susni's Profile

已經幫襯過鍋霸7次以上，每一次都好滿意，帶朋友黎食個個都好滿意👍👍👍絕對會再次回頭幫襯既火鍋店！！但今次最失望係啲冷氣真係好唔夠，朋友們全程一路食一路出汗希望店家可以改善吓每次都係幫襯中間個個無限時既set,貴多少少但可以坐耐啲，平時啲放題比幾百蚊都食到趕頭趕命！！同朋友又唔可以坐耐啲傾耐啲！ 講真依家啲餐廳成日呻香港人返大陸消費，但有冇諗過點解？有啲位係咪可以彈性返處理？值得思考鍋霸既主打係食材新鮮，無太多花巧既熟食，最抵讚係每一輪叫既牛都係保持到，大塊得黎新鮮，唔會好似出面有啲放題，第三，四輪就開始俾啲差啲既質素，或者愈切愈薄😮‍💨除左牛，其他配菜 如手打丸，餃子都大推，尤其是係韭菜餃，外皮煙靭，又唔會太厚，韭菜又香，食到飽都仲想再encore另外，值得一讚嘅係座位坐得舒服，好鍾意有卡位嘅餐廳，相對有一定嘅私隱度飲品方面，都頗多選擇，有自家製嘅茶。最鍾意係暖櫃入邊有迷你版嘅朱古力奶。如果真係要挑剔嘅最美中不足就真係只可以有一杯雪糕😝不過有Movenpick呢個選擇都真係冇嘢好批評了真心希望繼續保持水準，千祈唔好退步啊呢個已經成為咗我同朋友嘅飯堂，聚會必去…Read More

呢間小店應該最近先新開張，今日喺附近返工經過就試吓。店員都幾有禮貌，又有笑容唔會黑口黑面呢間舖主打日式便當外賣，今次就試咗鰻魚便當，鰻魚表面應該有燒一燒，因為食得出有焦香味都算幾有心機。佢哋嘅珍珠米都唔錯。便當入邊有款南瓜 酸酸甜甜幾開胃不過店員好似話前菜有時都會轉下唔同款新開張好似有餸麵豉湯，味道ok, 有海帶絲，豆腐，白蘿蔔。起碼唔係剩係得啲湯水。另外再買多咗六粒章魚小丸子，即場食左兩粒，外皮幾脆，好食。雖然拎到返公司有少少淋左，下次應該唔好冚到個蓋咁實。呢個價錢有咁多嘢食都幾開心 下次喺呢邊返工會再過黎幫襯。…Read More

喺香港地搵到一間可以無限時任食嘅放題都唔容易，呢一間就滿足到我哋嘅需求有時同朋友仔食飯除咗食物質素之外，可以俾我哋傾足幾粒鐘嘅地方真係好難搵，特別係放題形式嘅火鍋，好多都係90分鐘或者120分鐘，每一次好似打仗咁趕頭趕命，真係食得好辛苦，又唔可以好好地同朋友傾偈。我哋食中間嗰個Level嘅餐，牛肉同豬肉都比預期中更加好，牛肉切得大大塊，牛香味都幾濃又唔會諧霎霎。配菜方面，手打丸都好出色，又有羽衣甘藍，油麥菜，娃娃菜，等等不同類型嘅蔬菜，滿足不同朋友嘅要求。服務方面，經理及另一位男同事都十分之好笑容，而且主動問及是否滿意食物質素，我哋坐到將近關門佢哋都唔會黑面。十分敬業樂業總括然而，一定會推介朋友以及再次光顧。…Read More

經常幫襯食米線，湯底係唔錯既。貪佢坐得叫做鬆動，價錢合理。見佢個餐牌影到碗蠔仔粥咁吸引就試下啦！完全圖文不符，簡直違反商品說明條例影就影到咁靚，出到嚟完全兩回事！ 首先，蠔仔粥已經冇乜味，要落咗多啲胡椒粉先至叫做有啲味，配料又少。重點係 啲蠔勁多砂！ 一路食一路吐啲沙出嚟，食食吓仲不停有大大塊蠔殼！！ 清洗得勁求其！如果係咁嘅，就不如做好你嘅米線算吧啦。要學人搞另一樣新嘢出嚟就唔該認真少少。冇叫你退錢或者換過 俾我已經好客氣（不過佢換第二碗都一樣係咁難食），同佢反映返第一次好似當聽唔到！！如果係真正老闆喺度就唔會咁嘅態度，有心好多。而家嗰個唔知係佢個仔定係親戚啦！之前有試過落錯單，之後有試過叫咗三個餸都扮傻冇送嘢飲，好唔老實。去到俾錢嘅時候再同佢講，先至哦 咗一聲。咁啱廚房阿姐喺度，就求其應咗一句：下次盡量洗乾淨啲啦真係冇下次…Read More

