Read full review
2020-11-29
227 views
煮左好多日飯，今日想輕鬆啲，係OpenRice 睇下有咩抵食外賣自取，見到呢間越南菜算平就試下。香葱雞配油飯($63)雞胸加全翼位，份量正常，雞胸都幾嫩滑。油飯睇相就知唔勻，似係裝好白飯就咁倒啲黃油落去。汁醬齊全，係海南雞點嘅醬，其實的確係似一個海南雞油飯多啲，都見唔到香葱嘅😂香茅豬扒湯河粉（ $58 ）湯麵分上，但賣相麻麻地，同埋點解可以一塊豬扒有咁多骨？有一半都係骨。豬扒調味夠，但略鞋。會安小食拼盤（ $54 ）入面有素菜米紙卷，炸蝦餅，煎扎肉，同埋蒜香牛油雞翼。米紙卷皮煙韌，入面都真係好素菜，好清新嘅感覺，要靠點汁先有味😂扎肉同埋蝦餅就普通正常貨色啦，仲熱嘅。蒜香牛油雞翼蒜味唔突出。整體來講喺Yoho入面呢個價錢唔算貴，食物質素都算正常，但如果唔介意行多幾步喺元朗街頭應該會搵到更多更好嘅越南菜。
香葱雞配油飯($63)雞胸加全翼位，份量正常，雞胸都幾嫩滑。油飯睇相就知唔勻，似係裝好白飯就咁倒啲黃油落去。
汁醬齊全，係海南雞點嘅醬，其實的確係似一個海南雞油飯多啲，都見唔到香葱嘅😂
香茅豬扒湯河粉（ $58 ）湯麵分上，但賣相麻麻地，同埋點解可以一塊豬扒有咁多骨？有一半都係骨。豬扒調味夠，但略鞋。
會安小食拼盤（ $54 ）入面有素菜米紙卷，炸蝦餅，煎扎肉，同埋蒜香牛油雞翼。米紙卷皮煙韌，入面都真係好素菜，好清新嘅感覺，要靠點汁先有味😂扎肉同埋蝦餅就普通正常貨色啦，仲熱嘅。蒜香牛油雞翼蒜味唔突出。
整體來講喺Yoho入面呢個價錢唔算貴，食物質素都算正常，但如果唔介意行多幾步喺元朗街頭應該會搵到更多更好嘅越南菜。
Post
