tikming's Profile

這家燒肉餐廳提供了多種不同種類的肉品選擇，包括和牛、豬肉和雞肉等，讓顧客可以根據自己的口味和偏好來挑選。他們的肉品質鮮美，切片均勻，讓每一口都能感受到肉質的鮮嫩和口感。此外，餐廳也提供了各種配菜和調味料，讓顧客可以根據自己的喜好來搭配，打造出獨特的味道。除了肉品的品質外，這家燒肉餐廳還注重食材的新鮮度和來源，保證了菜品的品質,保留了肉品的原汁原味。整個用餐過程中，服務員的細心服務和專業態度給人留下了深刻印象，讓顧客感受到賓至如歸的溫暖。這種關注細節的服務讓顧客感受到尊重和重視，增加了整個用餐體驗的愉悅度。…Read More

平時中午成日同同事嚟呢度食lunch，佢嘅lunch set都幾抵食。最平50幾蚊有個小菜加白飯加嘢飲。今次就嚟試吓佢嘅晚餐Menu。安格斯牛肉豆腐鍋牛肉幾鮮嫩，唔會住得太老，肉質唔會好乾柴。但係要快啲食，因為石鍋有溫度會令牛肉繼續慢慢變得更加熟，到時就會有啲un。豆腐，再加佢嘅醬汁，辣辣地，好易送飯。乾扁四季豆四季豆好嫩，冇渣。炒得好有鑊氣，好香口。肉碎亦都沾滿左四季豆。冰粉用桂花整嘅冰粉，好香桂花味，好特別。…Read More

喺美麗華商場一期嘅2樓，原來沿着廁所方向行入去仲有一個小角落，平時都冇乜為意。入邊有幾間餐廳同幾間買鞋服飾嘅舖頭。鄭伊健發現有一間burger店，見佢裝修非常有美式風味，所以一於入去試吓佢嘅食物。價錢同其他burger店差唔多，都係$100左右一個，但呢度嘅份量相對地就比較大。叫咗一個黑松露大啡菇芝士牛肉漢堡，非常足料，麵包中間夾住牛肉漢堡扒，芝士，蕃茄，生菜，煙肉，同大啡菇。一個人淨係食個包就已經好飽。漢堡扒煎至九成熟，所以口感唔會太乾柴，而且牛肉味道香濃。黑松露醬都好香，令到成個包嘅味道升咗一個層次。另外仲叫咗牛油果醬芝士薯條，芝士落得毫不手軟，非常之多，而且薯條係粗身，唔會炸得好乾好硬。…Read More

之前幫襯過兩三間金鳳，最鍾意嘅都係太子呢間總店，總是覺得呢度嘅員工特別有人情味。一如既往，點咗餐之後就會送上餐包筒餐湯，餐包上枱嘅時候熱辣辣，好鬆軟。個人最鍾意呢度嘅羅宋湯，好足料味道好濃郁。今次叫咗一份牛小排同埋一份西冷同朋友share，兩份都係叫咗五成熟。食鐵板嘅好處就係如果你覺得塊牛肉太生，切完之後用鐵板煎熟少少。牛小排肉質厚實，牛肉味道比較濃，而且煮法係偏向西式煎牛扒嘅方式。西冷就係中式嘅煮法，所以牛扒幾肉質比較鬆軟。每次想食好多肉嘅時候就會去金鋪食個扒餐，買單都唔使$200一個人，好抵食，又滿足。…Read More

花園街有好多出色嘅小店餐廳，間唔中都會見到有啲舖頭大排長龍。今次就試咗一間日本餐廳，見到價錢唔貴，餐牌上面嘅相，又好似幾靚仔咁，所以就入去幫襯吓。壽喜燒牛肉浸到八九成熟，食起上嚟非常嫩滑，而且下邊有好多蔬菜，例如娃娃菜，冬菇，豆腐等等，係一味又好食又健康嘅菜式。雞肉棒串燒雞肉一啲都唔乾柴，仲有少少軟骨脆脆嘅口感，串燒燒得外層香脆，上面加咗啲照燒汁，配上蛋黃加豉油做醬汁，真係好正。刺身拼盆三文魚嘅部位，仲要係魚腩，好肥美油香味十足。生蝦亦都好新鮮，味道鮮甜。…Read More

