金葉 (Closed)

餐湯係羅宋湯，超級大碗！係平時喺茶餐廳食湯麵既碗，份量十足！飲完都已經飽咗三成。亦都非常之足料，入邊有好多蔬菜。主菜要做個芝士焗生蠔拼豬扒，隻蠔既size都唔細，上面有白醬加芝士拎去焗，味道唔錯。豬扒亦都整得好香口，肉質唔會好乾巴巴唔會好難咬，而且好大塊，成塊面咁大塊。另外仲會配上黑椒汁。配菜有薯條、紅蘿蔔、西蘭花同蕃茄仔，成個嘅份量都好多，啱晒大食嘅人。而且價錢都唔貴，所以好抵。見佢仲有一個係牛扒用鐵盤上，幾得意，幾大份，下次同朋友可以一齊試吓呢個。