shirleylll的个人专页

經過東薈城，見呢間店係新開，又有好多人排隊買，我就跟隊，想試吓好唔好食。肉桂卷賣相睇落好似好重口，我食嘢都中意重口，就好期待。到我買咗2個經典肉桂味、1個朱古力味、1個焦糖核桃粒味，中size，共125$。我第一個試嘅係朱古力味：分數：3/5 其實我比高咗分數佢，賣相好似好重口，又豐富足料咁，但食落口有啲失望。朱古力味好淡，啲醬好多好似煉奶咁樣，只食得出糖的甜味。麵包好厚，可能我唔識食，食唔到咩外脆內軟，淨係覺得佢似普通麵包店食到嘅麵包質地。其他味都係得個甜字，麵包質地無咩特別，貪新鮮，試一次就夠。不過用佢黎影相係呃到人，感覺重口又好食：…查看更多

聽同事講話呢間刨冰好出色，所以就帶男朋友一行兩人，係疫症呢段時間來朝聖。諗住無咁多人食，但大約8:15pm左右去到，我哋前面都有4群人等緊，我仲記得係3人2人2人3人😂排係我哋前面嘅，有10個人。大約等咗45分鐘左右，終於到我哋入去食。我哋叫咗：抹茶忌廉焦糖刨冰🍧加白玉 $98我比滿分💯1）刨冰味極似飲緊pacific coffee入面個杯抹茶拿鐵☕️2）刨冰中間有焦甜，甜度適中3）刨冰最上面pat cream好幼滑又帶微甜，配上啲白色（即係無乜味嘅）刨冰，就會有返甜味4）睇食評啲人話有餅乾碎，我又唔係好食到同無留意到😂總括：第一次食咁凍得黎又唔會食到敏感牙齒發作嘅刨冰！事源係因為我倆幾中意食鮮芋仙嘅芋薯圓Q麻糬牛奶冰，但每次食到底，個啲冰都又無味又凍到牙齒，所以我對刨冰嘅標準係唔算好高🤪雖然好食，但呢個價位，我倆就應該試過一次就夠皮，因為真係有啲貴😂唔排除節日慶祝個啲時候先會再食過🤪但完全值得食一次！…查看更多

之前好興食，我一直都未食過，今日終於同男朋友來一嚐傳說中好好食又好港女嘅千層蛋糕係咩料子！我大約四點左右來到，啲位都幾窄😂同剛好得返一枱可以兩人坐，唔洗等位。叫咗：玫瑰千層蛋糕 $75伯爵茶千層蛋糕 $75——————————埋單好似$16x 應該係包埋加一服務費講嘢食：伯爵茶千層蛋糕分數：3.5/5伯爵茶味好濃好出，啲cream都有好豐富嘅伯爵茶味，但我麻麻地伯爵茶味😂而且食食下覺得好漏😂係咁飲水玫瑰千層蛋糕分數：4/5呢個都好甜好漏😂但佢其實真係好足味，表面層啫喱係好重玫瑰味，中間啲cream 就係一般cream味（好彩），如果唔係應該甜到爆炸😂就會變咗唔好食。不過佢表面個層嘅玫瑰，我係食唔到落肚😂要隔渣先食到個蛋糕，有啲麻煩。總而言之，係好食過市面上大部分又乾又dry嘅crepe，但我覺得少食多滋味，真係食到最尾又甜又漏，或者原味可能先係最好。…查看更多

黎過呢度食咗兩次下午茶，睇招牌原本以為係食日本菜，但入到去先知係食上海菜！擔擔麵 $30豬扒 +$10——————總數 $40擔擔麵：- 湯底濃濃花生醬味、比較杰身- 配料如蝦米、碎蔥令整體口味更豐富、重口- 麵條入味，條條都充滿花生汁嘅香味- 適合重口味人士- 感覺稀釋少少個湯底會好啲- 依家有啲似重口花生醬撈麵- 但好好食，好入味，我好中意同推介！豬扒：- 唔係脆皮- 內裡係鬆軟- 鹹度剛好可以就咗齋食- 點湯就多一重花生醬味，都好好食次次去親都唔多人，可能因為我係下午2點幾3點去。其他食物唔知，但擔擔麵推介中意食重口味嘅人一試！…查看更多

