。迎。's Profile

話說昨晚被各大社交媒體瘋傳元朗暴行之後，嬲到訓唔著，拖住一身疲憊終於撐到6點，可以搵方法氹返自己！吃貨 當然係以食物慰勞自己啦😂為免再失望，加上唔信邪😂今日一定要 吃雞👍🏻👍🏻👍🏻一邊傾住電話匆匆走入去既我，好好彩地唔需要等位就有位置坐了。急急地指住餐牌上既字就用手勢點餐😂等上餐時 睇下我既身體語言溝唔溝通到啦😂上餐啦😜介紹返先叫左素炸雞😊佢地標榜係似我地童年既回憶「K@C」，又試下先😉素炸雞：雞既皮有點似某牌既都，但比較脆身！而入面既肉係用Superfood，感覺冇咁邪惡😂裏面嘅味道有啲香料嘅味，咬落去都有啲琳琳地嘅感覺，係比棉花糖硬少少嘅質地。味道都唔錯但係份量略嫌細咗少少。impossible meat 大啡菇黑椒漢堡：黑椒嘅味好濃，大啡菇略嫌唔夠大😜包入面有苜蓿牙，個漢堡扒感覺比硬生。好似平時食嘅漢堡扒嘅感覺而且味道比 beyond meat 濃郁，但肉汁就唔夠beyond meat咁多。平個靚分先：素炸雞 3.5分impossible meat大啡菇黑椒漢堡 3.5分…Read More

今日經過大頭蝦小姐落錯車、行錯路一陣子後，心情有點難過。覺得十分需要甜蜜蜜既糖水為自己充充電。相約友人於河畔花園聚餐，就選擇左有正餐又有甜品既台軒做聚腳點。朋友叫左三杯雞飯，而素來小妹都喜愛食素，所以就叫左一客甜品做降溫晚餐。黑糖芒果芋圓仙草蜜，黑糖味濃，但不算太甜。仙草頗有口感，比台式飲品店的有咬口。芒果量多口感甜、無渣。芋圓味道有點淡、但尚算煙韌。刨冰略嫌不夠細緻。已咪味道偏淡口感偏冧。價錢約$42，尚可接受。…Read More

話說剛剛在上海姥姥食完 麻辣無骨雞雙式拌麵同素鵝，準備埋單之際，朋友話外面好大雨。好啦～無帶🌂☂️☔️習慣既我就繼續坐低等朋友兼做功課加食多個甜品啦🤔齋坐 始終唔太好，雖然我剛剛先係呢間食完野😂夏天總覺得酸酸甜甜係會比較開胃既😂😊就叫一客酒釀丸子啦😜等左15分鐘左右，熱辣辣既酒釀丸子就到達啦☺️講下個酒釀丸子先啦😊酒釀微酸，酒味濃郁。桂花香味不夠香濃。丸子不夠煙韌😂計分:酒釀3分 丸子1分…Read More

7月10日，暴雨。今日約左個好耐無見既跑友去睇球鞋、食飯同睇戲。去到旺角既Forest 度醫好肚先🥰作為素友既我，當然拉朋友去Green common度做入門既推介啦😉有Beyond meat 可以齋口唔齋心一野丫嘛🤘🏻😜同朋友一樣，都係叫左Lunch set：日式咖哩牛肉飯配香麥奶茶+一客like facebook就會送既新豬肉椰菜煎餃子😊講左個咖哩飯先😉日式咖哩微甜，沒有辣味，最岩小朋友食😉（即係我😅）白飯既米都香濃，粒粒分明，煮食時間剛好，最起碼係完整，唔係爛飯😜Beyond meat做既牛肉漢堡扒，像真度高，口感都似肉類，而唔係豆類做既素肉。而且切既時候會有點似剛煎好既肉，內有微紅感。香麥奶茶：茶膽用左捷榮既茶黎沖，香濃茶味，不錯！麥奶既味道係好香既麥味，配上茶味，就會有點似日式麥茶加奶，但又無飲奶既膩感，可以飲多幾杯都唔會覺得好濟😊新豬肉椰菜煎餃子：新豬肉既感覺都真係好似真既豬肉，加上調味，真係會有點分唔出食緊素定肉啊😊餃子皮算薄，煎香後亦不會有韌的感覺。評分先👍🏻日式咖哩漢堡排飯 4分香麥奶茶 3分新豬肉椰菜煎餃子 3分…Read More

