StephenYiu1984's Profile

重點必食時令菜式～蒜蓉蒸哆頭蟶子蒜蓉鋪在蟶子上，金黃油亮，蟶子肉質鮮嫩，伴隨著蒜香，口感滑嫩，蒜香濃郁，帶有一絲鹹味。福建肉燕肉燕皮很薄，呈透明狀，口感柔韌，湯底清淡卻不失鮮香。上湯金銀蛋莧菜莧菜鮮脆，金銀蛋湯汁很鮮甜，口感層次分明。甜酸黃花魚黃花色澤金黃，外酥內嫩，甜酸醬汁甜酸適中，帶有微微果香，賣相仲好靚添！福建海鮮滷麵麵條上面鋪滿海鮮，湯汁很濃郁，每條麵條都好上汁，整體味道豐富。Lunch set性價比極高，每個餐都配搭蔬菜飲品前菜湯品，加$12仲有個甜品添👍🏻…Read More

涼拌海蜇雲耳海蜇晶瑩，很厚身爽脆，口味酸甜中帶點微辣，同雲耳好夾，有醋香和芝麻油，十分開胃。蒜泥白肉薄如紙嘅豬肉片和青瓜層層疊疊，覆蓋著蒜泥與紅油，肉質細嫩，蒜泥醬汁微辣濃郁。其中一款招牌魚～青椒清香魚魚片雪白軟嫩，其中幾片有少少骨，不過都容易取出。綠椒絲點綴，湯汁清亮，充滿鮮椒香，突出食材本味，越食越惹味。X.O.醬粉絲蝦煲蝦隻橙紅豐滿，勁大隻，啖啖肉，有少少胡椒香，粉絲吸滿湯汁，滑順又帶彈性，干貝與蝦米，醬香入味，令人回味。招牌咕嚕肉外層酥脆，豬肉被醬汁包裹，肉質多汁，醬汁黏稠，酸甜帶果香，佐飯一流。勝瓜洋葱炒雲耳勝瓜爽口，洋蔥微甜柔軟，整體鮮甜清新。棗茸千層糕軟糯彈牙，不會太甜，每一口都帶著淡淡棗香。酒糟桂花小湯圓小湯圓很柔軟，湯底微微濃稠，入口溫潤，酒釀香氣濃郁，桂花清香，餘味悠長。香滑蛋白杏仁茶乳白色細滑順喉，蛋白軟嫩，杏仁味濃郁，整體極香噴噴，另一半都表示想encore。…Read More

另一半生日，選擇吃放題來慶祝似乎再合適不過了。尖沙咀分店全新裝修，地方更加光猛亮麗，連卡位都大咗，更好坐👍🏻酒品種類繁多，從啤酒到梅酒，再到日本清酒，配上各式各樣美食，用餐氣氛格外濃厚。重點推介，全香港獨有波士頓龍蝦 ，一夾起，啖啖肉。鮑魚刺身爽口彈牙金槍魚腩 ，厚切，魚脂豐滿，口感絕佳。鱘魚子醬 不停order，有咸香，配搭刺身都好正。古法鹽焗蟹、避風塘炒蟹，用嘅係新鮮蟹，炸蒜香噴噴，蟹身大大隻，我哋order咗6 round😆泰式麻辣奶油蝦、油鹽焗大頭蝦，採用新鮮嘅羅氏蝦，入口啖啖肉好爽口。海膽軍艦係日本海膽，入口Juice又甘甜。甜品方面，仲有燒榴槤添！生日慶祝或者聚會嚟影吓合照都好正！…Read More