同男朋友食完晚餐後，佢介紹我食聰嫂。我哋叫咗：蜜瓜椰果冰 $42芒果奶昔雙皮奶 $49糖不甩 $28———————————總數$119^蜜瓜椰果冰（圖左下）：- 椰果Q彈- 透明西米放入冰內凍佢一陣，變硬身質感好食有趣- 蜜瓜味微甜，口感清新- 評分：4/5^芒果奶昔雙皮奶（圖右上）：- 芒果意外地甜- 上層奶昔有冰沙感覺- 下層雙皮奶質感幼滑、微甜- 評分：4.5/5^糖不甩- 口感煙韌- 糖漿及花生碎比例剛好- 甜而不漏- 暖粒粒間店長期好多人，我同男朋友食完出去，見到成條人龍排隊，但係真係好食，值得一試😋…查看更多

同男朋友拍拖半年，男朋友知道我中意pepe同埋peppa pig，所以搵咗呢間gimmick係可以客製咖啡圖案嘅cafe店。不過我形住呃like打卡嘅店，可能食物質素都麻麻，不過為影張靚相都開心嘅！2人叫咗：- 1 Coconut latte $50- 1 Matcha latte $52(not coffee)- 1 all in one combo $165(水牛雞翼，肉丸，炸蠔)- 1 香辣露荀蜆肉意粉 $98——————————————連埋+1服務費，總數：$365但唔知係咪我男朋友經OpenRice 訂位，埋單時候竟然有8折，所以最後係比咗$328先講打卡嘅咖啡☕️：^ Peppa pig圖案：滿分💯椰子拿鐵咖啡：椰子味較突出，所以偏甜，咖啡底偏重奶味，但我個人唔係好中意好似糖水嘅咖啡，所以中等。^pepe the frog圖案：💯+💯影相真係好開心💕抹茶拿鐵：無咖啡成分，最上層好濃同甘嘅抹茶苦味，底層嘅味就偏向似飲緊豆奶。但我中意似牛奶溝出黎嘅latte多啲，所以覺得呢杯嘅味道普通。講食物：^是日晚餐精選：香辣露荀蜆肉意粉好辣、乾身似炒意粉、硯肉好細碎、露荀無咩味我中意食有啲汁嘅意粉，所以佢唔好彩地不對我口味，我覺得唔好食。^小食拼盤肉丸：個汁酸甜，有啲蕃茄味，肉丸配汁好食！水牛雞翼：甜酸醬好開胃，雞翼永遠穩陣好食！炸蠔：外皮酥脆，蠔亦感覺新鮮整體最中意嘅就係呢個ALL IN ONE COMBO 😋總言之，作為港女來打卡叫飲品係一流！我同男朋友入店嘅時候，坐滿女仔，但一個男仔係客人，所以好啱港女來！食物質素都ok, 只係咁啱我叫中我唔中意食嘅野食而已，都推薦！…查看更多

