longggcat's Profile

周年記念，同男朋友黎咗Ciclo食意大利 x 日本 fushion 菜，黑色裝修風格營造咗型格嘅氛圍。當日嘅Staff服務好好，會每一樣介紹佢哋嘅菜式，仲會推介佢哋嘅cocktail，有一個完美嘅體驗😍.Tuna Tartare $138‼️大推‼️吞拿魚蛋黃醬再配搭同牛油果蓉，本身已經好好食，最後加左港式辣椒油，個口味再昇華咗！配海苔脆炸米紙，全部都好好食！！！！一定要叫！！！我真係好鐘意個口味😭😭😭😭Uni Lobster Bisque Arancini $228龍蝦汁意大利飯包住芝士去炸，食落做到拉絲嘅效果，上面加上海膽點綴，味道同口感都非常創新！個人唔算好鐘意食海膽，不過男朋友好鐘意！Crispy Beef Short Rib $268‼️大推‼️牛坑腩肥瘦相間，牛味香濃，外酥裡嫩，外面煎到焦香，肉香同油香都好出！搭配獨特的調味料及香葱，成件事好突出。啲薯蓉整到好creamy，配搭嚟食可平衡油膩感Butter Sake Clams Pot $248‼️大推‼️啲蜆手掌咁大隻，而且啲蜆肉脹卜卜，煮到岩岩好，味道好清甜，而且重有韓式年糕墊底，年糕吸收晒牛油清酒嘅味道，每一啖都充滿清酒味。Coco-Melonade $98面頭有coconut foam，斑蘭嘅味道好出！飲落甜甜哋，非常容易入口，岩晒平時少飲酒嘅我！Jam & Blossom $98杯Cocktail用咗士多啤梨醬、桂花同玄米茶，味道明顯帶有桂花香，飲落有啲水果茶咁fresh!…Read More

好耐之前上openrice見到依間cafe，見到個cafe 係波希米亞風，好靚😍同埋見到pancake好吸引，一於就試吓佢！食完果然唔錯！三重特濃芝士火鍋 (HK$188)冬天最岩就係食芝士火鍋😛芝士濃郁又creamy，好處係佢唔會好甜，之前食過一啲芝士火鍋唔知點解好甜好漏🤔而呢到嘅汁就唔會，較得岩岩好！配菜方面有西蘭花、班蘭麵包、牛舌等等，份量絕對足夠！特別想講下牛舌😋，煎到口香，入口即溶無筋，仲有濃郁嘅牛味！香濃蟹膏手捲意粉配香焗明太子手拆蟹肉(HK$218)大推呢款意粉！意粉係cafe手工整，非常之彈牙，食落去好有咬勁。最特別嘅係意粉係中空嘅，所以佢可以吸晒啲汁入面，每一啖都食到好香嘅蟹汁。最正嘅係佢係手拆嘅蟹肉，成個蟹殼都係啖啖肉，超正！開心果奶蓋梳乎厘班戟(HK$138)梳乎厘班戟做到非常空氣感，食落蛋香十足。開心果奶蓋濃郁，食落同pancake好夾！好想再食多次😋…Read More

呢間韓國過江龍一開頭嚟到香港嘅時候，都好多媒體有報道。一直都好想嚟試，但係一開業嘅時候試一定會好多人🙈而家終於有機會去啦！舖頭嘅吉祥物係隻熊熊，成間店舖設計都好young，同埋有啲科幻/機舖嘅元素，好特別！如果上嚟打卡都唔錯，都有好多打卡位，同埋舖頭入邊仲有好大隻熊熊😍咁當然呢度嘅嘢食都好食啦！WHITE無骨炸雞 (HK$158)👍🏻呢個無骨炸雞真係好正！個皮炸到好脆，入面嘅肉都好嫩滑同埋有汁。個醬都OK，應該係蛋黃醬嚟，食落真係唔錯！蕃茄韓式辣海鮮湯配中華麵 (HK$198)👍🏻呢個麵我勁想再encore!!! 裡面有大量海鮮，有蝦、八爪魚、青口同蜆，份量岩岩好啱兩個人食。湯微辣好開胃，而且中華麵吸湯效果好好。如果你本身鍾意食海鮮，一定一定必嗌！大發！芝士鐵板泡菜炒五花肉 (HK$158)如果你成日食韓國菜，一定唔多唔少都食過芝士泡菜炒五花肉。佢呢度都整得唔錯，肉量份量好足，芝士都好多！加埋泡菜一齊食，令到成件事冇咁膩😛唔錯！…Read More