睇到某社交平台 foodie 介紹，諗住happy Friday 食餐好，冇諗過會咁失望🥲。。。入到去收銀位哥哥有禮貌招呼。任我地選咩位都得。第一印象唔錯。但一坐落去張椅立立地，我起身個下直頭痴住條褲慢慢咁先可以扯返開，勁驚整爛條褲可能咁啱我黑仔坐正張污糟既椅。諗住有美食搭夠就算。點左蟲草花膠雞湯米線，$68唔會期望有靚花膠所以唔講呢樣，但湯底得個咸，完全唔似雞湯。雞件好鞋口得雞槌位較滑。唯一係米線發揮。第二道上碟既係 燒波羅&風琴豆腐，呢個真真真經典，個風琴豆腐係凍凍凍凍架！WTx?! 佢應該係燒完放左好耐求其淋返啲汁同粉就上枱俾客又乾又凍，真心o咀 好啦個菠蘿上枱唔差，但原來只燒左一邊，另一邊有燒過咁，我自己買罐頭波蘿都冇咁嬲😵‍💫 真心可唔可以燒爐位位師傅可唔可以專業少少？平價野就求求其？！點解咁講？因為之後上既牛舌芯，白鱔，雞軟骨一定要燒熟既野係好正常發揮的。唔知係咪因為呢啲野食一定要全熟先上得枱冇得偷懶定點最後一提，剛才收銀位哥哥真係要再用心少少，我落米線，佢唔夠5秒行返收銀問我係咪要飯，牛舌心要一串佢落兩串，另一串就放俾返佢放返落肚😅明明要走辣就幫我落左小辣🤨好彩佢唔係落錯大辣啫😅仲有，啲筷子拎出黎油笠笠，摸完隻手掌係令架😢我要續支續支咁抹..講真，我都好想支持黃店，但黃店都要有進步先可以繼續生存，可唔可以有誠意啲等有多啲返頭客呢？…Read More

朋友食過午餐放題嘩表示質素唔錯，所以今日聖誕前夕聚會，便選了這家餐廳。入到去見到一排大嘅雪櫃放晒不同類別嘅飲品，仲有梅酒可以任飲，整體環境光猛舒適又乾淨。我哋揀咗c餐豪華套餐，主要多咗中拖羅刺身、中拖羅壽司、牛仔骨。首先，總體上菜速度算快及齊，只係中途可能有批熟食要煮和炸，時間等得長左少少。全晚都沒有漏單嘅情況出現。刺身解凍程度不錯，不會冰冰硬硬，頗新鮮，睇相既顏色已經可以睇得出中拖羅嘅質素真係值得一讚，全晚沒有食到一嚿有筋嘅拖羅赤蝦大大隻，帶子厚肉，池魚幾鮮火炙壽司總體都不錯，如果飯粒多少少醋香味更好。海膽會另外附送一片片的紫菜俾你夾住海膽食海膽沒有臭味，說不上頂級鮮甜，但是以放題級數來說算非常好其他熟食都平均。第一轉牛舌太乾，第二轉回復應有水盡。鰻魚大大條好厚肉炸物及天婦羅正常發輝，特別欣賞嘅係主動有附上天婦羅汁。唯獨是芝士年糕一般。雪糕有Movenpick雲呢拿及咖啡味，每人可以選一杯。總體來講，呢間放題店質素中上性價比高，以上評論是以放題級數去比較。絕對會回頭食希望餐廳繼續保持水準。絕對好食過我上一間食評所寫的那一間1000倍…Read More