7月19日，雨。今日又是一個沒有帶🌂☂️☔️出街既日子，甘大安旨意嘅我終於遇上了一場豪雨😂正係徬徨無助之際，見到眼前有 幸福😂當然就上前爭取一下啦🥰久違既珍珠奶茶店，當然就問下店員有咩係佢最飲既飲品啦🤘🏻試下新口味嘛😇（順便傾下計，你氹我氹你丫嘛🥳）店員話佢最鍾意飲既係黑糖珍珠鮮奶，好！就試一下甘純情既味道啦😉黑糖珍珠鮮奶：黑糖味超濃，而且因爲係即炒（炒住即刻加入我杯野度，都叫即炒，係咪🥰）所以黑糖既結晶體係杯野入面變成左黑糖粒，脆脆甘，好有脆啊😜珍珠煙韌有咬口。鮮奶微甜、奶味濃、香滑。同黑糖配合，會比同奶茶配合得更分明。又ok啵，即時覺得自己純情左😉☺️呵呵呵～～計分：黑糖3分珍珠3分鮮奶2.5分pS, 佢地門外有個好大既籤位，有籤可以求之外，仲有籤文可以自己解架🥰當日我一抽就係籤王，而另一支就係十一（中平）果然係偶然遇上的幸福啊🥰…Read More

今日幾左朋友仔去尖沙咀睇戲，睇完就去醫肚仔啦當然。但作為女仔，滿足2個胃，就好合理同好正常架啵😊食完一餐素食，行行下就去左厚福街呢個係尖沙咀既食物集中地啦。見到好多間既甜品都係比較港式既甜品/台式飲品店，就行下去之前都有幫襯過既2DP碰下運氣啦，需知道夜晚通常都係要排隊既😭點知今日好好彩，下一張就到我地了，原來過左9點左右就只接甜品單，呢個安排都幾好（對今晚目前清晰既我地黎講😍）好！我地叫左2客甜品，一客係用茶黎做既Affogato，用綠茶取代左咖啡，係夜晚食就唔怕會因為飲左咖啡而訓唔著啦。另一客係台式既芋頭芋圓豆腐花。先講講個綠茶版Affogato先。綠茶既茶味濃，有點甜味再回甘，整體會覺得無甘甜膩，感覺無甘罪惡😂綠茶雪糕雖說都係綠茶，但有奶香，會同淋落去既綠茶有層次嘅效果。旁邊有類似穀物早餐嘅脆脆，連埋一齊食，會有咬口，感覺就會好有脆啦😂台式芋頭芋圓豆腐花。芋頭煮得好淋，有酒既香味，仲有黑糖既甜香。入口即化。芋圓（芋圓味）就未致於好似台灣既甜品店食到既甘煙韌，但芋頭味都算突出（當然最好先食芋圓再食芋頭啦😊👍🏻）芋圓（南瓜味）既南瓜好出，咬落亦比較起芋頭味既煙韌。呢個好好味。豆腐花，好香滑，比起一般外間既豆腐花更細膩，豆香重。但真係好滑😍評分先🥰綠茶Affogato 4分台式芋圓芋圓豆腐花 4.5分…Read More

今日天氣有點熱，無咩胃口，係沙田新城市廣場度行下。行行下想搵野食，好想食辣。見到上海姥姥出左個新既Set, 係 麻辣無骨雞雙式拌麵 。見到都好似滿足到想食辣既要求，但係作為唔食肉既人，就要搵一樣素食自行配搭一下了。先叫左一客 麻辣無骨雞雙式拌麵$59（走肉），再叫一客輕盈版素鵝$31。講左個拌麵先啦😊麻味都夠，應該是用花椒油拌既，都夠香。辣味就一般，唔係好辣，有辣椒乾既味道。內有香蔥，有點似上海既蔥油拌麵既感覺。拌麵質地偏冧，一般既上海拌麵質地，但口感有點爛，可能煮得有點過時。擔擔湯既味道唔太出，尤其係花生味唔係太突出，香味唔夠，以致配拌麵既時候只係減低左拌麵原有既味道，而又未能好好地突顯到雙式食法既分別同特色。素鵝：都係正常既素鵝啦，入面香菇既比例比較多，而少左個種配合適量甘筍既感覺，以致甜味唔係好出黎。食多既話會有點膩，所以叫輕盈版就足以了。外皮煎得不夠酥香，油量過多，所以皮香有點韌。整體評分：拌麵3分沾麵汁 2分素鵝3分…Read More