冬天，就係想食打邊爐、串燒、燒肉嘅日子🫣上網search openrice見到依間旺角串燒幾吸引，見到啲串燒係有個烤燒住，幾得意咁，一於就去試下😋店舖設計令人覺得好舒服，好適合同朋友坐低，一路路慢慢食一路吹水！ 去到坐低點餐後，店員就會將烤爐搬過黎，初頭以為要自己燒，原來係燒好左放上烤爐用黎保溫，咁就唔使等好耐要佢燒熟，又唔洗驚啲串燒攤凍哂，夠哂細心！紙巾吊係上面，好搞笑 開邊雞翼 ($22/串)雞翼燒得金黃色，外皮香脆可口，皮脆肉嫩，好味。必點！烤牛肉串 ($48/5串)牛肉脂肪比例適中，油分剛剛好，肉質嫩滑，有肉汁！ 小豬頸肉 ($42/5串)肥瘦好平均，外層燒到有脆口的感覺😍42蚊有5串，性價比極高！ 鐵鍋煮卜卜蜆 ($68)一鍋卜卜蜆的份量好多，啲蜆好鮮甜而且無沙，又係必點 錫紙金針菇 ($34)蒜蓉金菇勁多汁，同男朋友2下爬晒入口🤣 粗涼麵 ($48)食咗勁多串燒都會想食吓其他嘢balance下，我哋點咗呢個涼麵，估唔到都幾好食😍…Read More

日前係長沙灣附近探完親戚，夜咗決定喺附近餐廳食🤔行過見到依一間葉公館，一於入去試下！餐廳有2層，地下係買外賣，上一層就係堂食嘅，上到去坐低叫左茶之後店員就會送上開胃前菜🤘🏻 佢地嘅菜單選擇好多，有川菜、海鮮、撚手小菜、燒味等等，仲有晚市超值孖寶，有海鮮配燒肉都係$218一份，性價比超高。見到menu竟然有片皮鴨😍，就決定散叫鴨同其他海鮮 片皮鴨半隻 ($98)肥瘦均勻的片皮鴨，做到皮脆肉嫩效果，配京醬和煙韌的餅皮 上湯豆苗 ($98)豆苗唔會煮得過熟，調味啱啱好唔會太油太咸 蒜蓉粉絲開邊蝦 ($118)擺碟好吸引😋十隻整齊地排列，好正。蝦身切開索晒啲汁，加埋蒜蓉同粉嶺，成件事好重口味，配飯一流！ 最後仲送左紅豆沙😍開心性價比OK! 下次經過長沙灣都可以當飯堂…Read More

今日喺尖沙咀K11行完街，去咗附近嘅一間日本居酒屋食飯。其實之前都一直好想食呢間餐廳，每次行經都會見到呢間餐廳嘅裝潢好日式好特別。今日終於有機會試啦！目仁奈 (HK$488)自從食過一間日本餐廳嘅刺身魚好好食之後，我終於突破自己嘅心理關口嘗試唔同嘅刺身！今次叫職員介紹，佢哋介紹咗呢一款魚比我😍首先佢上魚嘅時候賣相已經好靚，魚肉係有少少粉紅色，食落唔係爽口嘅口感係有少少林，魚肉味香帶有甜味。我哋食到唔停口，好快2 3個字已經食晒😆赤鬼蟹味噌甲羅燒 (HK$88)上菜好有驚喜！職員會拎埋個爐上桌，然後喺你面前一路燒，好有誠意！一路燒，啲香味一路散出黎🤤食落蟹味好濃郁，配上梳打餅一流！壽喜牛肉鍋 (HK$198) + 烏冬 (HK$35)每次去居酒屋，都會好想食壽喜牛肉鍋😍今次都唔例外叫咗一鍋，入面有好充足嘅蔬菜同粉絲，牛肉似係牛肩部位，肉味非常之濃厚！最後我哋仲追加咗讚岐烏冬，超彈牙又索晒啲湯，推薦大家追加烏冬！最後我仲嗌咗一杯柚子梳打，爽！下次再黎💕💕…Read More