同朋友2人來晚餐，7pm左右，唔洗等位。Order:話梅梳打 $40泰式奶茶 $35青木瓜沙律 $78去骨海南雞飯 $88豬肉碎生菜包 $88+1 服務費 $33————————————總數$362，平均每人$181先講飲品：（左）泰式奶茶：- 茶同奶比例平均- 甜味適中 好飲（右）話梅梳打：- 重話梅味- 有一塊檸檬乾 飲落味似鹹柑桔 開胃再來食物：以上嘅青木瓜沙律：- 有蝦米吊味- 口感清爽微酸- 個汁好似食百雲鳳爪嘅味- 整體不錯亦開胃以上嘅去骨海南雞飯：- 飯帶少許雞油香味 好食- 無骨嘅海好啱懶人食 啖啖肉- 醬汁微酸 為雞肉味道增多一個層次- 推介！以上嘅豬肉碎生菜包：- 豬肉碎無辣味 老少咸宜- 肉碎鹹度剛好 可以就咁即食 包生菜亦好好食- 碗豬肉碎嘅乾濕度適中 用手包生菜食嘅時候 唔會漏汁滴到周圍都係 又唔會太乾身食到喉痛- 好食原本以為呢間鋪係以霓虹燈裝飾做招徠，啱港女影相打卡，嘢食可能麻麻地，唔會出色得去邊。但可能因為我嘅期望值唔高，所以啲嘢食出到來出奇地好食。環境靚、服務正常、食物好食，推薦大家黎一試！我都可能會同其他朋友再來幫襯ya…查看更多

睇ulifestyle見到有莞茜車仔麵，我好中意食莞茜，所以即刻叫埋男朋友陪我去試！晚餐大約8點半左右，店內都多人，但店鋪都大，唔洗等位就即刻入到去有得揀埋位坐。我哋叫咗：- 熱奶茶 $19- 菠蘿冰 $25- 莞茜滑蛋煙三文魚三文治 $38- （我嘅）車仔麵餐 $50 手造台灣拉麵（+$30） 溏心蛋（+$8） 滷水五花腩（+$12） 五香牛腩汁 莞茜湯- （男朋友）車仔麵餐 $65 手造台灣拉麵（+$30） 豬大腸（+$10） 柱侯牛腩（+$12） 通菜（+$8） 招牌香辣汁 花雕濃雞湯（+$5）—————————————總數：$197後尾唔知點解埋單個時有8折優惠，結果係$157.6先講飲料，好普通，完。食物：1）- 滑蛋係鮮嫩嘅- 煙三文魚味都出- 莞茜味唔多覺重口，我係莞茜愛好者，當然希望茜味愈重愈好，所以佢未去到我期望嘅心水- 白麵包有啲太淋，如果用炕多士就好啦- 整體不過不失，都係好食嘅2）- 賣相吸引嘅- 食落湯汁我嫌無乜莞茜味，可能期待莞茜味會好重，結果佢驚喜唔到我- 睇ulifestyle拍到佢啲莞茜有成座山咗高，好明顯賣比客個啲係有出入啦- 牛腩汁、五花腩都好普通，普通到我連佢有咩特別嘅口味我都形容唔返- 溏心蛋煮得剛好，帶點鹹，又唔錯喎- 手造麵粗粗地，唔會好入到汁味- 整體中規中矩3）- 辣味完全蓋過雞湯味- 我男朋友嘅手造麵好慘，有啲痴實到變一團麵糊，食唔到，佢扔咗- 餸同街市食嘅車仔麵差不多味- 唔難食但都唔會驚為天人- 味道中等總言之，可以一試但絕對唔會再來一食再食，我諗我都唔會推介比朋友😂因為真係太過普通。而論平民食物，車仔麵嘅賣點應該包含「平靚正」，好明顯佢開得係戲曲中心，已經缺乏「平」呢個元素。但好奇又喜愛嘗新嘅人，絕對可以黎一試，佢唔伏，但都唔會係「我的最愛」嘅行列😉…查看更多