✨李派海南雞飯併喇沙雞肉多汁，無雪味，搭配黃澄澄嘅雞油飯，入口好香，真心夾。喇沙細細碗，微辣口味，濃郁香料襯托，好惹味，一個餐滿足兩個願望。✨參峇醬燒豬頸肉豬肉外面微焦，搭配特製參峇醬，辛辣中帶有一絲甜味，搭配飯或麵都好夾。✨炒通菜（馬拉盞）通菜炒得脆嫩，搭配少許馬拉盞醬，提升了整體風味。甜品✨椰汁芋丸同台式芋圓口感不同，小巧嘅芋丸比較柔滑，口感軟軟，搭配椰漿，啖啖都有濃郁嘅椰子香氣，甜而不膩，作為飯後甜品很不錯！…Read More

原來Espresso Alchemy ，呢個人氣Cafe喺美麗華商場搬咗去一樓，全新裝修，樓底又高咗，門口更有格調。Alchemy 全日早餐和一杯精選單品咖啡，簡直係絕配😋盤中色彩繽紛，炒蛋、香腸、烤番茄、蜜瓜、煙肉、炒蘑菇、新鮮蔬菜，仲有大大個牛角包配搭，即叫即整，新鮮夠熱，份量夠兩個人食。炒蛋仲有啲流心，配搭夠晒豐盛，咖啡香氣濃郁，口感滑順，帶有一點果香，很不錯呢！厚切意大利煙肉搭配卡邦尼意粉煙肉好爽口，有鹹香，醬汁濃郁，奶油味豐富，每一口都充滿幼滑感。…Read More

普寧豆醬焗鰻魚鰻魚表面煎至金黃，用煲上，香噴噴，肉質厚身，鮮嫩多汁，味道甜中帶鹹，好入味。底下鋪咗啲紫洋蔥，同鰻魚一齊食，更添爽口！大眾點評打卡仲有得送薄荷枇杷凍一粒枇杷果肉和薄荷葉點綴其上，啫喱嘅枇杷凍，清新帶薄荷香，口感涼爽。酸甜黃花魚外皮酥脆，搭配醬汁酸甜口感，令人驚豔一，佐飯一流。金銀蛋莧菜莧菜很脆嫩，每一口都吸收咗湯汁，帶鹹香，簡單卻又令人滿足嘅家常味道。福建海鮮滷麵麵條搭配各式海鮮如蝦、蟶子肉等，很豐富，麵條鮮嫩，好吸湯，湯頭濃郁鮮甜。…Read More

灣仔市區原來都有順德私房菜，菜品好特別，同屋企人聚餐就啱晒。豆腐魚蓉羹湯羹色澤白雪雪，好吸引！啖啖充滿魚蓉， 質感滑順柔軟，魚嘅鮮味與豆腐好夾。冰燒雞色澤金黃，配搭新鮮黃瓜絲、芝麻和小米辣，多汁而不油膩，味道帶有微微甜味和煙熏香，很清新開胃。焗魚腸表面微微焦脆，咬下去鮮香濃郁，很有焗烤香氣。山區豆腐豆腐綿密滑嫩，甜甜哋，鮮味突出。大良炒鮮奶拼炸蓮藕餅炒鮮奶很滑順，炸蓮藕餅外脆內軟，咬下去有著豐富口感層次。 柚皮鵝掌鵝掌滑嫩，醬汁鹹香與柚皮嘅微苦好夾。蝦醬菜心煲用煲上，上到枱仲係熱騰騰，菜心脆嫩，蝦醬有粘稠感，風味獨特，有咸香。臨尾仲送埋番薯糖水添，好滿足！…Read More

🍑盛夏果漾白桃乳酪梳乎厘大大個白桃上碟，超吸引，果肉脆甜多汁，裏面有cream cheese，入口真係好特別，非常Creamy🥰。pancake空氣感十足，震騰騰，呢款甜品，真係每個女仔都會愛上😍🍑伯爵茶白桃布拉塔芝士沙律沙律菜帶有一絲清新嘅茶香，搭配白桃甘甜，好fresh！漢堡扒全日早餐好滿足嘅set，煎蛋、多士、炒蘑菇、煙肉，還有厚厚嘅牛肉漢堡扒，配上煙三文魚和牛油果沙律，即叫即整，大大碟，滿滿嘅能量。🍑流雲白桃沙冰和🍑白鳳梳打清涼又消暑，微甜桃香，係夏日絕佳嘅選擇🥰…Read More

