Smart eating's Profile

貼士：開幕至今日日座無虛席，第一間分店可謂風頭一時無倆，要食，一定要download app黎訂座，有得儲分。 當然用黎提早拎飛為免呆等也是明智之舉！剛開張還輕易食到，現在預約都要2個月後，即日手機拎飛也停止了.... 要去現場排隊拎發再等....地點： 佐敦站5分鐘/彌敦道，大量巴士可到👍🏻訂座/拎發：不要諗住即來即食，完全無可能！（至少我估開張後未來一至二個月都會係咁），要預訂或即日取票（但我星期六想一可以手機手拎飛便試已停止拎票，要親身去。）點餐：可每次最多點4樣，佢都黎得快，也可在迴轉上拎也很新鮮佢有期間限定！會轉款👍🏻👍🏻今次試了幾款壽司如圖，最有驚喜是鯖魚押壽司，酸酸的夾著厚身鯖魚加上葉的清香👍🏻油甘魚及池魚也超推介好味，鮮味十足，$17 及$12蚊性價比無得輸雲糕奶味比想像中重也有驚喜，而竹輪天婦羅烏冬不是平價烏冬的用料，竹輪好大件。豬骨湯底好濃厚，個人覺得三十幾蚊ok wow👍🏻👍🏻呢度當然會再來💪🏻…

地點: 在砵蘭街近油麻地出口, 在油麻地或旺角街去也方便。環境: 旺角及油麻地的街坊小店, 坐得迫迫的, 所以有心理準備較噪也會聽到間黎枱講野。職員: 有好多熟客仔, 可能附近多舖頭, 職員不是太多, 忙起來時要等下, 態度一般般食物: 涼菜, 小炒, 水煮, 酸菜等也有, 算幾齊全, 食左幾款, 覺得小炒最有鑊氣, 不過偏油,:水煮桂花魚: 朋友不愛多骨, 叫了條桂花, 魚肉不算太多, 但的確香滑, 當中薯粉量最好味, 有少少薯仔片芽菜青瓜等。麻辣味夠, 花椒香吃得出花椒鮮味, 有辣勁, 朋友都覺得好味。如果紅油更滚熱辣更好。熗炒包菜: 好味, 油好香之餘, 好鮮甜的菜, 帶點小辣。蒜泥白肉: 朋友愛佢的辣汁多蒜頭, 我個人便覺得用蒜泥更好味, 蒜容切得唔夠細, 肉片也愛切得薄些, 現在有點厚, 覺得太肥, 幸好每塊也梅花間竹有青瓜夾住吃, 消除油的感覺。農家小炒肉: 綠色滿滿的是青椒, 唔好睇少, 多有點辣呀! 不過佢的紅油特香, 炒起來好有鑊氣, 小炒肉唔肥, 一粒粒分明, 幾多枱都有叫。辣子雞: 算幾好食, 個人覺得太少, 但朋友覺得味道好, 雞肉帶點骨, 但炸得香脆, 可以連骨食!泡椒爆腰花: 腰花好似處理得唔好, 有陣味道, 吃不下, 切得很幼的, 不推介整體而言, 會再番轉頭的一間! …

