好食。最後甜品係朱古力批，好濃朱古力味，夠濕潤，係大舊嘅布朗尼蛋糕咁，當然都係好濟😂兩個人最後叫左齊頭300蚊，外賣黎講價錢合理，質素都中上，可以一試。…查看更多

本身好鍾意食餃子，有時候自己包，懶嘅就唯有外賣，食過太子好食嘅餃子店，唔知元朗有冇一間可以一樣咁正呢，今日就試吓先。叫左8隻韮菜湯餃($45)，湯分上，本身佢話跟例湯，以為係一碗例湯，一碗餃湯，但原來係眼見咁，好彩無飲咗碗湯先食餃子。湯分上有好有壞，分上餃子唔會浸太耐散開，運送亦無咁易爛，但因為冷卻左表面澱粉質，會全部痴住哂。好彩佢皮厚，加左湯後小心啲整開都唔會爛太多隻。講返餃子，皮算較厚身但都煙韌唔粉，韮菜好香，豬肉較少，料唔夠實淨。花雕醉雞($44) 酒味好濃好入味，雞胸位置都唔鞋，幾爽口，皮未做到醉雞嘅爽脆，但香港食都無咩要求啦，不過分量都真係唔多。男仔食就真係未必夠飽，可能要加面先得，整體質素中等，唔會話好想再食，但經過都可以考慮吓。太子區水餃完勝。…查看更多

章魚燒最緊要熱辣辣食，所以係donki 睇完之後都係係出去嘅築地買黎坐低慢慢食。叫左八粒玉子章魚小丸子（ $50 ），set B 大阪燒+4粒章魚小丸子（ $50 ）。即時整，食落香好多，章魚燒幾大粒，但唔實淨，咬開都有啲空洞同散開，粉漿可能太稀啦，但味道無咩問題嘅，都煙韌。醬都足夠，如果加埋木魚絲應更好。大阪燒正常味道，實淨，豚肉多啲就好啦。仲有杯抹茶牛奶，本身覺得飲落好淡，不過抹茶同埋牛奶嘅味都重，諗住都好嘅健康啲飲杯嘢，點知原來下面全部都係糖漿，無攪勻😂…查看更多

成日經過見到$25一個飯一直都想試吓，今日諗唔到食乜就一於食佢。咖喱雞扒飯，本身20幾蚊一個飯都唔會抱有乜嘢期望，估唔到可以有咁好嘅質素！飯粒算分明，雞扒皮脆，肉耐左少少，咖喱汁都幾辣，頹飯價錢黎講，完全超班。左邊係酥炸雞粒，右邊係酥炸魷魚。每款$35，幾多，好香脆，粉唔厚，不過咸咗啲。同埋真係好熱氣🙈凍芋圓加$4仙草，好重嘅薑味，冬天食好正，味道唔會好甜，不過仙草嘅口感如果冇估錯應該係涼粉黎，太爽口😂其實本身另外叫咗一個咖喱吉列豬扒飯，但係應該因為塊豬扒係另外裝起，所以老闆唔記得放入去，變咗咖喱白飯🤦🏻‍♂️不過唔緊要都抵食，一定會再幫襯，變飯堂添👍🏻唔知下次同老闆講會唔會俾返塊豬扒我呢…查看更多

之前食過一次士多啤梨味，之後就成日想再食🤤雖然價錢唔平，但大大杯夠兩個人食，除返都抵。伯爵茶朱古力味，$9x，唔記得確實價錢🙈餐廳話啲冰係係日本直送，真係陰公香港連水都要空運過嚟先至可以飲到好嘅水，如果唔係價錢一定平好多😞講返個刨冰先，刨冰刨得細膩，食落唔會覺得好硬好難咬，但又有空氣感。面頭有Cream，不過無味嘅，個人覺得可有可無，之後食落去就係朱古力味，用咗比較有朱古力苦味嘅醬，唔會得個甜字，仲好似食到有爆炸糖係入邊。之後係伯爵茶味，茶味都好香，不過正常係咪應該將比較甜嘅朱古力味放喺下層會比較好🤔都無所謂嘅橫掂食完朱古力味都仲食得出佢個伯爵茶味。個人就鍾意士多啤梨味多啲，所以下次應該會試埋佢嘅芒果乳酪味。計返其實同普通糖水舖一人叫一碗價錢差唔多，不過想食嘅就真係要有返啲腳骨力，都要行一段斜路。…查看更多

之前都一路有叫開外賣，轉冬天見有煲仔飯，梗係試新野。本身未試過外賣煲仔飯，都諗緊會用咩裝，點知真係成個煲送黎😂送到果時依然好熱，入面有臘腸，冬菇，滑雞，餸唔算多，另外有包煲仔飯豉油。臘腸有油香，雞未算滑，不過外賣煲仔飯焗住，係難控制嘅，不過多一兩舊就好了。條菜都有一樣問題啦，焗黃左。之後就係食煲仔飯最緊要嘅飯焦，都幾多焦，但耐左，燶味重，乾身，無左脆口感覺，咬完攝牙罅。整體而言$62抵食，外賣送餐仲送埋煲。當然唔可以同堂食比，外賣黎講質素算好，可以一試。…查看更多

中環要平平地食個飯都唔容易，呢間韓食都算區內平民價而質素亦合理。💛鋪面唔大，唔會話坐得好舒服，當係一間食韓國菜嘅茶餐廳咁啦。卷物比較中意韓式嘅做法，飯較煙韌，配料多又開胃，雖然只係將啲前菜放晒入去，但加埋個感覺會好食左😂配料揀咗豬肉，但又真係食唔到有豬肉，比例上差啲。主食叫左甜雞肉，鐵板上，除咗雞肉仲有椰菜蘿蔔，食得健康。雞肉應該係用雞扒或雞脾肉，肉質比較嫩滑，椰菜索咗啲汁幾好味。另一個係豆腐海鮮鍋，我就無試，入面有豆腐，蝦，青口，蛋，睇落比較簡單，我覺得可以試吓自己係屋企整。叫咗三樣嘢加埋大概$160，質素對得住個價錢啊。…查看更多

煮左好多日飯，今日想輕鬆啲，係OpenRice 睇下有咩抵食外賣自取，見到呢間越南菜算平就試下。香葱雞配油飯($63)雞胸加全翼位，份量正常，雞胸都幾嫩滑。油飯睇相就知唔勻，似係裝好白飯就咁倒啲黃油落去。汁醬齊全，係海南雞點嘅醬，其實的確係似一個海南雞油飯多啲，都見唔到香葱嘅😂香茅豬扒湯河粉（ $58 ）湯麵分上，但賣相麻麻地，同埋點解可以一塊豬扒有咁多骨？有一半都係骨。豬扒調味夠，但略鞋。會安小食拼盤（ $54 ）入面有素菜米紙卷，炸蝦餅，煎扎肉，同埋蒜香牛油雞翼。米紙卷皮煙韌，入面都真係好素菜，好清新嘅感覺，要靠點汁先有味😂扎肉同埋蝦餅就普通正常貨色啦，仲熱嘅。蒜香牛油雞翼蒜味唔突出。整體來講喺Yoho入面呢個價錢唔算貴，食物質素都算正常，但如果唔介意行多幾步喺元朗街頭應該會搵到更多更好嘅越南菜。…查看更多