星期五晚，無book位，大約8點左右去到，2個人唔洗等位。2個人叫咗3樣食物：- 我們家鄉的環形天橋 $108（薯仔煎餅配泡菜、五花腩、椒絲及香葉）- 升上神仙臺 $128 （五花腩片配特製醬油）- 海浪覆蓋的岩石島嶼 $128 （大蒜油意粉配海膽蘑菇泡沫醬）飲品2樣：- 藍莓米酒 $98- 水果茶（唔記得咗名）$唔記得合共大約 $500開始來第一味：- 多脂肪- 普通腩肉味，我覺得一般- 同埋我唔覺眼佢有比過個咩特製醬油第二味：- 重泡菜味，小辣- 紅椒絲，小小辣- 個醬唔洗釀黎都得- 油膩，食到多油- 偏脆同食食下容易散開- 適合重口味好煎炸食物人士最後一味：- 重口海膽磨菇泡沫醬，但唔講唔覺似海膽味- 似黃色嘅磨菇忌廉意粉- 好食整體來說，可以一試，食物質素其實ok，環境也不錯，只係賣呢個價錢嘅食物無令人有眼前一亮嘅感覺。同埋，佢個gimmick 可能係想改啲吸引人嘅菜式名，但係作為顧客我覺得啲名一啲都唔吸晴，咁多字仲要睇到人有啲眼花撩亂。建議想改好名寫好餐牌，可以參考cwb 有間叫mamaday 嘅餐廳，人哋改嘅名係有趣又易明，例如：唔好咁大期望意粉，睇個名你都知呢道菜係食意粉，而唔係好似呢間餐廳咁，睇咗個靚名「海浪覆蓋島嶼」，我真係唔知呢味菜係會食乜，情況就好似同無睇無咩分別咁。重點係唔講唔覺自己原來係食緊韓國野，我覺得當佢整意粉呢啲西方食物仲好食過韓國食物嘅時候，呢間餐廳就變咗無乜特色風味可言，所以我覺得好普通。又或者係我無咩眼光，唔太識欣賞唄。…查看更多

今日中午想係銅鑼灣食burger, OpenRice最頭位就係呢間。原本唔多想食呢間，因為唔知呢間餐廳係咪買咗廣告，所以想睇其他餐廳。但係最終都係覺得呢間餐廳環境相同野食相幾靚，就約咗同事來呢度食。今日落雨，呢間餐廳係巷仔入面，附近嘅樓都好似台灣、日本樓層咁矮，有一種去咗旅行嘅感覺，而且人流唔多，除咗見到lady m都係排晒隊之外。呢度係酒吧感覺，落單要去收銀度order比錢先。我同同事2人，點咗：牛油果醬芝士牛肉漢堡 $92芝士大薯條 $50大烤菇芝士牛肉漢堡 $108合共：$250包身：硬實質地 唔會放耐咗 比啲醬汁沾濕咗就變淋 所以食耐啲都唔怕變質牛油果醬：講真無乜味 食完都唔知食咗牛肉：厚身結實 唔漏蕃茄：新鮮嘅芝士：適中 唔漏 我重口味 想食漏啲一個包其實都幾大份，建議2個女仔叫一個包share食都好足夠！芝士薯條無影到相，但都好食，芝士醬正，啲薯條條條都好長。唯一美中不足係去到底，有啲薯條浸得太多醬，會好淋身，如果可以整到條條都乾爽又沾到均衡芝士醬，就真係做到世界級。整體而言，環境食物都不錯，推介🍔😋…查看更多