廣東粉麵陪住大家長大，街坊價的comfort food,幾時都咁受歡迎。網上熱話的這間高手主理街坊麵店，也取名「英記老街坊」，在一眾街坊小店中脫穎而出，除了有出身名總廚主理坐鎮，超心機之作，街坊價錢，誰不比這個更吸引！位置：街坊一定知道呢個搵食好地點，因為就係黃大仙鳯凰村銀鳳街，門口有好多車停泊黎搵好野食，我在黃大仙地鐵站行過去A出口10分內就到食物：街坊朋友仔推介4大名物：雲吞麵、豬潤、豬手、辣椒油！生麵係自設工場監督製造，麵底好重要，見小店亦落足心機。豬潤爽滑，豬手夠淋入味，出街食就係要食呢D真功夫！辣油自己整的，質素有保證又夠辣！！！！讚！仲望到老闆在廚房努力淥麵！服務：人情味小店，應該好多街坊幫襯，見到街坊一入黎自動自覺講出佢地心水！香港人呀！我地5人玩左一日勁肚餓，一入就咩都叫下，就黎試下開心SHARE！招牌雲吞麵＋大愛SOULMATE辣椒油： 大家都鐘意食雲吞，要食多啲個差唔夠個個都有叫雲吞，好鍾意脆卜卜蝦，夠鮮夠甜一啖一口廣東雲吞， 也見到廚房即包雲吞，店員推介因最受歡迎，要KEEP住整黎應付，話哂老闆坐鎮過雲吞麵老店總廚，經驗老到亦不斷改良，好多人都專登黎一試。佢嘅麵亦好條條分明脆爽麵條，掛湯暴風吸入食得好爽，無鹼水味，加上我真心大讚佢自家製辣椒油以保品質及夠好辣，把呢碗細蓉勾出神韻之味，舌尖嘅辣香味令人抹住汗也唔可以錯過。清湯腩撈麵多葱加蠔油，清湯腩粗麵，清湯腩紫菜雲吞麵：既然生麵咁出名，梗係唔可以俾佢停落黎，加入葱花蠔油撈起麵底，加埋清清甜甜蘿白清湯腩又係另一享受，無湯浸住嘅生麵更加突顯爽滑麵底，蠔油鮮味配埋生麵同吃鹼香味美。另外湯粗麵也不俗，朋友愛其扁身更易入口，麵香配主牛腩啖啖肉，牛香油香夾雜，好快清哂！招牌黃沙潤：出街食嘅豬潤點整都係好食嘅，呢度黃沙潤更係又滑又脆，原來豬潤唔單止夾粥先吸引，配上湯同吃都超好味呀！又一推介南乳豬手：每次去粉麵店都叫豬手，呢度嘅亦係滿意之作，因為夠哂火喉夠哂淋，味道入味，加埋汁落去撈麵更加識歎^^！魚皮、甘香炸雞翼、菜心：當然唔少得叫下小食，炸雞翼炸得超香口有驚喜，魚皮亦係好味好大塊唔會碎，LIKE佢又唔會太咸，我坐係度已經有好幾個人入黎外賣買走炸魚皮，唔洗問打邊爐季節黎到了！炸魚皮唔可以少！叫埋飲品，有原支可樂加檸冰底，食呢D唔配杯可樂，點對得住自己＾V＾。。。 大家食到飽飽撐住走，已相約下次邊爐黎買料試佢手造魚皮餃，再試下魚蛋，ENCORE雲吞魚皮＋辣油TAKEAWAY！！！！…

在梅窩今次發現驚喜小店，又平又好食，所以好應該介紹下！我地7個人一行人晚餐，想留在梅窩吃頓晚飯滿足離開，最尾無揀錯發現有間健康賣香草烤無激素走地雞，標明無激素，無荷爾蒙，由澳洲入口。地點： 超易搵，因在出梅窩碼頭對住，在左邊M記條街，直行一陣就到！店內位置不大，可坐門口位，多人可上2樓為家庭式裝修格局服務： 小店經驗店員也親切，可隨意叫佢介紹食物： 主打一款香草烤無激素走地雞，標明無激素，無荷爾蒙，由澳洲入口。要讚小店又有套餐，又有熱狗，沙律，焗薯等，飲品有沙冰，又有甜品，又有啤酒，讚！EARLY DINNER，只剛到晚上6點，未開始多人，決定吃完先搭船走了！我地一行人多，店員帶我們上2樓，圓枱坐涼住冷氣食。原隻香草烤無激素走地雞 X2: 我地叫了2隻，每人最少分到1/4隻，香草香味及咸味沒有太強太嗆，咬下有肉汁，肉唔會老，也烤得顏色剛好， 唔會焦黑。健康食材吃得開心。如烤原即上更好！原隻焗薯2個 － 煙肉酸忌廉焗薯及雞蛋沙律原隻焗薯： 家庭式風味，吃得出材料新鮮，沒有烤過老情況，焗薯留有水分，如焗耐些更香脆更佳，現在味道也不錯，健康清新椰菜沙律 （中）： 椰菜絲沙律搭烤雞或薯仔也是絕配！椰菜絲條條爽甜，沙律醬配搭剛好，清新開胃！鷹咀豆沙律 （ 中）： 此沙律汁是像油醋汁那種，與椰菜沙律截然不同的風格，雜椒色彩繽紛有營養，配以鷹咀豆同吃，很和諧的配搭焗芝士肉醬螺絲粉： 穩打穩陣的配搭些螺絲粉，肉醬芝士焗得也香，要襯熱吃！蘋果酒及沙冰X4款： 薄荷葉奇異果，西瓜及芒果沙冰，每杯只需$25蚊有新鮮冰打飲品，讚！炎炎夏日點少得佢黎解署！其中最愛薄荷葉奇異果沙冰，薄荷葉同打，味道夾之餘也好清涼好FRESH，推介！！！！要健康些可叫製作時走糖水賣單時只需每人＄100, 如你在市區吃到這麼好吃的餐廳，相信一定好長龍。呢度食件烤雞呷著酒， 渡假好寫意。小店夠風味，要加油！！！…