最近係K11 Musea 發現一間隱世cafe，佢位於K11 Musea 6樓，係有平台果層pure fitness 個邊！佢哋嘅Cafe係有落地大玻璃，成個感覺都舒服！不過果日我係夜晚先去，如果朝早去應該會更靚！佢哋嘅野食係有啲fusion嘅感覺，講下果日食咗啲咩！.唐揚脆雞 (HK$68) 👍🏻超好食！食到唔停口 🤤 雞肉外層炸得金黃酥脆，但內部卻仍然保持著多汁嘅口感。佢仲配搭咗我最鐘意嘅柚子醬，令到成道菜味道更加豐富、更加開胃。炸芝士條 (HK$68)本身自己係一個芝士控，所以見到有得叫就忍唔住叫咗，個芝士條亦都係炸得岩岩好，最重要係睇得出佢唔係用果d重覆油嚟炸，炸出黎真係會呈現靚靚嘅金黃色。佢有3個醬可以揀入面其中2個醬。我就揀左Wasabi同黑松露醬，我覺得Wasabi風味最正 😍和風煙燻辣茄汁配慢煮澳洲和牛面頰手工意大利寬帶麵 (HK$188)慢煮嘅澳洲和牛面頰肉好嫩滑，肉味濃。配上和風煙燻辣茄汁，煙燻風味同辣味結合得恰到好處。手工意大利寬帶麵好好地吸咗醬汁，每一啖都好正！不過個人認為如果粉嘅口感再彈牙d就加perfect！焙茶麻糬窩夫 (HK$158) 👍🏻甜品絕對係成餐嘅重頭戲！！一上碟已經見到頂層係一大塊麻糬，賣相勁吸引。窩夫整到岩岩好，外脆內軟！另外配搭焙茶味嘅cream。麻糬口感軟糯，同窩夫組合一齊效果比想像中好。不過食呢道甜品都幾飽下，所以如果大家都來食可能要控制一下主食嘅數量 🙈 …Read More

前幾日仔仔帶咗我去食一間日本鐵板燒餐廳興祝拍拖一周年，佢位於長沙灣，叫鳥海山鐵板燒。雖然呢間餐廳唔算好大，但絕對有驚喜！入到餐廳坐低之後，店員有細心推介餐單，佢話佢地嘅鳥海山二人前套餐係最受歡迎。我哋見到HK$1,198又有鮑魚又有龍蝦，其實性價比幾高。於是乎我哋就點呢個套餐，佢係包左7道菜，包括：刺身、沙律、活龍蝦、活鮑魚、炒野菜、鵝肝多士、牛肉薄燒、野菜同炒飯，最後仲有一碗味噌湯，非常抵食！第一道菜是刺身，食完真係對刺身大改觀！！！作為一個本來就唔特別鐘意食刺身嘅人，我平時只係食三文魚，因為我唔鐘意其他魚食落去有筋。今次刺身選擇多樣，有目鯛、深海池魚、粒貝和平政。重點係，每一片刺身食落無筋，仲要係有浸好香嘅魚味！仔仔都大讚話覺得係日本到食刺身咁，我諗我之後都會食下除左三文魚外嘅刺身。第二道菜係鐵板鮑魚，鮑魚口感非常彈牙多汁。通常煮耐左都會有啲韌，但係絕對無，火喉岩岩好，煮到佢係有少少彈又唔會煮到韌！第三道菜係鐵板龍蝦，份量十足！！食完呢道菜我其實已經飽飽地。龍蝦肉身彈牙緊實，廚師仲用龍蝦膏去炒製，炒出黎勁香口！之後嘅係鵝肝多士同牛肉薄燒。鵝肝多士份量岩岩好，煎到少少焦，外脆内軟。牛肉薄燒睇得出係靚和牛，中間夾左大量葱，本生和牛油脂十足，有啲葱係到中和番口感，食落無咁漏！最後係一碟炒菜同炒飯，飯炒到好乾身，粒粒分明。除咗野食本身，我都想讚廚師和服務人員！廚師會不斷留意著每一位客人的用餐情況，及時送上下一道菜，確保用餐體驗舒適愉悅😍而服務人員亦都會細心介紹每一道，呢間餐廳真心推介👍🏻…Read More