一如OpenRice 其他食評家一樣，甫踏進店鋪，無人理會。OpenRice 話預約會有30積分，不過無論你有無預約都無人理，總之見到有位就坐就得。好唔好就兩睇啦，諗住幫朋友慶祝生日，入去個時幾驚佢會問有無預約，然後問我係咪3位（一個朋友後join)，所以呢點黎講，唔理客人都係好事。最後3人點食物：2杯飲料1份小食雞全翼1個pizza1份all day breakfast總數：$344食物質素真係好參差，我都盡量用中庸既角度去睇成件事lol首先飲品先來：· 普通水準· 只談外型，拉花幾靚· latte口感不是順滑可口· 味道上，像一般牛奶泡沫咖啡，榛子味唔出眾（Pacific, Starbucks, McCafe 想做中產 我會建議大家都係去返呢啲地方買飲品lol)- 朋友叫左紅西柚子梳打，西柚味幾出。接下來：· 味道不錯· 外皮醃料似kfc 香辣味燒雞· 內含飯量不多，只有一粒士多啤梨size 的份量· 上枱時我覺得食落唔夠熱再來：· 餅底薄脆可口· 熱辣辣· 蕃茄芝士的味道也融和· 可惜餅底太過焦，朋友表示吃不下去，朋友試過自己撕掉吃不到的部分，但一反轉整個pizza，就發現整體也燶得過份朋友頂唔順，拿去換，店員說蕃茄這一款賣光，換素菜給我們，我們也無所謂，只要好吃：· 薄餅上面啲餸全部都係凍· 我叫店員用手摸，佢地都知咩事· 再加熱，最後都係凍既· 照吃，但唔好食，呢個真心差由於店內只有餐牌內的食物可點，原本諗住食意大利闊麵，同試杯飲料叫藍調，結果乜都無朋友都話諗唔到叫咩食好，於是試下all day breakfast:· 黑松露蛋溫熱，重松露味，我嫌太重，磨菇味濃得有點臭· 煙肉、三文魚、蕃茄、香腸、粟米和中華沙律也中規中矩· 牛角包鬆軟香口，是好吃的吃飽後到賣明信片的櫃臺參觀，有一陣鬱結的微臭味絲絲地湧出，明信片也似是封塵已久，無人問津蒼蠅都間唔中有一兩隻，睇其他人食評見有post過蒼蠅相，知道小店有好有唔好，都想親身驗證一下，結果一如前人所說。服務態度呢度就一定無，但希望店鋪其他方面都盡量做好，例如衛生同食物質素。來這裡目的係hea 既話幾好，因為成間鋪既感覺就係hea。hea 都可以好中性，睇你想要啲咩，不過我作為一個肥仔黎講，一定係想食好野同享受好環境氣氛，所以呢度都應該唔會再光臨，同埋有其他更好選擇。…查看更多

與友人吃過的晚餐，看到門口，其實不吸引，但見店內人流十分旺盛，就試試看。· 頹，生果普通，賣相唔吸引，唔算特別鮮甜· 底層涼粉苦中帶甘，我覺得同表層芒果西米既甜唔搭調· 唔推薦lol反而朋友吃的芒果大西米河粉就比較有特色和好吃。另外都唔好嘗試叫小丸子芒果西米露，小丸子粉糰味重。朋友仲要食食下停手，話想食返許留山🤦🏻‍♀️…查看更多

早已預約訂位，一行三人到尖沙咀b2出口3/f的outback。我遲到，友人已預先點好食物。甫進店，只覺情調以昏黑昏黃為主，店內人流也不算多，可能是因為星期二平日關係。朋人點了：1）一份蟹餅2）一客意粉3）一個跟餐牛扒（送麵包、沙律）4）3杯飲料盛惠每人$182.6，總數$547.8來談食物，首先送上：· 麵包鬆軟，一切就散（都有可能係我切得衰）· 甜味較淡，沒有預想的黑糖極甜之感· 牛油也是淡淡的，輕薄點綴· 整體味道淡而輕量，不過不失再來跟餐的沙律：· 普通的生菜加沙律醬· 薄片芝士味道帶鹹，但不會太多太鹹· 中規中矩朋友叫的蟹餅，我OpenRice咗勁耐都搵唔到呢張相類似既踪跡：· 先入為主，我不太喜歡，但朋友覺得可以· 左邊的墨西哥脆片，濃濃栗米味· 右手蟹餅有牛油果作底，味道頗清新，但蟹肉無鮮味，吃出雪藏的感覺· 口感淡漠，蟹肉無鮮味，不能與牛油果相輔相成· 層次分離，脆片（薯片）與蟹餅不合，又脆又鹹又淡，一同吃進口中，沒有融合的感覺，還是鮮明的吃得出三款食物在口中明顯的分離· 朋友說okay，那麼止口痕，還是可以接受的菜色接下來的pasta，對我的口味：· creamy，巴馬臣芝士醬，入口豐富，鹹味得宜· 雞肉連皮，厚度適中· 蝦肉爽口彈牙· 附送的脆多士鋪上一層牛油，外脆內軟，鬆化可口這份牛扒，用作打卡拍照抓好角度還是可以接受的：· 作為窮大學生，點餐當然會留心價格，這份牛扒是最便宜的· 點了七成熟，用刀也感覺難切· 吃下口，太粗糙太老，要嘴嚼良久· 黑椒醬可以，醬底還有粒粒磨菇· 薯條普通· 特色雞味飯就可以一談，青椒紅椒味最突出，飯香口，但唔講唔會知係雞味飯lol最後說說飲料：· 我一向不喜歡喝酒精類飲品，apple cider 就是我的接受範圍· 這杯飲料感覺似fruit punch 加少許酒精· 沙冰感也重，未溶化時是可見碎冰的· 士多啤梨有三小片可吃，微酸· 飲品喝不出芒果味，就是酸甜酸甜· 酒精濃度淡，可以接受總言之，可能食得平，所以牛扒真係小伏，呢間店似要好似出名食牛扒，嗚，可以真係一食就要食貴扒先有可能會係好東西，唯有期待一下，有機會食又貴又好食的東西時，再同大家分享！…查看更多