佐敦區好多印度食品，有大的餐廳，或這些不起眼，好似好當地印度人才幫襯的小店，可能這些才吃到在地真正食品的直覺下，走進了這間小店吃一個小吃。地點：佐敦地鐵附近5分鐘內的腳程，在廟街附近。環境：店內其實得幾張椅，真係小店，不過MENU內都好多野食小試一個咖喱角小食，有3件$25蚊，即叫即炸，超熱超脆。外脆內軟的咖喱角，因為滿有薯仔，基本上內饀好軟，咖喱角味道唔太濃，亦唔辣，咖喱香唔會太嗆喉的，溫和咖喱味，大大隻其實幾飽的，最鍾意點住印度好味的辣醬嘅獨有香料，降溫之餘，甜甜香氣好夾炸物。小試也唔錯。有機會可再試下其他的食品。…

睇到一個好似內裹幾舒服嘅地方，有我最愛的綠色植物擺設，有夢幻的蠟台，玻㻙，金色的餐桌椅子 ，帶點VINTAGE的擺設，有著自然色系的布㙯。很需要靜靜地做下野，就黎試下呢個CAFE餐廳，地點隱蔽，就算好熟油麻地區，都唔識也唔會專登走上去，但就是這裹有一個咁精緻的地方。位置因為在酒店內，酒店外觀也是一點都唔太起眼的新型酒店，大堂光線黑黑的 （可能出面太曬 － ＿－），不過上到去CAFE 內幾光猛，搵個地方坐低開始的悠閒的下午！地點：其實都好方便，只是唔起眼，在彌敦道行入一條街，在花園酒家隔黎個藍球場旁邊的王子酒店，好近油麻地地鐵站，5分鐘內到。環境： 裝修靚，枱椅都靚，有室外室內，室外也坐得好RELAX，飲野一流，不過景觀就無咩的（可以講無。。。哈），但餐廳內小天地位置的確很不錯！油麻地區有一個小天地，已十分十分理想，佢主要係做婚宴地方，所以啲裝修是走RELAX同型的路線。食物： 午餐價錢最平只需＄36蚊起～好抵食，一跳就50幾以上，價錢唔貴！有湯，有包，有主菜有野飲，加錢可要甜品，下午菜叫野食會包一杯飲品，晚餐就散點。款式都樣樣有啲。再加一收費。一個人，只是想簡單輕食一下，尋找一些空間，簡單叫左個SET LUNCH。我好鍾意芝士，更鐘意味濃的，藍芝士也大愛！見到佢有意式芝士菠菜核桃長通粉，仲有好抵＄36, 即點唔洗諗！我的SET LUNCH 有： 波椒燒蕃茄湯連一片多士，多士牛油好香烤得好脆，個蕃茄湯有高級西餐廳水準，濃味的蕃茄湯，一啲都唔稀，亦唔似罐貨色，有驚喜的質素！意式芝士菠菜核桃長通粉： 等了一段時間到主菜出場，雖然佢係好大碟的份量，女仔吃份量OK，味道而言，個芝士汁無想像中咁濃，藍芝士獨有香味溢出，汁也剛好掛在通粉上，不多不少，唔太油，不過個人口味鐘意偏濃的，所以我再自行加多些芝士粉，整個芝士味道更出。愛辣再加些辣椒仔！個長通粉軟硬度煮得剛好，傎得一讚的，不過配料比想像中少，好少好少菠菜，個人覺得菜又成本唔貴，可落多少少都唔過份。有驚喜的係核桃，超香！我覺得因有烤過，果仁香味更散發出來，脆口吃著真的很享受，與長通粉的2種口感實在太夾了。呢個價錢，食到咁嘅質素，我不要求多了，好夠交功課了。熱咖啡： 我飲是BLACK COFFEE，是即磨的，中規中舉，不是突出，不過喝著做野很不錯。基本上如不是他們太忙，佢唔會限你坐多久，加上我是平日，享受著這種環境，視覺也享受著這些美麗的環境，加上本人有偏愛有些綠色的餐桌裝飾，很讚！炎熱天氣在室內十分悠閒的嘆著冷氣，油麻地有一個這麼好的小天地，今天賺到了！…