琴日無啦啦撞入左一間音樂酒吧餐廳，同大家開心share！呢間餐廳啲野又大份又好食，最特別係佢係一間音樂餐廳嚟，一入去就會見到有Live Band 嘅樂器係到，等人可以一邊食野，一邊欣賞現場樂隊嘅表演。不過我星期三去嘅時候就無表演嘅，唔知係咪要星期六日先有呢🤔香辣單骨雞翼(HK$66)首先，佢哋嘅香辣單骨雞翼真係無得頂啊！啲雞翼炸得香脆多汁，yum埋啲辣粉黎食勁野味！自製三色醬配麥樂雞 (HK$66)佢真係勁大份，淨係啲麥樂雞都有12件！麥樂雞炸得岩岩好，唔係用老油炸，每一塊都好juicy，再配埋三款唔同嘅醬汁！佢三個醬分呢係沙律醬、千島醬同甜酸醬 (應該係?)，我自己就最鐘意甜酸醬！食得出個醬真係自家制，個味岩岩好勁開胃！美式黑椒牛肉意粉 (HK$168)呢碟真係一定要試！佢一上已經見到勁誇張，見到個擺盤係有用左心思，一大個特式碟裝住意粉，周圍圍住沙律菜，打卡必備！咁當然佢唔係得個樣，佢嘅黑椒味同牛肉味好重！牛肉炒得恰到好處，滑嫩多汁，再加上濃郁嘅黑椒醬汁😋不過作為女仔嘅我略嫌油左少少，我仔仔就無停過口咁食🙈明太子烏冬 (HK$118)如果你鍾意日式風味，我推薦你試下佢哋嘅明太子烏冬。啲烏冬煮得彈牙，配埋明太子醬汁幾fresh! 佢仲有得揀係熱拌定冷拌，咁我哋今次就揀左冷拌，因為驚熱拌會無咁彈牙。總括而言，呢間酒吧餐廳真係係食物上面俾咗好大嘅心思同用心。其實我一開頭上去有少少嚇親，因為人流唔係話好多，食完之後覺得唔應該得咁少人呀！不過可能係因為我星期三撞左上去食？Anyway，大家如果想去嘅話最好打電話問一問幾時有音樂表演👍🏻Wavy Bar & Restaurant尖沙咀天文台道8號6樓2號舖…Read More

打卡必去餐廳😍一打開門已經哇一聲，因為入面嘅裝修好有心思，每一個各落都有唔同嘅場景，例如係理髮店、洗衫舖，仲有漫畫區！成個氛圍都係營造復古feel😍餐枱用以前舊時嘅枱枱凳凳，加埋背景好澎湃嘅韓國K-Pop，收工過嚟食嘢真係唔錯！除咗裝修之外，當然嘢食都好食啦😋甜辣炸雞(半份)HK$158炸雞皮脆肉嫩，醬汁酸甜辣香，食落非常開胃！無論係同朋友傾計，定係飲酒小食，呢道甜辣炸雞一流招牌炒章魚 (HK$146)呢道炒章魚係鐵板上，開頭望落覺得個份量好似唔算大，但食下食下就發現其實岩岩好，多左反而會有啲漏。佢個火候岩岩好，口感爽彈，加上鐵板嘅獨特風味，正！泡菜煎餅 (HK$85)正常嘅泡菜煎餅，食落帶有微微嘅酸辣風味，佢煎到少少濃濃地，勁香口😋快速食晒如果下次再黎食，我諗我會想試埋佢地嘅魚糕湯，我見個個都點！好似好正咁😝…Read More