長沙灣樓上中菜館一坐低店員就會放低一碟小菜，係涼拌雲耳同埋豆角，酸酸地鹹鹹哋幾開胃，涼拌調味亦都唔錯。叫咗一份細嘅酸菜魚，但係其實非常大份，足夠三至四個人食。要咗鯛魚，所以魚肉好爽好有彈性，同埋預約處於啱啱熟嘅狀態，唔會好乾柴。酸菜魚入邊仲有其他配菜，例如雲耳萵筍粉絲。又酸又辣，越食越上癮。之後叫咗半隻扁皮鴨，有8片。最值得讚係佢個餅皮，想啲嘅時候仲好熱，所以保持到餅皮好鬆軟唔會硬身，而且餅皮好薄，就咁食過好好味。片皮鴨腳鴨有皮有肉，食落唔會好油膩，而且個烤鴨亦都好香，可以見到塊皮仲係有油光，好新鮮。…Read More

長沙灣廣場3樓，最近開咗好多間新嘅餐廳。其中一間係mata，食日本嘢嘅。呢度嘅餐廳座位都比較開陽，唔會好侷促。有兩個前菜，一個係醃蘿蔔，另外一個係涼拌海帶。醃蘿蔔仲加咗少少柚子皮，好爽口，而且仲有有柚子嘅香味，味道好豐富。另外一款係炸獅子狗片，好有趣，係第一次咁樣食獅子狗，將獅子狗切片之後拎去Zara再配上一啲椒鹽作為調味，好香口好適合用嚟送酒。餐廳有好多款自家製嘅調酒，佢哋係用顏色作區分，今次叫咗Orange，味道有層次，而且好易入口。主食叫咗鯛魚刺身，柚子燒豬肉串同埋雞絲冷麵。每一款食物都好有驚喜，鯛魚刺身係火炙燒焦咗外表，配上甜甜酸酸嘅洋蔥汁好開胃。Kazi樓面嘅雞絲係配上黑芝麻醬汁，係比較新穎嘅口味。…Read More

之前食過呢間嘅Pizza，覺得幾好食。今次就嚟試吓佢嘅牛扒。澳洲草飼肉眼扒 $178塊肉眼扒大大塊，跟薯條沙律菜，醬汁方便就有芥末同茄汁。睇塊扒嘅燒焦紋路，係用有坑紋嘅鑊煎。因為唔係成塊棒嘅表面接觸到平底鑊，所以外皮唔會太乾柴。要咗五成熟，廚師嘅手勢幾好，所以jing嘅生熟程度剛好。外表焦香，入面仲保留住肉汁。牛肉味都重，應該係真材實料嘅澳洲牛。跟嘅係幼身薯條，炸到金黃色，好香脆。店家好細心，將茄汁分開放，就唔會令到薯條變冧。…Read More

百幾蚊就食到韓燒任食，真係低到無人有。而且食物質素唔差，性價比極高。非常適合大食嘅人同食肉獸。豬牛雞冇調味嘅肉部位位都唔錯，另外有調味嘅肉嘅醃料味道都幾好，醃得好長時間所以好入味。完全唔使再掂其他醬料就可以用嚟包住生菜食。百幾蚊個有海鮮食！有青口同埋魷魚，食多幾嚿都已經抵返晒。另外熟食都絕對唔馬虎，好似炸雞翼咁，新鮮出爐脆卜卜，仲好食過脆香雞翼㗎。另外職員服務態度都幾好，隔一陣就會主動問你要唔要換爐，非常細心。…Read More

餐湯係羅宋湯，超級大碗！係平時喺茶餐廳食湯麵既碗，份量十足！飲完都已經飽咗三成。亦都非常之足料，入邊有好多蔬菜。主菜要做個芝士焗生蠔拼豬扒，隻蠔既size都唔細，上面有白醬加芝士拎去焗，味道唔錯。豬扒亦都整得好香口，肉質唔會好乾巴巴唔會好難咬，而且好大塊，成塊面咁大塊。另外仲會配上黑椒汁。配菜有薯條、紅蘿蔔、西蘭花同蕃茄仔，成個嘅份量都好多，啱晒大食嘅人。而且價錢都唔貴，所以好抵。見佢仲有一個係牛扒用鐵盤上，幾得意，幾大份，下次同朋友可以一齊試吓呢個。…Read More