今天工作完成了，想找些給自己空間的時間在海傍走走。機會順道來到這南區，就想起久久想試的碩果僅存艇仔粉，極少機會日間時分獨自來到這裏就試碰運氣找一找這個艇家。地點：在香港仔海傍一帶，地點有點不定，所以要找一找，今次艇家停在隊道口（巴士站傍）的碼頭上落客船位置。時間為中午約12:45 平日時間，到場時已有附近工作的人及街坊在買粉吃了。環境： 小艇就是它的廚房，站在岸上你可以看到它整的整個過程食物：基本上是沒有MENU的，觀察下艇家多會建議你要一碗雜錦的，咩都有，不過其實佢無話俾你聽有啲咩，呢個時候參考其他食評好有用處，我見其他人無等別REQUEST的話，雜錦粉會有切雞，但因為我看了食評，想食燒鴨，所以有特別叫師傅俾多些鴨，所以用了鴨就沒有了切雞了。所以如果大家有咩係唔鍾意食或好想食，最好都係問清楚艇家師傅叔叔。小貼士： 因為我真係一心黎到，食唔到唔罷休，所以就先打俾艇家師傅叔叔，問佢問唔開檔，拍喺邊度，佢會同你夾時間地點的，很好人有善的叔叔。我與師傅叔叔通過電，叔叔很好，知我專程來到，電話聯絡特意駛艇仔過來找我，叫我等一等，黎到再CALL你，還教你係邊度等佢。好開心終於一嚐呢碗南區出哂名嘅艇仔粉，食D咩無心水，就聽他來碗雜錦河粉（只是個人喜好Request多鴨多青❤️)，我的大碗粉有燒鴨、叉燒、豬頸肉、紅腸、雞腎、魚蛋、炸魚角、生菜及河粉。$28好多餸，老實說，味道不是什麼驚為天人的美味，但肯定的風味已值回票價。燒味老實很多地方都比它做得好，不過呢個價錢，咁多餸，邊度搵？仲有咁特色的主題艇仔粉，湯底喝完無感到口乾，燒味等唔係現烤唔係熱又唔係咩新鮮料，不過沒有它們又好似太失色，加上配上紅腸啖啖肉，仲有豬頸肉軟軟入口，少少腎，經過醃過，至於魚蛋炸魚角，普通外購貨色，也無法與香港仔著名魚蛋相比，但總算爽口，河粉煮得軟硬剛好！師傅也會加入葱花及會灑上胡椒！買了後找個位置坐在海傍食，都唔知幾有風味！加上可遇不可求，叔叔賣了幾碗又要趕著走了。我諗逗留了20分鐘左右，所以吃到是綠份，謝謝艇仔叔叔。如果，佢可以有其他調味料，同埋有得坐係艇上食，就好喇！！！！！不過已很滿足，很好的經驗！好，我的想試checklist 又KO了一項，打卡📍📌…

平日假期，又有腳相伴，來個火鍋午餐小聚，之前看報導介紹有午餐SET，今日黎親身試一下，不錯的坐得舒服又滿意的午餐小聚，啱嘅人：1. 想食個簡單火鍋做午餐 2. 貪靚想快食些花膠補一補 （但要吃辣喎！）3. 有台灣情意結的來止止癮 4. 坐得舒舒服服的環境地點： 在天文台道，近尖東，在美麗華走進去沿金巴利道到天文台道其實都好快就到，就腳方便。大廈電梯也很清楚指示，外面也有很清楚廣告牌寫著餐廳名，所以唔難搵到。環境： 唔會好迫，坐得好舒服，樓底又高，聲音唔會焗住，單邊有窗有陽光，食得舒暢。我地今次坐左小房裹面，更加無咁噪，好好！食物：今次主要評論午餐，一人一爐又唔洗爭食！幾好，湯底，配料，粉面自己剔，湯底細心地加唔加芝士蓋，大阪燒蓋等都有寫明，價格清楚，自己跟BUDGET及愛好揀，唔錯！加少少錢又有坊間小見的配料，如湯底有黑松露雜菌湯鍋，可加重量芝士蓋，養生燉雞鍋可加台式大板燒蓋等等，配料又有RICHMAMA馬來西亞魚面，金沙咸蛋魚面等等，唔HEA的選擇。中英文MENU，唔怕睇唔明，也啱尖沙咀多遊客生意。素食人OK： 又有素菜選擇！好好！呢個番茄洋葱紅蘿蔔豬展鍋，可揀素菜鍋又得！食素人士都可以黎呀！午市套餐（湯鍋＋面底＋3款配料＋飲品）：招牌湯底有6個，可以睇下張相片MENU，好多人揀麻辣湯，咁我同朋友，今次點了簡單，沒有特別加錢追加些什麼，維持最基本＄58選擇，但都是各自最愛的選擇。第1鍋： 黑松露雜菌湯鍋 ＋酒鍋泡飯＋台式秘制麻辣花膠＋台式秘制麻辣鴨血＋龍蝦沙拉丸＋芝士奶蓋靜崗抹茶平時少有的湯底，湯底不是想像中的清湯底，味道都偏濃，因為選了泡飯，所以怕最尾太咸，也沒有配上特濃芝士奶蓋 （奶蓋留在飲品上吧），也唔知同麻辣鴨血花膠怕有點唔夾味道。黑松露帶點咸香，其實雜菌唔係太多，但加入如秀珍菇，冬菇等，也有少少其他蔬菜，可吸收精華湯底，建議未加入其他配料時試下味，因為再加入我最愛的麻辣鴨血及花膠，湯頭會變得複雜的味道。先講鴨血，鴨血來貨比豬紅貴，台式鍋中也佔很重的一席位，所以唔怕辣的人火鍋必點，浸在麻辣湯度另上最讚的做法，令鴨血吸收麻辣味，放在湯頭內加熱再吃也不會流失了麻辣香，花膠也是炆好了，輕輕加熱，比想像中厚厚的，帶著黏黏貼貼的感覺，口感一流，午餐可食到這厚厚花膠，只是幾片也滿足！龍蝦沙拉丸是外來貨，但之前吃過也超愛爆爽的沙律醬一咬流出的美妙，一鍋2粒。酒鍋泡飯最後加入，很滿足，不過個人覺得，泡飯配清一些湯底會感覺更好，不會太咸太油，但現在第一次吃也感滿足，湯底還帶著剛才麻辣花膠鴨紅的花椒辣勁的味道！有麻辣鍋影子的悠悠變奏著！飲品芝士奶蓋，不知是否太遲飲，芝士味唔太突出，同埋吃得飽呢刻再飲覺得呢杯抹茶唔夠來杯簡單清茶／花茶好，幸好佢的外賣杯設計，本來就俾你飲唔哂帶走的，一物2用！第2鍋： 台式足料老火養生燉雞鍋＋金菇＋台灣貢丸＋台灣蜂巢豆腐＋龍口粉絲＋珍珠奶茶少冰驚喜此湯頭都真係有老火雞湯的味道，沒有欺場，面底配個龍口粉絲正正合意清清地的午餐之選，而蜂巢豆腐及金菇也掛湯濃濃讓你暴風式吸入著粉絲及湯汁，粉絲吸湯很快，唯一佢美中不足的是只可後加清水，不能加湯，不過小小一煲都OK，也不會太淡，台灣貢丸也吃得出不是最便宜的貢丸貨色，整個組合都OK，不會太油，感覺滿足的不錯的配搭。最好的，這裹也沒有刻意趕人的用餐時間！更加加分，也會番轉頭再試下其他特色小食，MENU內唔吃鍋，也有其他選擇，怕熱氣都仲有得揀，大班人黎都好好！ …

