葉公館 (Closed)

日前係長沙灣附近探完親戚，夜咗決定喺附近餐廳食🤔行過見到依一間葉公館，一於入去試下！餐廳有2層，地下係買外賣，上一層就係堂食嘅，上到去坐低叫左茶之後店員就會送上開胃前菜🤘🏻 佢地嘅菜單選擇好多，有川菜、海鮮、撚手小菜、燒味等等，仲有晚市超值孖寶，有海鮮配燒肉都係$218一份，性價比超高。見到menu竟然有片皮鴨😍，就決定散叫鴨同其他海鮮 片皮鴨半隻 ($98)肥瘦均勻的片皮鴨，做到皮脆肉嫩效果，配京醬和煙韌的餅皮 上湯豆苗 ($98)豆苗唔會煮得過熟，調味啱啱好唔會太油太咸 蒜蓉粉絲開邊蝦 ($118)擺碟好吸引😋十隻整齊地排列，好正。蝦身切開索晒啲汁，加埋蒜蓉同粉嶺，成件事好重口味，配飯一流！ 最後仲送左紅豆沙😍開心性價比OK! 下次經過長沙灣都可以當飯堂