嗯，呢篇要乖乖地寫。因為感覺就好似返左去小時候，乖乖地坐係爸爸面前陪佢食車仔麵既感覺。🤗仲記得好細個既時候，爸爸好喜愛帶我食車仔麵，但對於對味精會有反應既我，其實最鐘意既，就係將屋企煲既老火湯做湯底，放上一d配料，就有順喉既湯水又可以飽肚😁一直好想可以實現呢個懶洋洋既願望😍（有人煲個靚湯底，仲有美味配料，無味精，又唔洗我買餸同洗碗😜）然後係不經意間，知道左有呢個可以實現願望既小店。（而家多左一個願望，走肉朋友🙈）初初去既時候，只係抱住一試無妨既心態。（畢竟而家車仔面又唔係貴，點會煲湯啊🙈我心諗）一去到，環境比想像中清潔乾淨👍🏻電視機播住50-60年代既廣告同歌😍呢下，我知道我黎岩左地方😂畢竟如果車仔面對我黎講係一個回憶既延續，如果場景可以配合，個FF係會嚴重加分架嘛😁😁😁然後我叫左個蟲草花湯底既河粉、同埋潮州妹必備既菜圃蛋😁我知道，我走唔甩了😂所以呢間小店變左做懷念爸爸既地方。好：推介時間菜圃煎蛋蟲草花湯底蘿蔔（配料）薑汁奶茶啊～～話說，個店主好有善心，會成日做d義工同埋教育既工作👍🏻👍🏻👍🏻（人善通常個樣子都正正既😏所以不妨落去養下眼😜）…Read More

旦～我好掛住你啊😉掛住你小小咸，但有情趣又有溫柔內在微甜糖心旦😍掛住你滿載心思既濃濃愛意，用上心機耐心等待既原味雞濃湯。掛住每日為我親手準備既愛心手切香蔥😍😍😍係愛啊哈利😍以上既段落係咪又骨痺又盛盛甘呢？🙈我都覺！但如果用係一碗極有心機烹調既日式沾面/拉面/濃稠稠既油面身上，我覺得可以再痺一d😏係日本愛媛縣空降左黎香港一段時間既拉麵店，一直都堅持原料要係日本店直送黎香港，仲要定時派員前往進修。（係我極度八卦下八返黎既🙈）呢件事，已經唔係食，甘簡單！係好似屋企個啊媽一樣，堅持唔落味精、仲要堅持日日用百幾隻雞殼黎煲既湯去做一碗面比你食！呢幾十蚊，抵比！最掛住既一定係糖心蛋，個種軟綿綿既感覺，旦心微微流出黎既旦汁。足夠令我渴望每日都能夠品嚐。係夏天熱到😭既情況下，係中上環區要排隊等位，每日如是...我相信如果唔係因為食物既質素同口碑奇佳，服務員既態度同感覺令人有回到屋企既感覺。隊，早就已經唔會再有得排！好～又係入正題：食！既時間。個人最喜愛同念念不忘既一定係旦，個粒糖心蛋！然後就係唔怕有好大班人一見到你就知道你聰明既香蔥拉麵（每次我都狂加蔥😍😍😍）跟著會係個個咩貝油面😍有隻生雞蛋比你打落去，好特別，好味架😍然後就去到沾面（有熱同涼既面，涼面會有咬口d）最後就係周月拉麵😂環境相對比較細，但感覺好warm 同cozy😁店員會記得你👍🏻👍🏻👍🏻可能我比較麻煩🙈所以會比較易記得🙈啊～～仲有要試下飲佢地愛媛縣直送既好似橙汁甘既物體，微酸，幾有趣架😊整體評分：如果可以有外賣就好了😹太受歡迎，排隊會曬黑架嘛🙈…Read More