見有米線舖開張，當然要試下！川菜妹小試下薯粉係指定動作。我平時鐘意點個唔加餸的，因為可以試真些這個薯粉的實力，黎到見到俥MENU隔間熟口熟面，唔洗問都係集團式經營，都黎宵夜試下佢地點： 在勁旺的油麻地彌敦道上，地點佔盡地利環境：米線，茶餐廳格局，不過夠猛，也貼上有些招牌的相片食物：大路的配料，好熟面口的MENU，沒有太大驚喜，穩打穩陣，有米線，薯粉，仲有水煮辣汁的麵，也有牛肉麵，也提供餃子俾人選摜。小試牛刀，點一個重慶酸辣薯粉大辣試下，上枱時見到碗野好似好清，已懷疑佢係咪真係大辣，食落。。。。無咩味，帶點點酸，亦食唔出用咩好出色的湯底煲成。問職員唔夠辣，可否加些辣，佢話你加枱面上的辣油就可以，係一 樣的。。。。。我心諗咁其實所有人可以叫原味，因為在枱面自行加辣。。不過最尾店員都主動，都有幫可拎左入廚房加辣，出黎後見到碗粉多番少少紅色。其實佢嘅麻辣味都係食得出係連鎖店的貨色，沒有麻味，辣勁倒有些，不過這個辣汁味精重，吃完有點口渴。薯粉煮得都中規中舉，偏軟身，有點點發脹，花生未有想像中咁香口同脆，沒有特別炒香過。有點榨菜及芽菜在底。基本上，不是什麼特別的酸辣粉，微少上也不見用心。基本上而言，填肚倒OK的，或平日想食行過也是可以的選擇，不過這個重慶酸辣粉不值得專程來試了，因會覺得失望。」…