週末和朋友來到這間西班牙小餐廳吃weekend lunch。餐廳氣氛好舒服，裝潢色彩繽紛，有種去咗度假的感覺。🐖 伊比利亞黑毛豬火腿配番茄包火腿鹹香濃郁，切得薄薄一片，油脂剛剛好，入口即化。底下的番茄包脆得來仲帶少少酸甜味，兩樣夾埋一齊食，簡單但好滿足。🥑 酸汁醃帶子配牛油果及香蔥醬帶子好新鮮，酸汁開胃，牛油果滑滑的，加埋香蔥醬，一口咬落去層次好豐富。🐙 鮮嫩八爪魚腳配薯仔、紅椒粉及橄欖油八爪魚腳好有彈性，切得啱啱好嘅厚度，配埋紅椒粉和橄欖油，味道好香。薯仔係底下墊住，吸晒所有汁，仲有少少煙燻味，正！🦪 海鮮番茄醬煮青口青口好鮮甜，搭配濃郁嘅番茄醬，酸酸甜甜好惹味。一定要用麵包蘸埋啲醬汁食，唔好浪費精華所在。🦐 開邊帝皇蝦配蒜香蛋黃醬擺盤好吸引。蝦肉彈牙鮮甜，蒜香蛋黃醬係點睛之筆，濃郁得嚟又唔會搶味。🐷 慢煮烤乳豬配椰菜仔及蘑菇乳豬皮脆非常！肉質又嫩又多汁。配菜係椰菜仔同蘑菇，幫到整道菜平衡返啲油膩感🥘伊比利亞豬肉及野生蘑菇燴飯燴飯煮得啱啱好，吸滿高湯、豬肉同蘑菇嘅香味。豬肉嫩滑，蘑菇味道濃郁，邊緣位置仲有脆口飯焦。🍰 巴斯克焦香芝士蛋糕配雜莓雪葩芝士蛋糕濕潤香濃，外層焦香味好突出，甜度剛剛好。旁邊嘅雜莓雪葩酸酸甜甜，清新又解膩，兩樣一齊食，好夾。…Read More

枝竹炆龍躉頭腩龍躉頭腩色澤金黃，用煲上，上到枱仲係熱辣辣，頭腩肉質緊實卻不失嫩滑，醬汁甜甜地，龍躉頭腩色澤金黃，用煲上，上到枱仲係熱辣辣，頭腩肉質緊實卻不失嫩滑，醬汁甜甜地，煲底舖咗我愛吃嘅枝竹，炆得好淋，濃郁又入味。燒鵝皇外觀有光澤，鵝皮很油亮，入口脆脆地，充滿油花，鵝肉都算大件，入口多汁不柴，醬香味十足，例牌份量都夠四人享用。龍蝦炆伊麵晚市做緊promotion，好抵食，伊麵份量好多，麵條吸收了龍蝦鮮甜精華，每一口都好上汁，蝦肉大大件，口感彈牙，樓蝦同埋伊麵真係最好嘅配搭😍…Read More

茭白爆炒蟶肉賣相色彩鮮艷，三色椒和白雪雪嘅茭白配搭精美，茭白爽脆清新，蟶肉鮮嫩，有微微甜味，很新鮮。冰爽酒糟蟶蟶肉浸泡在酒糟中，大大隻，入口啖啖肉，酒香濃郁，蟶肉甜中帶咸，冰爽感十足！小食鹹香酥炸黃花魚金黃酥脆嘅魚身，鹹香味十足，佐酒佳品。白切羊肉羊肉切片整齊，搭配清爽嘅香菜和醬油，肉質有嚼勁，肉質鮮香。福建金湯佛跳牆湯色金黃透亮，湯汁鮮香濃郁，海味和肉香交織，入口Juicy。廈門沙茶麵麵條滑順，湯頭濃厚，沙茶醬味好香，帶有微微辛辣與甜味，配上海鮮配料好夾。菌菇酸湯牛腩泗粉泗粉滑順，好吸湯 ，湯汁入口酸爽，清新又提神。飲品:桂圓檸檬烏龍茶手沖咖啡令人驚喜，齋啡不加糖不加奶，飲落有一陣陣果香，好有回甘。tea set仲有送埋蛋糕甜品添！…Read More