前幾日收工去咗旺角交收，果陣仲要落大雨，拿拿聲入咗旺角通菜街諗住求其入一間日本餐廳食晚餐，見到呢間大丸裝潢好吸引，估唔到野食都有驚喜。佢呢度食物選擇非常之多，有壽司刺身、有串燒、有拉麵烏冬、有壽喜燒，仲有酒飲！兩個人食咗大概三百幾蚊，樣樣都大份夾抵食，量大之餘質素唔差，性價比高，可以話係平民居酒屋之選！三文魚腩刺身(4片)HK$68、壽司三文魚腩刺身比想像中更加厚同大塊，色澤都靚同食落油脂充足！壽司都係即整，上碟時紫菜仲脆卜卜，正！辛辣黑豚肉拉麵 HK$70拉麵嘅口感彈牙，叉燒的份量十分慷慨，有3大塊，每一塊都燒得香口入味。湯頭微辣令人胃口大開，仲有好多配菜例如有完整一個嘅唐心蛋，唔錯咖哩雞扒飯 HK$68咖哩雞扒飯嘅份量又係大大份！雞件大大件，嫩滑口感，濃郁咖哩加上大量配菜，係下飯之選。另外，大丸啲野飲都好有特式，我點左一杯Matcha Latte，個人認為多奶左少少，可以同佢講番少奶。仔仔點左杯巨峰梳打，都係好飲的！三百幾蚊食到棒住肚走，鋪頭寬敞又多卡位坐得舒服。收工食飯都係一個唔錯嘅選擇。…Read More

其實茶聊都唔係第一次黎，每次約親朋友去旺角聚會傾偈都會第一時間諗起呢間Cafe，因為佢環境舒服食物好食，重點係呢到服務好好❤️職員有禮，仲會好主動協助客人，亦都會同客人有講有笑。自從我第一次去完之後，都真係因為職員服務令我留下深刻印象🥰除咗服務之外，都要講下佢地嘅野有幾好食！.海皇櫻花珍寶巨蝦配龍蝦忌廉汁手工闊條麵 (HK$188)超巨型嘅大蝦，成隻手掌咁大隻！脆皮炸到超酥脆，認真啲睇，就會發現佢個脆皮原來係由櫻花蝦炸成，食落超香口，超有驚喜🦐大蝦咬落口感結實，絕對唔會霉，啖啖蝦肉，正！龍蝦汁亦都好夠濃稠，意粉好掛汁工，仲帶麵粉香氣墨西哥烤雞芝士餡餅 (HK$88)墨西哥烤雞芝士餡餅亦都好值得推介，內餡有烤雞、芝士、三色椒等，入面有大量芝士，勁cheesy🤤另外仲有三款醬汁，分別有埋蕃茄沙沙醬、酸忌廉同牛油果醬比你點！宇治抹茶忌廉牛油酥配雪糕 (HK$98)個牛油酥好多層食落好鬆軟🍞，中間切開仲有抹茶榛子醬流出嚟，另外配有雲尼拿雪糕同抹茶蕨餅。食落一冷一熱，真係會食上癮芝芝莓莓 (HK$44)店員本身有推介新品芝芝桃桃，可惜太受歡迎咁岩賣晒🥲最後點咗芝芝莓莓，creamy口感加上酥酸甜甜嘅士多啤梨味，夏天飲真係一流！Treapy Ice Bear Mocha (HK$44)見到隔離台點咗呢個勁IGable嘅熊仔咖啡🧸，我都唔輸蝕點番一個🥹職員教落先倒上espresso 再倒埋奶落，好似幫熊熊沖緊涼咁！熊仔係用齋啡雪凍嘅冰，望住佢慢慢溶好治癒，仲唔洗驚溶左之後會沖淡啲味…Read More

有一日無啦啦勁掛住係大埔食過即Boundless cafe，決定自己一個人入大埔食佢嘅pancake🙈呢間boundless cafe有兩層，坐位唔算多，之前星期六日行過都會見到鋪頭好多人等位，有時都會見到有客人同寵物一齊坐門口位！佢嘅設計以純白色為主，令人覺得好愜意舒適😍.煙三文魚忌廉扭紋通粉配荷蘭鬆餅（HK$108）Boundless cafe嘅特式就係佢地嘅餐點有荷蘭鬆餅(Dutch Baby Pancake)，亦都係令我成日想過黎食嘅原因🙈佢嘅pancake係以鐵pan上，面層有煙三文魚忌廉扭紋通粉，入面有煙三文魚、洋蔥、紅椒、荀等既配料，上面仲有牛蒡鋪面。而我最鐘意嘅荷蘭鬆餅一如既往咁好食！佢係焗到表面焦香，入面軟熟，食落勁香蛋味🤤真係好正。不過，我覺得配料有啲太多，食落太多唔同口感/味係個口入面發生，而佢鋪面嘅蒡好似係炸過，個味相對上比較濃亦都蓋過左煙三文魚嘅味。。對比之下，我覺得之前食嘅青醬雞pancake係好食啲，不過依家轉左menu唔見有😩.Mattcha Latte (HK$46)正常好飲嘅Mattcha Latte! 奶同抹茶比例岩岩好，飲落好順口亦都唔會有抹茶粉粒粒，唔錯！.總括黎講，呢間cafe都坐得舒服，店員服務都好貼心好主動幫手。我之後成日都去食佢地嘅荷蘭pancake！…Read More