本身最愛去試川菜館！看到食評都多正面，黎試一下。不過個人覺得只是一般，當然也有欣賞的地方。地點： 位置本身已無可挑的，銅鑼灣登龍街，易找無難度，地點極便利環境：走高檔路線，所以坐得寬落值得讚，不過唔好的因店較少，樓底唔高，好聚聲，超噪焗促，吃得有點辛苦。服務： 服務態度都幾好，有善親切食物：有火鍋有小菜，任選擇，不過個人認為沒有太大驚喜的菜式，都是大路的，味道遷就了點港式口味。走中高檔路線，份量OK，不過主菜相比下較昂貴。不過餐廳無酒牌，無賣酒。同埋有心理預備，上菜比較慢。。。。。。冰菜沙律：作為頭盤小吃，小清新菜式，唔係好多地方有冰菜，生吃係爽爽味道配芝麻醬同吃，最穩打穩陣配搭！醬汁黎到先淋上，加分位酸辣土豆絲：喜歡有鑊氣同埋酸酸辣辣，土豆絲炒得爽，花椒帶出誘人的魔性吸引力，不過略油了一點，但很惹味川府香酥珍珠蠔： 有點似台灣的炸蚵仔，蠔仔大大粒圓潤，讚！炸上炸醬炸夠乾身，要趁熱吃，加了辣椒粉辣味充滿味蕾！其實配酒極佳，想叫酒時，原來餐廳無酒牌的，呵。。。有點可惜，很好的佐酒小吃，不過價錢＄178, 價錢略貴麻辣雞串翼（超辣版）： 我們幾個極愛辣，平時在川菜館多叫中辣，膽粗粗見佢話有個超辣版，就去試下，味道唔錯的，不過講真辣味就一點也不是超辣版。。。。中辣版吧！其實佢唔寫超辣版，會無咁失望，不過都整體炸得OK。水煮桂花魚：呢個去到川菜多會點的菜！一看價錢，其實真係好少見一間川菜館一個水煮桂花要索價＄488的！！！我記得去食鄧記，三希樓，映水芙蓉，滿江紅，呇等，都唔洗呢個價錢，也基本上很多川菜的水煮魚也吃過，但一場黎到，近＄500都試下佢！ 不過換黎到係勁失望！！！！！！個人意見如下：－ 魚片： 魚片太多骨，另外其他部份的切法也令到入口很多骨，這個是扣分位！唔夠滑溜，也是失望之一，魚味其實唔夠鮮甜，不過魚是新鮮的，但份量唔多，由於多體關係，3個人其實都食唔到好暢快。但以＄500這條桂花魚，似乎又唔值呢個身價－ 水煮汁：其實上碟幾靚，面舖了辣椒，香菜等，佢整法唔算好多紅油在面的那一種，所以其實個湯汁可飲落口都唔會太油，湯汁幾好，飲落唔係感到好味精，是有用心整的。不過個人覺得如果佢本身都會諗上一層辣椒花椒舖面的，佢爆得這些不夠香氣，所以湯頭欠了川菜獨有的花椒香。個人口味，我本人只是一般般這個味道，因人而異。不過，老實說的，同行朋友也有吃㓷了這份魚。。－配菜有好粗的薯粉及木耳及芽菜，這個配搭LIKE！不過份量不是很多。以食過咁多間川菜而言，覺得有點遷就了港人口味，個人意見只是一般，性價比有點遜色，香港租貴，在銅鑼灣地段，做生意艱難，也體諒，希望餸菜味道及創意更有進步空間。…

晚餐時分去到大三巴附近，想坐低休息下，又食夠左葡餐蝦子麵蟹粥，正煩惱之際見到呢間餐廳試業中，原來來自東京第一天丼，有指是去東京旅遊必食的有名天婦羅炸物名物，見條隊都唔算太長，門口職員態度殷勤，又見剛新抵達澳門，就入內朝聖！地點： 超便利位置，是由議事亭前地沿路往大三巴時分叉路見到的，地址在旺區水坑尾板樟堂，在地庫，萬寧下面，唔難找的。環境： 有玻璃窗望入餐廳內，一眼看盡餐廳，內裹亦有玻璃可一覽廚師炮製美食，說食物由日本空運的，光線和諧，以木製枱椅為主，枱與枱之間比較近，有點逼，不過枱面很大，也感覺距離感拉遠些。食物： 基本只是賣一款的，就是炸物＋飯＝天丼，只是基本你要不同天丼就大細分別及不同配料之別。枱面上有一指示，教您如何最好的品嚐這個天丼，記得望一望呀！江戶前天丼套餐：見這個江戶前天丼套餐好像最多餸，所以就點了這個，可以一試所有好味的配料，一食即感受到佢講的胡麻香，佢的炸漿真的做得很薄很脆，唔會覺得好HEAVY，餐廳介紹其炸漿採用該店黃金比例而成，亦有日本師傅監場做的，每件都脆口唔太油。獨家醬汁亦唔會太蓋過食物鮮味。碗像很大很多飯，但實際又不是的，報導話碗是特製保留空間存熱氣，所以飯量不是看到碗SIZE咁多的。江戶前天丼套餐有以下天婦羅：穴子魚：魚肉炸完也吃出魚味，不像FISH ＆CHIPS般，是用星鰻魚肉，在江戶前天丼上最長的一件就是了。鳳尾蝦：鮮味香脆，OK！雜錦海鮮餅（墨魚，干貝）：幾鐘意呢個海鮮餅，食得出一粒粒墨魚及干貝粒，不是那些加工現成貨，海鮮餅亦唔係好多粉死實的。溫泉蛋：先吃時不要一下拮穿，試了日本米粒及獨門醬汁真味先再拮穿蛋黃讓蛋黃汁溢出掛飯飯面同吃，又令一番風味，炸過的溫泉蛋依然是流心狀態，沒有過老海苔：日本菜怎能缺少它呢！脆口餸飯！小青龍（GREEN PAPER）：唯一一件小小的蔬前，是秋葵，如多些更好！記得加入枱面上一些醃白蘿卜及薑同吃，醃得也出色好味，也刺激食慾去油感。呷一杯枱上的黑豆茶慢慢吃著。由於2個人之前已掃街，所以只叫了1個飯SHARE試試，再叫了一杯冰綠茶（是冰抺茶，看到抹茶粉的！）及凍檸茶（是罐裝檸茶＋冰上來的！）。＋10% 服務費，賣單2百元。總算到澳門試了特別的東西作結！…