平日嘅夜晚行行吓the one發現到呢間小店，就算係平日夜晚都一樣多人，睇個餐牌，只係日式加西式嘅餐廳。叫咗個人氣首選嘅美國黑毛和牛丼，有四大塊和牛，中間程粉紅色，目測脂肪比例唔多。食落去嘅時候外層有好香燒烤嘅味道，而牛肉入邊仲係好軟熟，雖然牛肉嘅部位比較瘦冇乜脂肪，但係入口唔會乾柴，仲有少少牛肉嘅纖維，非常適合瘦身人士享用。個飯上邊仲林咗少少燒汁，所以食落去唔會咁單調。另外叫咗一杯抹茶鮮奶，上邊雖然有忌廉，但係係無糖忌廉打發，而且成杯飲品唔會太甜，一啲都冇罪惡咁。總括嚟講價錢唔算貴，質素都有保證，而且材料同埋做法都唔會好油膩，非常健康。…Read More

今日同幾個朋友去咗旺角食飯，想食得清淡啲，於是就揀咗日本嘢，見到呢間價錢唔算好貴，舖頭嘅裝修都唔錯，所以就入咗去試下。個人最鍾意食有牛油果嘅壽司，因為有creamy嘅口感，拍得住魚生。所以叫咗一客牛油果軟殼蟹，一客有六件，入邊嘅軟殼蟹新鮮炸起，所以脆卜卜，香脆嘅口感加上牛油果嘅順滑，再配上沙律醬嘅調味，口感豐富，唔需要額外點豉油都已經好好食。另外叫咗個鐵板牛同埋牛舌串燒，兩款都唔錯，烹煮煮嘅時間啱啱好，牛肉唔會乾柴，充滿肉汁。魚生刺身同其他食物正常發揮，價錢親民。…Read More

今日嚟到樂富食晚餐，揀咗一間韓國餐廳，唔係傳統正式嗰種韓式菜，係有啲fusion菜嘅感覺。類似係日本同韓國嘅混合。😋叫咗個照燒雞扒蕃茄湯拉麵，係日式嘅感覺，蕃茄湯味道濃郁，雞扒亦都燒得好香，配菜仲有木耳絲同粟米，整體口感幾豐富。拉麵用咗幼麵，所以比較掛湯，食落去每一啖都充滿蕃茄味。🍅另外仲叫咗個鐵板野菜，菜嘅款式亦都非常多，有椰菜粟米仔翠玉瓜紅蘿蔔同紅椒等等，炒得好有鑊氣，蒜蓉味好香，而且一直用鐵板熱住，唔會好快就到。🤭韓國菜式方面就叫咗雙重芝士炸雞同埋燒牛肉水牛芝士沙律。水牛芝士成個氣球咁，玩味感十足。🤣…Read More

D2 place呢個寵物有善嘅商場吸引咗附近唔少養寵物嘅家庭同埋情侶去行街食飯。金鳳呢間餐廳，裝修比較開放式，所以出邊嗰幾張枱，都係可以比主人帶埋狗狗一齊嚟食飯，非常方便。黎到金鳳梗係要食佢地最出名嘅扒餐，我同朋友分別叫左無招牌牛柳餐同T骨牛扒餐，價錢係$133同$168。牛柳有兩大舊，份量仲多過餐牌上面張相，好難得😆牛柳嘅肉質好冧，一啲都唔乾柴👍🏻T骨牛扒連骨所以好香，纖維感比較重，所以食落有啲咬口，而且幾有牛味。😆總括嚟講，食物份量都幾足，價錢又唔算好貴，平過出邊西餐廳，適合食肉獸。…Read More

之前都試過呢間餐廳，覺得價錢唔算好貴，食物味道同質素都幾好，而且裝修都幾靚，好有泰國東南亞風味。之前食過尖沙咀嗰間，今次黎到灣仔，見到有成棟三層高嘅分店，就好想再食，而今次就試下D新嘢🙂咖哩海鮮焗原個日本南瓜，個南瓜好大隻，份量幾多，四五個人share都好夠。海鮮有青口，蟹，魷魚，魚，個咖哩醬好惹味，配南瓜蓉食口感好綿滑，完唔洗咬。仲叫左個薄餅用黎點咖哩食😋泰式青檸蒸烏頭，條魚幾新鮮，食落肉質嫩滑，有鮮味，青檸可以中和泰式醬汁嘅濃味，重點係真係幾大條幾抵食。其他菜式都唔錯。…Read More