當日去到餐廳嘅時候發生咗一啲小插曲，我哋位個抽氣煙囪係壞嘅，由於我見到後邊有幾張吉位，所以希望店員可以幫我安排掉位。店員叫來一位男經理，呢位男經理一嚟就話呢個煙囪其實冇乜作用，覺得唔需要調位，我就覺得好好奇，我環觀身邊全部咁多枱，個個都用緊嗰煙囪，如果正如嗰位男經理講冇用嘅話，現場一定會非常大煙。同埋作為一位經理咁樣去踩自己公司嘅硬件都幾奇怪，目的就係唔想麻煩唔想幫我地換枱。嗰位男經理好堅持唔幫我哋換枱，又講唔出其他原因，我亦唔希望太大陣味同埋太大煙，堅持要求佢幫我調枱。點知啲位男經理態度突然在惡劣，拋低一句：咁你而家行得未ya? 態度極其差！但我想補充嘅係其他侍應生同店員態度都非常好，唯獨係呢一位男經理態度惡劣！講返嘢食方面，我哋叫最貴嘅餐，加埋一，人均 五百幾。集中食A5和牛，質素尚算OK。但老實講，我寧願用呢個價錢去食牛角，質素會更加好，因為有好多時候上碟嘅肉未完全解凍，而且有部份都會有根，牛味唔係特別香濃。如果呢個價錢包埋刺身，理應係OK嘅，只可惜刺身非常唔新鮮，上枱嘅時候未解好凍，食落好似食緊舊冰咁。而且生蝦同帶子都好腥。壽司郎啲壽司都好食過佢多多聲:(炸物方面，粉漿好好，特別係炸鮮奶。炸榴槤ok。呢度嘅上菜速度都算快，冇咩漏單情況。總括來講，性價比非常低，坊間有更加多好食嘅放題同燒肉店。一定唔會再幫襯。題外話，好難相信一個負評都冇，再睇返有啲食評格式模式咁接近就搵到啲端倪🫢明就明😌…Read More

本身唔熟荃灣，求其搵左呢間，入到去已經覺得環境一般，又暗又好似污糟咁。。。坐低諗住叫最貴個餐應該差極有個譜掛！！點知真係令我再次開眼界，原來劣食真係可以咁劣！！刺身冇味，三文魚俾最貴都冇腩位又唔香冇魚油，都算 帶子同蝦有幾隻都臭臭地！！食到想講粗口！！食開出面有質素既所謂和牛都唔會咁癈咁柴！完全直接放棄！攪到我浪費食物！但真心唔想虐待自己個胃:(:(個牛丸勁大陣雪藏味，我friend 咬左一淡即lur返出黎近年都真心好少仲有咁難食既放題！！兆萬劣食塔都好過呢間野😖😖當自己黑仔！$350食d咁既劣質食物。全晚最好係炸雞亦，炸榴槤波波，樽裝茶P. S. 平時相機食先既我居然一張相都影唔落，因為已有晒心情…Read More

餐廳是包含了泰菜，越南菜，中菜嘅特色。 朋友就算唔係最鍾意食泰菜都可以有其他選擇，呢樣係幾好👍侍應哥哥強烈推薦店舖的*特色北越牛肉酸鍋*又很用心教我地要點樣食湯底香濃帶點酸味非常開胃作為第一道菜絕對適合。生牛肉很新鮮，五分熟擺落口滑溜香口絕對想再encore! 推廣期內可免費添湯底。香煎墨魚扒，如果可以切厚一點和增加一點蝦膠彈牙質感就更好了。招牌蛋花咖哩軟殼蟹配薄餅， 咖哩汁炒得香口亦夠味，薯仔亦有炸過，只係略嫌軟殼蟹本身太鹹了，鹹到最好幾件都吃不下了。。。。呢度居然有酸菜魚食！我地問左侍應叔叔，決定試他推薦的Heis水煮魚。 因為本身唔太食得辣 ，已經叫了小辣， 估唔到個麻辣依然咁強烈，麻香味十分濃厚， 麻薯粉十分煙韌好吃 ，同行朋友大讚配上白飯食一流 題外話：因本人食辣十分之差勁，食左兩片而且 辣到紅曬標眼水 另一位侍應哥哥很貼心，拿了一大碗熱水給我過水，又給了我一杯冰凍烏龍茶解辣最後點了一個芒果糯米飯為整餐晚餐劃上完美嘅句號。 糯米飯略嫌黏性過強， 如果可以配上多一點汁更好。飲品方面，龍眼冰挺推薦，一大杯裏面有十幾粒龍眼肉總括嚟講，食物質素不俗。 牛肉酸鍋最有驚喜食得辣嘅朋友仔絕對可以一試 酸菜魚/水煮魚。值得一提的係這裡的所有侍應都很有禮貌下次黎再試下其他野食…Read More