其實本身是去食煲仔飯的，又心思思見到想食咖哩！結果又食煲仔飯，又食咖哩！竟然好好味喎！意想唔到。地點：在愛秩序灣熟食巿場內，在地面的最入右邊，範圍唔大，一眼看到。服務：店員是印度人但操流利廣東話，溝通無問題！環境/食物：食物選擇也多，熟食市場好處可見下呢檔叫下嗰檔，食下煲仔飯又可叫泰菜，方便極。不過枱為快餐店梗枱，無圓枱！香料羊肉配烤餅：問店員推介，佢話羊肉多人叫，香料羊肉好味，就跟佢落單，佢問要飯定包（原來是分開2個配的，或可單點）。香料汁好好味，話小辣都有辣度的，不要小看！我覺得勁過譚仔小辣（比較下），香料咖哩是偏紅色，像紅咖哩，重印度香料味，有羌絲及芫茜舖面，有炒香洋蔥，香料汁不是水汪汪的那種，沾餅最啱！烤餅最啱烤得香口好吃，單吃也脆脆焦香！味道很好，易入口！大家吃不停口！可再來👍🏻👍🏻…

👳🏽‍♂️🍛話說咁耐大鄉里去試重慶咖哩，去左3間望下先入，最尾㨂左呢間門面最似餐廳，就去試下：地點： 第一次踏入重慶大廈，朋友說過要先找你是什麼座，因不同座在不同電梯大堂。如這間在c棟，要先找c棟，再找相相關單或雙數𨋢。這我次我去c棟，是彌敦道走進去較深入的一棟，經過中間像管業處左邊。環境：這裏外面看最似餐廳的一間（對比我去過的3間門面作比較），牆上印有食物圖片，門口有一個透明小窗望進入內環境。是日是平日午巿，我去得呢間有人在內，其他不知為何未有人。食物：食物之前未試過，唔知好無食同款式都大同小異，特意試下。服務：識講中、英文。落完單不斷問我地飲咩，最尾叫佢俾左2杯水（都得嘅）及叫左杯印度拉茶。燒烤五香雞件Chicken Tikka  （5件）:呢個一向是吃印度野的燒雞件，醃成紅紅的是其記號！ 鐵板上熱騰騰特別好風味！ 雞件有5件，記得加上青檸酸酸特開胃，醃雞件入味又唔鞋，配菜有些如洋葱等炒香，輕炒過很美味。朋友與我也讚好味！新德里特色燴羊肉（小辣）、烤餅：咖哩與烤餅也是絕配！ 本身考慮另一羊肉，但店員介紹這個，就試試。其實香料咖哩給我這種外行人都差唔多。 要形容的話是淡淡咖哩香，奶香，不太辣的，羊肉沒有太多肥肉，但都唔算太鞋，中規中矩，個人愛烤雞多些。烤餅點了原味的，不想味道太雜，味道也鬆軟，如烤得再香脆些更好。印度黃飯  pulao  rice：配個黃飯配咖哩，印度香飯不像白飯般，是超乾身及粒粒很分明的，特色也應試下。印度瑪莎拉奶茶  masala  tea：帶重香料味及偏甜的奶茶，喜歡與否按個人口味，不過唔太甜也算ok. 免費小食薄脆餅配印度綠色醬：薄脆唔睇得少都幾辣的！超脆口勁唔停得口！…