終於食左了😊係大啡菇漢堡餐（外賣）好開心見到係可生物分解既餐具，然後個叫沙律係用比較清爽既醬汁，感覺清新，好岩夏天開胃食。一開個漢堡盒有驚喜，包上面會有穀物，感覺又健康左😁包既質地相對比較厚身，當Lunch都好足夠飽。蕃茄好厚切，多汁同甜既。啡菇比外面食開既質感較厚同有咬口，醬汁比一般既薄身，感覺無甘邪惡。包入面用左醃漬菜（唔記左點叫個個菜）相對外間既醃青瓜會清d, 而且因為係素食，無需太清除油膩感。而且個白色醃菜亦比較清甜。驚喜係個素芝士，脆脆既質地好有趣，另外伴碟（盒）既薯條薯味都濃（可能因為外賣，所以淋左，堂食應更好食）美中不足既地方係：1-紙袋。因為通常外賣既人，手中都拎比較多野，個袋比較短（個手抽位）拎得會比較有挑戰（可能係我論盡）2-雪糕外面既紙比較貼身，食到甘上下要撕開會比較困難。3-雪糕既筒比較淋身，如果可以更趣就滿分了😁😁😁環境好舒適、坐位高度適中、店面用色清新，有放鬆既感覺。員工態度親切。同時亦會推介美食👍🏻（短頭髮個女仔）餐牌好貼心地寫左邊d係純素、蛋奶素等，令客人更清晰自己既選擇👍🏻👍🏻👍🏻…Read More

終於抵達目的地。🍸位於城市既中心地帶，戶外既露天位置令飲酒同觀星可以係同一時間進行。一上到去就愛上左甘開揚既景觀，算小女子個人比較少浦😜一般覺得飲酒既地方環境都會相當「困焗」，音響既狀態亦會影響到當時既好心情。但琴晚既第一次非常有驚喜😂先不論場地所在處有幾多壯男美女🙈（因為畢竟唔係可以預計既事啊😏眼睛想旅行都要夠運氣既🎉）但開場既環境的確令心情變得非常好😊係寬闊既戶外沙發上仰望星空（雖然在城市，有燈光會影響觀星既體驗🤔）但個一刻真係覺得係「top of the world 」啵😉飲品亦好細心地配上不同既配料（我地開左2-3枝grey goose，再加上其他既飲品同一早打定既幾枝紅酒底已經足以令我需要早退😂）不過極整體評分就已經比靚靚既星空吸引同提高左好多了🎉下次都會繼續去飲既😜畢竟望星既地方唔多啊😍沙發坐得舒適寬敞，服務員細心有耐性。人客素質良好（唔係外觀，而係個人素質，去玩好重要啊😉）人客整體外觀都飲得杯落（嗯，都好緊要啊😜）不過就唔好著高跟鞋嚕（可能係我比較論盡，飲左酒落樓梯會比較驚🙈）…Read More

突然又已一年🎤話說第一次🦀Queen(邂逅啊😏）已經係上年10月份既事嚕😜對於一個走肉朋友（其實都係酒慾朋友🙈）黎講，可以搵到一個有Feel既，的確唔係件容易既事啊🤔（我指既係環境同地方👊🏻）記得第一次遇上磚生（磚爐San😉)係朋友既介紹，至於點解會甘聽話，就當然係個位朋友都係個重質不重量既走肉朋友啦😁畢竟對一個路痴黎講，要做一輪運動先到既地方（行路☝🏻️）無返甘上下既拍心口保證，都唔洗諗我會應約😜一上到去就覺得環境幾好，細細間，好適合一班朋友酒在一起團團圓圓，因為飲得酒，聲音頻道就會好似突然開行左喇叭一樣，好吵耳架嘛🙉但服務員竟然仲要超細心地幫我地點野食，就快last order都仲比我地點多個磚生精選😊而點解件事過左成年都仲要重提呢🤔咪就係因為真係好喜愛囉😍有無試過連續幾個星期都食同一樣野仲要不停強烈推介比朋友食？3個星期內大大話話食左6次同一個意粉😍😍😍（黑松露野菌意粉）每次都call班新朋友食再強烈推介多一次🙈繼而仲要淨係琴晚都叫左2個意粉同3個磚爐pizza，仲有一個雞翼同薯條（7個人，各人都已飲左幾枝酒了🙈）仲有見到原來間餐廳閒時都會搞搞新意思，搞下週末wine tasting。下次可以group 埋班酒友一齊學習學習😜推介既食物有；1-黑松露野菌意粉2-磚爐pizza(個人比較喜愛有大片大片香草係上面個個)（其他朋友就推薦左有沙樂美腸同肉粒粒面既個個同埋牛油果面既另一個）3-芝士條條（其實都係唔記得左個名既，但形容下啦，形容下大家都明既）4-雞翼（個汁係紅紅地色既，肉慾既朋友可以試下😉）美中不足既地方係：需要又越過高山又越高谷一下既～…Read More