近排做野做到個人好頹，仔仔話要帶我食好西安慰我心靈喎🙈特登帶咗我去大角咀餐廳”泰嘟嘟”食泰國菜。.去到門口嗰陣，都見到有啲人龍，講緊係星期一8點，可想而知呢間都幾受歡迎。餐廳地方唔大，但見到佢裝修上嘅用心😍佢將啲卡位裝修成嘟嘟車廂咁，另外仲有一啲泰國嘅裝飾同霓虹燈。令人覺得真係好似去左曼谷街頭咁！.我哋排咗大概15分鐘就有得入去，坐低咗之後，店員都好推介佢哋嘅套餐，因為真係性價比超高👉🏻.二人餐(HK$248)可以叫三樣菜，入面嘅選擇都有好多！當中都有佢哋出名嘅月亮蝦餅揀😋.月亮蝦餅👍🏻必點！第一道上嘅菜就係月亮蝦餅，佢上嚟嗰下真係有哇一聲。除咗因為佢擺盤好靚之外，份量都好足，每一件有成3cm厚，仲有成8大舊咁多！咬落蝦肉十足，好彈牙，入面仲有馬蹄食落唔會好膩🥹真係好好食.豬頸肉啫椰菜煲👍🏻又係必點之一！呢度菜係用馬拉盞炒，佢仲加咗啲辣椒，食落辣辣地好香口。真係食到唔停口🤤配飯一流！.泰式菠蘿海鮮炒飯個人本身唔算特別好鍾意食，不過我仔仔食到讚唔停口！因為碟炒飯真係好足料，入面有青口、蝦、魷魚，仲有大量嘅蜆肉同菠蘿，最正嘅係啖啖飯都有粒蜆肉係到呀😭正.芒果芝士沙冰/火龍果芝士沙冰(HK$32一杯，跟套餐半價)👍🏻呢間餐廳嘅野食咁好食，佢嘅野飲一樣都唔馬虎🫶🏻佢呢兩杯沙冰真係好飲，水果味勁重同埋入邊真係會有果肉係到。佢嘅水果沙冰溝埋芝士奶蓋之後，成杯野飲落好creamy，記得一定要點呢杯試下！.總括而言，呢間餐廳真係性價比極高！我哋兩個人最後食咗$300左右連野飲，碟碟都好食同埋份量勁足。同埋佢哋野食嘅賣相都好靚😍我仲見到隔籬枱嘅豬頸肉係用炭爐上🥹真係好吸引，不過好可惜得2個人食唔落。下次會叫多幾個人去，試多啲唔同嘅菜！…Read More

喺觀塘駱駝漆行到好夜，見到求其有間餃子店就入去食。估唔到都咁好食！佢個門口完全唔知佢係食咩，因為佢係寫住和牛專門店，仲要裝修超級簡陋，入到去原來可以食餃子同和牛😂正常人應該會比門面嚇親.特惠套餐 (HK$68)見到有特惠套餐就緊係揀套餐，最後揀左白菜水煮餃+豬扒！佢個餃子皮薄多汁肉味濃，配埋個醬汁超好食。佢嘅醬汁係日本芝麻醬＋鼓油＋豆瓣醬，食落出奇地夾同野味！而個豬扒都係肉味勁濃，佢又煎到好香口🤤勁好食！唔記得影豬扒，失策🥹.果到仲有得即場係雪櫃到買塊和牛，店員仲會即場煎比你食添。我見隔離有客人食，如果大家有興趣都可以試下😂…Read More