喺西環好出名嘅夏銘記開到嚟上環了！😍✨炸醬雲吞撈幼麵份量大大碟，炸醬醬汁濃郁，鹹香又帶微微甜味，每條麵條都好上汁，很惹味！雲吞湯另上，入口都很清新，同撈麵好夾。✨淨食牛筋腩牛腩肉質軟嫩，牛筋很juicy，咬下去膠原十足，醬汁帶有五香味，很香濃。✨鮮炸魚片條必食😍，外皮金黃，薄薄地，很有酥脆感，裡面魚肉鮮嫩，口感比平時食嘅魚腐再彈牙一點，好有鮮味。✨炸黃鱔魚皮非常酥脆，我鍾意配搭湯品，沾一下再吃，更有風味。…Read More

雜錦天婦羅盛盒盛盒賣相精緻，即叫即炸，上到枱仲係熱辣辣，金黃色酥脆外皮，食材種類豐富，有鮮蝦、蔬菜等，醬汁混入蘿蔔蓉，很解油膩！蟹味噌甲羅燒蟹殼烤得微微焦香，有濃郁味噌香氣。蟹肉蟹膏口感綿密，帶有淡淡鹹味，入口很濃郁。海膽杯用料新鮮，海膽色澤鮮豔，入口即化，很鮮甜。三文魚腩刺身油脂分布均勻，厚切，口感肥美軟糯。黑松露鰻魚釜飯一打開蓋子，黑松露香氣撲鼻而來，混入鰻魚，簡直是絕配。米飯吸收了鰻魚和黑松露精華。份量都多，盛到5碗添！海鮮沙律 & 軟殼蟹沙律兩款都係清爽開胃選擇。海鮮沙律用料豐富，有鮮蝦、帶子等，搭配新鮮沙律菜，口感清爽鮮甜，口感豐富。…Read More

鐵板鹽焗哆頭蟶蟶肉在鐵板上滋滋聲，香噴噴，鹽焗方式食出Original鮮味。老酒豎哆頭蟶浸透了老酒香氣嘅蟶肉令人陶醉，感覺size更大粒添！酸甜黃花魚 魚身賣相好靚，淋上酸甜醬汁，即叫即整，入口脆卜卜，鮮嫩多汁，酸甜醬汁恰到好處。興化炒米粉好多配料😍米粉好吸湯汁，所以入口整體都夠鮮味。金湯時蔬湯底金黃透亮，菜品甘甜，不油膩口感很不錯。竹笙蟹肉海參羹羹湯賣相精緻，濃稠湯底中搭配著竹笙、蟹肉和海參，入口滑嫩。…Read More

餐廳都容易搵，喺蘭桂坊抬頭望上去就見到。玉璽鴛鴦鍋經典鴛鴦鍋，搭配了濃郁辛辣🌶️火鍋底，另一邊係淡雅嘅菇菌湯，辛辣與清淡平衡得好好。在葷菜方面，有鮮毛肚，口感彈性十足，冰河鵝腸比較鮮香。仲有精選雪花肥牛和精品松阪肉，油花分布均勻，入口有肉香。草原千層肚很有嚼勁，整體肉類選擇豐富。船家苕粉好得意，口感Q彈，8秒響鈴卷、鮮藕片和厚厚嘅鮮木耳，幾款清脆口感，為整個鍋加入了新鮮感，好吸湯！地方樓底夠高，冇咩煙，啱晒我哋可以慢慢傾慢慢食。…Read More