看過某位youtuber介紹這餐廳的影片，覺得十分吸引。於是趁著朋友生日來這餐廳跟她慶祝。以$348 的Semi-buffet, 仲要有良心地不限時，任你坐足3小時，已經夠吸引。十多款前菜整整齊齊排列，色彩繽紛很吸引即叫即做的pizza都是可以任食的！前菜實在太多款，全部都新鮮好味，忍唔住食左兩大盤，已經夠有d飽主菜每人可選一款， 本來想點燒春雞，因為見到隔離枱食緊，非常之香又吸引，可惜已經賣曬唯有下次再試！我地點左卡邦尼意粉和Rib-eye steak(另加$78), 好彩都冇失望Carbonara 幾彈牙，最突出係用左兩款唔同煙肉一齊煮， 其中一款鹹香肉炸得香脆非常好味Rib-eye steak煎得剛好5成熟，保留左粉紅色的肉質，外層煎得有點蕉香呢價錢無expect 到居然有呢個質數伴碟既炸著波係童年回憶，好耐無係餐廳食過了同朋友食得好開心到甜品環節都一樣咁出息Tiramisu好有酒香，texture 做得好好朋友話檸檬蛋糕都好好味呢間餐廳我食完已經推薦俾好多朋友仔，絕對性格比夠晒高，質素好，坐得舒服，服務員有禮貌:)P. S. 盛智文先生當日都係席上客…Read More

好朋友生日，當然要搵間好食既餐廳同佢慶祝。知道佢想食呢間餐廳，排晒唔同日期既waiting list可能疫情嚴重左，有客人取消訂枱，我前前後後改左4次booking 時間，但接電話的哥哥都非常好禮貌黎到當然要食最貴價既$599放題，包括拖羅，海膽，三文魚子都任食, 絕對超值。侍應姐姐哥哥都非常有禮貌，先奉上熱茶， 再問我地壽司要唔要放wasabi係入面，之後會先上8件精選壽司： 大拖羅，中拖羅，鰻魚， 三文魚，海膽軍艦，三文魚子軍艦，深海池魚，醋鯖魚。全部都非常新鮮， 壽司飯唔會大大嚿，分量適中，刺身剛剛好包住整個飯，機器永遠取代唔到手握壽司的質感， 醋飯的酸甜度剛好，軟硬溫度全部很合適 食完已經立刻再encore 第二轉睇相應該都完全睇得出刺身有光澤，想像到質素有幾好食到呢度已經飽左9成但記得留肚食埋個芝士蛋糕做一個美滿總結總括黎講，一定會再幫襯，坐得舒服，服務態度好，食物有質素…Read More

LCX嗰排餐廳都係佔盡地理優勢，有個無敵大海景。***香港真係好靚***餐廳以白色為主，很光猛，每張枱嘅有足夠空間，坐得很舒服。用餐時間為90分鐘。海鮮煎餅 - 中下水平餅底好硬，上枱時廚房沒有將餅底切到底！ 我地自己拎刀切都要花點力氣才切到。海鮮很少，煎餅底粉團偏多，不夠鬆軟。食過最差嘅韓式煎餅蜂蜜炸雞 - 正常發揮外皮偏厚，內裡都有鎖住肉汁，但唔係食過最好食既炸雞。反而個蜂蜜蒜蓉醬提升咗炸雞嘅味道， 如果冇咗呢個醬，個炸雞仔只值65分，加左醬可以有80分。烤雞沙律 - 一般烤雞很乾，唔好食:(失望。沙律菜份量頗多，沙律菜新鮮，加了麻油都幾香，平衡返食太多肉既油膩感。龍眼茶 - 推薦清甜解渴，賣相討好，打卡一流榛子咖啡 - 推薦咖啡泡沫上有餐廳招牌公仔，很可愛打卡一流，味道很好，有很香的榛子味，甜度適中，$48呢個價錢ok。埋單$605，有海港城coupon減左$200。如果正價我覺得質素一般，有好多韓式餐廳更好吃，Outdark 就係其中一間。…Read More