預約7pm 吃晚餐，630pm 到達，職員立即為我們安排坐位。我和友人兩人共點了：一份沙律，一個意粉，兩杯飲品結帳連加一合共$350左右。最先到來的頭盤· 芒果冰甜，酸度剛好· 沙律菜每塊也平均地沾上油醋，是事前已經攪拌好，可見廚師體貼心思，而菜配醋的微酸味亦十分開胃· 牛油果剛好熟透，是沒有甚麼突出味道· 蝦肉都沒有突出的味道，但是彈牙有嚼勁· 鵝肝好吃，煎得外皮略脆，內料鹹度適中。甫吃下第一口，以為是煎午餐肉的口感，但是就沒有午餐肉般過度俺製的重鹽鹹味· 意粉爽口彈牙· 磨菇配上黑松露醬味道濃郁可口，情況就像比一般卡邦尼意粉帶有更重菇味，但無咁漏· 奇異果鮮甜好吃· 茉莉綠茶帶淡淡甜味，不錯，但就是沒有喝到太多奇異果汁味，真正嘗到奇異果汁味就是泡沫部分而已總言之，餐廳環境優雅，望出落地玻璃窗外更有一大遍中環的高樓大廈連山景色。環境和食物質素也是水準之上。…查看更多

星期四7pm 來到bizou，店內人流不多，訂座後來到，侍應也讓我們自由選擇座位。店內侍應多是外國人，偶有兩位從外國回流的香港人，說的廣東話也略帶半鹹半淡的口音。食：· 凱薩沙律，生菜配沙律醬，一定好吃。只是太多的芝士碎，我覺得有點太鹹，友人則很喜歡芝士。· 雞肉不滑，略嫌煮得太老成。伴碟的豆和醬汁味道也不錯，把雞肉釀上醬汁，也較容易入口，只是對於香港人的標準而言，這道菜就只屬勉強合格。· 蟹餅是我在看過僅有的14 篇食評推介的結論，果然不出所望，蟹餅經過油炸。外脆可口。而切開蟹餅時，內裡卻是十分疏散的，一叉就開，但是配上辣醬，味道鹹辣中帶有絲絲分明的蟹肉，整頓飯我最推薦這個starter。· 預祝生日點了杏仁蘋果蛋糕，欣賞畫勁劣絀的可愛happy birthday 和心形圖案的心思，但是吃下來蛋糕又苦（杏仁）又鹹（有鹽杏仁lol）又甜（蛋糕甜），非一般口味，我和友人一致認為伏。…查看更多