🦆🍄🍚: 天氣凍左咁多日，搵下雜誌介紹的煲仔飯，終於的起心肝遠赴未食過的，去搵好些煲仔飯來吃。選了呢間，報道話沿自銅鑼灣新翠華，煲仔飯做得出色，但食評又話伏，不過想試下創新煲仔飯，唔食平時的臘腸排骨雞等，就去試試您。地區： 未去過，在B3出口出其實過對面唔太遠，好易走左入商場，但其實街市及熟食市場在商場側的，唔識路的要注意，找到後在地下一門口就是了。環境： 熟食市場比想像小很多，裹面仲有印度及泰國野，佢係一些梗枱，不是如鵝頸橋街市圓枱圓椅，當日又唔太多人，一場黎到，試下啦。食物： 有分傳統煲仔飯及創新的，羊肉煲仔飯，荔茸肉碎都有介紹過，自己鐘意鵝肝油香，叫呢個試試。野菌鵝肝煲仔飯：試個創新野菌鵝肝飯，軟鵝肝配脆爽雜菌雙映成趣，一軟一硬最佳組合，鵝肝煎香過，帶有鵝油香，只可惜鵝肝太少太碎味道唔夠突顯，如切大件些啖啖細味品嚐鵝肝香味，花多些$也願。菇配鵝肝是好的組合，軟軟鵝肝，配超有味脆爽菇菌，加上粒粒分明飽滿的白飯，夠乾身，有少少飯焦唔太濃好好，菇好食，足料舖滿煲飯！不要落太多豉油蓋過原味（佢幫我一手落埋豉油，不愛咸的還是自己控制的好）。環境不大，是熟食市場隔局，食物無雜誌講到期望的好，有更進步空間！不過也欣賞餐廳創新意念，飯底，什菇也好吃。下次試番傳統配料。不過一煲飯都成70幾蚊，不過人地火喉控制好，手工技巧錢。 等我自己番屋企試整下先！冬日撐暖笠笠煲仔飯！❤️加$2, 可轉熱飲，叫左杯熱華田，超重手！好甜。。。…

呢間餐廳成為了我們的新寵兒，因為佢啲包點的確抵食又好食！！！＄58蚊有10隻，平時好多餐廳都得4隻度，咁當然佢地做得更加精緻，但呢間以小店舊舖型式，呢個價錢呢個質素，我會揀食多幾隻！！！！地點：在小巷內，我們多是在香港仔中心巴士站走過去，幾分鐘就到，隔黎有間榮式雞扒飯。環境： 地方唔太大，如要大枱記得打去訂位好些，免得要等位，地方窄窄地，坐圓椅，但吃得很親切開心食物：包點最出色，次次都叫齊小籠包、鍋貼、炸雲呑、蒸餃，尤其前3樣最出色，另外韮黃炒鱔片也大愛，豆沙鍋餅作結！遺憾次次黎都試唔到高力系列，要夠人手先做，或者試下打電話訂定唔知可唔可以。小籠包：＄58蚊10隻！性價比高的小籠包每次都叫2籠！皮薄爆汁不在話下，即叫即做的質素吸引街坊前來！當然佢同那些很精緻的小籠包不可相提而論，但係佢嘅味道及質地也唔輸蝕，我諗我自己一個人黎食1籠都絕對無問題！鮮肉鍋貼：又係抵食＄56有10隻，佢個皮煎得好香脆的，保留著鍋貼皮的煙靱感，一咬肉汁四溢，令人回味，佢係煎嘅，食完點都會有少少油，淺嚐2隻可留肚食其他的！炸雲吞：驚喜之作，第一次叫時無諗住佢咁好食！菜肉雲吞饀吃時小心燙，炸得金黃色的，香香脆脆，一上枱就成大家焦點所在！要趁熱吃！小籠蒸餃：怕滯怕肥的，蒸餃可吃得出佢嘅原味，清清地其實更吃得出佢濃濃的豬肉香及麵粉香，細細咬它呷著肉湯，比吃小籠包多了分煙靭有質感的享受。炒鱔片及韮黃炒鱔糊： 我鐘意黎呢度可以滿足唔同朋友唔同對鱔魚的願望！因佢有炒鱔片及炒鱔糊可揀！！！！平時我唔太鐘情鱔糊原因，鱔絲太幼銀芽太多吃不到魚肉，又掛汁太多，但這間小店可挑炒！鱔！片！吃了一次後念念不忘！食炒鱔片才是的嘛！除非食脆鱔，否則我覺得揀係要大大片吃才吃得出鱔片的爽脆感與鱔的味道！當然，總有唔同喜好愛炒鱔糊的，仲有得揀銀芽炒或韮王炒，韮黃更是我的大愛，有得揀太好了! 同鱔同炒係天作之合！鱔糊唔太咸，味道都好味！各人投其所好！豆沙鍋餅： 大大件好多豆沙餡，豆沙唔會太甜，也是朋友們必點之一雞油津白： 食咁多肉，叫碟菜，無諗過雞油津白反而有雞肉在面！哈哈，我地又覺得幾好味，唔會太油，津白清甜。茄汁蝦仁鍋巴及三鮮鍋巴： 鍋巴脆口好吃，茄汁味道濃些心三鮮來得出色，它的蝦仁如果用上大些的蝦仁會好些！咸肉百葉湯： 太飽我只淺嚐了一口吃點菜，都OK，朋友則說百葉有點硬。朋友們在點些豆漿等，呢度啲姐姐雖然係講咩服務態度，但同佢地傾下計其實幾親切的，街坊生意嘛。就因為咁，呢度我地成日都返轉頭，好食抵食呀！…