朋友介紹四方俾我試，佢用*放題既價錢，散叫既質素* 去形容呢間火鍋小店。朋友又分享左食物圖片俾我，所以我都抱住幾高既期望去試。結果當然沒有失望！題外話， 我提前了三星期預約，但中途更改了三次時間🙈我自己都覺得很不好意思了！但老闆娘態度仍然很好，叫我不用擔心不用不好意思。這點非常之 impressive。我們預約較早，六點半便到。當時一枱客人都沒有。小店面積不大，放了六至七張檯。 但檯面尺寸算闊落，可以放到不少食物。火鍋爐是由一小一大的四方型組成的。可以同時有兩個湯底。老闆很熱情招待，又推薦了一些特色的食物。小食分量很大碟， 金皮蛋，夫妻肺片和拍青瓜都醃得很入味，又麻又辣後勁強勁！！十分推薦，但可以叫老闆俾少d份量，以免浪費！第一次食放題有黑栢葉！平時散叫一碟都70至80蚊！老闆教我地淥20，30秒就可以食，很爽口，正雪花肥牛一上枱即刻嘩一聲，份量大大碟，色澤鮮嫩。 雪花紋路均稱，肥瘦適中。海鮮類 - 新鮮！！睇相都應該睇到出吧！仲有我最愛既鱔片和脆肉鯇魚腩，encore 左3碟手打丸 -推薦牛丸？不推薦牛舌-個人偏好細塊薄切。老闆太豪，切得太大塊牛胸爽- 第一次食，份量又係大大碟！出去散叫應該唔平，可惜個人不太喜歡個口感，試下就算喇😄總括黎講，$29x可以有咁既質素絕對值得更多人幫襯👍👍依家有埋地鐵站就更方便啦…Read More

經常在網絡上看到有人介紹香香公主這間餐廳 ，看到裝修特色 ，擺盤餐具等等都很有中國古典風格，所以今天約了朋友們一起來試試。我們被安排坐到坤寧宮的卡位， 但是有一邊被牆身的柱頂住，變相會坐得很迫 。桌子空間都不算大，香港始終土地有限。剛坐下來職員就會捧上四碟前菜和九格工的調味料。我們點了卜卜蜆的湯底，火鍋爐貫徹了中國宮廷的風格。湯底上枱時冒出了白煙，很有格調，是打卡的不二之選！ 湯底味道很足夠,帶一點點糊椒的辣味，卜卜蜆數量很多，應該超過一斤，而且吃了十多隻都沒有沙子，這點很重要！還有大部分蜆都是能夠打開的，只有幾隻是不夠新鮮沒有開口。本地手切牛肉上臺時大家都哇哇聲因為牛肉看起來色澤鮮嫩，擺盤器皿都是很精緻。牛舌亦是另一推介的食物，切得很薄，淥一淥就可以食，爽口唔會韌。但是接下來的食物水準，沒有對得起它的價錢。鳳尾鮮蝦雲吞 - 看到是推介的所以點了一份，可惜絕對失望，雲吞皮很厚！ 餡料只是放了一隻蝦和豬肉一起。 感覺有點奇怪，蝦肉不算鮮味，沒有很特別。:(桂花/珊瑚雙拼 - 份量偏小，但是都要138元，珊瑚切得太細 淥完之後比手指尾還短，食得唔夠過癮手打蟹子墨魚丸 -唔知點解淥完出嚟，食既時候有陣燶燶哋嘅味道。但是價錢不便宜又不想浪費所以勉強吃下即炸黃金響鈴-響鈴的外層包裹了鹹蛋黃，但是 鹹蛋黃的香味不足夠而且響鈴不夠鬆化。紫菜腐皮卷極度不推介！！ 整體又厚又硬又大舊唯一好處係可以幫你填到好飽肚竹蔗茅根 - 份量少，只夠裝到滿5杯的份量左右。但味道都清甜。自家製薏米水-飲水好過！！！！無味！嘥錢！如果以人均$480蚊一位的價錢。其實我們點的餸菜不算很多。 而且這個價錢性價比絕對是低 。。。。我用五百蚊可以在外面的火鍋店吃到更好的質素和更多款式了。。。。…Read More

餐廳風格裝修有特色，牆上全是塗鴉，畫了不同圖案。貼上很有紀念價值的報章，同路人，食都食得舒服d。靠近門口窗邊位風景更加遠望到綠油油既球場。餐牌既設計都符合番玩味嘅風格。賭城炸物大拼盤炸物炸得十分香脆，唔會厚粉，唔會炸得太耐，唔會淋油雞翼醃 得十分入味，好想encore 再食蒜頭辣蕃茄蝦意粉意粉煙韌度適中， 雖然係雪藏蝦，但係十分彈牙，唔會有雪味，而且有成六七隻蝦， 份量十分足夠。 蒜香味適中，餐廳故意用上新鮮蕃茄， 沒有用鮮茄醬 ，成個配搭好適合。每個材料都發揮到佢個味道，很平均。夏天食好開胃，一流飲品都有玩味，睇得飲得又可以打卡總括而言，坐得舒服，地點方便，價錢適中，冷氣夠涼，會再幫襯…Read More