宅急弁当

Open Now

Now Closed

呢間小店應該最近先新開張，今日喺附近返工經過就試吓。店員都幾有禮貌，又有笑容唔會黑口黑面呢間舖主打日式便當外賣，今次就試咗鰻魚便當，鰻魚表面應該有燒一燒，因為食得出有焦香味都算幾有心機。佢哋嘅珍珠米都唔錯。便當入邊有款南瓜 酸酸甜甜幾開胃不過店員好似話前菜有時都會轉下唔同款新開張好似有餸麵豉湯，味道ok, 有海帶絲，豆腐，白蘿蔔。起碼唔係剩係得啲湯水。另外再買多咗六粒章魚小丸子，即場食左兩粒，外皮幾脆，好食。雖然拎到返公司有少少淋左，下次應該唔好冚到個蓋咁實。呢個價錢有咁多嘢食都幾開心 下次喺呢邊返工會再過黎幫襯。